7 ـ الشاعر حيدر غالي العايدي / واسط
* دارمي
زمزم نبع بشفاك و الشرب منه
حتى لو يطب للنار تنكتب جنه* ومضات
١ـ نوه شاعر يصلي وكال خل أنتوب
ترك قلمه و توضة وسلم النية
قره بركعاته كلهن دارمي وموال
ختم تالي صلاته أبيت أبوذية٢ـ حبيبي أبلا حسد ما ينوصف للناس
ترف شفاف كلش جنه فراشه
شوصف و السحر كله انطبع بالطول
على فراشه تمدد نوم أفراشه* ابوذية
أخذت متاع موتي مرتحلة
لان ريجي بغيابك مرتحلة
اظل اسال وادور مرتحلة
لمن ألكاك لو ألكه المنية* سلسلة ابوذية
جربه وترسني الوكت نص بالقهر نصبله
وحزني العليه شرط يبني الكلب نصبله
نص مسرحي مت الوهم عمرك شفت نصبله
مخرج و لا كامرة و لا كاتب وألفه
وكال انته دور ألبجي يرهم ألك وألفه
بقاعه وكراسي جمر ياهو الاجة وألفه
يشبع عليه ضحك وانه أنكلب نصبله
أنت تقرأ
إضاءات الشعر الكريم
No Ficciónهذا كتابي الثاني الذي يختص بالشعر الشعبي العراقي و الذي سيتطرق لذكر العديد من الشعراء هذه المرة و ابرز ما قدموه لساحة الشعرية و اقصد انه يتناول ابرز الابوذيات و الدارميات التي علقت في ذاكرة الشعرية ..