مساء الخيررر
عفيه والله اكو بنات تعليقاتهم ع كل فقره احسهم صدوگ مركزين بالقصه
تفاعلوو بيهه شويه والله قصه حلوه
شويه شويه حتنشدون الهه
.....&&&&&&&&&&&&&&
حنوشه/ جتي سيارة ثانيه ونزلت منه حجيه بس متخربطه ودذب من راسه خطيه ركضت عليه
لان اني هاي الحاله تصير بيه من اسافر بالسيارة وطريق طويل صفرة
... اخذت بطل ماي بارد من حجي كاظم ابو المحل الي يمنا وغسلت وجهه وخطيه ذاهت روحه وصحت علي عبوسي ابن عادل ابو العرك
يروح للبيت ويجيب حبوب السفرة مالاتي من اختي نورة
..وجوي علينا الولد من شافوا الحجيه متخربطه يمكن تصير امهم واحد راح عالسيارة ونزل كرسي مال مقعديين
واشوفه نزل ولد تقريبا بعمري بس خطيه مشلول وهو شاله وكعدة عالكرسي
... الشباب اخترعوا علي امهم... هايوم سلامتج هاي كل مرة تصير بيج هاي الدوخه..
.. حنوشه... لايظل بالكم خويه اني هسه انطيه حبايه وترتاح عليه اني هيج همات بيه سفرة ومن اروح للزيارة ويا اهلي اترس حضن زواع... خررب لعبت نفسي
... جاب عبوسي الحبايه وانطيته للحجيه
الحجيه/ يحفظج لشبابج يمه
حنوشه/ لاحجيه صدك جذب اني شمسويه احنا جوارين وهذا حق الجار عالجار... خاله اني حنوشه بت ام هناء جيرانكم هيانه بيتنا..
. الحجيه/ والنعم منج يوم... يمه حيدر اخذ كرار للبيت خطيه تعب من الطريق
... حنوشه/ غير حيدر شايل جمال الكون كله عيونه دحج عليه وتشكر مني وكرار اخوهم المشلول وعرفت تفاصيل حياتهم من الحجيه اخذته لبيتنا ترتاح علي ماينزلون غراض بيتهم ويرتبونه الولد حيدر الجبير
... وعباس الوسطاني ..ومصطفى عالراس عباس والمشلول الزغير كرار
..هو يحجي وكل شي مابيه بس رجليه مايكدر يمشي عليهن سبحان الله عالجمالهم يخبلون.
.. الحجيه ارتاحت بيتنا وتعرفت عالاخواتي واني رحت للسوك جبت دجاجات ٢ ونظفتهن وخظرة وفواكه فشله
جوارينا لازم نسويلهم العشى ذبيت المسواك يم اخواتي ورحت اساعد الشباب ارتب وياهم البيت.
.. اني ترى نيتي صافيه واهلي يدرون بيه بس طول وسمن يعني ماعندي سوالف منا منا هاي طيبتنا وي جيرانه وظليت اشتغل وياهم
رتبت المطبخ والهول فرشته وياهم والاستقبال رتبت تخم القنفات هما دكوا البردات وعلكوهن
وغسلت الطرمه وترست خزان المي هما شباب درة مال الله تردون الصدك حسيتهم مثل اخواني ابد ماشالوا عينهم عليه وكل حجيايه والثانيه يكلولي خويه
