غرام ... بعد ماعرفت نفسي حامل صار عندي شعور اول مره احسه مختلف وصح اني دارسه واعرف بهاي شغلات بس شي غريب اكو شي بداخلك ديكبر يعني سبحان الله احساس غريب
اسد من عرف بيه حامل هو بس يوصيني ديري بالج سوي هيج لا سوين هيج اهتمامه زاد ومرات احسه ديخنكني واطنكر عليه ويرد يصالحني
بس شكد جنت احب اشم ريحه اسد جتي ايام اني ماطيقه ريحته الي اني اعشقها صارت تلعب نفسي اكثر من مره ينتبه عليه ويسئلني بس اني ماكله لان اعرف يجوز من وره الحمل وماريد اضوجه بس
بيوم جنت كاعده اقره عندي امتحان وجنت فاتحه شعري ولابسه ثوب قصير ربع ردن ومندمجه بالقرايه
طب للغرفه سلم واجه كعد يمي كلي
اسد... صالج شكد تقرين مكملتي
غرام ... لا والله بعدني
اسد... اساعدج وهو يتقرب من غرام
غرام ... ابتسمت ابتسامه متصنعه لان عطره خله نفسي تلعب
تقرب عليه وظل يرفع بخصلات شعري تقرب طبع على رقبتي بوسه هادئه
دار وجهي علي وظل صافن بوجهي ويلعب بخدي
اسد... احبج
غرام ... اموت عليك
اسد... اريدج
غرام ... تقربت عليه بسته من خده كتله عندي امتحان وبعدني ممكمله
اسد... اخذي استراحه
غرام ... ظل يباع عليه ويمشي ايده على وجهي وينزل على رقبتي وعلى فتحه الصدر تقرب عليه وظل يبوسني بوسات هادئه بكل وجهي بس اني شنو لعبانه نفسي وبودي ادفعه بس بنفس الوقت اريده حرب نفسيه
اسد... شبيج
غرام ... مابيه
اسد... ليش كل ماريد اتقرب عليج احسج مشنجه ومراغبه لهذا الشي
غرام ... تنهدت كتله اسد بعد لتخلي من هذا العطر ريحته مدري شونها
اسد... هذا نفسه العطر مالتي ممغير انتي مو تحبيه
غرام ... لا بعد لتخليه مطيب
اسد... ماشي
شفته كام اخذ منشفته وطلع عرفته راح يسبح اني رجعت اقره تعبت كلت اكعد الفجر اكمل شلت الملازم ومددت هو دخل لاف المنشفه على خصره
بدل واجه يمي شال راسي وخل ه ايده وقربني لحظنو
اسد... ترى اعرف البيج ماكو داعي ظمين عليه من اكو شي ديضوجج كوليلي
غرام ... والله مداعرف شبيه اكو شغلات احبه كمت ماحبها اسد من تتقرب مني صاير اضوج وو سكتت مردت اكمل
اسد... احجي ليش سكتي
غرام ... ماريد بس بعد لتخلي عطر حتى ابقى قريبه عليك
اسد... ماشي نشوف تاليتها ابن الكلب من هسه فرقنا من يجي شون
غرام ... لا لتحجي عليه فديته يسوي الي يريده حبيب ماما
اسد... اروح فدوه لماما
غرام ... نمنا واني كعدت صبح من الفجر كملت قرايه وراها بدلت وهو بين مكعد غسل وبدل وصلني للكليه دخلت خابرت صديقتي كالت اني بالسنتر رحت اتمشى عليها شفتها سلمت وكعدت ظلينا نسولف
جان يفوت فراس وياه وحده اني بالبدايه مانتبهت بس ساره كالت باعي فراس ويه وحده
عاف الاماكن كلها الا مقابيل المسطبه الكاعدين عليه كعد
ساره ... يمكن يريد يغورج
غرام ... اوي اني لعبانه نفسي اوووف حاره اليوم
ساره ... شبيج
غرام ... مابيه بس هالايام دصير عندي حاله احتر وجسمي بس يحكني عبالك بيه جرب ههههههه
ساره .... ههههه لج يجوزمن وره الحمل
غرام ... ماعرف .. نداريت شفت فراس يباع عليه والبنيه دتحجي بس هو احسه مو وياها صافن بوجهي
اني ضجت من نظراته كتلها ساره كومي روح بغير مكان نكعد
كمنا تمشينا وراها صعدنا محاظرات وامتحان وكملنا ونزلت داتمشى شفت واحد يصيح غرام غرام لتافيت شفت فراس جاي عليه
بكلبي كلت شبي هذا لزكه
أنت تقرأ
حب جنوني
Romansقصه شاب شجاع يهب حياته كلها لابنت عمه التي يعتبرها ملكآ له منذ الصغر ولكن هي كانت ترتجف منه خوفا بسبب عصبيته وقوته ولهذا اصبح هذا الخوف حاجز بينها وبينه هل يستطيع ان يكسب قلبها ؟ هل ستعرف هي كم يعشقها ويهواها ؟ القصه باللهجه العاميه قصه جميله وم...
