الحلقه الثامنه
#غرام اسياد الصعيد
وفجأه اشعل يوسف الاضواء لتنظر نادين خلفها وتتنهد
يوسف بابتسامه' مش جولتلك بيت الرعب
نظرت جنان بتأمل الي جدران القصر لتلاحظ صوره طفل صغير يحضن امه وهو يبتسم لتقترب من الصوره وتحملها
جنان باستغراب: ليه حطين الصورة الحلوة دي هنا
حسن بنبره حزن: شفتيها حلوة اذاي والعيل بيضحك وهو مبسوط
جنان بابتسامه: ابتسامته جميله اوي عامل ذي الملاك
حسن بهدوء:_ده يبجا ادم
عقدت حاجبها باستغراب
جنان بذهول: بقا الملاك ده هو ابليس ده
حسن بنبره حزن: ايوه الي حصل غير كل حياته وجلب شخصيته هو مش كده
جنان : وايه الي حصل عشان يبقا كده
حسن : لم كان عنده ٩سنين ولدي نعيم مات الي هو ابوه وامه سبته هو واخته واتجوزت ومفكرتش تسأل عنهم حته كل الي في عجله انه خانته هو واخته لم اتجوزت وسابتهم ادم كان متعلج بامه جوي بس لم اتخلت عنه جلب بجا بيكره الستات وكل صنف الحريم
جنان باستغراب: وليه بيكره الحريم حسن: بيجول عنهم خاينين انه كانت بتحب جوزها فمات اتجوزت غيره عالطول بسهوله كإنه كانت مستنيه موته
جنان بسخريه: ما هي الرجاله العن بيتجوزوا تاني وتالت طيب حتي الست لو الراجل طلع مش بيخلف بتفضل جمبه بس لو العكس بيطلقها ويشوف غيرها
نادين ' طيب هو عشان كده يدمر لاختي حياته
جنان بهدوء: حضرتك عايز ايه
حسن : تربيه ترجعي ادم ذي ما كان
جنان بنبره ساخره : ايه ارجع ادم دنا عايزه اقتله
حسن بخبث: ما انتي هتخدي حجك منه وتردي كرمتك
جنان باستغراب: اذاي
وفي المستشفي خرجت الطبيبه لتسرع امال اليه
امال بنبره خوف وقلق: امي كويسه
الطبيبه : عايزه اسألك سؤال
امال بقلق ' اتفضلي
الطبيبه : هي كانت بتشتكي من الم في بطنها قبل كده او من سنين
امال : ايوه من حوالي سنتين ومش راضيه تحلل بتجول املاح وتأخد الفوار ومسكنات
الطبيبه فرح : امم عشان اكده
امال بقلق' عشان ايه
فرح : امك الكليه عندها مدمره ولازم تعمل عمليه زرع باسرع وجت ممكن
وضعت يدها علي فمها بعد ما سمعت لتنزل دموعها
امال ببكاء: طيب خدي كليتي اني بسرعه
فهد بصوت اجش: اهدي يا امال جولي الي عندك يا دكتورة
فرح : لازم تعمل العمليه باسرع وجت وكمان لازم نلاجي متبرع ونعمل التحاليل في اسرع وجت
امال بنبره مبحوحه: اني جدامك اهو
فرح : تعالي معايا هعملك التحاليل واشوف اذا كنتي هتنفعي ولا لا
فهد بنبره حاده : انا الي هعمل التحاليل هي له
امال بصوت مبحوح : خليك في حالك انته دي امي اني
تنهد مالك بقوه
مالك بنبره حاده: خلاص انتوا الاتنين مش وجت الخناج احنا هنعمل التحاليل ونشوف
وفي قصر العائله
كانت رفان في الحديقه تقطف الازهار وهي تبتسم لتسمع صوت رهف خلفها
رهف بابتسامه: جفشتك
رفان بضحكه: هو اني بسرج
رهف بنبره هادئه : له بس بتسرجي وردتي
رفان بضحكه : بحب الورده دي ومتنسيش اني زرعتها معاكي
رهف : مممم تعالي نجعد شويه ونتحدت
رفان : طيب
تفرد رهف الحصيره وتجلس الفتاتان معا
رهف بفضول: جوليلي بجا جرارتي ايه
رفان بساذجه: في ايه
رهف بخبث: يعني نسيتي اسر وحسام
رمقتها بتكشيره رفان: ايوه نسيت
رهف بضحكه: ولم جدك يسألك هتجوليله نسيت
زفرت بغيظ وهدرتها بحده
رفان : له بس اني مش عايزه
رهف برمقه استغراب: مش عايزه مين
رفان بتنهيده: اسر مش عايزها بس هو مهددني ولو رفضت اسر هتحصل مشاكل بينه وبين مالك
رهف بهدوء: بس ده مستجبلك
رفان بتنهيده ' واسر حطني جدام الامر الواجع واني مش عايزهم يفترجوا وبحب عيلتي كلهم سوا
رهف : يعني هتفضلي اسيرته طوال حياتك
رفان بخبث: طبعا له اه هوافج عليه واتجوزه بس هندمه واخليه يندم علي الي عمله فيا
رهف باستغراب: هو مسلسل دا جواز مش لعبه وانتي اصلا هتجدري علي اسر
رفان بنبره خبث: اه هجدرله ومش مسلسل ولا لعبه ان كان هو غرجني في طوفانه انا هغرجه بطوفاني
رهف بابتسامه : واثجه بنفسك اوي
رفان بابتسامه : جدا بس واثجه بربنا اكتر
