مساء الخير
طبعا واني اقرا اكتب القصه خربت ضحك انوب اهلي يمي
گوه لازمه حلگي من الضحك
انتو اضحكو عادي 😌بس اريد تعليقاتكم الحلوه تره هم اضحكني
وانتو عيني الي بس تصوتون
هم علقو فديتكم اني وحنوشه 🙊
روايه حنوشه واخواتهه
للكاتبه شيفون عبد الحميد الياسري
🎀🎀🎀🎀🎀🎀🎀
ابو ميثا/ فدوة لايدج باعي هذا عنوان الشقه مالتي تعالي باجر العصر واني ماراح اقصر وياج بالكراميه
حنوشه/ كبر طمك ياعار لك استحي اني بكد بنتك امداك اي والله
شايب وماكاعد راحه تغسل هالوجهه اسمم واسكت لا اركعك بالصينه وافلش راسك
..وعفته وطلعت فور دمي الكلب
حسام / اتعشينا وكملنا وطلعت اني وميثا بالحديقه نسولف ونسيت الفون
مالتي عالميز الطعام ورجعت اخذة وسمعت عرض ابو ميثا لحنوشه
... بس حنوشه صدته ورزلته كبرت بعيني هالبنيه رغم ظروفه التعبانه بس هي نظيفه وشريفه..
. حنوشه/ التهيت ويا امي عزلت المطبخ ولميت الباقي من العشى وخليته بجدريه امي عاطت ماقبلت
اخذة بس اني غلست عنها واخذته كله نظفت المطبخ بس اتاخرنا انا وامي صار ساعه 11 بالليل..
. وهاي العويه بعدة هي وابوة ..وبالكوة الامشوا .. ولبست عباتي وامي همات لبست عبايته وشلت الجدريه فوك راسي.
.. ام حنوشه/ ولج فشلتيني موا كتلج حطي الجدريه بعلاكه ليش فوك راسج
حنوشه/ جليله اسكتي الفشله بوجهي ماعليج انتي عود لاتمشين بصفي
نعمه الله ليش مانشيله عالروسنا موا عيب بعدني ادردم عالامي وسمعت حسام صاح علي امي
حسام / الوقت اتاخر ومنطقتهم بعيدة وصحت علي ام هناء حتي اوصلهم للبيت
ام هناء / لاخاله حسام انتعبك وانت وراك دوام اخذلي تكسي ونوصلنا للبيت
حسام/ لاعادي ماكوا تعب ولاشئ ورادت حنوشه تصعد بالسيارة وحاطه جدريه عالراسه وصعدت وطخت الجدريه بالسيارة .
.😡لج حنوشه غبيه عوفي الجدريه يم امج وانتي تعاي اكعدي بالصدر يمي .
. حنوشه / شسالفه انت واني تناكروني عالجدريه
شسويت انا ونزلت وكعدت بكرسي الصدر..
. انا نعسانه وتعبانه وجليله ماتسكت هي وحسام دك سوالف خررب غير تسكت تلفلفت بعباتي ودخت ونمت ومادريت بروحي الا علي امي
وحسام عاطوا بيه امي اكعدي حنوشه كافي نوم...
حسام/ اكعدي حبابه انثولت من الشخير مالتج
