روح 6 متاع الصباح راسو يوجع من الشراب (حشاكم) المشاكل مع سبأ ماشية و تزيد هو ماينجمض اصدقها على خاطرو ما را شيء من صابرين ....
يحل في الباب بسيف يرا في الدنيا فلو ، دخل لبيتو نحا دبسو الكل و رقد ... يرا في سبأ جايتو البسة شورط قصير علاخر و مريول خلعة يحل و يغمض في عينيه يحب يثبت أي هي سبأ قربتلو قعدت بحذاه و غطسو في البوس و التعنيق ....
قاعدة في الدار توة ال10 متاع الصباح متحيرة عليه أمو و اختو مشاو لعرس يقربولهم و باز راو ما يكلش بالقدا و اك اللفعة معاه اماهي لااا متغشة برشا عليه شباش تعمل
نعلت الشيطان و حضرت دبشها و مشات ... تنوقز في الباب حد ما حل جاب ربي أم مازن مورتلها بلاصت المفتاح حلت الباب تلقا الدار مضلمة قالت أكيد راو راقد مشات نضمت الدار و طيبت و طلعتلو . حلت الباب و يا ليتها ما حلت صاحت بأعلى صوتها قام مفجوع يرا فيها واقفة انها محلول و عينيها بالدموع و بجنبو صابرين راقدة المعري اكثر مل مغطي و هو نصو عريان حب يستوعب الي صار اما سبأ ما خلاتوش بدأت تضرب فيه و تصبح وبعد غزرتلو و عينيها كلها وجيعة و مشات حملتو صابرين من تالي
-شبيها اذيكا يا حبي
مازن تصدم يعني الي كانت اتقول فيه سبأ صحيح دزها صاح عليها و خرجها . حط راسو بين ايديه شباش يعمل تو غزر في المرايا راسو يوجع و عينيه حمرة رماها بدبوزة البارفان طابها طروف و بدأ اكسر و يقلل في البيت صاح بأعلى صوتو
سيأتي في دارها عينيها ظنفخين بالبكا تبكي على سعدها الدنيا خذاتلها امها و بوها و كملت قلبها قلبها الي علقتو بانسان اعتبرتو الدنيا الكل يخليها في نص الثنية مكسرة القلب و و حدها لا عندها حد تحكيلو تذكرت حنين كلمتها جاتها تجري
-سبأ يا صاحبتي اسم الله عليك ما تبكيش عيش اختي تبكيش
و صاص الي خافت منو حنين بدأت تبكي بالغصة و تجبد في النفس بالسيف و ترا في الدنيا فلو و طاحت دايخة حنين كيف شفتها اكاكا تفجعت و دخلت بعضها و كلمت اسلام و هزوها للسبيطار قالىهم الطبيب الي هي كانت تعيش في حالة ظغط لازمها ترتاح و شتقعد عندنا نهار كامل
اسلام كلم مازن جا سقيه أعلى من راسو يسأل فيه و عينيه طايشة
-ويني هي توا و شقال الطبيب
-هايكا في البيت و هي نفسيتها تاعبة ياخي شفما شصاير بيناتكم (ما فيبالوش بالحكاية)
ما زال ما جاوبوش يرا في حنين متغشة
-شتحب تفضل شمزال حاشتك بيها شمازال شتعمللها برا ما عاش تحب تراك
مخالاتوش يراها روح بسيف يكر في ساقيه ليلة كاملة يطلب في اسلام يسأل عليها .... صابرين فرحانة تو طيرت سبأ و مزاللها كان ما تنسيه فيها و تتربع هي في بلاصتها أما مايلزمهاش تتحرك تو .
قامت الصباح تحب تستوعب هي فين تذكرت شنو صار بدأت تبكي و حنين بجنبها تسكت فيها و وواسي فيها أما هي شيء حاسة كانو بلار يقطعلها في رواريها و عصابها للدموع نشفو و الجرح مازال يوجع
أنت تقرأ
احببت حلم.... )كرونيك باللهجة التونسي(ة
Romanceاين يقع ذلك الغياب الذي ذهب اليه الجميع ......ذلك الغياب قد اخذ مني كل من احب فهل سياخذك معه ? قصة باللهجة التونسية
