🎶#رواية_معك_خلقت_من_جديد🎶
الحلقة الثالثة والثلاثون
وما قبل الاخيرة...............
ح نبدو الحلقة من عند مودة وتوتايها لى بتاتها😊
مودة:حي يا بنات حسني خايفة شن نبي ندير وكيف نبي نبدا
جوري:ديري كيف اسيل تذكري بعد بيشو قالتلها ديري قوائم ديري كيفها اسهل ومعش تخربطي
جوليا:صاح فكرتها سمحة والي تكمليها تشطبي عليها هيا ابدي ديري القوائم تاعك ونا نعدي ندوري موديل جديد على النت نشري 😉
جوري:صااح ارجيني 😍
مودة:جيبن نفس اللون ونفس الموديل نظام تقعدن وصيفاتي
جوري وجوليا :فيها جو 😉
مودة:بديت نكتب في القوائم لكل حاجة وبعدها رقدت وعيت ثاني يوم على صوت هرجة
اسيل:عديت لهلي 9 لان اسامة يطلع بدري للشركة
سميرة:كنك ياماما مريضة ولا شنو
اسيل:لالا مش مريضة ليش تسألي
سميرة:ماقبيتك جيتي بدري
اسيل:اها ماو اسامة يطلع للشركة بدري شنو ما تبونيش 😟
سميرة:تعالي افطري
اسيل:فطرت الحمدلله وين البنات
سميرة:مازال ما وعن
اسيل:توا نعدي نوعيهم
هيا صبن ما مخمجات هضه كله نوم
جوري:تي مازال بدري انتي شن جيبك توا
جوليا:طفي الضي نبي نرقد
اسيل:خزي معقولة اختكم جايتكم تقولنلها هكي وبعدك وين العروس الخميرة هذي مفروض واعية توا
جوري:ليش تبي توزع دحي 😂
اسيل:سامطة 😕
مودة:شن الهرجة هذي
اسيل:صح النوم وين هضه كله صبي ما تبي تطلعي للسوق
مودة:وانتي عد سوق تنهبلي 😄
اسيل:اسكتي ما حوتني اقنعت اسامة يخلني نطلع معاكم للسوق 😂
مودة:كلا راجلك هضه يخنق 😠ما يبي يخليك تعدي اي مكان
اسيل:ايش فهمك انتي هو يخاف علي
مودة:ينعلاي طايحة بوجهك مش هك را
اسيل:توا نحقو شن تبي اديري مع حمادي😉
مودة:بادره باهي خاطيني 😕صبينا ونظفنا الدار وتوضينا وصلينا وبعدها وتينا الفطور وفطرنا وخذينها كلها ضحك وتهزي 😂😂وتقريم 😂😂
اسيل:نعدي لى بيشو طولت 12 توا ومن يبي ياخذنا للسوق
مودة:نحسك مستعجلة اكثر مني 😂😂
