ﻣﻌﻚ _ ﺧﻠﻘﺖ _ ﻣﻦ _ ﺟﺪﻱﺩ
ﺍﻟﺤﻠﻘﺔ ﺍﻻﻭﻟﻰ ........
ﺑﻄﻠﺖ ﺭﻭﺍﻳﺘﻲ ﺍﺳﻤﻬﺎ ﺑﺸﺮﻯ ﺑﻨﺖ ﻣﻮﻟﻴﺪ 91 ﻣﻦ ﻋﺎﺋﻠﺔ ﻣﺴﺘﻮﺍﻫﺎ ﺍﻟﻤﺎﺩﻱ ﻣﺘﻮﺳﻂ ﻋﻨﺪﻫﺎ ﺍﺧﺘﻴﻦ ﺍﻣﻴﺮﺓ ﻭﺍﻧﺠﻲ ﺍﻛﺒﺮ ﻣﻨﻬﺎ
ﺍﻣﻴﺮﺓ ﻣﻮﻟﻴﺪ 76 ﻣﺘﺰﻭﺟﺔ ﻭﻋﻨﺪﻫﺎ 4 ﺑﻨﺎﺕ ﻭ 4 ﺍﻭﻻﺩ ﺑﻨﺎﺗﻬﺎ ﺻﺪﻳﻘﺎﺕ ﺑﺸﺮﻯ ﻻﻧﻬﻢ ﻗﺮﻳﺒﺖ ﻣﻨﻬﺎ ﻓﻲ ﺍﻟﻌﻤﺮ ﺷﻮﻱ ﻣﺶ ﻭﺍﺟﺪ
ﺍﻧﺠﻲ ﻣﻮﻟﻴﺪ 87 ﻣﺘﺰﻭﺟﺔ ﻭﻋﻨﺪﻫﺎ 4 ﺍﻭﻻﺩ ﻭﺑﻨﺖ
ﺍﻡ ﺑﺸﺮﻯ ﻣﺼﺮﻳﺔ ﻭﺑﺎﺗﻬﺎ ﻟﻴﺒﻲ ﻋﻨﺪﻫﺎ 3 ﺧﻮﺕ ﺷﺒﺎﺏ
ﺍﻣﻴﺮ ﺍﻟﻜﺒﻴﺮ ﻣﻮﻟﻴﺪ 79
ﺍﺻﻴﻞ 83
ﻋﺒﺪﺍﻟﻠﻪ 88
ﻫﺬﻱ ﻧﺒﺬﻩ ﻣﺨﺘﺼﺮﺓ ﻋﻦ ﻋﺎﺋﻠﺘﻬﺎ ﻭﺑﺎﻗﻲ ﺍﻃﺮﺍﻑ ﺍﻟﻌﺎﺋﻠﺔ ﺡ ﻧﺘﻌﺮﻓﻮ ﻋﻠﻴﻬﺎ ﻓﻲ ﺑﺎﻗﻲ ﺍﻟﺤﻠﻘﺎﺕ ﺭﻭﺍﻳﺘﻨﺎ ﻣﻜﺴﺪ ﺑﻴﻦ ﺍﻟﺸﺮﻗﺎﻭﻱ ﻭﺍﻟﻐﺮﺑﺎﻭﻱ ﻧﺘﻤﻨﻰ ﺍﻥ ﺗﻨﺎﻝ ﺍﻋﺠﺎﺑﻜﻢ ﻓﻴﻬﺎ ﺷﻮﻱ ﺟﺮﺋﺔ ﺍﺗﻤﻨﻰ ﺗﻘﺒﻠﻮﻫﺎ ﻧﺴﻴﺖ ﺑﺸﺮﻯ ﻣﺘﺨﺮﺟﺔ ﻣﻦ ﻛﻠﻴﺔ ﺍﻟﻬﻨﺪﺳﺔ ﻭﺧﻮﺗﻬﺎ ﻣﺎ ﺑﻮﺵ ﻳﺸﻐﻠﻮﻫﺎ ﺑﻌﺪ ﺗﺨﺮﺟﺖ ﻻﻧﻬﻢ ﻭﺍﻋﺮﻳﻴﻴﻴﻴﻴﻦ ﺑﻜﻞ ﻭﺍﺏ ﺑﺸﺮﻯ ﻣﺘﻮﻓﻲ ﻣﻦ ﺍﻭﻝ ﻣﺎ ﺑﺪﺕ ﻓﻲ ﺍﻟﺠﺎﻣﻌﺔ
ﺍﻡ ﺑﺸﺮﻯ : ﻫﻴﺎ ﺑﺸﺔ ﺻﺒﻲ ﻭﻗﺖ ﻣﺎ ﻗﻠﺘﻲ ﻋﻨﺪﻙ ﻛﻮﺭﺱ ﺍﻟﻴﻮﻡ ﺻﺒﻲ ﻳﺎﺑﻨﻴﺘﻲ
ﺍﻧﺎ : ﺷﻮﻱ ﻳﺎﻣﺎﻣﺎ ﻣﺎﺯﺍﻝ ﻋﻨﺪﻱ ﻭﻗﺖ ﺧﻠﻨﻲ ﺭﺍﻗﺪﺓ
ﺍﻡ ﺑﺸﺮﻯ : ﻫﻴﺎ ﻳﺎﻣﻲ ﻣﺎﺯﺍﻝ ﺗﺒﻲ ﺗﻮﺗﻲ ﺭﻭﺣﻚ ﺳﻠﻢ ﺑﻨﺘﻲ ﺻﺒﻲ
ﺍﻧﺎ : ﻫﻴﺎ ﺻﺒﻴﺖ ﺻﺒﺎﺡ ﺍﻟﻮﺭﺩ ﻳﺎ ﺍﺣﻼ ﻣﺎﻣﺎ ﻓﻲ ﺍﻟﻜﻮﻥ ﻛﻠﻪ
ﺍﻡ ﺑﺸﺮﻯ : ﺻﺒﺎﺡ ﺍﻟﻮﺭﺩ ﻳﺎﻋﻴﻮﻥ ﻭﻗﻠﺐ ﻣﺎﻣﺎ ﺍﻳﺶ ﺍﻟﻜﺴﻞ ﻫﻀﻪ ﻛﻠﻪ ﻭﻻ ﺳﺎﻫﺮﻩ ﻋﻠﻰ ﺍﻟﻨﺖ ﺍﻣﺲ
ﺍﻧﺎ : ﻩ ﻧﺒﺪﻭ ﻋﺪ ﻓﻲ ﺍﻟﻤﻮﺷﺢ ﺍﻟﺼﺒﺎﺣﻲ ﻳﺎﻓﻮﻓﻮ
ﺍﻡ ﺑﺸﺮﻯ : ﻻ ﻻ ﻫﻴﺎ ﺻﺒﻲ ﻭﺗﻲ ﺭﻭﺣﻚ ﺑﻴﺶ ﺧﻮﻙ ﻭﻫﻮ ﻃﺎﻟﻊ ﻳﻮﺻﻠﻚ
ﺍﻧﺎ : ﺑﺎﻩ ﺻﺒﻴﺖ ﻋﺪﻳﺖ ﺍﻟﺤﻤﺎﻡ ( ﺣﺸﺎﻛﻢ ) ﻭﺑﻌﺪﻫﺎ ﺗﻮﺿﻴﺖ ﻭﺻﻠﻴﺖ ﻭﺩﺭﺕ ﻣﻴﻜﺐ ﺧﻔﻴﻒ ﻭﻟﺒﺴﺖ ﻭﺧﺬﻳﺖ ﻛﺘﺎﺑﺎﺗﻲ ﺍﻣﺘﺎﻉ ﺍﻟﻜﻮﺭﺱ ﻭﻛﺎﻥ ﺍﻟﺒﺎﺷﺎ ﻧﺰﻝ ﻣﻦ ﻋﻨﺪ ﺍﻟﺴﻨﻴﻮﺭﻳﻨﺎ ﻣﺮﺍﺗﻪ ﻃﻠﻌﻨﺎ ﻭﻃﻮﻝ ﺍﻟﻄﺮﻳﻖ ﻭﺍﻣﻴﺮ ﻳﺒﺤﺖ ﻓﻲ ﻭﻳﻔﺼﻔﺺ ﻓﻲ ﻭﺟﻲ ﺗﻔﺼﻔﻴﺺ ﻭﻧﺎ ﻗﻠﺒﻲ ﻗﺮﻳﺐ ﻳﻮﻗﻒ ﻣﻦ ﺍﻟﺨﻮﻑ ﻣﺎ ﺻﺪﻗﺖ ﺍﻧﻪ ﻭﺻﻠﻨﺎ ﻟﻠﺠﺎﻣﻌﺔ ﻧﺰﻟﺖ ﺻﺤﺒﺎﺗﻲ ﻛﺎﻧﻦ ﻳﺮﺍﺟﻦ ﻓﻲ ﻋﺪﻳﻨﺎ ﻟﻠﻘﺎﻋﺔ ﺟﺮﻱ ﻻﻧﻲ ﺩﻳﻤﺎ ﻣﺘﺄﺧﺮﺓ ﻭﺗﺠﻴﻬﻢ ﻓﻲ ﺍﻟﻬﺰﻳﺒﻪ ﺑﺴﺒﻴﺎ ﺣﻀﺮﻧﺎ ﺍﻟﻤﺤﺎﺿﺮﺓ ﻭﺑﻌﺪﻫﺎ ﻃﻠﻌﻨﺎ ﻧﺪﻭﺭﻭ ﻓﻲ ﺍﻟﻤﺒﻴﻴﻌﺎﺕ ﺷﻮﻱ ﻭﻛﻞ ﻭﺣﺪﻩ ﺭﻭﺣﺖ ﻓﻲ ﺣﺎﻓﻠﺔ ﻭﻧﺎ ﻃﺒﻌﺂ ﻧﻨﺰﻝ ﻗﺒﻞ ﺣﻮﺷﻨﺎ ﺑﺸﻮﻱ ﺑﻴﺶ ﻧﺘﻤﺸﻰ ﺍﺻﻠﻴﺘﻲ ﻏﺎﻟﻲ ﻋﻠﻰ ﺍﻟﻤﺸﻲ ﻭﺍﺟﺪ ﻗﺒﻞ ﻣﺎ ﻧﺮﻗﻰ ﻟﻠﺤﺎﻓﻠﺔ ﻛﺎﻥ ﻓﻲ ﻭﺍﺣﺪ ﻳﺮﺍﻗﺐ ﻓﻲ ﻣﺎ ﻧﺤﺴﺒﺶ ﻳﻘﻌﺪ ﻳﺮﺍﻗﺒﻨﻲ ﻋﻨﺪ ﻧﻨﺰﻝ ﻣﻦ ﺍﻟﺤﺎﻓﻠﺔ ﺑﺤﺘﺖ ﻟﻘﻴﺘﻪ ﻗﺪﺍﻣﻲ ﻭﻳﺒﺤﺖ ﻓﻲ ﻭﻳﺘﺒﺴﻢ ﻗﻠﺒﺖ ﻭﺟﻲ ﻭﺗﻤﻴﺖ ﻧﻤﺸﻲ ﻭﻫﻮ ﻳﻠﺤﻖ ﻓﻲ ﺑﺴﻴﺎﺭﺗﻪ ﺧﻔﺖ ﻭﺍﺣﺪ ﻣﻦ ﺧﻮﺗﻲ ﻳﺤﻘﺔ ﻭﺍﻟﻠﻪ ﺑﻌﺪﻫﺎ ﻣﺎ ﻓﻴﻬﺎ ﻻ ﻃﻠﻌﺔ ﻻ ﺧﺸﻪ ﻭﻗﻠﺒﻲ ﻗﺮﻳﺐ ﻳﻮﻗﻒ ﻣﻦ ﺍﻟﺨﻮﻑ ﻭﻧﺪﻋﻰ ﻳﻜﻮﻧﻮ ﺧﻮﺗﻲ ﻣﺶ ﻗﺎﻋﺪﻳﻦ ﺍﻟﻤﻬﻢ ﺭﻭﺣﺖ ﺑﺴﻼﻡ
ﺍﻡ ﺑﺸﺮﻯ : ﻛﻨﻚ ﺗﻘﻮﻝ ﻓﻲ ﻭﺍﺣﺪ ﻳﺠﺮﻱ ﻭﺭﺍﻙ ﻭﺟﻚ ﺍﺻﻔﺮ ﻫﻜﻲ ﻟﻴﺶ
ﺍﻧﺎ : ﺍﻩ ﻳﺎﻣﺎﻣﺎ ﻗﻠﺒﻲ ﺧﻼﺹ ﻗﺮﻳﺐ ﻳﻮﻗﻒ
ﺍﻡ ﺑﺸﺮﻯ : ﻛﻨﻚ ﻳﺎﺑﺖ ﺍﻟﺴﺘﺮ
ﺍﻧﺎ : ﻭﺍﺣﺪ ﻳﻠﺤﻖ ﻓﻲ ﻣﻦ ﺍﻟﺠﺎﻣﻌﺔ ﻟﻌﻨﺪ ﻫﻨﺎ ﺧﻔﺖ ﻭﺍﺣﺪ ﻣﻦ ﺧﻮﺗﻲ ﻳﺤﻘﺔ ﻭﺍﻟﻠﻪ ﻳﻘﺘﻠﻨﻲ
ﺍﻡ ﺑﺸﺮﻯ : ﻭﻳﻨﻪ
ﺍﻧﺎ : ﺑﻌﺪ ﺧﺸﻴﺖ ﺍﻟﺤﻮﺵ ﻋﺪﺍ
ﺍﻡ ﺑﺸﺮﻯ : ﺍﺳﻢ ﺍﻟﻠﻪ ﻋﻠﻴﻚ ﻳﺎﺑﻨﻴﺘﻲ ﻭﻛﻨﻚ ﻣﺎ ﺧﺸﻴﺘﻲ ﺷﻲ ﻣﺤﻞ ﻟﻌﻨﺪ ﻫﻮ ﻋﺪﺍ
ﺍﻧﺎ : ﻣﺨﻄﺮﺵ ﻋﻠﻲ ﻛﻨﺖ ﺧﺎﻳﻔﺔ ﻭﻧﻤﺸﻲ ﺑﺴﺮﻋﺔ
ﺍﻡ ﺑﺸﺮﻯ : ﺍﻟﺤﻤﺪﻟﻠﻪ ﺍﻧﻚ ﺑﺨﻴﺮ ﻫﻴﺎ ﻋﺪﻱ ﺑﺪﻟﻲ ﺩﺑﺸﻚ ﻭﺗﺮﻳﺤﻲ ﺷﻮﻱ ﻋﻠﻰ ﻣﺎ ﺍﻟﻐﺪﺍ ﻳﻮﺗﻰ
ﺍﻧﺎ : ﺣﺎﺿﺮ ﻭﻋﺪﻳﺖ ﻟﺪﺍﺭﻱ ﻭﺑﺪﻟﺖ ﺩﺑﺸﻲ ﻭﺗﻤﻴﺖ ﻧﻔﻜﺮ ﻓﻲ ﻣﻦ ﻫﻀﻪ ﺍﻟﻲ ﻳﻠﺤﻖ ﻓﻲ ﻭﺳﺮﺣﺖ ﺑﺨﻴﺎﻟﻲ ﻭﺑﻌﺪﻫﺎ ﻣﺎ ﺣﺴﻴﺖ ﺑﺮﻭﺣﻲ ﻏﻴﺮ ﻭﻣﺎﻣﺎ ﺗﻮﻋﻲ ﻓﻲ ﻟﻠﻐﺪﺍ
ﺍﻡ ﺑﺸﺮﻯ : ﻫﻴﺎ ﺻﺒﻲ ﻳﺎﺑﺖ ﺍﻟﻐﺪﺍ ﻭﺍﺗﻲ
ﺍﻧﺎ : ﻫﻴﺎ ﻫﻲ ﺻﺒﻴﺖ ﻃﻠﻌﺖ ﻭ ﻣﺮﺍﺕ ﺧﻮﻱ ﺍﻟﻤﺼﻮﻥ ﻛﺎﻧﺖ ﻗﺎﻋﺪﺓ ﻓﻲ ﺍﻟﻜﻮﺟﻴﻨﺔ ﺗﻮﺗﻲ ﻓﻲ ﺍﻟﺴﻔﺮﺓ ﻫﻼ ﻣﻮﻛﻪ
ﻣﻠﻚ : ﻫﻼ ﺻﺢ ﺍﻟﻨﻮﻡ
ﺍﻧﺎ : ﻧﺤﺲ ﺭﺍﺳﻲ ﻗﺮﻳﺐ ﺗﺘﻔﺠﺮ
ﻣﻠﻚ : ﻣﺶ ﻣﻨﻚ ﺗﻮﺍ ﻧﺎ ﻧﻌﺮﻑ ﺍﻟﻮﺍﺣﺪ ﻣﺎ ﻳﺼﺪﻕ ﻳﻜﻤﻞ ﻗﺮﺍﻳﺎ ﺑﻴﺶ ﻳﺘﺮﻳﺢ ﻭﺍﻧﺘﻲ ﺍﻻ ﺗﻌﺒﻲ ﺭﻭﺣﻚ ﺑﺎﻟﺰﺍﻳﺪ
ﺍﻧﺎ : ﺧﻴﺮ ﻣﺎﻟﻜﺴﺎﺩ ﻳﺎﺣﻨﻪ ﻭﺑﻤﺎ ﺍﻧﻬﻢ ﻣﺎ ﻳﺒﻮﺵ ﻳﺨﻠﻮﻧﻲ ﻧﺸﺘﻐﻞ ﻧﻘﺮﺍ ﺍﻳﺶ ﻭﺭﺍﻱ
ﻣﻠﻚ : ﺑﺎﻫﻲ ﻫﻴﺎ ﺧﻮﺫﻱ ﺍﻟﺴﻔﺮﺓ ﺑﻴﺶ ﻧﺎﻛﻠﻮ
ﺍﻧﺎ : ﻫﻴﺎ ﻃﻠﻌﻨﺎ ﻣﺎﻟﻜﻮﺟﻴﻨﺔ ﻭﺗﻐﺪﻳﻨﺎ ﻭﻃﺒﻌﺎً ﺍﻟﻘﻌﺪﺓ ﻣﺎ ﺗﺨﻠﺶ ﻣﻦ ﺍﻟﻨﻘﺎﺷﺎﺕ ﺍﻟﺤﺎﺩﺓ ﺑﻴﻨﻲ ﻭﺑﻴﻦ ﺧﻮﻱ ﻋﻠﻰ ﻗﻮﻟﺖ ﻣﺎﻣﺎ ( ﺟﻮﺯ ﺍﻟﺴﺖ ) ﻭﻛﻠﻤﺔ ﻣﻨﻲ ﻛﻠﻤﺔ ﻣﻨﻪ ﺻﺒﻴﺖ ﻭﺳﻴﺒﺘﻠﻪ ﻟﻮﻛﺎﻝ ﺑﻴﺶ ﻳﺘﻬﻨﻰ ﻫﻮ ﻣﺮﺍﺗﻪ ﺍﻟﻤﺼﻮﻥ ﺑﻌﺪﻫﺎ ﻋﺪﻳﺖ ﻟﻠﻜﻮﺟﻴﻨﺔ ﻏﺴﻠﺖ ﺍﻟﻌﻮﺍﻳﺰ ﻭﺿﻤﻴﺖ ﺍﻟﻜﻮﺟﻴﻨﺔ ﻭﻋﺪﻳﺖ ﻟﺪﺍﺭﻱ ﻗﺮﻳﺖ ﺍﻟﻲ ﺧﻀﻴﺘﻪ ﺍﻟﻴﻮﻡ ﻭﺑﻌﺪﻫﺎ ﻭﻟﻌﺖ ﻓﻴﺮﻭﺯ ﻓﻲ ﺍﻻﺏ ﺗﻮﺏ ﺗﺎﻋﻲ ﺳﺄﻟﻮﻧﻲ ﺍﻟﻨﺎﺱ .. ﻭﻗﻌﺪﺕ ﻧﻔﻜﺮ ﻓﻲ ﻓﺎﺭﺱ ﺍﺣﻼﻣﻲ ﺍﻟﻲ ﻣﻌﺎﺵ ﺟﺎﺀ
ﺍﻡ ﺑﺸﺮﻯ : ﺑﺸﺔ ﺗﻤﺸﻲ ﻣﻌﺎﻱ ﺷﻮﺭ ﻋﻴﺖ ﺳﻴﺪﻙ ﻋﺒﺪﺍﻟﻠﻪ
ﺍﻧﺎ : ﻻﻻ ﻧﺤﺴﻨﻲ ﻣﺮﻳﻀﺔ ﺍﻟﻴﻮﻡ ﺳﻠﻤﻴﻠﻲ ﻋﻠﻴﻬﻢ
ﺍﻡ ﺑﺸﺮﻯ : ﺑﺎﻫﻲ ﺭﺩﻱ ﺑﺎﻟﻚ ﻣﻦ ﺭﻭﺣﻚ ﻭﻧﺎ ﻣﺶ ﺡ ﻧﻄﻮﻝ ﻋﻠﻴﻚ
ﺍﻧﺎ : ﺣﺎﺿﺮ ﻣﺎﻣﺎ ﻋﺪﺕ ﻭﻧﺎ ﻛﺴﺪﺕ ﻋﻠﻰ ﺍﻟﻨﺖ ﻭﻛﺤﻴﺖ ﻣﻊ ﺻﺤﺒﺎﺗﻲ ﻭﺑﻌﺪﻫﺎ ﺻﺒﻴﺖ ﻭﺗﻴﺖ ﻋﺸﺎ ﻟﺮﻭﺣﻲ ﻭﻛﻠﻴﺖ ﺭﻗﺪﺕ ﺩﻏﺮﻱ ﻛﻨﺖ ﻧﻌﺴﺎﻧﺔ ﺑﻜﻞ
( ﻃﺒﻌﺎً ﺣﺎﺟﺔ ﻣﻬﻤﻪ ﺗﻌﺮﻓﻮﻫﺎﺵ ﻋﻠﻲ ﻧﺎ ﻧﻌﺸﻖ ﺍﻟﻨﻮﻡ ﻭﻳﻦ ﻣﺎ ﺩﻭﺭﻭﻧﻲ ﺗﻠﻘﻮﻧﻲ ﺭﺍﻗﺪﻩ )
ﻭﻋﻴﺖ ﺛﺎﻧﻲ ﻳﻮﻡ ﻋﻠﻰ ﺻﻮﺕ ﺟﺮﺱ ﺍﻟﺒﺎﺏ ﺑﺤﺘﺖ ﻓﻲ ﻓﻮﻧﻲ ﻛﺎﻧﺖ ﺍﻟﺴﺎﻋﺔ ﺛﻤﺎﻧﻴﺔ ﺍﺳﺘﻐﺮﺑﺖ ﻋﺪﻳﺖ ﻧﺤﻞ ﺍﻟﺒﺎﺏ ﻭﺗﻤﻴﺖ ﻧﻘﻮﻝ ﻣﻦ ﻣﻦ ﻧﻴﻦ ﺻﻮﺗﻲ ﺍﻧﺒﺢ ﻭﻣﺎ ﺣﺪ ﺭﺩ ﻗﻠﺖ ﻧﺤﻞ ﻭﺧﻼﺹ ﺣﻠﻴﺖ ﺍﻟﺒﺎﺏ ﻣﺎ ﻧﻠﻘﻰ ﺣﺪ ﻫﻀﻪ ﺍﻳﺴﻤﺎ ﻟﻴﺶ ﻳﺮﻧﻮ ﺍﻟﺠﺮﺱ
ﺍﺳﺘﻐﻔﺮﻭﺍﻟﻠﻪ ﺟﻴﺖ ﻧﺒﻲ ﻧﺴﻜﺮ ﺍﻟﺒﺎﺏ ﻧﻠﻘﻰ ﺑﺎﻗﺔ ﻭﺭﺩ ﺗﻬﺒﻞ ﻋﻨﺪ ﺍﻟﺒﺎﺏ ﺗﻤﻴﺖ ﻧﻐﻤﺾ ﻭﻧﺤﻞ ﻓﻲ ﻋﻴﻮﻧﻲ ﻗﻠﺖ ﺑﺎﻟﻚ ﺣﻠﻢ ﻳﻘﻀﻰ ﻣﻔﻴﺶ ﺍﻣﻞ ﻣﺎﺯﺍﻝ ﻧﺤﻖ ﻓﻴﻬﺎ
ﺧﻀﻴﺘﻬﺎ ﻭﺧﺸﻴﺖ ﻛﺎﻥ ﺑﻮﻛﻴﺔ ﻭﺭﺩ ﻳﻬﺒﻞ ﻛﻠﻪ ﻭﺭﺩ ﺣﻤﺮ ﻳﺠﻨﻦ ﻭﺑﻨﺘﻪ ﺗﻬﺒﻞ 😍ﻭﻣﻌﺎﻫﺎ ﻛﺮﺕ ﻣﻜﺘﻮﺏ ﻋﻠﻲ ...... ﺣﻴﻦ ﻳﺄﺗﻲ ﺍﻟﻠﻴﻞ ﺗﻈﻬﺮﻱ ﺍﻧﺘﻲ ﻓﻲ ﻟﻴﻠﻲ ﺍﻟﻤﻮﺣﺶ ﺗﺰﻳﻨﻪ ﺑﺒﺮﻳﻘﻚ ﺍﻟﺴﺎﻃﻊ ﻭﻗﺘﻬﺎ ﺍﺭﺿﺦ ﺍﻧﺎ ﻭﻛﻞ ﺣﻮﺍﺳﻲ ﻟﻜﻲ ..... ﺍﻧﺤﺒﻚ 😍 ﺍﻧﺼﺪﻣﺖ ﻣﻦ ﻳﺒﻲ ﻳﺪﺯﻟﻲ ﻭﺭﺩ ﻣﺎ ﻧﻌﺮﻑ ﺣﺪ ﻧﺎ 😳 ﺑﺎﻟﻚ ﻣﻘﻠﺐ ﺍﺯﻋﻤﻚ ﻣﻦ ﻣﻦ 🙆 ﺧﻀﻴﺖ ﺍﻟﻮﺭﺩ ﻭﻋﺪﻳﺖ ﺷﻮﺭ ﺩﺍﺭﻱ ﻭﻣﻌﺶ ﻋﺮﻓﺖ ﻧﺮﻗﺪ ﻭﻧﺎ ﻧﺘﻘﻠﺐ ﻭﻧﻔﻜﺮ ﻣﻦ ﺍﻟﻲ ﺩﺯﻟﻲ ﺍﻟﻮﺭﺩ ﻭﻛﻤﻞ ﺍﻟﻴﻮﻡ ﻛﻠﻪ ﻋﻠﻰ ﻩ ﺍﻟﺤﺎﻟﻪ ﻭﻣﻘﺪﺭﺗﺶ ﻧﻘﻮﻝ ﻻ ﻷﻣﻲ ﻻ ﺧﻮﺗﻲ ﺩﺳﻴﺖ ﺍﻟﻮﺭﺩ ﻓﻲ ﺩﻭﻻﺑﻲ ﻭﻛﻞ ﺷﻮﻱ ﻧﻌﺪﻳﻠﺔ 😂 ﻭﺧﻴﺎﻟﻲ ﻭﺳﻊ ﻋﻠﻰ ﺍﻻﺧﻴﺮ ﻭﺗﻤﻴﺖ ﻧﻔﻜﺮ ﻓﻲ ﺍﻻﻣﻴﺮ ﺍﻟﻲ ﻳﺠﻲ ﻋﻠﻰ ﻟﺤﺼﺎﻥ ﺍﻻﺑﻴﺾ ﻭﺣﺎﻟﻪ ﻭﺍﻟﻠﻪ 😂😂 ﻗﺒﻞ ﺍﻧﻬﺒﻠﺖ ﺍﻟﻴﻮﻡ ﻫﻀﻪ ﺍﻟﻴﻮﻡ ﺍﻟﻲ ﺑﻌﺪﻩ ﻧﻔﺲ ﺍﻟﻘﺼﺔ ﻗﺒﻞ ﻣﺎ ﻧﻄﻠﻊ ﻟﻠﺠﺎﻣﻌﺔ ﺟﺎﻧﻲ ﺑﻮﻛﻴﺔ ﻭﺭﺩ ﻭﻣﻌﺎﻩ ﻛﺮﺕ 💐 ﺍﻟﻤﺮﻩ ﻫﺬﻱ ﻣﻜﺘﻮﺏ ﻋﻠﻴﻪ .... ﺍﺷﺘﻘﺖ ﻟﻜﻲ ﺍﻣﻴﺮﺗﻲ 😍 ﺍﻧﺤﺒﻚ 💖 ﻗﺒﻞ ﻫﺒﻠﺖ ﻭﻧﺎ ﻓﻲ ﺍﻟﺸﺎﺭﻉ ﻧﺤﻜﻲ ﻣﻊ ﺭﻭﺣﻲ 😂 ﻭﺣﺴﻴﺖ ﻛﺄﻧﻪ ﻭﺍﺣﺪ ﻳﺮﺍﻗﺐ ﻓﻲ ﻋﺪﻳﺖ ﻟﻠﺠﺎﻣﻌﺔ ﻭﺣﻜﻴﺖ ﻟﺼﺤﺒﺎﺗﻲ ﻋﻠﻰ ﺍﻟﻲ ﺻﺎﺭ ﻭﺗﻤﻦ ﻳﻀﺤﻜﻦ ﻭﻳﺤﺴﺒﻨﻲ ﻧﻜﺬﺏ ﻋﻠﻴﻬﻢ ﻭﻧﺤﻠﻔﻠﻬﻢ ﻭﻣﺶ ﻣﺼﺪﻗﻴﻦ 🙇 ﺧﻀﻴﺖ ﻣﺤﺎﺿﺮﺗﻲ ﻭﺭﻭﺣﺖ ﺩﻏﺮﻱ ﻭﻗﻌﺪﺕ ﻗﺮﻳﺐ ﺷﻬﺮ ﻋﻠﻰ ﻩ ﺍﻟﺤﺎﻟﻪ ﻛﻞ ﻳﻮﻡ ﻳﺠﻴﻨﻲ ﻭﺭﺩ ﻟﺪﺭﺟﺔ ﺣﻔﻈﺔ ﺍﻟﻤﻮﻋﺪ ﻭﺗﻤﻴﺖ ﻧﻮﻋﻰ ﺑﺪﺭﻱ ﻭﻧﻘﻌﺪ ﻧﺮﺟﻰ ﺍﻟﺠﺮﺱ ﻳﺮﻥ ﺑﻴﺶ ﻧﺎﺧﺬ ﺍﻟﻮﺭﺩ ﻭﺗﻤﻴﺖ ﻧﺠﻔﻒ ﻓﻲ ﻭﻧﺎﺧﺬ ﻣﻦ ﻛﻞ ﺑﻮﻛﻴﺔ ﻭﺭﺩﻩ ﻭﻧﺤﻄﻬﺎ ﻓﻲ ﻛﺮﺍﺳﻲ ﻭﻓﻲ ﻳﻮﻡ ﻓﻲ ﺍﻟﻌﺸﻴﺔ ﻳﺠﻲ ﻭﺍﺣﺪ ﻭﻳﺮﻥ ﺍﻟﺠﺮﺱ ﺑﺸﻜﻞ ﻏﺮﻳﺐ ﻳﺨﻮﻑ 😨 ﺣﻠﻴﺖ ﺍﻟﺒﺎﺏ ﻭﻧﻔﺼﻠﺖ ﻋﻠﻴﻪ ﺗﻬﺰﻳﺐ ﻧﺤﺴﺎﺑﺔ ﻭﺍﺣﺪ ﻣﻦ ﺍﻟﻌﻮﻳﻞ ﺍﻟﺮﺍﺟﻞ ﺍﻧﻔﺠﻊ 😂 ﺑﺲ ﻳﺴﺘﺎﻫﻞ ﻓﻲ ﺣﺪ ﻳﻄﻖ ﻫﻜﻲ 😂 ﺍﻟﻤﻬﻢ ﻃﻠﻊ ﺻﺎﺣﺐ ﺍﻣﻴﺮ ﻭﻧﺎ ﻗﻠﺒﻲ ﻗﺮﻳﺐ ﻭﻗﻒ ﺑﻌﺪ ﻋﺮﻓﺖ ﺧﻔﺖ ﻳﻘﻮﻝ ﻻﻣﻴﺮ ﺍﺧﺘﻚ ﻃﻠﻌﺖ ﻋﻠﻲ ﻭﺗﻤﺖ ﺗﻬﺰﺏ ﺗﻮﺍ ﺍﻟﺘﻬﺰﻳﺐ ﺳﺎﻫﻞ ﺍﻟﻤﺸﻜﻠﺔ ﻓﻲ ﺍﻟﻄﻠﻌﺔ ﺑﺮﻭﺣﻬﺎ ﻭﺧﻮﻱ ﻫﻀﻪ ﻣﻔﻴﺶ ﻣﻌﺎﻩ ﺗﻔﺎﻫﻢ 😱
ﺍﻡ ﺑﺸﺮﻯ : ﻛﻨﻪ ﻟﻮﻧﻚ ﻣﺨﻄﻮﻑ ﺷﻦ ﺩﺍﻳﺮﻩ ﻣﻦ ﻣﺼﻴﺒﺔ
ﺍﻧﺎ : ﺣﻠﻴﺖ ﻟﺼﺎﺣﺐ ﺍﻣﻴﺮ ﻭﻗﺎﻟﻲ ﻳﺒﻲ ﺍﻣﻴﺮ
ﺍﻡ ﺑﺸﺮﻯ ﻭﺷﻦ ﻗﺘﻴﻠﺔ
ﺍﻧﺎ : ﺳﻴﺒﺘﻪ ﺑﺮﺍ ﺳﻜﺮﺕ ﻋﻠﻴﻪ ﺍﻟﺒﺎﺏ 😨 ﺍﻣﻲ ﻃﻠﻌﺘﻠﻪ ﻭﺧﺸﺸﺘﻪ ﻟﻠﻤﺮﺑﻮﻋﺔ ﻭﻋﻴﻄﺖ ﻟﺨﻮﻱ ﻳﻨﺰﻟﻪ ﻣﻦ ﺷﻘﺘﻪ ﻭﻧﺎ ﻣﺎ ﻫﻨﻚ ﺍﻳﻪ ﻣﺎ ﻗﺮﻳﺘﻬﺎ ﻣﻦ ﺍﻟﺨﻮﻑ 😂
ﺍﻣﻴﺮ : ﺍﻭﻭﻭﻭﻭ ﻫﻼ ﺣﻤﺎﺩﻱ ﺷﻦ ﺟﻮﻙ
ﻣﺤﻤﺪ : ﻫﻼ ﺷﻦ ﺟﻮﻙ ﻳﺎﺑﺎﺷﺎ ﻛﻨﻚ ﻣﺘﺴﺄﻝ ﻳﺎﺧﺎﻟﻲ 😂
ﺍﻣﻴﺮ : ﻭﺍﻟﻠﻪ ﺣﺎﻝ ﻣﻌﻨﺎﺕ ﺍﻟﻌﻮﻳﻞ ﻭﺍﻟﻌﻤﻞ ﻣﺎﻧﻲ ﻓﺎﺿﻲ ﻧﺤﻚ ﺭﺍﺳﻲ
ﻣﺤﻤﺪ : ﻓﻲ ﻫﺬﻱ ﺻﺪﻗﺖ
ﺍﻣﻴﺮ : ﻭﺍﻧﺖ ﺍﻳﺶ ﺍﺧﺮ ﻣﻮﺍﺿﻴﻌﻚ
ﻣﺤﻤﺪ : ﻭﺍﻟﻠﻪ ﻧﺎ ﻋﻠﻰ ﻭﺿﻌﻲ ﺑﺲ ﻗﺮﺭﺕ ﻧﻜﻤﻞ ﻧﺺ ﺩﻳﻨﻲ
ﺍﻣﻴﺮ : ﺍﻭﻭﻭﻭ ﺣﻤﺎﺩﻱ ﻗﺮﺭ ﻳﺨﺶ ﺍﻟﻘﻔﺺ ﻭﻣﻦ ﺳﻌﻴﺪﺓ ﺍﺍﻟﺤﻆ ﻳﺎ ﻃﻴﺮﻱ 😉
ﻣﺤﻤﺪ : ﻭﺍﻟﻠﻪ ﺍﻟﺒﻨﺖ ﺍﻟﻲ ﻧﺒﻴﻬﺎ ﻋﻨﺪﻛﻢ ☺
ﺍﻣﻴﺮ : ﻋﻨﺪﻧﺎ ﻣﻦ 😯
ﻣﺤﻤﺪ : ﺍﺧﺘﻚ ﻧﺎ ﻗﻠﺖ ﺑﻤﺎ ﺍﻧﻰ ﻧﺒﻲ ﻧﺠﻮﺯ ﻧﺎﺧﺬ ﻭﺍﺣﺪﻩ ﻣﻌﺮﻭﻓﺔ ﺗﺮﺑﻴﺘﻬﺎ ﻭﺍﺧﻼﻗﻬﺎ ﻭﺍﻛﻴﺪ ﺑﻤﺎ ﺍﻧﻬﺎ ﺍﺧﺘﻚ ﻑ ﺍﺧﻼﻗﻬﺎ ﺗﻤﺎﻡ
ﺍﻣﻴﺮ : ﻭﺍﻟﻠﻪ ﻧﺎ ﻣﺎ ﻧﻠﻘﻰ ﺧﻴﺮ ﻣﻨﻚ ﻻﺧﺘﻲ ☺ ﻭﺍﻥ ﺷﺎﺀ ﺍﻟﻠﻪ ﻛﻞ ﺷﻲ ﻋﻠﻰ ﺍﻟﺒﺮﻛﺔ
ﻣﺤﻤﺪ : ﺑﺎﻫﻲ ﺍﺳﺄﻝ ﻫﻠﻚ ﻭﺑﻌﺪﻫﺎ ﺭﺩ
ﺍﻣﻴﺮ : ﺍﻟﻜﻠﻤﺔ ﻛﻠﻤﺘﻲ ﻭﻗﻮﻝ ﻗﻮﻟﻲ ﻭﺍﻟﺒﻨﺖ ﻣﺶ ﺡ ﺗﻜﻮﻥ ﻏﻴﺮ ﻟﻚ ﺑﺄﺫﻥ ﺍﻟﻠﻪ ﺍﻧﺖ ﺭﺗﺐ ﺍﻣﻮﺭﻙ ﻭﺷﻮﻑ ﻫﻠﻚ ﺍﻣﺘﻰ ﻳﺒﻮ ﻳﺠﻮ ﻭﺗﻢ ﻣﻮﺿﻮﻋﻚ ﻳﺎ ﻏﺎﻟﻲ
ﻣﺤﻤﺪ : ﺑﺎﺭﻙ ﺍﻟﻠﻪ ﻓﻴﻚ ﺧﻼﺹ ﺗﻢ ﺍﻟﺨﻤﻴﺲ ﻳﺠﻮ ﺍﻟﺮﺟﺎﻟﻪ ﻭﻳﺘﻔﻘﻮ ﻣﻌﺎﻛﻢ ☺
ﺍﻣﻴﺮ : ﻋﻠﻰ ﺑﺮﻛﺔ ﺍﻟﻠﻪ
ﻣﺤﻤﺪ : ﻫﻴﺎ ﺗﺒﻲ ﺷﻲ
ﺍﻣﻴﺮ : ﺍﻗﻌﺪ ﻟﻠﻌﺸﺎ
ﻣﺤﻤﺪ : ﺻﺤﻴﺖ ﻳﺎﻃﻴﺮﻱ
ﺍﻣﻴﺮ : ﺗﻲ ﺍﻗﻌﺪ ﻳﺎﺭﺍ
ﻣﺤﻤﺪ : ﺗﺴﻠﻢ ﻫﻴﺎ ﺍﻟﺴﻼﻡ ﻋﻠﻴﻜﻢ
ﺍﻣﻴﺮ : ﻣﻊ ﺍﻟﺴﻼﻣﺔ 👋
ﺍﻡ ﺑﺸﺮﻯ : ﻛﻨﻪ ﻋﺪﺍ ﺑﺪﺭﻱ ﺻﺎﺣﺒﻚ
ﺍﻣﻴﺮ : ﻗﺎﻝ ﻋﻨﺪﻩ ﺷﻮﻱ ﻣﻮﺍﺿﻴﻊ ﻳﺒﻲ ﻳﺘﻢ ﻓﻴﻬﻢ ﺍﻩ ﺑﻌﺪ ﺧﻄﺮﻫﺎ ﻃﻠﺐ ﺑﻨﺘﻚ ﻭﻧﺎ ﻋﻄﻴﺘﻪ
ﺍﻧﺎ : ﻛﻴﻒ ﺷﻦ ﻋﻄﻴﺖ ﺷﻜﺎﺭﺓ ﻃﻤﺎﻃﻢ ﻧﺎ 😡
ﺍﻣﻴﺮ : ﺳﻜﺮﻱ ﻓﻤﻚ ﺍﻧﺎ ﻋﻄﻴﺘﻚ ﻭﺍﻟﻌﺮﺏ ﺟﺎﻳﻦ ﺍﻟﺨﻤﻴﺲ ﻳﺘﻤﻮ ﻓﻴﻚ ﻭﺍﻟﺒﻼ ﺍﻟﻲ ﺗﻤﺸﻴﻼ ﻫﻀﻪ ﻭﻗﻔﻲ ﺧﻼﺹ ﺗﻮﺍ ﺗﺠﻮﺯﻱ ﻻ ﻛﻮﺭﺳﺎﺕ ﻻ ﺳﺤﻨﺘﻲ 😡
ﺍﻧﺎ : ﻣﺎ ﻧﺒﻴﺶ ﻣﺶ ﺑﻜﻴﻔﻚ ﻫﻮ 😭
ﺍﻣﻴﺮ : ﻻ ﺑﻜﻴﻔﻲ ﻭﺿﻤﻲ ﻓﻤﻚ ﺧﻴﺮ ﻣﺎ ﻧﺠﻲ ﻧﻜﺴﺮﻩ ﻟﻚ 😡
ﺍﻧﺎ : ﺗﻤﻴﺖ ﻧﺒﻜﻲ ﺍﻧﺎ ﻣﻔﻴﺶ ﺣﺪ ﻓﻲ ﺣﻴﺎﺗﻲ ﺑﺲ ﺗﻌﻠﻘﺖ ﺑﺎﻟﻲ ﻳﺠﻴﺒﻠﻲ ﻓﻲ ﺍﻟﻮﺭﺩ ﻧﺤﻜﻴﺶ ﻣﻌﺎﻩ ﻭﻣﺎ ﻧﻌﺮﻓﺶ ﻣﻦ ﻫﻮ ﺗﻤﻴﺖ ﻧﻔﻜﺮ ﻛﻴﻒ ﻧﻌﺮﻓﻪ ﺍﻧﻪ ﻓﻲ ﻭﺍﺣﺪ ﺧﻄﺒﻨﻲ ﻣﺎﻋﺪ ﻋﺮﻓﺖ 😧 ﺗﻤﻴﺖ ﻏﻴﺮ ﻧﺒﻜﻲ ﻭﺧﻼﺹ ﻭﺧﻮﺍﺗﻲ ﺟﻦ ﻭﺑﻨﺎﺕ ﺍﺧﺘﻲ ﺟﻦ ﻭﺗﻤﻦ ﻳﺪﻳﺮﻥ ﺟﻮ ﺑﺲ ﻧﺎ ﻣﻨﻘﻬﺮﻩ ﺣﺘﻰ ﻣﺎ ﺳﺄﻟﻨﻲ ﻛﺎﻥ ﻣﻮﺍﻓﻘﺔ ﻭﻻ ﻷ 😭
ﻫﺎﺟﺮ ﺑﻨﺖ ﺍﺧﺘﻲ ﻣﻮﻟﻴﺪ 93
ﻫﺪﻳﻞ ﺍﺧﺘﻬﺎ ﺍﻻﺻﻐﺮ ﻣﻨﻬﺎ ﻣﻮﻟﻴﺪ 96
ﻫﺎﺟﺮ ﻭﻫﺪﻳﻞ : ﻛﻨﻚ ﺍﻧﺘﻲ ﻳﺎﻓﻘﺮ ﻭﺍﺧﻴﺮﺍً ﺟﺎﻛﻲ ﻭﺍﺣﺪ ﻭﺡ ﻧﻔﺘﻜﻮ ﻣﻨﻚ ﺍﻧﺎ : ﺑﺎﻩ ﻭﻫﻀﻚ ﺍﻟﻲ ﻳﺠﻴﺐ ﻓﻲ ﺍﻟﻮﺭﺩ
ﻫﺎﺟﺮ : ﻳﺎﺣﻨﺔ ﻛﺎﻥ ﻳﺒﻴﻚ ﻛﺎﻥ ﺟﺎﻙ ﻣﺶ ﻳﻘﻌﺪ ﻳﺪﺯ ﻓﻲ ﻭﺭﺩ
ﻫﺪﻳﻞ : ﺍﺳﻜﺘﻲ ﺍﻳﺶ ﻓﻬﻤﻚ ﺍﻧﺘﻲ ﻫﻴﺎ ﻧﺪﻳﺮﻭ ﺧﻄﺔ ﺑﻴﺶ ﻧﻘﻮﻟﻮﻻ ﺍﻧﻪ ﺟﺎ ﻭﺍﺣﺪ ﺧﻄﺒﻚ😉
ﺍﻧﺎ : ﻛﻼﻡ ﻫﺎﺟﺮ ﺻﺢ ﻛﺎﻥ ﻳﺒﻴﻨﻲ ﻛﺎﻥ ﺧﻄﺒﻨﻲ ﺑﻌﺪﻙ ﻧﺎ ﻣﻨﻌﺮﻓﺶ ﺑﺲ ﻭﺍﺟﻌﻨﻲ
ﻫﺎﺟﺮ : ﻣﺎ ﻳﻮﺟﻌﻚ ﻏﺎﻟﻲ ﻳﺎﺣﻨﺔ 😞
ﺍﻧﺎﻭﻫﺪﻳﻞ 😂😂😂😂😂😂: ﻛﻨﻚ ﻳﺎﺣﻨﻲ ﻭﻗﻌﺪﻧﺎ ﻧﺨﻄﻄﻮ ﺷﻦ ﻧﻠﺒﺲ ﻧﻴﻦ ﻳﺠﻮ ﺍﻟﻌﺮﺏ ﻭﺷﻦ ﻧﺪﻳﺮ ﻭﺗﻌﻠﻴﻘﺎﺕ ﻭﺿﺤﻚ ﻭﺟﺎ ﺍﻟﻴﻮﻡ ﺍﻟﻤﻌﻬﻮﺩ ﻭﺟﻮ ﺍﻟﺼﺒﺎﻳﺎ ﻭﺍﺗﻔﻘﻦ ﻭﻫﻠﻪ ﻃﺒﻌﺎً ﺟﻮ ﺗﺠﻌﻮﻥ ﻭﺣﺮﻛﺎﺕ ﻭﺍﻣﻲ ﻣﺶ ﺯﻣﻄﺘﻬﻦ ﺷﻴﻔﺎﺕ ﺍﺭﻭﺍﺣﻬﻢ ﻭﻣﺘﻨﻔﺨﺎﺕ ﻫﻨﺎ ﻳﺤﻜﻦ ﻭﻧﺎ ﻣﺎﺳﻜﺔ ﺭﻭﺣﻲ ﺑﺎﻟﻐﺼﺐ ﻋﻠﻰ ﺍﻟﻀﺤﻚ ﻣﻦ ﺑﻨﺎﺕ ﺍﺧﺘﻲ ﻭﺣﺮﻛﺎﺗﻬﻢ 😁 ﺑﻌﺪ ﻳﻮﻣﻴﻦ ﻣﻦ ﺟﻴﺖ ﺍﻟﺼﺒﺎﻳﺎ ﺟﻮ ﺍﻟﺮﺟﺎﻟﻪ ﻭﺣﺪﺩﻭ ﺍﻟﻔﺮﺡ ﺑﻌﺪ ﺷﻬﺮ ﺑﻀﺒﻂ ﻭﺩﻓﻌﻮ ﻓﻲ ﻧﻔﺲ ﺍﻟﻴﻮﻡ 😳
ﺍﻡ ﺑﺸﺮﻯ : ﻣﻌﻘﻮﻟﺔ ﺷﻬﺮ ﻣﺶ ﺡ ﻳﺴﺪ
ﺍﻣﻴﺮ : ﻗﺎﻟﻮ ﻣﺎ ﻳﺒﻮ ﺷﻲ ﻭﺍﻟﺮﺍﺟﻞ ﻣﻮﺗﻲ ﺷﻘﺘﻪ ﻣﻦ ﺍﻻﻟﻒ ﻟﻠﻴﺎﺀ ﻭﻫﻤﺎ ﻳﺒﻮ ﻳﻄﻠﻌﻮ ﻓﺮﺣﻪ ﻣﻊ ﺧﻮﺗﻪ
ﺍﻧﺎ : ﻗﺼﺪﻙ ﻭﺍﺧﺮﻯ ﻣﺶ ﺑﺮﻭﺣﻲ 😱 ﺣﻲ ﻋﻠﻲ ﺍﻛﻴﺪ ﻣﻮﺗﻴﺘﺎﺕ ﺍﺭﻭﺍﺣﻬﻢ ﻭﻧﺎ ﺡ ﻧﻄﻠﻊ ﺍﺷﻴﻦ ﻭﺍﺣﺪﻩ 😭
ﺍﻣﻴﺮ : ﺗﻮﺍ ﻫﻀﻪ ﺍﻟﻲ ﻣﻀﺎﻳﻘﻚ ﺍﻧﺠﺎﻧﻚ ﻓﺎﺿﻴﺔ 😂
ﺧﻮﺍﺗﻲ : ﺑﻼ ﻫﺒﺎﻝ ﺗﻮﺍ ﻣﻦ ﺑﻜﺮﺓ ﻧﻄﻠﻌﻮ ﻭﻧﺨﺘﺎﺭﻭ ﻛﻮﺍﻓﻴﺮﺓ ﻛﻮﻳﺴﺔ ﻭﻧﺒﺪﻭ ﻧﺒﺘﺘﻮ ﻭﺍﻥ ﺷﺎﺀ ﺍﻟﻠﻪ ﺧﻴﺮ
ﺍﻧﺎ : ﻛﻨﻜﻦ ﺗﺒﻦ ﺗﻔﺘﻜﻦ ﻣﻨﻲ ﺑﺴﺮﻋﺔ ﻣﻠﻴﺘﻦ ﻣﻨﻲ 😭
ﺧﻮﺍﺗﻲ : ﻻ ﻣﻠﻴﻨﺎ ﻻ ﺷﻲ ﻣﻐﻴﺮ ﻧﺒﻮ ﻧﻔﺮﺣﻮ ﺑﻴﻚ
ﺍﻧﺎ : ﺗﻮﺗﺮﺕ ﻭﺗﻤﻴﺖ ﻧﻔﻜﺮ ﺷﻦ ﻧﺒﻲ ﻧﺪﻳﺮ ﻭﻧﺒﻲ ﻧﺬﻛﺮ ﺷﻦ ﻛﺎﻥ ﺷﻜﻠﺔ ﻧﺎ ﺣﻘﻴﺘﻪ ﻣﺮﻩ ﻭﺍﺣﺪﻩ ﺑﺲ ﻧﻴﻦ ﺟﺎ ﻳﻄﻠﺒﻨﻲ ﻭﻫﺰﺑﺘﻪ 😂 ﻧﺎ ﻛﺎﻥ ﻣﻜﺎﻧﺔ ﻧﻌﺪﻱ ﻭﻣﺎ ﻧﻔﻜﺮﺵ ﻧﺎﺧﻀﻨﻲ 😂😂ﺑﻌﺪ ﺍﻟﻲ ﺩﺭﺗﻪ ﺗﻤﻴﻨﺎ ﻧﻄﻠﻊ ﻛﻞ ﻳﻮﻡ ﻟﻠﺴﻮﻕ ﻭﺍﺧﺘﺮﺕ ﻛﻮﺍﻓﻴﺮﺓ ﻛﺎﻧﺖ ﺣﺎﻟﻪ ﺟﺪﻳﺪ ﻭﻧﺎ ﺍﻭﻝ ﻋﺮﻭﺱ ﻋﻨﺪﻫﺎ ﻫﻲ ﻣﺠﺎﺯﻓﺔ ﻭﺍﻟﻠﻪ ﺍﻋﻠﻢ ﺷﻦ ﺡ ﻧﻄﻠﻊ ﺑﺲ ﻋﻨﺪﻳﺶ ﺣﻞ ﺧﻔﺖ ﻧﻄﻠﻊ ﻣﻊ ﻭﺍﺣﺪﻩ ﻣﻦ ﺳﻠﻔﺎﺗﻲ ﻓﻲ ﻧﻔﺲ ﺍﻟﻜﻮﺍﻓﻴﺮ ﻭﻧﺎ ﻣﻨﻌﺮﻓﻬﻤﺶ 😂 ﻏﻤﺮﺕ ﺑﺮﻭﺣﻲ ﻭﺧﻼﺹ ﻭﻻﻳﺎﻡ ﻳﺠﺎﺭﻥ ﻧﻄﻠﻊ ﻧﺸﺮﻱ ﻛﻞ ﻳﻮﻡ ﻭﺟﻮ ﺍﻟﻤﺴﻜﺎﺕ ﻭﺍﻟﻜﺮﻳﻤﺎﺕ ﻭﺣﺮﻛﺎﺕ ﺍﻟﻌﺮﺍﻳﺲ ﻋﺪ ﺯﻋﻤﻮﻟﻲ ﻛﺒﺪﻱ ﻓﻴﻬﻦ ﺑﻨﺎﺕ ﺳﻴﺎﺩﻱ ﻭﺧﻮﺍﺗﻲ ﻣﻠﻠﻮﻧﻲ ﻗﺮﺭﻧﺎ ﻧﺪﻳﺮﻭ ﻳﻮﻡ ﺗﻮﺩﻳﻊ ﺍﻟﻌﺰﻭﺑﻴﺔ ﻭﻳﻮﻡ ﺍﻟﺤﻨﺔ ﻓﻲ ﻧﻔﺲ ﺍﻟﻴﻮﻡ 😂😂 ﻫﻴﺎﺟﺔ ﺑﻨﺎﺕ ﻋﺪ ﻭﺗﻴﻨﺎ ﺍﻟﺤﻨﺔ ﻭﺗﻴﻨﺎ ﺍﻟﺒﻮﻓﻲ ﻧﺒﻮ ﻧﺪﻳﺮﻭ ﺟﻮ ﺍﺗﺮﺍﻙ ﻋﺪ 😉 ﺣﻨﻴﺖ ﻓﻲ ﺍﻟﻌﺸﻴﺎ ﻭﻟﺒﺴﺖ ﺍﻟﺰﻱ ﺍﻟﺘﺮﻛﻲ ﺗﺎﻉ ﺍﻟﺤﻨﺔ ﻭﻃﻠﻊ ﻳﻬﺒﻞ ﻋﻠﻲ 😍 ﻭﻓﻲ ﺍﻟﻠﻴﻞ ﺟﻮ ﺭﻗﺺ ﻭﻫﻴﺎﺟﺔ ﻭﺿﺤﻚ ﻭﻃﺒﻌﺎً ﺍﻟﻤﻔﺮﻭﺽ ﺍﻟﻔﺘﺮﺓ ﻫﺬﻱ ﻧﺤﻜﻲ ﻣﻌﺎﻩ ﻻﻧﻪ ﻋﻘﺪ ﺍﻟﻘﺮﺍﻥ ﻭﺗﻤﻴﺖ ﻣﺮﺍﺗﻪ ﺑﺲ ﻫﻮ ﻣﺎ ﻃﻠﺒﺶ ﻭﻧﺎ ﻣﻌﺪﻟﺘﺶ ﺍﻟﻤﻬﻢ ﻗﻌﺪﻧﺎ ﻧﺮﻗﺼﻮ ﻟﻠﺼﺒﺢ ﻭﺛﺎﻧﻲ ﻳﻮﻡ ﺳﺒﺎﺕ ﻻ ﺣﻴﺎﺓ ﻟﻤﻦ ﺗﻨﺎﺩﻱ ﻭﻻ ﻭﺍﺣﺪﻩ ﻓﻴﻨﺎ ﺻﺒﺖ 😂😂 ﻛﺎﻥ ﻳﻮﻡ ﺭﺍﺣﻪ ﺍﺻﻼ ﻣﺎ ﻓﻲ ﺷﻲ ﻭﻋﻴﻨﺎ ﻓﻲ ﺍﻟﻌﺸﻴﺎ ﺍﻟﻲ ﻭﺍﺭﺍﻫﺎ ﺣﺎﺟﺔ ﻭﺗﺘﻬﺎ ﺍﻟﺜﺎﻧﻲ ﻳﻮﻡ ﺍﻟﻲ ﻫﻮ ﻳﻮﻡ ﺍﻟﺘﻄﺮﻳﻔﺔ 😍 ﺍﻟﻴﻮﻡ ﻫﻀﻪ ﺳﻬﺮﻧﺎ ﻭﻟﻌﺒﻨﺎ ﻭﺿﺤﻜﻨﺎ ﻭﺍﻟﺒﻨﺎﺕ ﺧﺘﻤﻨﻬﺎ ﻟﻲ ﻓﻴﻠﻢ ﺭﻋﺐ ﻣﻦ ﻳﻮﻡ ﺍﻟﻔﺮﺡ 😨
ﻳﺎﺣﻴﻮﺍﻧﺎﺕ ﺧﺰﻱ ﻋﻠﻴﻜﻢ 😡 ﺧﻄﻨﻲ ﻭﻧﺴﻜﺮ ﻭﺫﺍﻧﻲ ﻭﻣﻔﻴﺶ ﺍﻣﻞ ﻣﺎ ﺳﻴﺒﻮﻧﻲ ﻏﻴﺮ ﻧﻴﻦ ﺑﻜﻮﻧﻲ 😭 ﻳﻮﻡ ﺍﻟﺘﻄﺮﻳﻔﺔ ﻛﻨﺖ ﻣﺮﻋﻮﺑﺔ ﻭﻛﻠﻲ ﻧﺮﺟﻒ ﻭﻗﺘﻠﻬﻢ ﻣﻌﺶ ﻧﺒﻲ ﻧﺠﻮﺯ ﺧﻼﺹ 😭 ﺍﻣﻲ ﺗﻤﺖ ﺗﺒﻜﻲ ﻣﻌﺎﻱ ﻭﺣﺎﻟﻪ ﺑﻌﺪﻫﺎ ﻋﺪﻳﺖ ﻟﻠﻜﻮﺍﻓﻴﺮﻩ ﻭﻃﺒﻌﺂ ﻧﺎ ﺡ ﻧﻠﺒﺲ ﺍﻟﻔﻴﻠﻮ ﻣﺮﺗﻴﻦ ﺍﺧﺘﺮﺕ ﻓﻠﻮﻳﻦ ﻓﻴﻠﻮ ﻋﻨﺪ ﻫﻠﻲ ﻳﻮﻡ ﺍﻟﺘﻄﺮﻳﻔﺔ ﻭﻓﻴﻠﻮ ﻳﻮﻡ ﺍﻟﻔﺮﺡ ﻋﻨﺪ ﻫﻞ ﺍﻟﻌﺮﻳﺲ ﺍﻟﻤﻬﻢ ﻋﺪﻳﺖ ﻟﻠﻜﻮﺍﻓﻴﺮﺓ ﻭﺗﻴﺖ ﻭﻟﺒﺴﺖ ﺍﻟﻔﻴﻠﻮ ﻛﺎﻥ ﺗﻮﺏ ﻭﻣﺠﺴﻢ ﻭﻣﻔﻮﺝ ﻣﻦ ﻟﻮﻃﻰ 😍ﻛﺎﻥ ﺧﻴﺎﻝ ﺑﻤﻌﻨﻰ ﺍﻟﻜﻠﻤﺔ ﻭﺩﺭﺕ ﻣﻴﻜﺐ ﻛﻼﺳﻴﻚ ﻳﻌﻨﻲ ﻃﻠﻌﺘﻨﻲ ﺣﺎﺟﺔ ﺻﺢ 😍 ﺟﺎ ﺍﻣﻴﺮ ﺧﻀﺎﻧﻲ ﻭﺩﺍﺭﻟﻲ ﺯﻓﺔ ﺧﻴﺎﻝ ﻭﺧﻀﺎﻧﻲ ﺻﻮﺭﺕ ﻧﺎ ﻭﺍﻟﺒﻨﺎﺕ ﻭﺑﻌﺪﻫﺎ ﺯﻓﻨﻲ ﺷﻮﺭ ﺍﻟﺼﺎﻟﺔ ﺧﺸﻴﺖ ﻋﻠﻰ ﺍﻏﻨﻴﺔ ﻃﻠﻲ ﺑﺎﻻﺑﻴﺾ ....
ﺍﻭﻝ ﻣﺎ ﺧﺸﻴﺖ ﺑﺮﻣﻮﻧﻲ ﻓﻲ ﺍﻟﺼﺎﻟﺔ ﻛﻠﻬﺎ ﻭﺳﻠﻤﺖ ﻋﻠﻰ ﻣﺎﻣﺎ ﻭﺣﺒﻴﺖ ﻋﻠﻰ ﺭﺍﺳﻬﺎ ﻭﺑﻌﺪﻫﺎ ﻃﻠﻌﺖ ﻋﻠﻰ ﻟﺴﺘﻴﺘﺞ ﺑﺮﻣﺖ ﻋﻠﻴﺔ ﻭﺑﻌﺪﻫﺎ ﺍﻟﺒﻨﺎﺕ ﻭﻟﻌﻦ ﺍﻏﻨﻴﺔ ﺩﻳﺮ ﻓﻴﻮﺗﺸﺮ ﻫﺰﺑﻨﺪ ﺟﻦ ﻳﺮﻗﺼﻦ ﻣﻌﺎﻱ ﻋﻠﻰ ﺍﻟﻤﺴﺮﺡ ﻭﻧﺎ ﻧﺴﻴﺖ ﺍﻧﻲ ﻋﺮﻭﺱ ﻭﻧﻘﻌﺪ ﻫﺎﺩﻳﺔ ﻋﺪ ﺍﻟﻤﻔﺮﻭﺽ😂 ﻻ ﻋﺪ ﻧﺎ ﻫﺠﺖ ﻣﻌﺎﻫﻢ ﻭﻛﻞ ﺷﻮﻱ ﺍﺧﺘﻲ ﺗﺠﻲ ﺗﺒﻲ ﺗﻘﻌﻤﺰﻧﻲ ﻭﻧﺎ ﻣﻔﻴﺶ 😂😂 ﻭﻻ ﻣﺎ ﻗﻌﺪﺕ ﻏﻴﺮ ﻧﻴﻦ ﻛﻤﻠﺖ ﺍﻻﻏﻨﻴﺔ ﻗﻌﺪﺕ ﺷﻮﻱ ﺑﻌﺪﻫﺎ ﺻﺒﻴﺖ ﺑﺪﻟﺖ ﺍﻟﻘﻔﻄﺎﻥ ﻭﻟﺒﺴﺖ ﻭﺍﺣﺪ ﻟﻮﻧﺔ ﺩﻣﻲ ﻣﻔﻮﺝ ﻣﻦ ﺍﻟﺨﺼﺮ ﻭﻇﻬﺮﻩ ﻛﻠﻪ ﻋﺮﻳﺎﻥ ﻭﺳﻴﺮ ﻣﻦ ﻋﻨﺪ ﺣﺪ ﺍﺍﻟﺒﺮﺳﺖ ﺟﻲ ﻋﻠﻰ ﺷﻜﻞ ﻓﻴﻮﻧﻜﻪ ﻛﺒﻴﺮﻩ ﻭﻣﺮﺻﻊ ﻛﻠﻪ ﻣﻦ ﻗﺪﺍﻡ ﺑﺎﻷﻣﺎﺱ ﻭﻋﺪﻟﺖ ﺍﻟﻤﻴﻜﺎﺏ ﻭﻃﻠﻌﺖ ﻗﻌﺪﺕ ﻧﻴﻦ ﺟﻮ ﻫﻞ ﺍﻟﻌﺮﻳﺲ ﻭﻟﺒﺴﻮﻧﻲ ﺍﻟﺬﻫﺐ ﻭﺣﻨﻮﻧﻲ ﻭﺩﺍﺭﻭ ﺟﻮ ﺷﻮﻱ ﻭﺭﻭﺣﻮ ﺑﻌﺪ ﻣﺎ ﻋﺪﻥ ﺍﻟﺒﻨﺎﺕ ﺣﻄﻦ ﻣﺼﺮﻱ ﻭﺻﺒﻴﻨﺎ ﻧﺮﻗﺼﻮ 😂 ﻭﻋﻠﻰ 12 ﻫﻜﻲ ﺭﻭﺣﻨﺎ ﻭﻛﻨﺎ ﺑﻄﺎﻟﻪ ﻣﺎ ﻛﺎﻥ ﺷﻜﻞ ﻭﺣﺪﻩ ﻫﻮ ﺍﻟﻲ ﻓﺮﺣﻬﺎ 😂😂 ﺍﻣﻲ ﺗﻤﺖ ﺗﻬﺰﺏ ﻓﻲ ﻭﻗﺎﻟﺘﻠﻲ ﺷﻦ ﻳﻘﻮﻟﻮ ﺍﻟﻌﺮﺏ ﻣﺎ ﺻﺪﻗﺖ ﺍﺟﻮﺯﺕ ﺣﻲ ﻋﻠﻴﻚ ﻛﺎﻥ ﺍﺩﻳﺮﻱ ﺑﻜﺮﻩ ﻫﻜﻲ ﻋﻨﺪ ﻫﻞ ﺩﺍﺭﻙ ﻭﻛﺎﻧﺖ ﺷﺎﻳﻄﺔ ﺑﻜﻞ 😂😂 ﺍﻟﻴﻮﻡ ﻫﻀﻪ ﻣﺎ ﻗﺪﺭﺕ ﻧﺮﻗﺪ ﺑﻜﻞ ﻣﺎﻟﺨﻮﻑ 😨ﺧﻼﺹ ﻗﻌﺪﺕ ﻧﺒﻜﻲ 😭 ﻭﻛﻠﻬﻢ ﺭﻗﺪﻭ ﺍﻻ ﻧﺎ ﻋﻠﻰ ﺍﻟﺴﺎﻋﺔ 8 ﺍﻟﺼﺒﺢ ﺭﻥ ﺍﻟﺠﺮﺱ ﻭﻛﺎﻥ ﻟﻪ ﻓﺘﺮﺓ ﻣﺎ ﻋﺶ ﺟﺎﻧﻲ ﻭﺭﺩ ﻣﻦ ﻭﻗﺖ ﻣﺎ ﻧﺨﻄﺒﺖ ﺍﻟﻤﻬﻢ ﺣﻠﻴﺖ ﺍﻟﺒﺎﺏ ﻟﻘﻴﺖ ﺑﻮﻛﻴﺔ ﻭﺭﺩ ﻳﻬﺒﻞ ﻣﺰﻳﻦ ﻛﺎﻥ ﺧﻴﺎﻝ ﻭﻣﻜﺘﻮﺏ ﻓﻲ ﺍﻟﻜﺮﺕ ﺍﻟﻲ ﻣﻌﺎﻩ ﺍﻟﻒ ﻣﺒﺮﻭﻭﻭﻭﻙ ﺍﻟﺠﻮﺍﺯ ﻭﻧﺘﻤﻨﻰ ﺍﻧﻚ ﺗﺎﺧﺬﻱ ﺑﺎﻗﺔ ﺍﻟﻮﺭﺩ ﻫﺬﻱ ﻣﻌﺎﻙ ﺍﻟﻴﻮﻡ ﺡ ﺗﻜﻮﻥ ﺳﻤﺤﺔ ﻣﻊ ﺍﻟﻔﻴﻠﻮ ﺍﻧﺎ ﺟﺘﻨﻲ ﺻﺪﻣﺔ ﻛﻴﻒ ﻋﺮﻑ ﺍﻛﻴﺪ ﻣﻦ ﺍﻟﺰﻳﻨﺔ ﺍﻟﻲ ﻉ ﺍﻟﺒﺎﺏ ﻣﺴﻜﺖ ﺍﻟﺒﺎﻗﺔ ﻭﺗﻤﻴﺖ ﻧﺒﻜﻲ ﻭﻗﺮﺭﺕ ﻧﺎﺧﺾ ﺍﻟﺒﺎﻗﺔ ﻣﻌﺎﻱ ﺭﺷﺮﺷﺖ ﻋﻠﻴﻬﺎ ﺍﻣﻴﺔ ﺑﻴﺶ ﻣﺎ ﺗﺬﺑﻠﺶ ﻭﻋﺪﻳﺖ ﻭﻋﻴﺖ ﺍﻟﺒﻨﺎﺕ ﻭﻏﺮﻗﺘﻬﻦ ﺍﻣﻴﺔ 😂😂 ﻛﺎﻧﺖ ﻣﻨﺎﻇﺮﻫﻢ ﺗﺤﻔﺔ 😂😂
ﺍﻟﺒﻨﺎﺕ : ﻳﺎ ﺣﻴﻮﺍﻧﺔ ﻭﺍﻟﻠﻪ ﺗﺸﻮﻓﻲ ﻭﺟﺒﻨﺎ ﺍﻣﻴﺔ ﻭﺳﺒﺤﻨﺎﻫﺎ ﺗﺴﺒﻴﺢ
ﺍﻧﺎ : ﻳﺎﺣﻴﻮﺍﻧﺎﺕ ﺍﻧﺎ ﻋﺮﻭﺱ 😂😂 ﺗﻮﺍ ﻧﻤﺮﺽ ﻋﻞ ﺍﻟﺮﺍﺟﻞ
ﺍﻟﺒﻨﺎﺕ : ﻣﺶ ﻭﻗﺘﻬﺎ ﺍﻟﻤﺮﺿﻰ ﺻﺢ 😉
ﺍﻧﺎ : ﻓﻬﻤﺖ ﻋﻠﻰ ﺍﻳﺶ ﻳﺤﻜﻦ ﺗﻤﻴﺖ ﻧﺠﺮﻱ ﻭﺭﺍﻫﻢ 😂 ﺣﻘﺮﺍﺀﻃﺒﻌﺎً ﺍﻟﻮﻗﺖ ﻳﺠﺮﻱ ﺟﺮﻱ
ﻭﺍﻟﻴﻮﻡ ﺍﻟﻔﺮﺡ ﻭﻓﻲ ﻣﻔﺎﺟﺄﺕ ﻭﺍﺟﺪ .......
ﺍﻧﺘﻈﺮﻭﻧﻲ ....
