بين قدري ونصيبي

البارت الأول :
سلاله: يمه عجنت وكملت بس بقه اخبز والغده صار
فريال: اي بنيتي الله يساعدج
سلاله: يوم شبيج اشو وجهج اصفر ومبين تعبانه اخاف بيج شي احجيلي
فريال:  لا يمه بس شويه حركه بصدري
سلاله: سلامتج يمه محد مبقالي بلدنيا بس انتي الله يحفظج ويخليج اليه
فريال:ابنيتي لتنسين الله وياج لتحجين هيج
سلاله: مرحبا اني سلاله عمري 17سنه طويله بيضه عيوني كبار مربربه حلكي صغير خشمي صغير شعري طويل لان امي فريال متقبل اكصه اني من الجنوب من البصرى خلي ارجع قبل 12 سنه كان عمري بوقتها 5 سنوات كنت صغيره وماافهم شي طبعا ماما فريال مو امي بس هي الوحيده الي وكفت وياي وهي امي وكلشي بلنسبه الي اني امي متوفيه من كان عمري سنتين كنت توني امشي ابوي اتزوج ومرت ابوي كانت متحبني على الرغم اني كنت احبها فيوم من الأيام طلبت من ابوي يوديني للميتم ابوي سمع كلامها لان يحبها اخذ اغراضي صعدني بسيارته جابني للبصرى طبعا ابوي من بغداد تركني بلفاو شافتني ماما فريال وبابا محمد اخذوني عندهم وربوني بابا محمد توفى قبل سنتين بس ماما فريال وياي وحالتنه الماديه تعبانه وامي فريال كبيره بلعمر اني اخبز وابيع خبز للعالم وبفلوس الخبز اشتري علاج الأمي ومسواك
فريال:يمه سلاله الحكيني مدري شبيه صدري موتني حموتن توني كان مبيه شي
سلاله: يوم حبيبتي شبيج خلي اوديج للمستشفى
فريال :لا يوم هاي يمكن نهايتني حبيبتي سلاله دوري على هلج اخاف يصير بيه شي تره العمر بيد الله والدنيا دوراه اخافن عليج اني حليوه والعالم ماترحم بنيتي اني ماوصيج ديري بالج على نفسج
سلاله: يوم لا تحجين هيج عمرج طويل يوم يوم جاوبيني نمتي يوم شصارلج احجي وياي يوم اني مالي احد غيرج يوم انتي دنيتي وحياتي من بعدج وين انطي وجهي ولج يوم لا تخلين اتعلعل يوم محد ماالي من بعد يوم اهلي عافوني انتي ليش حتعوفيني يوم ابقي وياي يوم غيابج راح يكسر ظهري
ام شاكر: خيرج بنيتي صاير شي يمه فريال يمه شجاج ماتت يبوووو
سلاله: يوم ابوس ايدج لا تعوفيني انتي الأخذتيني من يوم اهلي عافوني ليش صرتي مثلهم وحتعوفيني يوم اموت من بعدج يوم لا تخليني ذليله
ام شاكر: ابنيتي البقيه بحياتج هذا قضاء وقدر مايصير تحجين هيج خابري على اخوانهه يجون ياخذونه
سلاله: ماتت امي فريال محد مبقالي بهاي الدنيا طبعا خوانهه الأمي فريال يوميه يجون للبيت يردون يبيعون البيت لان هذا البيت بي ورثه مو بيت امي فريال ونباع البيت لميت غراضي ولفيت الشال مثل النقاب وصرت امشي بلشارع مااعرف وين اروح نمت على الرصيف ماحاسه بروحي كعدت والعالم تروح وتجي ودحج كمت عدلت ثيابي اني مجمعه كم فلس اتذكرت من امي فريال رحت للكراج سمعت ابو الكوستر  يصيح النجف صعدت رحت الإمام علي .....