العصا مزالت في يدها حلت عينيها تحاول تستوعب الي ترا فيه هو آي هو لا لا تحلم 2 شهرين ما راتوش عينيه ، فمو،ريحتو ، نضرتو الي سحرتها تحب تشبع منو من وجهو من كلو
أي صحيح الي قدامها هارون ، بشحمو بلحمو غطسو الزوز في تنين بعضهم لكن النضرات ما طولتش لأنو مشهد الخيانة متاعو جات بين عينيها زربت دزتو و قامت ...تحبو أما متنجمش تنسى، توحشتو اما متنجمش تحضنو ، تحب تتخبى في حضنو أما كرهتو .مكرهتوش تكذب على روحها و تكذب في مشاعرها . غزرتلو بعين كلها حقد،كره،نقمة،وحش،عتاب و تعدات أما هو جبدها من يدها
-سبأ عيشك اسمعني...
ما خلتوش يتكلم طلعت صبعو يعني اسكت و مشات تجري و دموعها تجري ترمات على الفراش و بكات لين عينيها نشفو .
معاش انجم راسو يوجع جبد سيقارو شينحي وجيعة راسو تفكر كيفاش تنحيلو السيقارو من فمو و تقلو مادامني هنا بوسني أنا في عوض السيقارو كان يجري وراها على بوسة ما تخليهش ضحكتها تتعاود في راسو فادد طلع لبيتو ليلة كاملة و هو يتقلب ما جاهش النوم
الصباح فاقت فرحانة راقدة مع حبيبها و راجلها اسلام . مشات تجري لبست دوشت (لا بلعكس دوشت و لبست 😂😂😂 يزينا من النكد متاع هارون و سبأ) حلت فيروز حبيتك تنسيت النوم دندن وحدها و تشطح في الكوجينة ريقلت امورها و جات شدور شدتها يد من خصرها ريحتو في خشمها تبسمت على جنب
-صباح الخير لاحلى أم في الدنيا
و مس كرشها شدتلو يدو
-صباح الخير لاحلى أم في الدنيا
قعدو في نفس الرومنسيات الصباح الكل و بدلو و خرجو ... فاقت راسها رزين من البكا دوشت و بدلت و هبطت شتعارك حنين على جيبان هارون تلقاه في وجها نصو عريان يشرب في قهوتو و يتفرج على الشباك دارت شتطلع باش ما يفيقش
-سبأ بربي لحضة ما تمشيش خلينا نحكيو و نفهمك
كيف سمعت الكلمتين هاكم حست الدم طلعلها و تلفتتلو و بدأت تصيح عليه
-على شنو تحبنا نتفاهمو على شنو على بنت عمك الي نلقاها معاك في الفراش على خيانتك ليا على قلة ثيقتك فيا . موش قتلك الي صبرينتك اتحب عليك و راي ديما تهدد فيا ماتصدقنيش ما صدقتنيش حتى مرة اتصدق في الي عماتلك عينيك
تضرب فيه على صدرو و صوتها عمال و ازيد و هو ساكت الي قالتو الكل صحيح
-اهه شنو شتفهمني تكللللم أنا الغالطة الي وسعت بالي معاك امك امك الي حبتني توا تكرهني مش نورمال علاه شعمتلك تعمل معايا اكايا اهه على خاطرني حبيتك بلحق أي صحيح أنا غالطة . أما راو الي تكسر عمرو مايتصلح
-سبأ
-سبأ ماتت ، سبأ ما عاش موجودة برا ارجع لصبرينك
دارت شتطلع جبدها و صاح عليها
-يزي ما حكيت ما عمرك خليت شكون يتكلم معاك ديما اتحب روحك الضحية أي صحيح غلطت أما ماهياش غلطتي وحدي
-شنو ما سمعتكش أنا نحب روحي الضحية و ضحكت بسخرية علاش شنصخفك ما حاشتيش بيك و لا بمشاعرك راني كرهتك افهمها أخرج من حياتي راني تعذبت برشا
طلعت تجري أما المرة هذي ما بكاتش لأنها فرغت قلبها أما باقي مكسورة من داخل الي تجرح عمرو ما يرجع كيف ما كان
حط راسو بين ايديه دخلو اسلام و حنين شابكين اديهم بيعضهم فرحانيين يلقاو هارون هايم
-هارون شبيك شفما
-يا صاحبي أنا تعبت و حرت شباش نعمل تعبت من نفس المشكلة ما خلاتنيش حتى نحكي معاها
حنين سخفتو عللخر و حاسة أنو الي يحكي فيه صحيح و هو خاطيه و ما عمل شيء شوي قررت اتساعدو
من غدوة اسلام هز هارون احوس بيه و حنين طلعت سبأ للبيت
-سبسوب جيبلي الروج تاعك الروز من ساكك
بدأت اتفركس عليه
-ماهواش هنا
-زيد فركس
و هو في يد حنين ههههههه و اوووووووب اتسكر عليها الباب بالمفتاح
-يا سخطة هبلت
-سامحني يا صاحبتي أما الكلو في مصلحة مستقبلك ههههههه
ومشات تجري ...
بعد الصياح و ضرب الباب سبأ رقدت على الباب تسمع في المفتاح تحل بطرف و طراااااف اتجي مفروشة هههههه طلعت راسها تلقاها حنين قامت
-يا خرااا يا كلبة يا لي متحشمش يا دب ياااا...
ما خلاتهاش اتكمل سكرتلها فمها
-اووووسكت ملا خراا اسمع ايجا معايا لبيتي حاشتي عندك
-انا مزلت نمشي معاك ؟؟ لا شبيني هبلت
-ايجا و اسكت
كركرتها بالسيف لبستها روبة و اكا سبأ تكعرر و قدتلها شعرها طلعت اتهبل
-باهي ماكش شتقلي لواه هذا الكل
-تبعني و اسكت
مشات ورائها هبطو للصالة شوي الضو تقص و سبأ ولات تصيح
-حنيين حنين تي فينك ياخرااا
بعد لحظات رجع الضوء أما بشخص اخر شخص ياما حبتو و قد ما حبتو قد ما وجعها باقي تتعاد صورتو في مخها قدملها بالشوي ووشوش في وضنها
-محلاك
دزتو مهياش طايقتو
-علاش مصرة انك ما تسمعنيش
-نسيت شعملت
ما عادش منجم طاح على سقيه
-راني ضعت معاش منجم بعدت عليا برشا كل ما نحب نقربلك مرة أخرى أنت اتصدني . ما حولتش تعرف علاش و شنو صار . ما حاولتش تعرف الي الوقت الي ما كلمتكش فيه كنت متعذب فيه بين الورثة الي باش يفكها عمي و امي الي مرضت من الصدمة ما حاولتش تعرف أنو صابرين هي الي رقدت في فرشي لاني ما فقتش بيها و كنت سكران من شك
قربلها برشا و لسقها في الحيط و هي خايفا ترعش لأنو كان يصيح بكل صوتو وضرب الحيط بكل قوتو مكانش يغزرلها و كيف هبط راسو يلقاها تبكي اكثر حاجة يكرهها خاصة على حبيبتو ما فاقش كيف حملها و مسحلها الدموع الغش الكلو طار اتبخر كيف حس بيها بين ايديه على صدرو و من غير ما يفيق خرجت من فمو كلمات
-سامحني ، نحبك سبأ
طلعت راسها تغزرلو بعينين ذابلين
-سامحني ، حتى أنا نحبك
-و قداش تحبني
تبسمت و تكلمت بدلال
-برشا
بعدها يحب يشبع بيها و ما ركز على شفايفها الي يرعشو و غطسو في بوسة نساتهم الهم و الي عاشوه الكل يبوس و يعاود لين شفايفها قريب شيتفلقو دم . و بعد اك الليلة الحلوة فاقو سبأ و حنين يحضرو في فطور الصباح فطرو و لمو و نضفو كيف تعبو قعدو
-يييااااسبأايجري قاعد يتحرك (البيئي) ايجا مسو
جات تجري وراتلها البلاصةة حطت يدها على كرشها حست بحاجة غريبة حاجة حلوة حست بالحنان و كانو البيبي تاع حنين هو تاع سبأ فرحت برشا لدرجة عينيها دمعو زعما هو احساس الامومة هكا صحا ليها أما في نفس الوقت حست بالخوف مخلط بالقلق تبسمت لحنين و قامت أما حنين شدتلها يدها
-لحظة سبأ أقعد
استغربت سبأ
-اسمعني نحب انوصيك
-على شنو
-على بنتي و ألا ولدي رد بالك عليه أنت خالتو و امو وكل شيء حطو في عينيك عيش اختي
و هنا زادت سبأ تقلقت برشا من كلمها اشبيها تحكي هكا شفما
_____________________-_-_-
باااااااااي
أنت تقرأ
احببت حلم.... )كرونيك باللهجة التونسي(ة
Romanceاين يقع ذلك الغياب الذي ذهب اليه الجميع ......ذلك الغياب قد اخذ مني كل من احب فهل سياخذك معه ? قصة باللهجة التونسية
