بين قدري ونصيبي

البارت الرابع:
سهيله: ايي بنيتي روحي
سلاله: طلعت من الغرفه شفت ماكو احد بلبيت يمكن جنان راحت طبيت للمطبخ شفت الماعين والهوسه والوصخ بديت بلمطبخ غسلت الماعين لملمت شفته بعده وصخ كلت خلي اعزل المطبخ عزلته ونظفت الكاونترات طلعت من المطبخ طبيت للأستقبال نظفته طلعت للكراج غسلته وكملت طبيت جوه كعدت بلمطبخ  خنكني النقاب كلت خلي انزعه ماطول ماكو احد فكيت شعري كلت خلي اكل جوعانه صبيت اكل كعدت اكل
محمد: جنت واكف يم الباب داحجي ويه جيراني شفت الخادمه الجديده دتغسل الكراج كلت ماازعجه خليها كملت طبت جوه بعدين فتت للبيت شفت ماكو احد رحت الغرفتي شفت ثريه نايمه بدلت ونزلت للمطبخ جوعان فتحت باب المطبخ شفت شعر طويل حيل طاخ الكاع هلكد ماطويل ولونه على صفار يجنن اول مره اشوف هيج شعر هي انتي منو وشدسوين كاعده بلمطبخ منو انتي
سلاله: كاعده اكل  سمعت صوت محمد جمدت والنقاب بعيد عليه انداريت انه  اسفه استاذ بعد ماعيده جعت كلت اكعد اكل بسرعه
محمد:  يبووو دارت وجها يمه الحلك مسقوله والخشم والعيون تجنن اول مره اشوف هيج خلقه عرفتها سلاله من كالت انه هاا ايي عادي
سلاله: لبست نقابي وحجابي وطلعت بسرعه رحت نمت بغرفه ماما سهيله يبووو هسه شلون هسه يكول الثريه والله تهجولني
محمد: صورتها ابد مراحت من بالي سبحان الخالق زين ليش ضامه هذا الجمال عمي حقها غير تخبل امده حظي عود اني عندي مره شعرها عبالك جلافه والخشم اكبر من حياتي هاي مره وهاي مره عمي  
هاي مرمره مو مره فدووه شلون الخجل بين على وجها
ثريه: هاي ويامن دتحجي استاذ محمد منو مرمره
محمد: حياتي عليج داكول الله يخليلي ثريتي اليوم شفت مره اجتني للصيدليه تلعب النفس حشى خلقه الله اجتي على بالي كعدت احمد ربي الله انطاني مره مثلج
ثريه: فدوه الكلبك حياتي بس لو امك تطلع من حياتنه احنه بألف خير
محمد: ياحبيبتي هسه خدامه وجابت شعليج بيها مادام هي مهتمه بيها
ثريه :الله يموتها ويخلصني هل عجوز الكوم
محمد: هي مابقالها شي وتودع يمعوده ثريتي مشتاقلج
ثريه: حياتي واني هم بس اجلها لان مريضه
محمد:  شسالفه كل مااكول مشتاقلج اتكوليلي مريضه
ثريه: ياحبيبي شبيك قابل داكذب عليك
محمد: اني حروح انام بغرفتي
ثريه :ايي حمودتي حبيبي اصعد واني لاحكتك
سهيله: بنيتي سله كومي محصوره وديني للحمام
سلاله: ايي يوم كمت ماما شنو رأيج اوديج انه للدكتور يفحصج
سهيله: حبيبتي الي تشوفي مناسب
سلاله: ماما هسه الساعه4 العصر خلي اغسلج ونروح
سهيله: ايي بنيتي
سلاله: لبست جبه الي انطتنياها ثريه وشال وبوشي وجواريب وجفوف لبست ماما سهيله وحطيتها على الكرسي
ثريه: هاا على خير وين موليه ست سهيله
سلاله: اوديها للدكتور
ثريه: تهي بهي انتي توديها
سلاله: ايي انه شكو بيها
ثريه: يلا ولي ومره الخ اذا رادتيني اعلمج الرد على اصوله يلا بسرعه (بعياط)
سلاله: خفت لمن صرخت عليه ثريه بسرعه خليت وطلعت وكفنه تكسي وصعدتها وصلنه العياده الدكتور وهاي الي لابسه حصر وهاي الي لابسه صلوخ وقصير عزه هذني مايستحن شنو هذا اللبس عزززه يمه مايخافن شنو هاي اجه سرانه وطبينه للدكتور
الدكتور:  سهيله عبد القادر
سلاله: نعم هي سهيله دكتور صار فوك ال7 اشهر مامراجعتك
الدكتور: اريد اتسويلي هاي التحاليل واشعه بأسرع وقت ياريت بعد يومين اتجيبها او باجر
سلاله: ان شاء الله دكتور مع السلامه
الدكتور: اهلا وسهلا
سهيله: يوم ساعه بيش
سلاله: الساعه 8صارت
سهيله: خلي نروح للمطعم نتعشه نتونس اشويه ونغير جو
سلاله :مااشي يوم طبينه للمطعم طلبنه كباب مشوي وعصاير دنرجع شفنه سيارة محمد
محمد: ها يوم وين جنتو على خير الوقت تأخر
سهيله: جنه يم الدكتور وتعشينه وهسه حنرجع
محمد: تعالوا صعدو بلسياره
سهيله: لا عيني اخاف تستنكف اتصعدني وياك اخاف ادمرلك سيارتك
محمد: يوم شنو هل حجي يلا خلي نروح
سلاله: ماما انه اصعدج
سهيله:  خليني ليوره
سلاله: ايي كعدتها ويايه ليوره اشوف محمد كل شويه يدحج من المرايه
سهيله :بنيتي حبيبتي عطشانه اريد ماي
سلاله: ايي ماما اني اشربج ماي
سهيله: اشكرج حبيبتي الله يربحج دنيا واخره بجاه الحبيب محمد
سلاله: حبيبتي انتي امي لتشكريني
محمد: شفت امي وسلاله شلون متوالمين وشلون تعاملهم حلو اتذكرت ثريه ومعملتها قرفت عبالك ضميري كام يأنبني اني ابنها واعمالها معامله سيئه وشوف الغريبه شلون دتقوم بواجبنه اني شلون هيج اعامل امي شلون اخلي مرتي تهينها مو هاي الي كبرتني