SOUTH BUS TERMINAL

ROME HEART

Alas tres sa kaadlawon ko nimata kay plano nakong muadto sa syudad sa Sugbo. Excited nako mamalit og mga bisti na akong ganahan. Dugay na kay ko ganahan magka- Penshoppe og Bench na karsones og mga de kolor na t-shirt. Ako pod pun-an og palit akong mga gipang-kolekta na libro. Adto ko sa Emall kay do-ol ra sa South Bus Terminal. Dili ra ba kaayo ko sweto niining dakbayan, may na lang naa nay do-ol na mall sa terminal.

Ako diay taga-Babayongan sa Dalaguete. 

5.5 kilometro ang gilay-on ani padulong sa Mantalongon. 

21.4 kilometro pod ang gilay-on kung molugsong gyud ka sa Poblacion sa Dalaguete.

Pahatod lang ko sa bana sa akong igsoon didto sa Poblacion para makasakay ra pod dayun ko og bus. Makasakay ra man ko sa Mantalongon padulong sa syudad pero gusto pod ko maka-eksperyens og sakay'g erkon na Ceres og naa kuno'y bag-o pod na bus na ginganlan kono og Sugbo Transit.

Dako kaayo ko'g pasalamat sa akong Papa kay gitagaan ko niya og igo na salapi. Gipakyaw intawon og palit ang gi-ani namong sibuyas sa among 2 hektaryang tanaman. 

Ako diay si Romulo Dibdib, 21 years old. Sa FB akong ngalan kay : Rome Heart , niso-on ra ko sa akong klasmet na gi-english ra pod niya iyang ngalan sa FB. Pwede ra pod ko ninyo i-add sa FB. I-search lng: https://www.facebook.com/rome.heart.90

Naka-eskwela diay ko'g college sa UV-Dalaguete. Pero ambot wala man ko ganahi. Wala nako mahuman ang 1st sem sa 1st year kay niundang ra dayun ko. Mas ganahan man ko mutabang og ba-ol sa akong ginikanan. Ilabina karon akong Mama magsakit na iyang batiis og wala na gyud siya patabanga sa akong Papa. So ako na gyud ang partner ni Papa. 

"Rome, naglain man ako lawas. Sakit akong tiyan. Sakay lang og habal-habal di ko ka hatod nimo. Sori." matud pa sa bana sa akong igsoon.

"Aw, sige lang Kuya. Ako lang pukawon akong isa ka barkada. Siya lang ako pa drive-bon sa imong motor." samtang nag-toothbrush ko.

"Naa man to siya motor. Iya lang gamita kay ang atong motor kagangkang na b'ya to." 

"Aw bitaw, bag-o ra ba to siya kapalit og motor. Ako lang hangyo-on. Klase man pod diay niya sa UV. Adto na lang ko niya angkas."

Pagkahuman nako'g toothbrush. Ako gi-re-check ang sulod sa bag na akong dalhon ilabina ang sulod sa akong pitaka. Sa pagpadulong nako og gawas sa balay akong giadto sila Papa og Mama nga tu-a sa kusina kay nagluto'g sekwate  og nag-mantika'g pinikas na bulad. 

"Pa! Ma! Adto nako!" akong gi-una og do-ol akong Mama og gigkos nako siya.

"Amping intawon didto, ayaw pailad!" tubag sa akong Mama samtang gihapohap ang akong ulo.

"Pa! Adto nako." gido-ol nako siya og gipatong ang akong mga kamot sa iyang abaga.

Igo ra nitando ang akong Papa og gi-pikpik ang akong abaga.

Nidretso ko'g adto sa atbang sa among balay kay ako adto-on akong barkada.

Tugnaw kaayo ang hangin kay mag-alas kwatro na sa buntag.

Ang ngalan sa akong klasmet na akong barkada kay si Ricardo Jabagat.
Sa Fb iyang ngalan kay : Ric Moonson.

"Ric! Ric!" nagsyagit ko daan maski layo pa ko sa ila.

Niabli ang bintana sa iyang kwarto og nidungaw siya.

Nihunong ko og niyangud.

"Rome? Sayo lagi ka! Asa ka?"

"Adto ko sa syudad. Nya di man ka drive akong Kuya. Angkas ko nimo. Klase bitaw!"

"Sige, may kay nisayo pod ka og ari kay musayo pod bya ko kay magpraktis mi sa among sayaw para sa presentation ig-pista sa Dalaguete."

Nitando ra ko na ni-smile og tan-aw kaniya.

Bag-o pa g'yud siya ligo og padulong pa mag-ilis. Gani wala pa niya mahuman og taod sa botenes sa iyang isol-ob na polo. Akong nakita na naa gyud siya'g 6 abs og bugdo kaayo iyang chest. Nisiliw sa hawak sa iyang karsones ang garter sa iyang brip na kolor light blue na sa akong tag-an Walker Brand kini. Hilig man gud siya sa gym og basketball player pod siya maong nindot gyud ang iyang dating. 

Timing gyud kaayo ko sa pag-adto nako sa ila kay nag-ready pod siya para molakaw.

Wala na lang ko nisulod sa ilaha kaysirado pa man ang ila pultahan.

Unya nikalit lang siya og guho sa kilid.
Iyang gipagawas ang iyang bag-ong motor.

"Rome, ali na, angkas na! Adto na ta!" sabay patid sa motor para mo-andar.

Dretso ko og angkas niya. 

 Akong natimaho-an na Head & Shoulder iyang shampoo og Axe iyang gamit na pahumot.

Wala ko'y tingog-tingog. 

Seryoso ra ko na nigunit sa iyang abaga.

Hinay-hinay pa niya og pa-andar ang motor pag-gawas namo sa ila apan sa dihang diha na kami sa kalsada.

Iya kining gibulhot og kalit sa pag-padalagan. 

Nakuratan ako og dretso pod dayun ko og halog kaniya.