بين قدري ونصيبي

البارت الثالث:-
سلاله: وخرت النقاب اشو هاي انصدمت
ثريه: 😶😶شنو هاي لو يشوفها محمد غير بعد ميباوع عليه باعي النقاب مينزع نهائيا فهمتي لو لا
سلاله: اي حاظر مانزعه
ثريه:تعالي انطيج شويه دشاديش
سلاله:ايي
ثريه:هاج هاي دشاديش عمتي متريدهن من جانت بحيله
سلاله: ايي ( اووف صرت تالي وكت البس دشداشه مال عجوز المهم ينعم الله)اخذت الدشاديش خيطت المفتوك والمشكوك والعريض شويه كصفته
سهيله: يمه بنيتي سلاله
سلاله: نعم خاله محتاجه شي
سهيله: يوم فدوه الطولج اريد اروح للحمام اكضي حاجتي
سلاله: ايي خاله تدللين اخذت خاله سهيله فوتتها للحمام قضت حاجتها شفتها وصخه وبيها ريحه مو طيبه نزعتها ثيابها خاله هاي شنو الزراك الي بجسمج
سهيله: يمه بنيتي شحجيلج خليها سكته
سلاله:خاله اذا تعتبريني بنتج احجيلي
سهيله :يمه هاي بنتي كل ماروحلهم وهي موظفه ماكو احد يمي ماتحمل وحاجتي اتصير جوايه ومن تجي تضربني وتعاملني معامله قاسيه وتكمل مرة ابني ثريه وابني يتفرج عليها
سلاله: خاله منا وجاي انه بنتج لا تهتمين الله يعذبهم دنيا واخره مو ذوله ولد بطنج شلون هيج يعاملونج
سهيله: بنيتي تعرفين من جان ابوهم بلوجود عافلي هذا القصر وبيتين ابغداد وسيارتين والحمد لله امورنه ميسوره بعد متوفه انصدفت وصارت بيه جلطه بلبدايه عاملوني كولش زين اخذو الأملاك كام كلمن يشمرني على الثاني
سلاله: 😭😱يمه انه بنتج شتحتاجين اني يمج منا وغاد حتى اكلج انه اطبخه والخبز انه اخبزلج بس تنور ماعدكم
سهيله: الله شكد عاجبني خبز بيت هسه اوصي محمد يجيبلي وانطي فلوس
سلاله:🙂🙂يلا يمه حبيبتي كملنه سبح نعيما حبيبتي
سهيله: الله ينعم عليج بنيتي حبيبني اشو بنيتي وخري نقابج اريد اشوف وجهج الحلوه
سلاله: ايي وخرت النقاب
سهيله: اللهم صل على محمد وال محمد شنو هل جمال حقج لابسه نقاب
سلاله: صليتي على نبيج يمه حبيبتي 💋 مرت الأيام وراحت الأيام وانه صارلي اسبوعين اهنا كل شغل اليخص ماما سهيله انه اسوي طبخ وغسل واماعين كلهن عليه
ثريه :سهيله سهيله حتجي بنتج جنان
سهيله: ايي ادري
سلاله: يوم خلي اغسلج قبل ماتجي
سهيله:ايي بنيتي
سلاله:طببت ماما سهيله وسبحتها وبدلتلها ومشطتلها شعرها وظفرته وحطيتلها بوتره عاد انه طبيت وراها سبحت ولبست دشداشه
ثريه: هله بجنان تفضلي عيني البيت بيتج
جنان:طبعا البيت بيتي جان بيت ابويه وهسه بيت اخويه
ثريه: ههههههه واخوج زوجي وكلشي ملكه يعني ملكي
جنان: ههههههه منو كلج على المعلومه الغلط ها سهيله اشو نظيفه اليوم شعجب ثريه موثوثتج دخلي ابوسج مادام نظيفه
سهيله: ماريد بوستج ولا اريدج فهمتي
جنان: لج هو منو العايز عليج انتي الله يموتج ونخلق منج
سهيله:ولج اني امج ربيتج وكبرتج وتعبت عليج ووصلتج وزوجتج هاي جزاتي بارك الله بيج ياريت بطني يبست ولا جبت هيج خلفه لو ميتين ابطني احسنلج
جنان:اش اش كافي لغاوي اجيت اتونس مو اسمع محاضرات ويوجعني راسي
سلاله:طلعت من الحمام واسمع صوت بنتها شلون تحجي ويه امها انقهرت عليها حيل طبيت اخذتها يلا ماما وقت غداج علمود اشربج الدوه وافوتج للحمام وانومج يلا حبيبتي
جنان: هاي يمه منين فلبينيه جايبها
ثريه:لا منين شروكيه من البصرى امج جابتها اداريها
جنان: شكول شكول والله لامتلنه امي مادري منين اتجيبهم
سلاله:طبعا من حجت وكالت عني اشروكيه ردت اردها بس سكتت كلت اني مو بمقامهم خليهم شيحجون خلي يحجون يلا ماما حبيبتي كعدي خلي اوكلج سويتلج تمن احمر وشوربه عدس شويه مفيده الج
سهيله: عاشت ايدج يوم طبخ ايدج ولا ينشبع منه
سلاله:يوم شوكت اخر مره رحتي للدكتور
سهيله: والله قبل اكثر من 7 اشهر محد مياخذني
سلاله: وابنج جا ما يوديج للدكتور
سهيله: لا يوم ليش هو هم معتبرني امه يستنكف يطلع وياه
سلاله:  انتي تندلين جان اخذنه تكسي وانه اخذج باجر
سهيله: ايي بنيتي اندل ياريت اتوديني لان دوايه مديوالمني
سلاله: يلا حبيبتي خلي اغسلج غسلتها وشربتها الدوه وحطيتها بسريريها
سهيله: يمه الله يرضى عليج دنيا واخره ويفتحها بوجهج ان شاء الله
سلاله:اشكرج حبيبتي يلا ماما نامي اروح اغسل اماعين