حبك ف القلب ساكن الجزء الاول بقلمي هند محمد هنوده

الفصل 13

الفصل 13
وصلوا الشرقيه وطلعوا ع اوضهم

ف اوضه هند
بعد ماحاولت تنام... قامت استحمت ولبست ونزلت تحت
قعدت معاهم ف جوحب والفه وغنا ورقص
لحد ماجه العشا واتجمعوا كلهم ع السفره
كان قاعد كل العيله بتاعه اهل العريس

طول القعده واحد عمال يبص لهند باعجاب مع انه عارف انها مرات شهاب بس اهي غلاسه
هي حست بكده بس مرضيتش تبصله

بعد الاكل
الكل قام والرجاله لوحدهم والحريم لوحدهم
هند خرجت بره ترد ع التليفون لانه بيرن كتير ومكنتش عايزه ترد
وطلع شهاب
لحقها لبره لما شافها خارجه

هند :الو
شهاب :مبترديش عليا ليه
هند :مسمعتهوش
شهاب :اها... بجد ماشي... قفلتي ف وشي ليه
هند :معرفش
شهاب :ههههه براحتك
هند :والله.. انت متصل ليه
شهاب :بطمن
هند :لا اطمن بخير
شهاب :ماشي تمام مع السلامه

استغربت جدا من كلامه وطريقته معاها
هند :براحتك ياشهاب ماشي لما تيجي

التفتت لقته واقف وراها
هند :انت
مازن :ازيك
هند :نعم... عايز ايه

مازن :ها... ولا حاجه
وعمال يبص ع جسمها. لاحظت نظراته القذره

هند :لو سمحت ابعد كده
مازن :ليه بس كده مانتكلم شويه
هند :مفيش حاجه نتكلم فيها ممكن تبعد بقي
مازن :ايه شهاب لسه قدامه شويه.... اسليكي لحد مايجي؟
هند :ايه... انت مجنون لو مبعدتش  واتلميت هصوت وانادي عليهم وافضحك
بعدته بايديها ومشيت بس التفتت تاني
هند :عارف لو متلمتش وبعدت نظرات القذره دي عني مش هسكتلك

ودخلت جوا وهو فضل يبصلها بقذاره
مازن :ده الموضوع احلو اوي بقي القمر دي مرات شهاب
ههههه والله مانا سايبها

طلعت اوضتها تنام معرفتش حاسه بغربه فظيعه من غيره
غيرت هدومها وطلعت ع السرير. مسكت الفون بتاعها وطلعت صور شهاب
كانت صورته من غير ماياخد باله

بعد فتره لقت الفون بيرن.. لقته شهاب. ابتسمت جدا

هند :الو
شهاب :ازيك
هند :كويسه.. عامل ايه
شهاب :مش كويس
اتخضت ليكون جراله حاجه
هند بلهفه :مالك ف ايه
حس بلهفتها عليه فحب يدوس اكتر

شهاب :تعبان اوي
هند :من ايه
شهاب :وحشاني جدا
هند بتلقائيه :وانت كمان

شهاب :بجد... انتي متاكده من كده
هند :ايه.. ها... لا معرفش
شهاب :والله الي بيحصلي ده حرام يابنتي ارحميني شويه
هند :انت عايز ايه متصل ليه
شهاب :يعني غلطان اني بطمن عليكي
هند :لا.... بس انا....
شهاب :ها... ايه قولي

هند :انا عايزه انام ممكن
شهاب :بقي كده ماشي انتي الي بتبدائي اهو متجيش تزعلي بقي
هند :يعني ايه
شهاب :معرفش واسف اني كلمتك... سلام
قفل معاها وهي دموعها خانتها ونزلت

ليه عملتي كده معاه ده بيقولك وخشتيني تقوليله كده.. ده انتي قاسيه اوي ياهند حرام عليكي ارحميه شويه
فضلت تعيط لحد مانامت

تاني يوم.. صحيت استحمت لبست ونزلت تحا قعدت جنب ثريا بحزن

ثريا :مالك ع الصبح ف ايه
هند :شهاب كلمني انبارح وزعلنا تاني
ثريا :انتو مابترتاحوش خالص طب خدوا هدنه
هند بدموع مهدده بالنزول :ليه يعمل معايا كده
ثريا :طب اهدي كده واحكيلي

حكتلها الي حصل
ثريا :يعني والله انتي غريبه  بيقولك وحشتيني تقوليله كده
اعمل فيكي ايه اقتلك
هند بتمسح دموعها :مش عارفه انا فعلا غلطانه بس اعمل ايه
ثريا :متعمليش هو شاكله جاي انهارده لطفي الجو معاه
هند بلهفه :بجد جاي انهارده

ثريا :اها ماشي ياختي ربنا يهديكوا
هند بفرحه :اخيرا هشوفه
ثريا :هههههه ربنا يرحمنا من جنانكوا

انشغلت مع الناس ف الزينه والترتيبات. الفرح بكره وهيتعمل ف القصر بتاعهم
اتغدوا  وانشغلت تاني معاهم
جه المغرب

هند كانت واقفه مع ثريا وبتتكلم
شهاب وصل اول مادخل دور عليها ملقهاش
سلم ع الجميع وسال ابوه عليها قاله مع امه بره ف الجنينه

خرج بره لقاهم واقفين ومدينه ضهرهم
وقفه واحد من قرايبه
امه شافته فقالت لهند
ثريا :هند شهاب جه
التفتت حواليها ملقتهوش
هند :هو فين ده
ثريا :بعيد عند الشجره الي ورا خالص
بصت ناحيتها لقته واقف بوسامته بيكلم قريبه

ابتسمت بتلقائيه هو شافها فبادلها النظرات والابتسامات
ثريا :هتروحيله
هند :هو جاي اهو

قرب منهم بشوق ولهفه ليها
سلم ع امه وقرب منها
شهاب بابتسامه :وحشتيني
هند بنفس الابتسامه :انت كمان.. عامل ايه
ابتسامته زادت اكتر وبينت وسامته

شهاب :بقيت تمام اول ماشوفتك وشوفت ضحكتك
هند :بجد
شهاب :بجد
امه :طب يلا ياحبيبي تلاقيك جعان وتعبان من السفر
شهاب وهو ينظر لهند :اااه تعبان اوي
امه :هههههه

هند باستغراب :اها
امه :يلا ياهند ادخلوا وخدي اكل لجوزك فوق
هند :اوك يلا بينا

اتعلقت ف دراعه مما ذاد من حيرته هي ليه بتعمل كده
ساعات هاديه ومطيعه وساعات شعنونه مش عارف يعمل ايه معاها

دخلت المطبخ جابت اكل وطلعت وهو معاها فوق اوضتهم
شافهم مازن بقي بيغلي من جوا

مازن :كان لازم يجي دلوقتي ملحقتش اعمل حاجه بس ملحوقه

خلصت الحلقه
اعذروني ع قصر الحلقات ايدي تعباني
انتظروني