الفصل 2
قراءه ممتعه
عدا يوم ورا يوم
شهاب وعيلته راحوا عند هند عشان يشوفوها
وصلوا ودخلوا البيت.. بعد السلامات والترحيب
عتمان :ها يامغازي قولت ايه
مغازي :وانا اجهزهالك واوديها لحد هناك
فهمي :ربنا يعزك ده العشم بارضو
كل ده وشهاب قاعد هيفرقع.. مين دي الي هيتجوزها.. لا شافها ولا شافته
بقي كده يا اهلي الله يسامحكوا
مكنش يعرف انهم هيبقوا سبب سعادته بعد كده وايضا تعاسته... هنشوف
ثريا :امال عروستنا فين
والدة هند مني :جايه حالا وقامت تشوفها
بعد شويه دخلت هند وشهاب مرفعش عينيه يشوفها حتي
لانه مقرر انه مش هيشوفها خالص ولا حتي عينه تيجي ف عنيها
سلمت ع الكل.. امه حضنتها.. سلمت ع ابوه وجده الا هو قام من مكانه قالها اهلا وقعد تاني ومبصش ف عنيها
الكل استغرب معاملته ليها بس محطوش ف بالهم
طول القعده بتحاول تبصله يمكن عيونهم تتلاقي بس هو ابدا حديد وبعيد حالف ميبصلها
قراوا الفاتحه واتفقوا ان الجواز بعد اسبوع
بعد شويه روحوا
استغربت معاملته ده مكلمهاش ولا حتي بصلها ولا خد رقم تليفونها ولا اي حاجه كان بيخلص كل حاجه بسرعه
عدا الاسبوع
مكلمهاش ولا مره ولا زارهم ولا اي حاجه حست انه مغصوب زيها بالظبط فكبرت دماغها وقالت الي ربنا عايزه هيكون
جه يوم الفرح
اهل شهاب جهزوا وراحوا عند هند كتبوا الكتاب
مشي الاقارب واتبقي اهل شهاب وهند
شهاب مداهمش فرصه يقوللها تعالي واقعدي معاهم ماهو بقي جوزها... اتحجج باي حاجه عشان يمشوا
دخلت هند وسلمت عليهم وهو مسلمش بارضو
لا كده ف حاجه قالتها هند لنفسها
امه ميلت عليه :وبعدين معاك بصلها يابني.. كلمها قولها اي حاجه كده هياخدوا بالهم
شهاب :ماياخدوا وانل مالي انا عايز امشي بقي
امه :لسه شويه
شهاب :لا كده كفايه
قام من مكانه
شهاب :طب ياجماعه انا عندي شغل بكره ولازم امشي
عتمان :شهاب كله يتأجل ده يوم فرحك كده هتسيب عروستك
شهاب :معلش ماهي هتيجي معايا مجراش حاجه
التفت لامه :مش يلا بقي
امه بقت محرجه مش عارفه تعمل ايه ولا تقول لاهل هند ايه
اتحرجت وقامت وكلهم قاموا وخرجوا
بره كانت عربيتين
ركب شهاب مع جده وساقها ومشي
والتانيه فيها السواق وابوه وامه وهند
زعلت جدا من المعامله الوحشه دي... مش عارفه هو بيعمل معاها كده ليه.. كانت عايزه تسال امه بس خافت
ف عربيه جده
عتمان :مركبتش مع مراتك ليه
شهاب :هااا... لا عادي انا بس عندي شغل وهطلع ع الشركه ع طول
جده :انا عارف انك مغصوب بس صدقني بكره تشكرني ان جوزتهالك
شهاب :اااه ان شاء الله
ف عربيه والد شهاب
قاعده هند وعايزه تعيط بس ماسكه نفسها
حاول والد ووالدة شهاب التلطيف معها والكلام ف اي شئ لكن استحالع تنسي الي عمله والي الله اعلم لسه هيعمله
امه فكرت ف فكره وعملتها
اتصلت ع شهاب ومتكلمتش واتكلمت مع هند
عايزه تسمعه صوتها
ثريا :وانتي ياهند خريجه ايه
هند :ألسن
امه :اها.. ومعاكي كام لغه بقي
هند :انا عارفه انجليزي وفرنساوي والماني
امه :واو ده انتي ع كده ممكن تفيدي شهاب صح
هند :ف ايه
ابوه :ف شغله مككن تشتغلي معاه
هند :الله اعلم
شهاب سمع صوتها وكان عادي بالنسبه له ولا اتاثر ولا اعاره اي انتباه
كلم امه
شهاب :متعمليش الحركات دي تاني ممكن
امه :ايه ده انت ع الخط ازاي
شهاب :اها.. ماما لو سمحتي الحاجات دي مبتجبش نتيجه معايا
امه :مش عارفه بتتكلم عن ايه
شهاب :اوك تمام مش هينفع معايا ولا هي ولا حتي ايه فهماني
وقفل
امه هتموت من الغيظ طب تعمل ايه ماهي لازم تعرفها والا هتعمل مشاكل
وصلوا القصر
شهاب وصل جده وطلع ع الشركه بعد خناق مع جده انه يفضل عشان مراته
وصلت العربيه الي فيها هند
نزلوا وهند كانت خايفه مش عارفه ليه يمكن عشان بيت جديد عليها
دخلتها امه ورحبت بيها جدا هي ووالد شهاب وكان جوا جده كمان
قعدت معاهم شويه وامه اخدتها بعيد تتكلم معاها
ف غرفه ثريا
ثريا :بصي.. انا الي هقولهولك ده مش عارفه تاثيره عليكي ايه فاسمعيني للاخر
هند :تمام
ثريا :بصي يابنتي انا عارفه انك مستغربه معامله شهاب معاكي معلش اعذريه... انا هتكلم معاكي بصراحه
والي هقوله ده بينا محدش هيعرف عنه حاجه
انتي مغصوبه صح.. وهو كمان انا عارفه بس.. هنحاول نعالج الموضوع
هند :يعني هو كمان والله كنت حاسه
ثريا :هو وافق عشان الخلفه وبس
هند :يعني ايه
ثريا :اعتبريني زي امك ماشي
جده جده غصبه عشان يملا علينا البيت عيال
فوافق بس.... بشرط
هند :شرط... شرط ايه ده
ثريا :هو اتجوزك بس... مش هيعاملك كزوجه
هتعملوا..... عمليه حقن
هند :مصدومه.... للدرجه دي مش عجباه
بس هو مبصش عليا ولا شافني يبقي ازاي بقي اكيد ف حاجه
ثريا :انا عارفه انك مستغربه.. بس دي الحقيقه انا قولت اقولك بدل ماتتصدمي
الدكتور مسافر وهيجي الاسبوع الجاي ويعملك العمليه
هند ساكته ومصدومه من الي بتسمعه طب تعمل ايه توافق
وايه يعني ياهند مانتي عايزه تبقي ام وبس
لا بس ده ممكن ياخده مني صح
هند :طب لو خلفت هياخده مني
ثريا :لا متخافيش انتي امه وهتفضلي امه وتربيه وتخلفوا غيره
هند :هيعيش معايا من غير حب.. طب ازاي
ثريا :انا بقي عيزاكي تشغليه.. تبقي قدامه ع طول هو اول ماهيشوفك هيحبك.. انا عارفه بس هو محتاج شويه وقت
مش اكتر
هند :احب مين والا احبب مين فيا ده مش عايز حتي يشوفني يبقي هيحبني ازاي
انتو ازاي تعملوا كده فيا ليه مقاليش. ليه كده
يعني انا رضيت عشان الخلفه يقوم هو يقول كده
ثريا :ماهو بارضو هتخلفي بس مش فارقه الطريقه والا ايه
هند :هاا.. اه طبعا بس كان لازم تعرفوني ومين بقي الي عارف غيرنا
ثريا :مفيش..... قولتي ايه
هند......
خلصت الحلقه
توقعاتكوا ايه الي هيحصل
انتظروني
أنت تقرأ
حبك ف القلب ساكن الجزء الاول بقلمي هند محمد هنوده
Romanceهاي عليكم طبعا كلكوا عرفتوني انا هند محمد هنوده ده غلاف روايتي الجديده نوع اخر لم اتحدث عنه الروايه مفيهاش ابطال كتير لانها متمركزه ع البطله والبطله الاساسين بس واحداثهم المثيره الي هتحصل معاهم الفكره مش جديده اوي بس هي من وحي خيالي من فتره كبيره بس...
