-هله والله بشيخ علي نورت بيتك
-هلا بأحلا نجود بالكون واحلا مره اليوم متلكيتني بالف يا هلا خير
-ليش هيج تحجي شنو قصدك
-ماقصدي شي يا عيني بس مامتعود عليج هيج
-لعد تعود منا وهيج
-هههههههههههههههه يا الله
-اكول شيخ عمتي تريدك
-أي وين هيه
-بغرفته هيه سمعت صوتك وكالت خلي يمرني
-أي جاي هسه روحي انتي وإني جاي وراج بس خلي أسلم على ابوي
اني الشيخ علي ابن الشيخ فيصل عمري 32 سنه رائد بالجيش موكلش ابيض يعني حنطاوي عيوني رصاصي كبار ورموش هههههه دائما يكلولي لوعيونك عند بنيه جان صارت عليه مذابح طول بعرض وجسم رياضي وبعد عسكري اكيد هذا ضايف جمالية لجسمي وشخصيتي اني من جهه شيخ ابن شيخ أحنه شيوخ ابنا عن جد ومن جهه ضابط بالجيش يعني شخصيتي قياديه وعصبي وكلش اطباعي صعبه اني أبويه جبير إخوته جدي عنده (ولدتلاثه وبنات ثنين) أبويه الجبير وراه عمي فهد الله يرحمه وعمي سعد هذا ازغر واحد بيهم بعمرنه بعده مامزوج وهو طبيب وعماتي اثنين مزوجات ولد عمهن وابويه مزوج بت عمه الي هيه حجيه نوريه امي وابويه عنده (تلث ولد وبنيه) (اني الجبير ورأيه حيدر هذا مهندس ويشتغل بالشركة مال العائله وأحمد وراه هذا بعده طالب اداره واقتصاد وآخر شي زينب هاي كلش تختلف عنه متحب المدرسه بالسادس مدخلت وزراي وعافت الدراسه ) وعمي فهد لا هذا حب وحده من بنات الفلاح مال جدي وسوه الي سواه حتى يزوجه طبعا أمي وعماتي حيل عادن مرته وابد ماحبنه كونهن بنات شيوخ وهيه بت فلاح المهم عمي فهد جان رجال والنعم منه جان ايد ابوي اليمين ابوي يعتمد عليه بالزغيره والجبيره وجنت اني دائمنا ويه عمي وحيل أحبه مخلف غير توم بنات ثنين (حور وزهراء ) توفه بحادث سياره هو ومرته طبعا مرته الكل يشهد اله بجماله وحسن أخلاقه وحبه الخرافي العمي حتى بالموت راحو سوى وتركو وراهم التوم الاثنين خامس ابتدائي اذكرهن جانن يشبهن أمهن وعمي هواي طبعا هنه عايشات ويانه بالبيت بس اني من دخلت كليه صار تواجدي قليل بالبيت واذا اجي اكضيه بالديوان والمضيف أذكر زهراء آخر مره شفته جانت اول متوسط بعد ماشفته كالو تروح يم خواله اني مالي حق امنعه أو اسوي شي يخصه بوجود ابوي ومادام هو راضي يعني ماكو غلط بالموضوع اما حور هاي كتله الهدوء واللطافه والجمال بنيه مرتبه ومعدله الله يستر عليه شلون بينه جنه ورد ذهب ومصفه قبل سنتين امي كالت لازم ازوجك وافرح بيك الصراحه اني مجان اكو أحد بالي ومن كالت اخطبلك نجود بت خالك ماحجيت شي البنيه حلوه وخوش بنيه بت خالي وزين اعرف تربات أهلنا المهم صارت القسمه وزوجت صح هيه مو مثل المره الي جانت بالي بس رضيت بواقعي وسكتت مادام مامقصره وياي بشي بس صار سنتين وماعدنه اطفال واحنه مابقه دكتور مارحناله وآخر شي تبين انو نجود عقيم ومتكدر تخلف ومنا بلشت امي وسوالفه وماعرف شلي برأسه تريد بت آخوها الكل بالكل وبنفس الوقت تريد حفيد إلى أن أجه اليوم الي كلب البيت كلاب
أنت تقرأ
عشقت الشيخ علي
Romanceهيه التمرد والجنون والكبرياء كله وهو حبها الأول هو الذي لا يقهر ذا النفوذ والكلمه وهي جنون أصابه
