حب ابن العم ❤️

البارت السابع

هلوووووووو 😘😘😘😘😘😘
اسفه اتاخرت بالتنزيل علمود عندي امتحانات راح احاول انشر بارت كل يومين

ايه،أول ما اجوي بيت عمي جنت فرحانه هواي سلمت على الكل بس فهد ظل يباوع عليه حسيته راح ياكلني من كثر ما باوع بس هو حلو وحجي يونس تمنيت اظل كاعده وياه دائما بعدين انتبهت على نفسي وكمت رحت للمطبخ بعد اشويه اجه هو بحجة يشرب ماي ظل واكف يمي بعدين اجه ابن عمتي علي ظل يحجي وياي ويضحك اني اعتبره نفس اخويه اباوع على فهد وجهه صار احمر من العصبيه حاول يطلع علي من المطبخ كاله،علي عمي يصيحك. علي،ما سمعت ماشي راح اروح عليه راح علي فهد ظل عينه عليه يباوعلي بحده ويخز بيه اني خفت منه بعدين صبينه الاكل واني كعدته كدامه    
بس أرفع راسي الكي هو يباوع عليه ويخزر بيه خلصت اكل بسرعه وكمت رحت للمطبخ وهو اجه ورايه

فهد،أول ما وصلت للبيت عمي واستقبلنه عمي اجتي سلمت عليه وحده تجنن قصده ايه ظليت صافن عليه وين ما تتحرك اباوع عليه حركاته كانه طفله
شفته راحت للمطبخ رحت وراها بحجة اشرب ماي بس الصراحه ما اريد اعوفه بعدين اجه علي وظليت تضحك وياها عصبت هواي ما ادري ليش بس حسيت هي شي اللي وبس ما اريد احد يحجي وياها اريد اضمه بكلبي طلعت حجه وخليت علي يطلع من المطبخ ظليت اباوعله واخزر بيه وطلعت من المطبخ بعدين صبوا الكل وكعدنه ناكل وهي صارت كعدته مقابيلي كلما ترفع رأسه اخزرها وترجع تنزل رأسه بعدين هي كامت راحت على المطبخ رحت وراها سمعته ادردم عليه كالتلها بتصنع العصبيه هاي عليمن ادردمين
ايه😳،هاااا ما جنت ادردم
فهد،ها عبالي
ايه بصوت شبه مسموع،مغرور
فهد سمعته ضحكت وطلعت من المطبخ رحت كعدته يم الشباب

ايه من طلع فهد حطيته ايدي على كلبي يدك بسرعه
هديت اشويه سويت جاي واجني البنات كملنه تنظيف رحنه كعدنه يم الشباب أول ما حجه فهد كلبي رجع يدك ظليت صافنه عليه يجنن بعدين سلمى ضربتني على أيدي انتبهت على نفسي بعدين ظلينه نضحك ونسوف
مرت الايام واني بديت احبه بس دائما أحسه يراقبني بعيونه وين ما اروح بعدين اجه عرس ابن خالتي

فهد، مرت الايام واني اتعلقت ب ايه هواي دائما اظل اباوع عليه أحسه هي هماتين اتحبني اجه عرس ابن خالته بابا وماما وعمي ومرت عمي راحوا قبلنه وظلينه نحن الشباب والبنات نزلت جانت طالعه تجنن صح لابسه عبايه بس شعره طالع وحاطه مكياج بعدين كلنالهم يلبسون شالات بعد نقاشات لبسن شالات ورحت اني وصلتهم ظليت طول الطريق صافن عليه بعدين وصلنه نزلوا كل البنات نزلت هي بالاخير كالتله، ايه لا تحجين ويه اي ولد ولاتطلعين لحد ما نخابر عليكم
ايه😳،اوك باي
نزلت ايه اني رحت يم الشباب وضليت افكر بيه شلون طالعه حلوه اتمنى ما اطلعه ولا اخلي احد يشوفه

ايه،بعد ما خلصت تبديل لبست العبايه ونزلت ويه البنات لكينه الشباب يتظرونه شفت فهد شلون طالع صاك ظليت اباوع عليه التقت عيونه شفت بعيونه نظرات العجاب بس بعدين اتحولت إلى عصبيه علمود حاطين مكياج كالوا البسوا شالات ظلينه نتعارك بعدين رحنه لبسنه شالات ركبنه السياره اجه فهد ساق ظل طول الطريق يباوع عليه كل ما أرفع عيني الكاه يباوع عليه وصلنه لبيت خالتي نزلت اخير وحده من حجه فهد وياي وشلون يحسر انه احد راح يشوفني ما حبيت عناده لان صدك حبيته
الحفله جانت حلوه رقصنه وتونسنه بعدين اجتي ماما كالت راح انروح لبسنه العبي والشالات وطلعنه جانوا واكفين ولد خالتي وخوالي نور ظلت تحجي وياهم ابن خالي عينه زايغه ظل يباوع عليه خفت لاحد يشوفه وتصير مشكله ظليت منزله راسي بعدين رفعت راسي ادور على فهد شفته يباوع على ابن خالي وعيونه صارت حمر من العصبيه باوع عليه وخزري نزلت راسي بسرعه ورحنه ركبنه بالسياره
وصلنه البيت الولد راحوا يفترون ونحن البنات ضلينه سهرانين راحت نور ورجعت وراء فتره وجهه احمر ما حبينه نسأله ظلينه سهرانين بعدين نمنه كعدته نص الليل اريد اشرب ماي ماكو بالغرفه نزلت اريد اروح على المطبخ (جنت لابسه ملابس نوم دشداشه قصير لحد الركبه ونص ردن ضيقه على جسمي) نزلت دخلت المطبخ رحت على الثلاجه طلعت الماي انتبهت على خيال ورايه ردت اعيط بس هو بسرعه حط يده على حلكي بعدين همس يم اذني هذا اني لا تخافين......

فهد،من شفت ابن خالها شلون يباوع عليه وهي منزله رأسها أول ما اجتي عيني بعينه خزرتله نزلت عينه بسرعه وصلتهم البيت جنه تعبانين بس ما كدرت انام ظليت افكر ب ايه واذكر تصرفاته بس أحسه تحبني نفس ما احبه ما ادري شلون راح اروح واعوفه هنا اكيد راح تزعل بس راح اكله ل بابا انه انظل بغداد حسيت اكو صوت بالبيت رحت اشوف نزلت ادرج اشوف خيال يمشي بالمطبخ دخلت المطبخ شفت ملاك كدامي جانت واكفه يم الثلاجه 
رادت تعيط بسرعه حطيت ايدي على حلكه وهمست الها

هذا اني........... 🤩
 ايه😶😶😶