# ﻣﻌﻚ _ ﺧﻠﻘﺖ _ ﻣﻦ _ ﺟﺪﻱﺩ
ﺍﻟﺤﻠﻘﺔ ﺍﻟﺜﺎﻧﻴﺔ ......
ﺍﻧﺎ : ﻗﻌﺪﻧﺎ ﻧﺠﺎﺭﻭ ﻭﺭﺍﺀ ﺑﻌﻀﻨﺎ ﻭﻧﻀﺤﻜﻮ ﺷﻮﻱ ﻭﺗﺠﻴﻨﺎ ﻋﻤﺘﻲ
ﻃﺒﻌﺂ ﻧﻌﺮﻓﻜﻢ ﻋﻠﻰ ﻋﻘﺎﺏ ﻋﻴﻠﺘﻲ ﻋﻨﺪﻱ 3 ﻋﻤﺎﺕ ﻭﻋﻤﻴﻦ
ﻋﻤﺘﻲ ﺳﻠﻮﻱ ﻫﻲ ﺍﻛﺒﺮ ﻭﺍﺣﺪﻩ ﻓﻴﻬﻦ ﻣﺘﺰﻭﺟﺔ ﻭﻋﻨﺪﻫﺎ 3 ﺷﺒﺎﺏ ﻭﺑﻨﺘﻴﻦ
ﺳﺮﺍﺝ ﻫﻮ ﺍﻟﻜﺒﻴﺮ ﻣﻮﻟﻴﺪ 85 ﻭﻳﺤﻀﺮ ﻓﻲ ﺍﻟﻜﺘﻮﺭﺍﻩ ﻫﻮ ﺟﺮﺍﺡ ﻭﻟﻪ ﺳﻨﺘﻴﻦ ﻓﻲ ﻟﻨﺪﻥ ﻭﻣﺎﺯﺍﻝ ﻣﺎﺭﻭﺡ
ﺍﻳﻪ ﺑﻌﺪ ﺳﺮﺍﺝ ﻣﻮﻟﻴﺪ 87 ﻣﺘﺰﻭﺟﺔ ﻭﻋﻨﺪﻫﺎ ﺑﻨﺖ
ﺍﺷﺮﻑ ﻣﻮﻟﻴﺪ 89 ﺧﺎﻃﺐ ﺑﻨﺖ ﺳﻴﺪﻩ
ﻋﻤﺎﺩ ﻣﻮﻟﻴﺪ 92 ﺣﺘﻰ ﻫﻮ ﺧﺎﻃﺐ ﻭﺍﺣﺪﻩ ﻣﻌﺎﻩ ﻓﻲ ﺍﻟﺠﺎﻣﻌﺔ
ﺗﻘﻮﻯ ﻣﻮﻟﻴﺪ 94 ﻣﺘﺨﺮﺟﺔ ﻣﻦ ﺍﻻﻗﺘﺼﺎﺩ ﻭﻋﻴﺸﺘﻪ ﺑﻄﻮﻝ ﻭﺍﻟﻌﺮﺽ
ﻋﻤﺘﻰ ﺣﻤﻴﺪﺓ ﻣﺘﺰﻭﺟﻪ ﻭﻋﻨﺪﻫﺎ ﺧﻤﺲ ﺷﺒﺎﺏ ﻋﻨﻬﺎﺵ ﺑﻨﺎﺕ ﻭﻛﻠﻬﻢ ﻣﺘﺰﻭﺟﻴﻦ
ﻋﻤﺘﻰ ﺻﺎﻟﺤﺔ ﻣﺘﺰﻭﺟﺔ ﺑﺲ ﻋﻨﺪﻫﺎﺵ ﺻﻐﺎﺭ ﺭﺑﻲ ﻣﺎ ﻋﻄﺎﻫﺶ
ﻋﻤﺎﻣﻲ ﻣﺤﻤﺪ ﻭﻋﺒﺪﻟﻠﻪ ﻣﺠﻮﺯﻳﻦ ﻫﻤﺎ ﺍﻻﺛﻨﻴﻦ ﻛﻞ ﻭﺍﺣﺪ ﻋﻨﺪﻩ ﺛﻼﺙ ﺻﺒﺎﻳﺎ ﻣﺎ ﺷﺎﺀ ﺍﻟﻠﻪ ﻋﻨﺪﻫﻢ ﻛﺘﻴﺒﺔ ﻛﻞ ﻭﺍﺣﺪ ﻭﺍﻏﻠﺒﻬﻢ ﺷﺒﺎﺏ ﺑﻨﺎﺕ ﺍﻟﻌﻠﻴﻪ ﺷﻮﻱ ﺍﻟﺸﺒﺎﺏ ﻃﺎﻏﻴﻦ
ﻋﻤﺘﻰ ﺳﻠﻮﻯ : ﺣﻲ ﻋﻠﻴﻜﻢ ﺷﻦ ﺩﺭﺗﻮ ﻓﻲ ﺍﻟﺒﻨﺖ ﺗﻮﺍ ﻛﺎﻥ ﻣﺮﺿﺖ ﻋﻠﻰ ﺍﻟﺮﺍﺟﻞ
ﻭﻧﺤﻨﺎ ﻧﻨﻔﻠﻘﻮ ﺿﺤﻚ
ﻋﻤﺘﻲ ﺳﻠﻮﻯ : ﻛﻨﻜﻢ ﻳﺎﺣﻴﻮﺍﻧﺎﺕ
ﺍﻳﻪ : ﺷﻲ ﻳﺎﻣﺎﻣﺎ ﺷﻦ ﻛﻨﺘﻲ ﺗﺒﻲ
ﻋﻤﺘﻲ ﺳﻠﻮﻯ : ﺑﺸﺔ ﻋﺪﻱ ﺩﻳﺮﻱ ﺣﻤﺎﻡ ﻭﻗﺖ ﻋﻠﻰ ﺍﻟﻜﻮﺍﻓﻴﺮﺓ
ﺍﻧﺎ : ﺗﻤﻴﺖ ﻧﺒﻜﻲ
ﻋﻤﺘﻰ ﺳﻠﻮﻯ : ﻛﻨﻚ ﻳﺎﻫﺒﻠﻪ ﻟﻴﺶ ﻟﺒﻜﺎ
ﺍﻧﺎ : ﻣﺎ ﻧﺒﻴﺶ ﻧﺠﻮﺯ ﺧﻼﺹ
ﻉ ﺳﻠﻮﻯ : ﻫﺒﻠﻪ ﺍﻧﺘﻲ ﺷﻦ ﻗﻠﺖ ﻟﻠﺒﻨﺖ ﻳﺎ ﻛﻠﺒﺎﺕ
ﺍﻟﺒﻨﺎﺕ : ﺍﻧﻔﻠﻘﻨﺎ ﺿﺤﻚ
ﺍﻧﺎ : ﻧﺰﻳﺪ ﻧﺒﺒﻜﻲ ﻭﻋﻤﺘﻲ ﺗﻘﻮﻟﻲ ﻳﻜﺬﺑﻦ ﻋﻠﻴﻚ ﻭﻭﻳﻦ ﻭﻳﻦ ﻧﻴﻦ ﺳﻜﺘﺖ ﻉ ﺳﻠﻮﻯ : ﻫﻴﺎ ﻋﺪﻱ ﺍﺳﺒﺤﻲ ﻭﻗﺖ
ﺍﻧﺎ : ﻋﺪﻳﺖ ﻧﺴﺒﺢ ﻭﻛﻞ ﻣﺎ ﻧﺬﻛﺮ ﻛﻼﻡ ﺍﻟﺒﻨﺎﺕ ﻧﻘﻌﺪ ﻧﺤﺮﻙ ﻓﻲ ﺭﺍﺳﻲ ﻛﻤﻠﺖ ﺣﻤﺎﻣﻲ ﻭﻃﻠﻌﺖ ﻟﺒﺴﺖ ﺳﺮﻭﺍﻝ ﻭﺳﻮﺭﻳﺎ ﻭﻟﻔﻴﺖ ﺍﻟﻮﺷﺎﺡ ﻭﺧﻀﺎﻧﻲ ﻋﺒﺪﺍﻟﻠﻪ ﻻﻥ ﻫﻞ ﺩﺍﺭﻱ ﺍﻟﺨﻮﺕ ﺍﻟﺜﻼﺛﺔ ﻋﺮﺳﺎﻥ ﻭﺣﺎﻳﺴﻴﻦ ﻋﺪﻳﻨﺎ ﻟﻠﻜﻮﺍﻓﻴﺮ ﻧﺎ ﻭﺧﻮﺍﺗﻲ ﻭﺑﻨﺎﺕ ﺍﻟﻌﻴﻠﺔ ﻭﺩﺭﻧﺎ ﺟﻮ ﻭﺿﺤﻚ ﻭﻫﺒﺎﻝ ﻭﺟﺒﻮﻟﻨﺎ ﺍﻟﻐﺪﺍ ﻏﺎﺩﻱ ﺧﻮﺍﺗﻲ ﺩﺍﺭﻥ ﺍﻟﻤﻴﻜﺎﺏ ﻭﺍﻟﺘﺴﺮﻳﺤﺔ ﻭﻋﺪﻥ ﻳﻠﺒﺴﻦ ﺻﻐﺎﺭﻫﻢ ﻭﺍﻳﻪ ﻋﺪﺕ ﻣﻌﺎﻫﻢ ﻭﺻﺒﺎﻳﺎ ﺧﻮﺗﻲ ﺍﻻ ﻣﻠﻚ ﻫﻲ ﺍﻟﻲ ﻗﻌﺪﺕ ﻭﺑﻨﺎﺕ ﺍﺧﺘﻰ ﻫﺎﺟﺮ ﻭﻫﺪﻳﻞ ﻭﺗﻘﻮﻯ ﻛﻼ ﺑﻨﺎﺕ ﻋﻤﺎﻣﻲ ﻗﻌﺪﻥ ﻓﻲ ﺍﻟﺤﻮﺵ ﺣﺎﻳﺴﻴﻦ ﻭﺍﺻﻼ ﺭﺟﻠﺘﻬﻢ ﻣﺎ ﺑﻮﺵ ﻳﻄﻠﻘﻮﻫﻢ ﻳﻌﺪﻭ ﻟﻠﻜﻮﺍﻓﻴﺮ ﻃﺒﻌﺎً ﻣﺎ ﻧﺤﻜﻴﻠﻜﻢ ﺍﻧﺎ ﻛﻨﺖ ﻓﻲ ﺣﺎﻟﺔ ﺭﻋﺐ ﻭﻋﻘﻠﻲ ﻛﺎﻥ ﻣﻊ ﺍﻟﻮﺭﺩ ﻭﻧﺎ ﺳﺎﺭﺣﺔ ﻭﻧﻔﻜﺮ ﺟﺘﻨﻲ ﺭﺳﺎﻟﺔ ﻣﻦ ﺭﻗﻢ ﻏﺮﻳﺐ ﻣﻜﺘﻮﺏ ﺳﻮﻑ ﺗﺼﺒﺤﻴﻦ ﺣﻼﻟﻲ ﺗﻠﺒﻜﺖ ﻭﺟﻲ ﺗﻤﺎ ﺍﻻﻟﻮﺍﻥ
ﻭﺗﺠﻲ ﺗﻘﻮﻯ ﺗﻜﺮ ﻓﻮﻧﻲ ﻭﺗﻘﺮﺍ ﺍﻟﻤﺴﺞ ﺑﺼﻮﺕ ﻋﺎﻟﻲ ﻭﻳﻘﻌﺪﻥ ﻳﻀﺤﻜﻦ ﻭﻧﺎ ﻭﺟﻲ ﻃﺎﺡ
ﺗﻘﻮﻯ : ﻫﺬﻱ ﻋﺪ ﻟﻐﺔ ﻋﺮﺑﻴﺔ ﻓﺼﺤﻰ ﻭﺍﻧﺘﻲ ﺷﻦ ﺑﺘﺮﺩﻱ ﺍﺟﻞ ﻭﺍﻧﺖ ﺍﻳﻀﺂ
ﻫﺪﻳﻞ : ﺗﻮﺍ ﻋﺪ ﻳﻘﻮﻟﻠﻬﺎ ﻛﻢ ﺗﺒﻘﻰ ﻣﻦ ﺍﻟﻮﻗﺖ
ﺍﻧﺎ : ﺳﻜﺮﻥ ﺍﻓﻮﺍﻫﻜﻦ ﻳﺎ ﻛﻠﺒﺎﺕ
ﻫﺎﺟﺮ : ﻣﺎﺫﺍ ﺗﻘﻮﻟﻴﻦ ﺍﻧﻬﺎ ﺗﺘﺤﺪﺙ ﺑﺴﻮﻗﻴﺔ
ﺍﻧﺎ : ﻛﺎﻥ ﻣﺎ ﺗﺮﻳﺤﻦ ﻧﺼﺒﻲ ﺍﻧﺘﻔﻜﻦ ﻛﻨﺖ ﻗﺮﻳﺐ ﻧﻨﻔﺠﺮ ﻛﻤﻠﺘﻠﻲ ﺷﻌﺮﻱ ﻭﺍﻟﻤﻴﻜﺎﺏ ﻭﻧﺎ ﻣﻦ ﺣﺮﻛﺎﺕ ﺍﻟﺒﻨﺎﺕ ﻭﺗﻬﺰﺍﻳﻬﻢ ﻣﻌﺼﺒﺔ ﻭﻫﺬﻙ ﻛﻨﺎ ﻳﺤﻜﻲ ﻫﻚ ﻭﺗﻤﻴﺖ ﻧﺘﺒﺴﻢ ﻋﻠﻰ ﻛﻼﻡ ﺍﻟﺒﻨﺎﺕ ﻭﻧﺘﺨﻴﻞ ﻛﻴﻒ ﻧﺤﻜﻲ ﻣﻌﺎﻩ ﺑﺎﻟﻐﺔ ﺍﻟﻌﺮﺑﻴﺔ
ﻫﺎﺟﺮ : ﻭﻳﻦ ﻋﻘﻠﻚ ﻳﺎﺳﻤﺤﺔ
ﺗﻘﻮﻯ : ﺗﻔﻜﺮ ﻓﻲ ﺣﺒﻴﺐ ﺍﻟﻘﻠﺐ
ﺍﻧﺎ : ﺣﻼ ﺩﺭﺗﻮ ﺣﺒﻴﺐ ﺍﻟﻘﻠﺐ ﺧﻴﺎﻟﻜﻢ ﻭﺍﺳﻊ ﺑﻜﻞ
ﺗﻘﻮﻯ : ﻛﻴﻒ ﺗﻘﻮﻟﻲ ﺫﻟﻚ ﺑﻌﺪ ﺍﻥ ﺍﺧﺒﺎﺭﻙ ﺑﺄﻧﻜﻲ ﺳﺎ ﺗﺼﺒﻴﺤﻦ ﺣﻼﻟﻪ ﻳﺴﻴﺮ ﻣﻨﻲ ﻣﺎ
ﺍﻧﺎ : ﺍﻧﻘﻨﻜﻢ ﺣﻘﺮﺍﺀ ﺑﺎﻫﻲ
ﺍﻟﺒﻨﺎﺕ : ﺣﻲ ﺯﻋﻠﺖ ﻧﺒﺼﺮﻭ ﺭﺍﻩ
ﻫﺎﺟﺮ : ﺧﻼﺹ ﻳﺎﺑﻨﺎﺕ ﺻﻤﺘﻨﻬﺎ ﺍﺳﻜﺘﻦ
ﺗﻘﻮﻯ ﻭﻣﻠﻚ : ﺑﺲ ﻓﻴﻬﺎ ﺟﻮ
ﺍﻧﺎ : ﺣﺘﻰ ﺍﻧﺘﻲ ﻳﺎ ﻣﻮﻛﺔ ﻣﺘﻘﻮﻋﺘﺶ
ﻣﻠﻚ : ﺍﻧﺒﺼﺮ ﺯﻋﻠﺘﻲ ﻣﺶ ﻗﺼﺪﻱ
ﺍﻧﺎ : ﺣﻲ ﺣﻲ ﺗﺎ ﺗﺒﻜﻲ ﻧﺒﺼﺮ
ﻫﺎﺟﺮ : ﻋﺮﻓﺘﻴﻬﺎ ﻣﺎ ﺗﺤﻤﻠﺶ ﺷﻲ 😂
ﺍﻧﺎ : 😂😂😂😂 ﺑﻜﻞ ﻣﺎ ﻧﻜﻢ ﺗﻌﻠﻘﻮ ﻣﺎﻟﺼﺒﺢ
ﻣﻠﻚ : ﺧﺰﻱ ﻣﺎﻟﻘﻴﺘﻲ ﺍﻻ ﻧﺎ 😯
ﺍﻧﺎ : ﺑﻴﺶ ﺗﻠﻬﻮ ﻓﻲ ﻏﻴﺮﻱ 😂😂
ﺍﻟﻜﻮﺍﻓﻴﺮﺓ : ﻫﻴﺎ ﻭﻗﺖ ﺻﺒﻲ ﺍﻟﺒﺴﻲ ﺍﻟﻔﻴﻠﻮ ﻛﺎﻥ ﻏﻴﺮ ﻋﻠﻰ ﻻﺧﺮ ﻛﺎﻥ ﻧﻈﺎﻡ ﻣﻦ ﻓﻮﻕ ﺭﻗﺒﺔ ﻭﺍﻛﻤﺎﻡ ﺷﻴﻔﻮﻥ ﻣﻮﺭﺩ ﻭﻇﻬﺮﻩ ﻛﻠﻪ ﻋﺮﻳﺎﻥ ﻭﻣﻔﻮﺝ ﻣﻦ ﺍﻟﺨﺼﺮ ﻭﺍﺑﻴﺾ ﻛﻴﻒ ﺍﻟﺜﻠﺞ ﻭﺍﻟﻄﺮﺣﺔ ﺑﻄﻮﻝ ﺍﻟﺬﻳﻞ ﻭﻛﺒﻴﺮﺓ ﻭﺷﻌﺮﻱ ﻣﻄﻠﻮﻕ ﻭﻣﻤﻮﺝ ﻭﺟﻴﺒﺘﻪ ﻟﻲ ﻣﻦ ﺟﻨﺐ ﻭﺍﺣﺪ ﻭﺍﻟﻤﻴﻜﺎﺏ ﺍﺳﻤﻮﻛﻲ 😍 ﻛﻨﺖ ﻃﺎﻟﻌﺔ ﺧﻴﺎﻝ ﺑﻜﻞ ﺭﻏﻢ ﻫﻜﻲ ﻛﻨﺖ ﺧﺎﻳﻔﺔ ﻳﻄﻠﻌﻦ ﻻﺧﺮﺍﺕ ﺍﺣﻼ ﻣﻨﻲ
ﻫﺎﺟﺮ : ﻛﺎﻧﺖ ﺗﻬﺒﻞ ﻭﻃﺒﻌﺎً ﺍﻟﻤﻮﺿﻮﻉ ﻣﺎ ﻳﺨﻠﺶ ﻣﻦ ﺍﻟﺴﻠﻔﻴﺎﺕ ﻛﻨﺎ ﻧﻈﺎﻡ ﻭﺻﻴﻔﺎﺕ ﻟﻬﺎ 😍 ﺷﻮﻱ ﻭﺟﺎ ﺍﻟﻌﺮﻳﺲ ﺑﻴﺶ ﻳﺎﺧﻀﻬﺎ
ﺍﻧﺎ : ﺍﻭﻝ ﻣﺎ ﺟﺎﺀ ﻧﺎ ﻗﻠﺒﻲ ﻛﺎﻥ ﻳﺪﻕ ﺑﻘﻮﺓ ﺍﻟﻔﻴﻦ ﻓﻮﻟﺖ ﻭﻛﻨﺖ ﻣﺮﻋﻮﺑﺔ ﻭﺟﺴﻤﻲ ﻛﻠﻪ ﻳﺮﺟﻒ ﻭﺷﻮﻱ ﻭﻧﺒﻜﻲ ﺍﻟﺒﻨﺎﺕ ﻟﺒﺴﻨﻲ ﺍﻟﺒﺮﻧﻮﺱ ﻭﻛﻨﺖ ﻣﺎ ﻧﺤﻖ ﻓﻲ ﺷﻲ ﻗﺪﺍﻣﻲ ﻣﻐﻴﺮ ﻣﺪ ﻳﺪﻩ ﻭﻧﺎ ﻣﺴﻜﺘﻬﺎ
ﻣﺤﻤﺪ : ﺍﻟﻒ ﻣﺒﺮﻭﻭﻙ 😍
ﺍﻧﺎ : ﻣﺎ ﺣﻮﺗﻪ ﺻﻮﺗﻲ ﻃﻠﻊ ﺍﻟﻠﻪ ﻳﺒﺎﺭﻙ ﻓﻴﻚ 😳
ﻣﺤﻤﺪ : ﻛﻨﻚ ﺗﺮﺟﻔﻲ ☺ ﻣﺼﻘﻌﺔ ﻭﻻ ﺧﺎﻳﻔﺔ 😉
ﺍﻧﺎ : ﻣﻔﻴﺶ ﺩﻭﺭﻭﻧﻲ ﻣﺎ ﺗﻠﻘﻮﻧﻲ ﺍﺻﻼ ﻣﺎ ﺣﻜﻴﺖ ﻣﻌﺎﻩ ﺑﻜﻞ ﻣﻦ ﻗﺒﻞ ﻫﺎ ﻻ ﻻ ﻣﺼﻘﻌﺔ ﺷﻮﻱ ﻋﺎﺩﻱ ☺ ﺭﻛﺒﻨﺎ ﺍﻟﺴﻴﺎﺭﺓ ﻭﻋﺪﻳﻨﺎ ﺷﻮﺭ ﻣﺼﻮﺭ ﻧﺰﻟﻨﺎ ﺻﻮﺭﻧﺎ ﻭﺍﻟﻤﺼﻮﺭﻩ ﻣﺎ ﻋﻘﺒﺖ ﻟﻘﻄﺔ ﺍﻻ ﻭﻗﺎﻟﺘﻠﻪ ﻳﺪﻳﺮﻫﺎ ﻭﻧﺎ ﻭﺟﻲ ﻃﺎﺡ ﻭﻫﻮ ﻣﻨﺴﺠﻢ 😂 ﻛﻤﻠﻨﺎ ﺍﻟﺘﺼﻮﻳﺮ ﻋﻠﻰ ﺧﻴﺮ ﻭﻃﻠﻌﻨﺎ ﺷﻮﺭ ﺍﻟﺼﺎﻟﺔ ﻛﺎﻧﻦ ﺳﻠﻔﺎﺗﻲ ﻭﺻﻼﺕ ﻗﺒﻠﻲ ﻭﻧﺎ ﺍﺧﺮ ﻭﺍﺣﺪﻩ ﻭﻃﺒﻌﺂ ﻋﻴﺖ ﻋﻤﻲ ﺟﻴﺒﺎﺕ ﻛﺎﻣﻴﺮﺓ ﻓﻴﺪﻳﻮ ﻭﻳﺼﻮﺭﻭ ﺍﻟﺒﻨﺎﺕ ﺧﺸﻦ ﻗﺒﻞ ﻧﻈﺎﻡ ﻭﺻﻴﻔﺎﺕ ﻭﻧﺎ ﻓﻲ ﻭﺳﻄﻬﻢ ﻭﺻﺒﻦ ﻋﻠﻰ ﻻﺟﻨﺎﺑﺎﺕ ﻭﻧﺎ ﺧﺸﻴﺖ ﻣﻦ ﻭﺳﻄﻬﻢ ﻭﺑﻌﺪﻫﺎ ﻫﻢ ﻋﻠﻰ ﺍﻏﻨﻴﺔ ﻓﻴﺮﻭﺯ ﺣﺒﻴﺘﻚ 😂😂 ﻣﺶ ﺍﺧﺘﻴﺎﺭﻱ ﺍﺧﺘﻴﺎﺭ ﺣﻤﺎﺩﻱ ﺭﻭﻣﺎﻧﺴﻲ ﺍﻟﻌﻄﻴﺐ 😂😂 ﻫﻠﺐ ﺧﻴﺎﻟﻲ ﻏﺎﺩﻱ ﻃﻠﻌﺔ ﻋﻠﻰ ﻟﺴﺘﻴﺪﺝ ﻭﺳﻠﻤﺖ ﻋﻠﻰ ﺳﻠﻔﺎﺗﻲ
ﻧﻌﺮﻓﻜﻢ ﻋﻠﻰ ﻋﻴﺖ ﻋﻤﻲ 😜
ﻋﻤﻲ ﻋﺒﺪﺍﻟﺮﺣﻴﻢ ﻭﻋﻤﺘﻲ ﺳﻤﻴﺮﺓ
ﻋﻨﺪﻫﻢ 3 ﺷﺒﺎﺏ ﻭ 4 ﺑﻨﺎﺕ
ﻣﺤﻤﺪ ﻫﻮ ﺍﻟﻜﺒﻴﺮ ﺿﺎﺑﻂ ﻓﻲ ﺍﻟﺠﻴﺶ ﻣﻮﻟﻴﺪ 80 ﻭﻃﺒﻌﻪ ﺻﻌﺐ ﻟﺪﺭﺟﺔ ﺍﻧﻪ ﻳﻠﺒﺲ ﻓﻲ ﺧﻮﺍﺗﻪ ﺍﻻﺯﺩﺍﻝ ﻭﻣﻤﻨﻮﻉ ﺍﻟﻤﻴﻜﺎﺏ ﺣﺘﻰ ﻓﻲ ﺍﻟﻤﻨﺎﺳﺒﺎﺕ ﻭﻳﻠﺒﺴﻦ ﻗﻔﺎﻃﻴﻦ ﺍﻃﻮﺍﻝ ﻭﺑﺄﻛﻤﺎﻡ ﻓﻲ ﺍﻻﻓﺮﺍﺡ ﻭﻏﻴﺮ ﻫﻚ ﻣﺎ ﻳﺤﻠﻤﻨﺶ 😱
ﺍﺣﻤﺪ ﻭﻫﻮ ﺍﻟﻮﺳﻄﻲ ﻣﻮﻟﻴﺪ 82 ﻋﺎﺩﻱ ﻣﺎ ﻳﻌﺪﻟﺶ ﻭﺍﺟﺪ ﻭﻣﺘﻔﺎﻫﻢ ﺑﺲ ﺑﻌﺪ ﻣﺤﻤﺪ ﻳﻘﻮﻝ ﻛﻠﻤﺔ ﻣﻤﻨﻮﻉ ﺗﻨﺮﺩ ﻭﻣﺎ ﻳﻘﺪﺭﺵ ﻳﻘﻮﻝ ﻻ ﻷﻣﻪ ﻭﻟﺒﺎﺗﻪ ☺
ﻋﺒﺪﺍﻟﻌﺰﻳﺰ ﻣﻮﻟﻴﺪ 85 ﻣﺘﻔﺎﻫﻢ ﻃﻴﺐ ﻭﻳﺴﻤﻊ ﻛﻼﻡ ﻫﻠﻪ ﻟﺪﺭﺟﺔ ﺍﻧﻬﻢ ﺍﺟﺒﺮﻭ ﻳﺎﺧﺬ ﺑﻨﺖ ﺳﻴﺪﻩ
ﻣﻮﺩﺓ ﻣﻮﻟﻴﺪ 91 ﻗﻴﺴﻲ ﻳﻌﻨﻲ ﺟﻮﺭﻱ 92 ﺍﺳﻴﻞ 93 ﻭﺟﻮﻟﻴﺎ 94 ﻭﻃﻴﺒﺎﺕ ﺑﻜﻞ ﺗﺤﻄﻴﻬﻢ ﻋﻠﻰ ﺍﻟﺠﺮﺡ ﻳﺒﺮﺍ ☺
ﺳﻠﻔﺎﺗﻲ ﺍﺳﻤﺎﺀ ﺑﻨﺖ ﺳﻴﺪﻫﻢ ﻣﺮﺍﺕ ﻋﺒﺪﺍﻟﻌﺰﻳﺰ ﻭﻣﻴﺘﻪ ﻋﻠﻴﻪ ﻣﻮﺕ
ﺻﻔﺎﺀ ﻣﺮﺍﺕ ﺍﺣﻤﺪ ﻭﺍﺧﻀﻬﺎ ﻋﻠﻰ ﺣﺐ 😍
ﻃﺒﻌﺂ ﻧﺎ ﻣﺮﺍﺕ ﺍﻟﻜﺒﻴﺮ 😂 ﻭﺣﻲ ﻋﻠﻰ ﺷﻜﻠﺔ ﺡ ﻳﻄﻠﻌﻨﻲ ﺩﻋﺸﻮﺷﻪ ﻛﻴﻒ ﺧﻮﺍﺗﻪ 😂ﻧﻜﻤﻞ ﻣﻦ ﻭﻳﻦ ﻣﺎ ﻭﻗﻔﺖ 😉
ﻃﻠﻌﺔ ﻟﺴﺘﻴﺪﺝ ﻭﺳﻠﻤﺖ ﻋﻠﻰ ﺳﻠﻔﺎﺗﻲ 😙 ﻭﻗﻌﺪﺕ ﻓﻲ ﺍﻟﻨﺺ ﺷﻮﻱ ﻫﻚ ﻭﺟﻦ ﺍﻟﺒﻨﺎﺕ ﻭﺭﻗﺼﻨﺎ ﻋﻠﻰ ﺳﻲ ﻟﻔﻲ ﻟﺸﺎﺏ ﺧﺎﻟﺪ 😍 ﺭﻗﺼﺖ ﻧﺎ ﻭﺳﻠﻔﺎﺗﻲ ﻭﻫﻨﺎ ﻣﺘﺤﺸﻤﺎﺕ ﻭﻧﺎ ﺯﺍﻳﻄﺔ 😂😂 ﻭﻋﻤﺘﻲ ﻛﻞ ﺷﻮﻱ ﺗﺒﺤﺖ ﻓﻲ ﺍﺣﻢ ﻧﻈﺎﻡ ﻛﻨﻲ ﻭﻧﺎ ﻻ ﺣﻴﺎﺓ ﻟﻤﻦ ﺗﻨﺎﺩﻱ 😂😂 ﻧﺤﻜﻲ ﻋﻠﻰ ﻋﻤﺘﻲ ﺍﺧﺖ ﺑﺎﺗﻲ ﻛﻼ ﻟﺨﺮﻯ ﻣﻨﺼﺪﻣﺔ 😂😂 ﻭﺍﺻﻼ ﻫﻲ ﻣﺶ ﻃﺎﻳﻘﻨﻲ ﻻﻧﻲ ﻣﺶ ﻋﺠﺒﺘﻪ ﻛﺎﻧﺖ ﺗﺒﻲ ﺗﺎﺧﻀﻠﻪ ﺑﻨﺖ ﺧﻮﻫﺎ 😂😂 ﻋﻤﺘﻲ ﺍﺧﺮ ﻣﺎ ﻣﻠﺖ ﻣﺎﻟﺘﻔﻨﻴﺺ ﺟﺘﻨﻲ 😂😂 ﻭﺧﻀﺘﻨﻲ ﻗﻌﻤﺰﺗﻨﻲ ﻭﺍﻟﺒﻨﺎﺕ ﻳﻄﺮﺑﻘﻦ ﺿﺤﻚ ﺷﻮﻱ ﻫﻚ ﻭﻳﻘﻮﻟﻦ ﺍﻟﻌﺮﺳﺎﻥ ﻳﺒﻦ ﻳﺨﺸﻦ ﺻﺒﻴﻨﺎ ﻃﺒﻌﺎً ﺳﻠﻔﺎﺗﻲ ﻃﺮﺣﺎﺗﻬﻦ ﺗﻨﺰﻝ ﻋﻠﻰ ﻭﺟﻮﻫﻢ ﺍﻧﺎ ﻻ ﻗﻌﺪﺕ ﻫﻚ ﻃﻠﻌﻮ ﻋﻠﻰ ﻟﺴﺘﻴﺪﺝ ﻭﻛﻞ ﻭﺍﺣﺪ ﺷﻮﺭ ﻣﺮﺍﺗﻪ ﻣﺤﻤﺪ ﺑﺎﺳﻨﻲ ﻋﻠﻰ ﺭﺍﺳﻲ ﻭﺧﺪﻱ ﻭﻳﺪﻱ 😂😂 ﻭﻧﺎ ﻭﺟﻲ ﺗﻤﺎ ﻃﻤﺎﻃﻤﺔ 😂 ﺟﻴﺖ ﻧﺒﻲ ﻧﻘﻌﻤﺰ ﺷﻮﻱ ﻣﺴﻜﻠﻲ ﻳﺪﻱ ﻭﺑﺤﺖ ﻓﻲ ﺍﻟﻤﻨﻈﻤﺔ ﺗﺎﻉ ﺍﻟﻌﺮﺱ ﺣﻄﺖ ﻋﻠﻰ ﺍﻏﻨﻴﺔ ﺍﻧﺖ ﻋﻤﺮﻱ ﻻﻡ ﻛﻠﺜﻮﻡ ﻭﺗﻤﻴﻨﺎ ﻧﺮﻗﺼﻮ ﺳﻠﻮ ﻭﻧﺎ ﻧﺮﻋﺶ
ﻣﺤﻤﺪ : ﺟﻴﺖ ﺑﺤﺬﺍ ﻭﺫﻧﻬﺎ ﻭﻗﻠﺘﻬﺎ ﻟﻬﺎ ﻭﺍﺧﻴﺮﺁ ﺍﻧﺤﺒﻚ ﻭﺑﺴﺘﻪ 😙 ﻭﻛﻞ ﻗﺎﻋﺪ ﻳﺘﻌﺎﻳﻂ
ﺍﻧﺎ : ﺩﺧﺖ ﻣﻌﺪﺵ ﺭﻛﺰﺕ ﺑﻜﻞ 😳 ﻭﻫﻮ ﺗﻤﺎ ﻳﻀﺤﻚ ﻋﻠﻲ ﺗﻤﻴﺖ ﻧﺒﺤﺖ ﻳﻤﻴﻦ ﻭﻳﺴﺎﺭ ﺣﺘﻰ ﺳﻠﻔﺎﺗﻲ ﻛﺎﻧﻦ ﻳﺮﻗﺼﻦ ﺑﺲ ﺍﻟﺴﻴﺪ ﻣﺤﻤﺪ ﺍﻟﺠﻮ ﺍﻟﻲ ﺩﺍﺭﻩ ﻣﺎ ﺩﺍﺭﻩ ﻭﺍﻟﻲ ﻛﺸﻒ ﺑﻲ ﻗﺪﺍﻡ ﺍﻟﻌﺮﺏ ﺗﻤﻮ ﻣﻐﻴﺮ ﻳﺘﻌﺎﻳﻄﻮ ﻭﺍﻟﻲ ﺗﻘﻮﻟﻪ ﺍﺻﺒﺮ ﻧﻴﻦ ﺗﻌﺪﻱ ﺷﻘﺘﻚ ﻭﺍﻟﻲ ﺗﻘﻮﻟﻪ ﻭﻳﻦ ﺍﻟﺮﻭﻣﺎﻧﺴﻴﺔ ﻭﻧﺎ ﻭﺟﻲ ﺧﻼﺹ ﻃﺎﺡ ﻗﻌﺪﻧﺎ ﺷﻮﻱ ﻭﺑﻌﺪﻫﺎ ﻗﺎﻟﻮ ﺻﺒﻮ ﺑﺪﻟﻮ ﺍﻟﺪﺑﻞ ﻭﻗﺼﻮ ﺍﻟﺠﺎﺗﻮ 😍 ﺑﺪﻟﻨﺎ ﺍﻟﺪﺑﻞ ﻧﺤﻨﺎ ﺍﻟﺜﻼﺛﺔ ﻣﻊ ﺑﻌﻀﻨﺎ ﻭﺑﻌﺪﻫﺎ ﻗﺼﻴﻨﺎ ﺍﻟﺠﺎﺗﻮ ﻣﻊ ﺑﻌﻀﻨﺎ ﻭﻛﻞ ﻭﺍﺣﺪ ﻭﻛﻞ ﻣﺮﺍﺗﻪ ﺍﻧﺎ ﺟﻴﺖ ﻧﺒﻲ ﻧﻮﻛﻠﻪ ﺍﻳﺪﻱ ﺗﻤﺖ ﺗﺮﻋﺶ ﻣﺴﻚ ﺍﻟﺸﻮﻛﺔ ﻣﻌﺎﻱ ﻭﻋﻠﻰ ﺍﺳﺎﺱ ﻳﺒﻲ ﻳﻮﻛﻠﻨﻲ ﻧﺎ ﻧﺠﻲ ﻧﻜﻠﻬﺎ ﻭﻳﺎﻛﻠﻬﺎ ﻣﻌﺎﻱ ﻭﻛﻞ ﻳﻌﻴﻂ ﻭﻳﺪﻋﻦ ﺭﺑﻲ ﻳﻌﻄﻴﻬﻢ ﻭﺍﺣﺪ ﻛﻴﻒ ﻣﺤﻤﺪ 😂😂 ﻭﻧﺎ ﻗﻠﺖ ﻛﻨﻪ ﻗﺎﻋﺪ ﻳﺪﻳﺮ ﻫﻚ ﻭﻗﺪﺍﻡ ﺍﻟﻌﺮﺏ ﺛﺎﺭﻱ ﺷﻦ ﻳﺒﻲ ﻳﺪﻳﺮ ﻓﻲ ﻧﺎ ﻭﻧﺤﻨﺎ ﻓﻲ ﺍﻟﺸﻘﺔ ﻭﻗﻠﺒﻲ ﺗﻤﺎ ﻳﺮﺟﻒ ﻣﻦ ﺍﻟﺨﻮﻑ 😨
ﻋﻤﺘﻰ ﺳﻠﻮﻯ : ﻃﻠﻌﻨﺎ ﻧﺴﻠﻤﻮ ﻋﻠﻴﻬﺎ ﻧﺒﻮ ﻧﻤﺸﻮ ﻋﺪ
ﺍﻧﺎ : ﻻ ﻻ ﻣﺎ ﺗﺴﻴﺒﻮﻧﻴﺶ ﺣﺘﻰ ﻧﺎ ﻧﺒﻲ ﻧﺮﻭﺡ 😭
ﻉ ﺳﻠﻮﻯ : ﻋﻴﺐ ﺍﻟﺮﺍﺟﻞ ﺷﻦ ﻳﻘﻮﻝ ﻋﻠﻴﻚ ﺍﻗﻌﺪﻱ ﺧﻼﺹ ﺗﻮﺍ ﻣﻜﻴﺎﺟﻚ ﻳﺨﺮﺏ
ﺍﻧﺎ : ﻧﺒﻲ ﻧﺮﻭﺡ ﻧﺒﻲ ﻣﺎﻣﺎ ﻧﺒﻴﺶ ﻧﻘﻌﺪ
ﻣﺤﻤﺪ : ﺍﺣﻢ ﺍﺣﻢ ﺍﻫﺪﻱ ﺧﻼﺹ ☺
ﺍﺍﻧﺎ : ﻧﺒﻲ ﻣﺎﻣﺎ ﻧﺒﻲ ﻧﺮﻭﺡ ﺣﻮﺷﻨﺎ
ﻉ ﺳﻠﻮﻯ : ﺳﻤﺤﻨﺎ ﻳﺎﻭﻟﺪﻱ ﻫﻲ ﺩﻟﻮﻋﺔ ﻭﻣﺎ ﺗﺤﻤﻞ ﺭﺩ ﺑﺎﻟﻚ ﻣﻨﻬﺎ
ﻣﺤﻤﺪ : ﻓﻲ ﻋﻴﻮﻧﻲ ﻳﺎﻋﻤﺘﻲ
ﺍﻧﺎ : ﺍﺿﺒﻄﺖ ﺍﻟﺒﻨﺎﺕ ﻭﺗﻤﻴﺖ ﻧﺒﻜﻲ ﻭﺗﻤﻴﻦ ﻳﺪﻳﺮﻥ ﻓﻲ ﺟﻮ ﻭﻳﻀﺤﻜﻦ ﻓﻲ
ﻫﺎﺟﺮ : ﻳﻴﻴﻴﻴﻴﻴﻴﻲ ﻣﻜﻴﺎﺟﻚ ﺧﺮﺏ ﻭﻫﻨﺎ ﻣﺸﺎ ﺍﻟﻠﻪ ﺣﻘﻲ ﻛﻴﻒ ﻳﺒﺤﺘﻦ ﻓﻴﻚ oh may god ﺑﻜﻞ ﻻ ﻻ
ﺍﻧﺎ : ﺗﻤﻴﺖ ﻧﺴﺎﻭﻱ ﻓﻲ ﺭﻭﺣﻲ ﻭﻧﻘﻮﻟﻠﻬﻢ ﻫﻚ ﺗﻤﺎﻡ 😂😂 ﺑﻌﺪﻙ ﻳﻌﺮﻓﻨﻲ ﻣﻬﻮﺳﺔ ﻓﻲ ﺍﻻﻫﺘﻤﺎﻡ ﺭﺗﺒﺖ ﺭﻭﺣﻲ ﻭﺩﺭﺕ ﺭﻭﺣﻲ ﻧﻮﺩﻉ ﻓﻴﻬﻢ ﺑﻄﺮﻳﻘﺔ ﺭﺍﻗﻴﺔ ﻗﺪﺍﻡ ﺳﻠﻔﺎﺗﻲ 😂😂ﻭﻧﺎ ﻗﺮﻳﺐ ﻧﻤﻮﺕ
ﻣﺤﻤﺪ : ﻫﻴﺎ ﻧﻤﺸﻮ ☺
ﺍﻧﺎ : ﻻﻻ ﻣﺎﺯﺍﻝ ﺑﺪﺭﻱ ﻛﻨﺖ ﺧﺎﻳﻔﺔ ﻛﺎﻥ ﻧﻠﻘﻰ ﻧﻘﻌﺪ ﻟﻠﺼﺒﺢ ﻓﻲ ﺍﻟﺼﺎﻟﺔ ﺍﻫﻢ ﺷﻲ ﻣﺎ ﻧﺮﻭﺣﺶ ﻭﺩﺍﺭ ﺭﻭﺣﻲ ﻣﺮﻛﺰﻩ ﻛﻴﻒ ﺍﻟﺒﻨﺎﺕ ﻳﺮﻗﺼﻦ 😂😂
ﻣﺤﻤﺪ : ﺗﻤﻴﺖ ﺑﺤﺖ ﻓﻴﻬﺎ ﻭﻛﺎﻥ ﻭﺍﺿﺢ ﻋﻠﻴﻬﺎ ﺍﻟﺨﻮﻑ ﻭﺩﺍﺭ ﺭﻭﺣﻬﺎ ﻣﺮﻛﺰﻩ ﻓﻲ ﺍﻟﺒﻨﺎﺕ ﻛﻴﻒ ﻳﺮﻗﺼﻦ ﺟﻴﺖ ﺑﺤﺬﺍ ﻭﺫﻧﻬﺎ ﻭﻗﺘﻠﻬﺎ ﺗﺒﻲ ﺗﺎﺧﺬﻱ ﺩﻭﺭﻩ ﻓﻲ ﺍﻟﺮﻗﺺ 😂
ﺍﻧﺎ : ﻻ ﻻ ﻧﻌﺮﻑ ﻭﺑﻌﺪﻫﺎ ﻓﻄﻨﺖ ﺍﻟﺮﻭﺣﻲ 😳 ﺧﻼﺹ ﻃﺒﺴﺖ ﺭﺍﺳﻲ ﻭﺳﻜﺘﺖ
ﻣﺤﻤﺪ : ﻳﻨﺎﻋﻠﻲ ﻣﻦ ﺍﻟﺤﺸﻮﻣﻲ 😍
ﻋﻤﺘﻰ ﺍﻡ ﻣﺤﻤﺪ : ﻫﻴﺎ ﻗﺎﻟﻮﻟﻜﻢ ﺍﻃﻠﻌﻮ
ﺍﻧﺎ : ﺗﻤﻴﺖ ﻧﺮﺟﻒ ﺻﺒﻴﺖ ﻟﺒﺴﻨﻲ ﺧﻮﺍﺗﻪ ﻭﻃﻠﻌﻨﺎ ﻋﺪﻳﻨﺎ ﺷﻮﺭ ﺍﻟﻔﻴﻼ ﺣﻞ ﺍﻟﺒﻮﺍﺑﺔ ﻧﻈﺎﻡ ﺩﻭﺭﺍﻥ ﻫﻚ ﻭﻓﻲ ﺍﻟﻨﺺ ﻓﻲ ﻧﻔﻮﺭﺓ ﻭﺟﻨﺎﻥ ﻣﻦ ﻳﻠﻪ ﻛﻠﻬﺎ ﻭﺭﻭﺩ ﻭﺑﻌﺪﻫﺎ ﺩﺭﺱ ﺍﻟﺴﻴﺎﺭﺓ ﻗﺪﺍﻡ ﺍﻟﻔﻴﻼ ﻭﺟﺎ ﻧﺰﻟﻨﻲ ﻭﺣﻞ ﺑﺎﺏ ﺍﻟﻔﻴﻼ ﺍﻭﻝ ﻣﺎ ﺗﺨﺸﻲ ﺗﻠﻘﻲ ﺻﺎﻟﺔ ﻛﺒﻴﺮﺓ ﻛﻠﻬﺎ ﺭﺧﺎﻡ ﻭﻣﺮﺍﻳﺎﺕ ﻭﻓﻲ ﻣﻦ ﺍﻟﺠﻨﺐ ﻫﻚ ﻣﺮﺑﻮﻋﺔ ﻭﺍﻟﺠﻨﺐ ﻻﺧﺮ ﺍﺳﻨﺴﻴﺮ ﻭﺩﺭﻭﺝ ﻫﻀﻪ ﻣﻦ ﺍﻻﺟﻨﺎﺏ ﺍﻣﺎ ﻓﻲ ﻭﺟﻚ ﻓﻲ ﺍﺭﺑﻊ ﺩﺭﺟﺎﺕ ﻭﺑﻌﺪﻫﺎ ﺭﻳﺴﺒﺸﻦ ﻛﺒﻴﺮ ﻛﻠﻪ ﺍﻧﺘﺮﻳﻬﺎﺕ ﻭﻣﻦ ﺍﻟﺠﻬﺔ ﺍﻟﻴﻤﻴﻦ ﻳﺠﻴﻚ ﺍﻟﺴﻔﺮﺓ ﻭﺍﻟﻜﺘﺸﻦ ﻣﻔﺘﻮﺡ ﻋﻠﻰ ﺍﻟﺠﻬﺔ ﺍﻟﻲ ﻓﻴﻬﺎ ﺍﻟﺴﻔﺮﺓ ﻭﻣﻦ ﺍﻟﺠﻬﺔ ﺍﻟﻴﺴﺎﺭ ﻓﻲ ﻣﻤﺮ ﻫﻜﻲ ﻳﺎﺧﻀﻚ ﻋﻠﻰ ﺩﻳﺎﺭ ﺍﻟﻨﻮﻡ ﻛﻞ ﻭﺍﺣﺪ ﻟﻪ ﺟﻨﺎﺡ ﻣﻦ ﺍﻟﺸﺒﺎﺏ ﻭﺍﻟﺒﻨﺎﺕ ﻛﻞ ﺍﺛﻨﻴﻦ ﺟﻨﺎﺡ ﻭﺟﻨﺎﺡ ﻟﺒﺎﺗﻬﻢ ﻭﺍﻣﻬﻢ ﻫﻀﻪ ﺍﻟﺪﻭﺭ ﺍﻻﻭﻝ ﻭﺍﻟﺪﻭﺭ ﺍﻟﺜﺎﻧﻲ ﻓﻲ ﺷﻘﺔ ﻣﺤﻤﺪ ﻭﺷﻘﺔ ﺍﺣﻤﺪ ﻭﺍﻟﺜﺎﻟﺚ ﺷﻘﺔ ﻋﺒﺪﺍﻟﻌﺰﻳﺰ
ﺭﻗﻴﻨﺎ ﻓﻲ ﺍﻻﺳﺎﻧﺴﻴﺮ ﻭﻣﺤﻤﺪ ﺣﻞ ﺍﻟﺸﻘﺔ
ﻣﺤﻤﺪ : ﻫﻴﺎ ﺳﻤﻲ ﺑﺎﻟﻠﻪ ﻭﺧﺸﻲ ﺑﻜﺮﺍﻋﻚ ﺍﻟﻴﻤﻴﻦ 😍
ﺍﻧﺎ : ﺧﻼﺹ ﻗﻠﺒﻲ ﻗﺮﻳﺐ ﻳﻮﻗﻒ ﺧﺸﻴﺖ ﺍﻭﻝ ﻣﺎ ﻳﻘﺎﺑﻠﻚ ﻋﻠﻰ ﺍﻟﻴﻤﻴﻦ ﺍﻟﻤﺮﺑﻮﻋﺔ ﻛﺒﻴﺮﺓ ﻭﻓﻴﻬﺎ ﺑﺎﺭ ﻟﻠﻌﺼﺎﺋﺮ ﻭﺍﻟﻤﻜﺴﺮﺍﺕ ﻭﻣﻔﺮﺷﺔ ﺍﻧﺘﺮﻳﻬﺎﺕ ﻭﺻﺪﺍﺭﻫﺎ ﺣﻤﺎﻡ ﻭﺑﻌﺪﻫﺎ ﺗﺨﺸﻲ ﺗﺮﻗﻲ ﺛﻼﺙ ﺩﺭﺟﺎﺕ ﻭﻓﻲ ﺑﺎﺏ ﺯﺟﺎﺝ ﻳﻨﺴﺤﺐ ﻭﻣﻦ ﺟﻮﺍ ﻓﻲ ﺗﺄﻣﻴﻨﺔ 😍 ﻭﻣﻦ ﺟﻮﺍ ﻋﺎﻟﻢ ﺍﺧﺮ ﺗﺨﺸﻲ ﻳﻘﺎﺑﻠﻚ ﺭﺳﺒﺸﻦ ﻛﺒﻴﺮ ﻭﻃﺒﻌﺎً ﻧﻔﺲ ﻧﻈﺎﻡ ﻟﻮﻃﻰ ﺍﻟﻴﻤﻴﻦ ﺍﻟﺴﻔﺮﺓ ﻭﺍﻟﻜﺘﺸﻦ ﻧﻈﺎﻡ ﺑﺎﺭ ﻭﺍﻟﺤﻮﺽ ﻓﻲ ﺍﻟﻨﺺ ﻭﻟﻮﻧﻬﺎ ﺍﺑﻴﺾ ﻓﻲ ﺍﻻﺳﻮﺩ ﻭﺗﺤﻒ ﻭﺟﻮ ﻭﺍﻟﻴﺴﺎﺭ ﻣﻤﺮ ﻭﺑﻌﺪﻫﺎ ﺍﺩﻳﺎﺭ ﺍﻟﻨﻮﻡ ﻭﺍﻟﺪﻳﻜﻮﺭ ﺗﺎﻉ ﺍﻟﺸﻘﺔ ﻓﻮﻕ ﺍﻟﺨﻴﺎﻝ ﻭﺩﺍﺭ ﺍﻟﻨﻮﻡ ﺗﺎﻋﻲ ﻓﻴﻬﺎ ﺑﻠﻜﻮﻧﻲ ﻭﻓﺮﻧﺪﺍ ﻭﻃﻞ ﻋﻠﻰ ﺍﻟﺤﺪﻳﻘﺔ ﻛﻠﻬﺎ ﻭﺭﻭﺩ ﻭﺍﺻﻼ ﺍﻟﻔﺮﻧﺪﺍ ﻧﻈﺎﻡ ﺣﺪﻳﻘﺔ ﻣﺼﻐﺮﺓ 😍 ﻃﺒﻌﺎً ﺍﻟﺤﻤﺎﻡ ﻳﺤﻞ ﻋﻠﻰ ﺍﻟﺪﺍﺭ ﻭﺍﻟﺤﻤﺎﻡ ﺑﺮﻭﺣﻬﺎ ﺩﺍﺭ 😂😂 ﻭﻣﻔﺮﺵ ﻭﻓﻲ ﺟﺎﻛﻮﺯﻱ
ﺑﻨﺎﺕ ﻋﻴﺸﻦ ﺍﻟﺨﻴﺎﻝ ﺷﻮﻱ 😂😂
ﻣﺤﻤﺪ : ﻋﺠﺒﺎﺗﻚ ﺍﻟﺸﻘﺔ 😍
ﺍﻧﺎ : ﺍﻫﺎ ﺳﻤﺤﺔ ﺫﻭﻗﻚ ﺣﻠﻮ ☺
ﻣﺤﻤﺪ : ﺍﻛﻴﺪ ﻛﺎﻥ ﻫﻚ ﻣﻜﻨﺘﻴﺶ ﺍﻧﺘﻲ ﻣﺮﺍﺗﻲ 😍
ﺍﻧﺎ : ﺍﻣﻤﻤﻤﻤﻢ ﻳﺴﻠﻤﻮ ﻛﻠﻚ ﺫﻭﻕ
ﻣﺤﻤﺪ : ﺍﻣﻤﻤﻤﻢ ﺗﺒﻲ ﺗﻘﻌﺪﻱ ﻫﻜﻲ ﻭﺍﺟﺪ 😍
ﺍﻧﺎ : ﻃﺒﻌﺎً ﻋﻘﻠﻲ ﻣﺴﻮﺱ 😂😂 ﻫﻜﻲ ﻛﻴﻒ 😯
ﻣﺤﻤﺪ 😂😂😂: ﻣﺎ ﺗﻔﻬﻤﻴﺶ ﻏﻠﻂ ﻗﺼﺪﻱ ﻣﺘﺤﺸﻤﺔ 😍
ﺍﻧﺎ : ﺍﻧﺤﺮﺟﺖ ﺑﻜﻞ 😳 ﺍﺣﻢ
ﻣﺤﻤﺪ : ﺑﺎﻫﻲ ﻧﻄﻠﻊ ﻧﺎ ﺑﻴﺶ ﺗﺒﺪﻟﻲ
ﺍﻧﺎ : ﺍﻫﺎ ﺑﺎﻫﻲ 💕💕 ﺗﻤﻴﺖ ﻧﻌﺼﺪ ﻭﻣﺎ ﺣﻮﺗﻨﻲ ﺳﻠﺤﺘﺔ ﺍﻟﻔﻴﻠﻮ ﻭﻋﻠﻘﺘﻪ ﻭﺑﻌﺪﻫﺎ ﺧﻀﻴﺖ ﺩﺑﺸﻲ ﻭﻋﺪﻳﺖ ﺩﺭﺕ ﺣﻤﺎﻡ ﻭﺩﻫﻨﺖ ﺟﺴﻤﻲ ﺑﺎﻟﻮﺷﻦ ﻭﻟﺒﺴﺖ ﺭﻭﺏ ﺍﻟﺪﺧﻠﻪ ﻋﻠﻰ ﻗﻮﻟﺘﻬﻢ ﻭﺑﻌﺪﻫﺎ ﻟﻘﻴﺘﻪ ﻗﺼﻴﺮ ﻭﻣﻌﻠﺶ ﺳﺎﺗﺮ ﻳﺎﺧﻴﺘﻲ ﺗﺤﺸﻤﺖ ﻧﻄﻠﻊ ﻭﻫﻮ ﺗﻤﺎ ﻳﻄﻘﻄﻖ ﻋﻠﻰ ﺑﺎﺏ ﺗﻤﻴﺖ ﻧﺒﺮﻡ ﺷﻦ ﻧﺪﻳﺮ ﺷﻦ ﻧﺪﻳﺮ ﻟﺒﺴﺖ ﻣﺤﺮﻣﺖ ﺍﻟﺼﻼﺓ 😂 ﻣﻌﺶ ﻓﻴﻬﺎ
ﻣﺤﻤﺪ : ﻟﻘﻴﺘﻬﺎ ﻻﺑﺴﺔ ﻣﺤﺮﻣﺖ ﺍﻟﺼﻼﺓ ﻣﻌﺶ ﻋﺮﻓﺖ ﺷﻦ ﻧﺪﻳﺮ ﻗﺒﻞ ﻗﻠﺖ ﻧﺘﻌﺸﻮ ﺑﻌﺪﻫﺎ ﻧﺼﻠﻮ ﺑﻌﺪ ﻃﻠﻌﺖ ﻫﻚ ﻗﻠﺘﻠﻬﺎ ﻧﺼﻠﻮ ﺑﻌﺪﻫﺎ ﻧﺘﻌﺸﻮ
ﺍﻧﺎ : ﺣﺎﺿﺮ ﻭﻋﺪﻳﺖ ﻣﻌﺎﻩ ﻫﻮ ﻗﺪﺍﻣﻲ ﻭﻧﺎ ﻭﺭﺍﻩ ﺻﻠﻴﻨﺎ ﻭﻧﺎ ﻗﻠﺒﻲ ﻗﺮﻳﺐ ﻳﻮﻗﻒ ﺣﻂ ﻳﺪﻩ ﻋﻠﻰ ﺭﺍﺳﻲ ﻭﺗﻤﺎ ﻳﻘﻮﻝ ﻓﻲ ﺩﻋﺎﺀ
ﻣﺤﻤﺪ : ﻫﻴﺎ ﺍﻟﻌﺸﺎﺀ ﻭﺍﺗﻲ
ﺍﻧﺎ : ﻫﻮ ﻳﻤﺸﻲ ﻭﻧﺎ ﻧﻤﺸﻲ ﻭﺭﺍﻩ ﻭﻗﻠﺒﻲ ﻗﺮﻳﺐ ﻳﻮﻗﻒ ﻭﺍﻟﻨﻔﺲ ﻧﺎﺧﺾ ﻓﻴﻪ ﺑﺎﻟﻐﺼﺐ
ﻣﺤﻤﺪ : ﺍﺣﻢ ﻫﻴﺎ ﺗﻔﻀﻠﻲ 😍
ﺍﻧﺎ : ﺣﻲ ﻋﻠﻴﻚ ﺳﻔﺮﺓ ﻭﻧﻈﺎﻡ ﻭﺷﻤﻮﻉ ﻭﺭﻭﺩ ﻋﻠﻰ ﺍﻟﻄﺎﻭﻟﺔ ﻭﺍﺻﻨﺎﻑ ﺍﻻﻛﻞ ﺍﺷﻜﺎﻝ ﺍﻧﻮﺍﻉ ﻣﺶ ﻛﻴﻒ ﺍﻟﻲ ﻓﻲ ﺍﻟﺼﺎﻟﺔ 😍 ﻗﻌﺪﻧﺎ ﻭﻧﺎ ﻣﺶ ﻗﺎﺩﺭﺓ ﻧﺎﻛﻞ ﺧﺎﻳﻔﺔ ﻭﻗﻠﺒﻲ ﻳﺪﻕ ﺑﺴﺮﻋﺔ ﻭﻧﻔﺴﻲ ﻳﺮﻗﺎ ﻭﻳﻨﺰﻝ 😵
ﻣﺤﻤﺪ : ﺑﻴﺸﻮ ﻛﻨﻚ ﻣﺎ ﺗﺎﻛﻠﻲ ﻭﻻ ﻣﺘﺤﺸﻤﺔ 😍
ﺍﻧﺎ : ﺍﺣﻢ ﻻﻻ ﻧﺎ ﺗﻐﺪﻳﺖ ﻭﺧﺮﻱ ﺍﺻﻠﻴﺘﻲ ☺
ﻣﺤﻤﺪ : ﺍﻫﺎ ﺑﺎﻩ ﻫﻴﺎ ﻧﺼﺒﻮ 😍
ﺍﻧﺎ : ﺻﺒﻲ ﺍﻧﺎ ﻧﺒﻲ ﻧﻠﻢ ﺍﻟﺴﻔﺮﺓ ☺
ﻣﺤﻤﺪ : ﺗﻮﺍ ﻧﻠﻢ ﻣﻌﺎﻙ 😍
ﺍﻧﺎ : ﻻﻻ ﺗﻮﺍ ﻧﻠﻢ ﺑﺴﺮﻋﺔ ☺ ﺷﻜﺮﺁ
ﻣﺤﻤﺪ : ﻻ ﻻ ﺗﻮﺍ ﻧﺴﺎﻋﺪﻙ ﻣﺎ ﻓﻴﻬﺶ ﺷﻜﺮﺍً
ﺍﻧﺎ : ﺗﻤﺎ ﻳﻠﻢ ﻣﻌﺎﻳﺎ ﻭﻳﺤﻮﺱ ﻣﻦ ﻫﻨﺎ ﻭﻣﻦ ﻫﻨﺎ ﺑﻌﺪ ﻛﻤﻠﻨﺎ ﻋﺪﻳﻨﺎ ﻟﻠﺼﺎﻟﺔ ﻭﻗﻌﺪﺕ ﺑﻌﻴﺪ ﻋﻠﻴﻪ
ﻣﺤﻤﺪ : ﺗﺒﻲ ﺗﻘﻌﺪﻱ ﺑﺎﻟﻤﺤﺮﻣﺔ ﻫﺬﻱ ﻭﺍﺟﺪ 😍
ﺍﻧﺎ : ﻟﻴﺶ ﻣﻀﺎﻳﻘﺘﻚ ☺
ﻣﺤﻤﺪ : ﻻﻻ ﻧﺒﻴﻚ ﺗﻘﻌﺪﻱ ﻣﺘﺮﻳﺤﺔ ﺑﺲ 😁
ﺍﻧﺎ : ﺍﻧﺎ ﻫﻜﻲ ﺗﻤﺎﻡ ☺
ﻣﺤﻤﺪ : ﺻﺒﻴﺖ ﻭﻋﺪﻳﺖ ﻗﻌﺪﺕ ﻗﺪﺍﻣﻬﺎ
ﺍﻧﺎ : ﺧﻼﺹ ﻗﻠﺒﻲ ﻗﺮﻳﺐ ﻳﻮﻗﻒ ﻭﻧﺮﻋﺶ ﻭﺣﺎﻟﺘﻲ ﺣﺎﻟﻪ
ﻣﺤﻤﺪ : ﺧﺎﻳﻔﺔ 😍
ﺍﻧﺎ : ﻫﺰﻳﺖ ﺭﺍﺳﻲ ﺑﻤﻌﻨﻰ ﺍﻫﺎ 😨
ﻣﺤﻤﺪ : ﻧﺒﻲ ﻧﺤﻜﻲ ﻣﻌﺎﻙ ﺑﺲ
ﺍﻧﺎ : ﺗﻤﻴﺖ ﻧﺤﻜﻲ ﻣﻊ ﺭﻭﺣﻲ ﻭﻫﻲ ﻟﺤﻜﺎﻳﺎﺕ ﻣﺘﺠﻴﺶ ﻏﻴﺮ ﻫﻚ 😵
ﻣﺤﻤﺪ : ﺍﺣﻢ ﺑﻴﺸﻮ ﻧﺒﻲ ﻧﻌﺘﺮﻓﻠﻚ ﺑﺤﺎﺟﺔ
ﺍﻧﺎ : ﻗﻠﺒﻲ ﻧﻐﺰﻧﻲ ﻗﻠﺖ ﻻ ﻳﻄﻠﻊ ﺍﻟﺮﺍﺟﻞ ﺑﻌﺪ ﻫﻀﻪ ﻛﻠﻪ ﻣﺮﻳﺾ ﻭﻳﺒﻲ ﻳﻤﻮﺕ ﻭﻻ ﻓﻲ ﺷﻲ ﺩﻋﻮﺓ
ﻣﺎ ﻧﻘﻮﻟﻠﻜﻢ ﺧﻴﺎﻟﻲ ﻭﺍﺳﻊ ﺑﻜﻞ 😂😂 ﺍﻧﺴﺘﻬﺖ ﻭﺣﺎﻟﺘﻲ ﺗﻤﺖ ﺣﺎﻟﻪ ﻭﺍﻟﻜﻼﻡ ﺩﻭﺑﻪ ﻳﻄﻠﻊ ﻣﻨﻲ ﻭﻧﻘﻮﻻ ﻛﻨﻚ ﺍﻧﺖ ﻣﺮﻳﺾ ﻭﻳﻘﻌﺪ ﻳﻀﺤﻚ 😂😂 ﻧﻌﺎﻟﻲ ﻣﻦ ﺿﺤﻜﺘﺔ ﺗﺠﻨﻦ😍
ﻛﺎﻥ ﺭﻳﺤﺖ ﺭﻭﺣﻲ ﻭﺳﻜﺘﺖ ﺑﻼ ﻩ ﺗﺰﻟﻴﻂ 😳
ﻣﺤﻤﺪ : ﻫﻬﻬﻬﻬﻬﻬﻬﻪ ﻻ ﻻ ﻣﺶ ﻟﺪﺭﺟﺔ ﻭﺻﺒﻴﺖ ﺟﺒﺘﻠﻬﺎ ﺑﺎﻗﺔ ﻭﺭﺩ ﻭﺭﺩﻳﺖ
ﺍﻧﺎ : ﺑﻌﺪ ﺟﺎﺏ ﺍﻟﻮﺭﺩ ﺍﻧﺴﺘﻬﺖ 😍
ﻣﺤﻤﺪ : ﺑﻴﺸﻮ ﺍﺣﻢ ﺍﻧﺎ ﻫﻮ ﺍﻟﻲ ﻛﺎﻥ ﻳﻠﺤﻖ ﻓﻴﻚ ﻳﻮﻣﺘﻪ ﻟﻌﻨﺪ ﻭﺻﻠﺘﻲ ﻟﻠﺤﻮﺵ ﻣﺎ ﻛﻨﺘﺶ ﻧﻌﺮﻑ ﺍﻧﻚ ﺍﻧﺘﻲ ﺍﺧﺖ ﺍﻣﻴﺮ ﺑﺲ ﺑﻌﺪ ﻭﺻﻠﺖ ﻟﻠﺤﻮﺵ ﻋﺮﻓﺖ ﺍﻧﻚ ﺍﺧﺘﻪ
ﺍﻧﺎ : ﺗﻤﻴﺖ ﻧﺒﺤﺖ ﻓﻲ ﻭﻣﺼﺪﻭﻣﻪ 😳
ﻣﺤﻤﺪ : ﺍﺣﻢ ﻭﺍﻧﺎ ﺍﻟﻲ ﻛﻨﺖ ﻧﺠﻴﺐ ﻓﻲ ﺍﻟﻮﺭﺩ ﻛﻞ ﻳﻮﻡ ﺍﻟﺼﺒﺢ 😍 ﻭﺑﻌﺪ ﻣﺎ ﺗﺄﻛﺪﺓ ﻣﻦ ﺍﻧﻚ ﻣﺶ ﻣﺮﺗﺒﻄﺔ ﺟﻴﺖ ﻭﻃﻠﺒﺘﻚ ﻣﻦ ﺧﻮﻙ ﺍﻣﻴﺮ
ﺍﻧﺎ : ﻗﺼﺪﻙ ﺍﻧﺖ ﺍﻟﻲ ﺗﺠﻴﺐ ﻓﻲ ﺍﻟﻮﺭﺩ 😂😂 ﻋﻠﻴﻚ ﺻﺪﻓﺔ ﻳﻌﻨﻲ ﻫﻀﻪ ﻣﺶ ﺣﻠﻢ ﻭﻣﺶ ﻓﻴﻠﻢ ﻧﺤﻀﺮ ﻓﻲ 😂😂 ﺑﺤﺘﺖ ﻛﺎﻥ ﻣﺮﻛﺰ ﻓﻲ ﺑﻜﻞ ﻧﻴﻦ ﺍﻧﺤﺮﺟﺖ
ﻣﺤﻤﺪ : ﺗﻌﺮﻓﻲ ﺍﻥ ﺿﺤﻜﺘﻚ ﺗﻬﺒﻞ 😍
ﺍﻧﺎ : ﺍﺣﻢ 😳
ﻣﺤﻤﺪ : ﺍﻧﺤﺒﻚ 😍
ﺍﻧﺎ : ﺍﺑﺘﺴﻤﺖ ☺ ﺑﻌﺪﻫﺎ ﺻﺒﺎ ﻭﺻﺒﺎﻧﻲ ﻣﻌﺎﻩ ﻭﻋﻄﺎﻧﻲ kiss on my maoth 😙ﻭﻗﺎﻣﻨﻲ ﻭﻋﺪﻳﻨﺎ ﻟﻠﺪﺍﺭ
ﻭﺭﺍﺣﻮ ﻓﻲ ﺧﺒﺮ ﻛﺎﻥ ......
ﺍﻧﺎ : ﻭﻋﻴﺖ ﻗﺮﻳﺐ ﺍﻟﻔﺠﺮ ﻭﻛﻨﺖ ﻣﻴﺘﻪ ﺟﻮﻉ 😵 ﺻﺒﻴﺖ ﺍﺩﻭﺷﺖ ﻭﺑﻌﺪﻫﺎ ﻋﺪﻳﺖ ﻟﻠﻜﻮﺟﻴﻨﺔ ﻃﻠﻌﺖ ﺟﺒﻨﺔ ﻭﺗﻮﺳﺖ ﻭﻋﺼﻴﺮ ﻭﻗﻌﻤﺰﺕ ﻧﺒﻲ ﻧﺎﻛﻞ
ﻣﺤﻤﺪ : ﺻﺒﺎﺡ ﺍﻟﻮﺭﺩ ﻳﺎ ﺍﻣﻴﺮﺓ ﻗﻠﺒﻲ 😙
ﺍﻧﺎ : ﺻﺒﺎﺡ ﺍﻟﻨﻮﺭ ☺
ﻣﺤﻤﺪ : ﻛﻴﻒ ﺻﺎﺭ ﺟﻌﺘﻲ 😍
ﺍﻧﺎ : ﺍﻫﺎ ﺗﺎﻛﻞ
ﻣﺤﻤﺪ : ﺍﻭﻛﻲ ﻧﻌﺪﻱ ﻧﺪﻭﺵ ﻋﻠﻰ ﺍﻟﺴﺮﻳﻊ ﻭﻧﺠﻴﻚ
ﺍﻧﺎ : ﺗﻤﺎﻡ ☺ ﻫﻮ ﻃﻠﻊ ﻭﻧﺎ ﺗﻤﻴﺖ ﻧﺎﻛﻞ ﺑﺴﺮﻋﺔ 😂😂 ﺑﻴﺶ ﻧﺪﻳﺮ ﻧﺺ ﺟﺪﻳﺪ ﻭﺩﺍﺭ ﺭﻭﺣﻲ ﻣﺎ ﻛﻠﻴﺘﺶ ﻭﻧﺎ ﻧﺎﻛﻞ ﻳﺨﺶ ﻋﻠﻲ 😂😂
ﻣﺤﻤﺪ : ﺷﻮﻱ ﺷﻮﻱ ﺭﺍﻙ ﺗﺸﺮﻗﻲ
ﺍﻧﺎ : ﻗﺒﻞ ﻣﺘﺖ 😂😂 ﺍﻟﺒﺮﺳﺘﻴﺞ ﻭﺍﻻﻧﻮﺛﺔ ﻋﺪﻥ ﻓﻴﻬﺎ ﺑﺮﺳﻤﻲ 😂
ﻣﺤﻤﺪ : ﺟﻴﺖ ﻧﺎﺧﺬ ﻫﺬﻱ ﻭﺑﺴﺘﻪ ﻭﻃﻠﻌﺖ 😙
ﺍﻧﺎ : ﺍﻧﺤﺮﺟﺖ 😳 ﻭﻗﻔﺖ ﺍﻭﻛﺎﻝ ﻭﺗﻤﻴﺖ ﻧﺮﺍﺟﻲ ﻓﻲ ﻳﺠﻲ ﻭﻫﻮ ﺳﺒﺢ ﻭﺟﺎ ﻛﻠﻴﻨﺎ ﻣﻊ ﺑﻌﻀﻨﺎ ﻭﺑﻌﺪﻫﺎ ﺗﻮﺿﻴﻨﺎ ﻭﺻﻠﻴﻨﺎ ﺍﻟﻔﺠﺮ ﻭﻗﺮﻳﻨﺎ ﻗﺮﺍﻥ ﻭﺑﻌﺪﻫﺎ ﺭﺩﻳﻨﺎ ﺍﺧﺮﻯ 😂😂
ﻣﺤﻤﺪ : ﻭﻋﻴﺖ ﻋﻠﻰ 11 ﻫﻜﻲ ﺍﺳﺒﺤﺖ ﻭﻧﺰﻟﺖ ﻟﻮﻃﻰ ﺻﺒﺤﺖ ﻋﻠﻰ ﺑﺎﺗﻲ ﻭﺍﻣﻲ ﻭﻫﻲ ﻛﺎﻧﺖ ﻣﺎﺯ
ﺍﻧﺎ : ﻭﻋﻴﺖ ﻣﻠﻘﻴﺘﺶ ﺻﺒﻴﺖ ﺑﺴﺮﻋﺔ ﻋﻠﻰ ﺍﻟﺤﻤﺎﻡ ﺍﺳﺒﺤﺖ ﻭﺻﻠﻴﺖ ﺍﻟﻀﺤﻰ ﻭﻟﺒﺴﺖ ﺳﺮﻭﺍﻝ ﺍﺯﺭﻕ ﻭﺳﻮﺭﻳﺎ ﺑﻮﺩﺭﻳﺎ ﻭﺷﺎﺡ ﺍﺯﺭﻕ ﻓﻲ ﻭﺭﺩ ﺑﻮﺩﺭﻱ ﻭﺩﺭﺕ ﻣﻴﻜﺎﺏ ﺧﻔﻴﻒ ﻭﻧﺰﻟﺖ ﺻﺒﺤﺖ ﻋﻠﻴﻬﻢ ﻭﻫﻮ ﻛﺎﻥ ﻗﺎﻋﺪ ﻣﻌﺎﻫﻢ ﻭﺗﻌﺮﻓﺖ ﻋﻠﻰ ﺑﻨﺎﺕ ﺍﻟﻌﻴﻠﺔ ﻭﻛﺎﻧﻦ ﺷﻴﻔﺎﺕ ﺍﺭﻭﺍﺣﻬﻢ ﺑﺸﻜﻞ ﺍﻭﻓﺮ ﻭﻳﺴﻠﻤﻦ ﻣﻦ ﺭﻭﺱ ﺧﺸﻮﻣﻬﻢ ﺍﻧﻘﺎﻧﻲ ﺍﺿﺎﻳﻘﺖ ﺷﻮﻱ ﻳﺠﻲ ﻣﺤﻤﺪ ﻭﻳﻘﻌﺪ ﺣﺬﺍﻱ
ﻣﺤﻤﺪ : ﺷﻦ ﺭﺍﻳﻚ ﻧﺮﻗﻮ ﻓﻮﻕ 😍
ﺍﻧﺎ : ﺍﺣﻢ ﺗﺮﻳﺢ ﻋﻴﺐ 😳
ﻣﺤﻤﺪ : ﻳﻨﻌﺎﻟﻲ ﻳﺎﺭﺑﻲ ﻧﺠﻴﻠﻲ ﺍﻟﺤﺸﻮﻣﻲ 😂😂
ﺍﻳﻤﺎﻥ ﺑﻨﺖ ﺳﻴﺪﻩ : ﺿﺤﻜﻨﺎ ﻣﻌﺎﻙ
ﻣﺤﻤﺪ : ﻣﺶ ﺷﻮﺭﻙ ﻭﺍﺣﺪ ﻭﻣﺮﺍﺗﻪ ﺍﻧﺘﻲ ﺷﻦ ﺩﺧﻠﻚ ﻓﻲ ﻧﺺ
ﺍﻧﺎ : ﺣﻤﺎﺩﻱ ﻋﻴﺐ ﺣﺮﺟﺘﻪ
ﺍﻳﻤﺎﻥ : ﻻ ﻻ ﻧﺎ ﻭﻟﺪ ﺳﻴﺪﻱ ﺩﻳﻤﺎ ﻫﻚ ﻣﺶ ﺷﻮﺭﻙ
ﺍﻧﺎ : ﺍﻧﺤﺮﺟﺖ 😳 ﺍﻫﺎ ﺛﺎﺭﻱ ﻋﻠﻰ ﺭﺍﺣﺘﻚ ☺
ﻣﺤﻤﺪ : ﺻﺒﻴﺖ ﻭﻣﺪﻳﺘﻠﻬﺎ ﻳﺪﻱ ﻭﺭﻗﻴﻨﺎ ﻟﻠﺸﻘﺔ
ﻫﻀﻨﺎ ﻋﺮﺳﺎﻥ ﻭﻗﺼﺘﻬﻢ ﻣﺶ ﺡ ﺗﻔﺾ ﺧﻠﻠﻨﺎ ﻧﺤﻨﺎ ﻓﻲ ﺍﻟﺼﺮﻓﺔ ﻟﻮﻃﻰ .......
ﺍﻟﺒﻨﺎﺕ ﺣﻴﺴﺎﺕ ﻻﻥ ﺻﺒﺤﻴﺖ ﺛﻼﺙ ﺻﺒﺎﻳﺎ ﻗﻌﺪﺕ ﻳﻮﺗﻦ ﻭﺟﻴﺒﺎﺕ ﺧﺪﻡ ﺑﻴﺶ ﻳﻨﻀﻔﻦ ﻭﻳﻨﻀﻤﻦ ﻭﺍﻟﺒﻨﺎﺕ ﺑﺪﻥ ﻳﻮﺗﻦ ﺍﺭﻭﺍﺣﻬﻢ
ﺍﻧﺎ : ﺣﻤﺎﺩﻱ ﻫﻴﺎ ﻭﻗﺖ ﻧﺒﻲ ﻧﻤﺸﻲ ﻟﻠﻜﻮﺍﻓﻴﺮﺓ ﻭﻗﺖ ﻫﻴﺎ ﺻﺒﻲ
ﻣﺤﻤﺪ : ﻫﻴﺎ ﻧﺮﻗﺪ ﺷﻮﻱ ﺑﺲ
ﺍﻧﺎ : ﻣﻦ ﺑﺪﺭﻱ ﻭﺍﻧﺖ ﺷﻮﻱ ﺷﻮﻱ ﻫﻠﻲ ﻗﺮﻳﺐ ﻳﺠﻮ ﺭﺍﻩ
ﻣﺤﻤﺪ : ﻳﺎﺭﺑﻲ ﻧﺠﻴﻠﻲ ﺍﻟﺤﻤﺎﻕ ﻫﻴﺎ ﺩﻳﺮﻱ ﻓﻨﺠﺎﻥ ﻗﻬﻮﻩ ﻋﻠﻰ ﻣﺎ ﺩﺭﺕ ﺣﻤﺎﻡ ﻭﺗﻴﺖ
ﺍﻧﺎ : ﺑﺎﻩ ﺭﺍﻩ ﺣﺪﺩﺗﻠﻚ ﺟﻠﺒﻴﺘﻚ ﺍﻫﻴﺎ ﺑﻌﺪﻳﻦ ﺑﻌﺪ ﺗﺮﻭﺡ ﺗﻠﺒﺴﻬﺎ ☺
ﻣﺤﻤﺪ : ﺗﻤﺎﻡ 😙
ﺍﻧﺎ : ﻋﺪﻳﺖ ﻭﺗﻴﺖ ﺍﻟﻘﻬﻮﺓ ﻭﻫﻮ ﺍﺳﺒﺢ ﻭﺷﺮﺑﻬﺎ ﻭﺧﻀﻴﺖ ﺍﻟﺒﺪﻟﺔ ﺍﻟﻌﺮﺑﻴﺔ ﻭﺫﻫﺒﻲ ﻭﻋﺪﻳﺖ ﻟﻠﻜﻮﺍﻓﻴﺮﺓ ﻭﺗﻴﺖ ﻭﻋﻠﻰ 7 ﻫﻜﻲ ﺟﺎﻧﻲ ﺧﻀﺎﻧﻲ ﺻﻮﺭﻧﺎ ﻭﺑﻌﺪﻫﺎ ﻋﺪﻳﺖ ﻛﻨﺖ ﺍﻭﻝ ﻭﺍﺣﺪﻩ ﺗﺠﻲ ﻓﻲ ﺍﻟﺼﺒﺎﻳﺎ ﻭﻫﻠﻲ ﻛﺎﻧﻮ ﻗﺎﻋﺪﻳﻦ ﺳﻠﻤﺖ ﻋﻠﻴﻬﻢ ﻭﺗﻤﻴﺖ ﻧﺒﻜﻲ ﺍﻭﻝ ﻣﺮﻩ ﻧﻘﻌﺪ ﺑﻌﻴﺪ ﻋﻠﻴﻬﻢ ﻭﻃﺒﻌﺂ ﻫﻠﻪ ﺗﻤﻮ ﻳﺠﺒﻮ ﻭﻳﺪﻳﺮﻭ ﻓﻲ ﺣﺮﻛﺎﺕ ﻭﻫﻠﻲ ﻣﻌﺪﻟﻮﺵ ﺑﺲ ﻧﺎ ﻛﻨﺖ ﻗﺎﻋﺪﺓ ﺯﻋﻼﻧﺔ 😔 ﺗﻌﺸﻮ ﻭﺑﻌﺪﻫﺎ ﺭﻗﻴﺖ ﻟﻠﺸﻘﺔ ﺑﺪﻟﺖ ﻭﻟﺒﺴﺖ ﻗﻔﻄﺎﻥ ﻗﺒﻞ ﻣﺘﺖ ﻣﻦ ﺍﻟﻌﺮﺑﻲ ﺛﻘﻴﻞ ﻭﻳﺨﻨﻖ 😵 ﻧﺰﻟﻨﺎ ﻭﺗﻤﻮ ﻳﻐﻨﻮ ﻭﻳﻘﻮﻟﻮ ﻓﻲ ﻛﻼﻡ ﻳﺠﺮﺡ ﻭﺩﺍﺭ ﺭﻭﺣﻪ ﺍﻏﺎﻧﻲ ﻗﻌﺪﺕ ﺳﺎﻛﺘﺔ ﻭﺯﺍﻣﻄﺔ ﻭﺷﻮﻱ ﻭﻫﻠﻲ ﻋﺪﻭ ﻭﻧﺎ ﻗﻌﺪﺕ ﺑﺮﻭﺣﻲ ﻛﻠﻬﻢ ﺧﻀﻮ ﺟﻨﺐ ﻭﻳﻀﺤﻜﻮ ﻭﻳﺒﺤﺘﻮ ﻓﻲ ﻋﻴﻨﻲ ﻋﻴﻨﻚ ﻧﺤﻜﻮ ﻋﻠﻴﻚ ﺷﻮﻱ ﻭﺟﺎ ﻣﺤﻤﺪ ﺧﺶ ﺗﻤﻦ ﻳﺪﻳﺮﻥ ﻓﻲ ﺟﻮ ﻣﻌﺎﻩ ﻭﻳﻀﺤﻜﻦ
ﻣﺤﻤﺪ : ﻗﻌﺪﺕ ﺍﻟﺒﻨﺎﺕ ﻳﺤﻜﻮ ﻭﺩﻳﺮﺍﺕ ﺟﻮ ﻭﻫﻲ ﺳﺎﻛﺘﺔ ﻭﻣﻄﺒﺴﺔ ﺭﺍﺳﻬﺎ ﻭﺷﻜﻠﻬﺎ ﻣﻀﺎﻳﻘﺔ
ﺍﻧﺎ : ﺧﻼﺹ ﻛﻨﺖ ﻗﺮﻳﺐ ﻧﻨﻔﺠﺮ ﺍﺣﻢ ﻣﺤﻤﺪ ﻧﺒﻲ ﻧﺮﻗﻰ
ﻣﺤﻤﺪ : ﺑﺎﻫﻲ ﻫﻴﺎ ﻭﺻﺒﻴﻨﺎ ﺭﻗﻴﻨﺎ ﻟﻠﺸﻘﺔ ﻭﻫﻲ ﺗﻨﻔﺠﺮ ﺑﻜﺎ ﻭﻧﺴﺄﻟﻬﺎ ﻛﻨﻚ ﺗﻘﻮﻟﻲ ﺭﺍﻳﻔﺖ ﻋﻠﻰ ﻫﻠﻲ ﻭﺗﺒﻜﻲ ﻣﻦ ﺟﺪ ﺟﺪﻫﺎ ﺻﺒﻴﺖ ﻭﻗﺘﻠﻬﺎ ﻫﻴﺎ ﻧﻌﺪﻭﻟﻬﻢ
ﺍﻧﺎ : ﻛﻨﺖ ﻧﺒﻜﻲ ﻭﻫﻮ ﻳﺴﺄﻝ ﻭﻧﻘﻮﻟﻪ ﺭﺍﻳﻔﺖ ﻋﻠﻰ ﻫﻠﻲ ﻭﺑﻌﺪﻫﺎ ﻗﺎﻟﻲ ﻫﻴﺎ ﻧﻤﺸﻮﻟﻬﻢ ﺗﻤﻴﺖ ﻧﺴﺄﻝ ﻓﻲ ﺗﺤﻜﻲ ﺟﺪ ﺍﻧﺖ ﻭﻫﻮ ﻳﻘﻮﻟﻲ ﺍﻫﺎ ﻧﺤﻜﻲ ﺟﺪ ﺻﺒﻴﺖ ﻟﺒﺴﺖ ﻋﺒﺎﻳﺘﻲ ﻭﻭﺷﺎﺣﻲ ﻭﻗﺘﻠﻪ ﻫﻴﺎ
ﻣﺤﻤﺪ : ﻭﻳﻦ ﺧﻤﺎﺭﻙ
ﺍﻧﺎ : ﻣﺎ ﻧﻠﺒﺴﺶ ﻓﻲ ﺍﻟﺨﻤﺎﺭ
ﻣﺤﻤﺪ : ﻻ ﻻ ﻣﺎ ﺗﻄﻠﻌﻴﺶ ﻫﻚ
ﺍﻧﺎ : ﺑﺲ ﺍﻧﺖ ﺧﻀﻴﺘﻨﻲ ﻣﻦ ﻫﻠﻲ ﻭﺍﻧﺖ ﻋﺎﺭﻑ ﻧﻠﺒﺴﺶ ﻓﻲ
ﻣﺤﻤﺪ : ﻫﻀﻪ ﻗﺒﻞ ﺗﻮﺍ ﻻ
ﺍﻧﺎ : ﺗﻤﻴﺖ ﻧﺒﻜﻲ ﺯﻳﺎﺩﺓ 😭😭
ﻣﺤﻤﺪ : ﻻ ﺍﻟﻪ ﺍﻻ ﺍﻟﻠﻪ ﺗﻮﺍ ﻟﻴﺶ ﻟﺒﻜﺎ
ﺍﻧﺎ : ﻫﻚ ﻧﺒﻲ ﻧﺒﻜﻲ 😭
ﻣﺤﻤﺪ : ﺑﺎﻫﻲ ﺧﻼﺹ ﺣﻮﻟﻲ ﺍﻟﻲ ﻋﻠﻰ ﻭﺟﻚ ﻫﻀﻪ ﻭﻫﻴﺎ
ﺍﻧﺎ : ﻋﺪﻳﺖ ﻣﺴﺤﺖ ﺍﻟﻤﻜﻴﺎﺝ ﻭﻃﻠﻌﺖ
ﻣﺤﻤﺪ : ﺍﻩ ﺷﻜﻠﻚ ﺗﺒﻲ ﺗﻬﺒﻠﻴﻨﻲ ﺍﻧﺘﻲ 😍
ﺍﻧﺎ : ﺗﺤﺸﻤﺖ 😳 ﻭﻃﺒﺴﺖ ﺭﺍﺳﻲ
ﻣﺤﻤﺪ 😂😂😂: ﻫﻴﺎ ﺑﺎﻫﻲ ﻋﺪﻳﻨﺎ ﻭﺧﻀﻴﻨﺎ ﺣﻠﻮﻳﺎﺕ ﻭﻋﺼﻴﺮ ﻭﻋﺪﻳﻨﺎ ﻭﻛﻨﺖ ﻣﺘﺤﺸﻢ ﺷﻦ ﻳﺒﻮ ﻳﻘﻮﻟﻮ ﺍﻟﻠﻪ ﻏﺎﻟﺐ ﻣﺎ ﻧﻘﺪﺭ ﻧﺰﻋﻠﻬﺎ ﺑﻜﺎﻫﺎ ﻳﻘﻄﻠﻌﻠﻲ ﻓﻲ ﻗﻠﺒﻲ 💔
ﺍﻧﺎ : ﻣﺶ ﻣﺼﺪﻗﺔ ﺭﻭﺣﻲ ﻋﺪﻳﺖ ﻟﻬﻠﻲ ﻭﻧﻔﺠﻌﻮ ﻳﺤﺴﺎﺑﻮ ﺗﻜﻴﺖ ﻣﻌﺎﻩ ﻋﺮﻛﺔ ﻋﻠﻰ ﻛﻼﻡ ﻫﻠﻪ ﻭﺣﺮﻛﺎﺗﻬﻢ 😂
ﺍﻡ ﺑﺸﺮﻯ : ﺷﻦ ﺩﺭﺗﻲ ﻓﻀﺤﺘﻲ ﺑﻴﻨﺎ ﺗﻮﺍ ﻳﻘﻮﻟﻮ ﺑﻨﺘﻜﻢ ﻣﺶ ﻣﺘﺮﺑﻴﻪ
ﺍﻧﺎ : ﻣﺎ ﺩﺭﺕ ﺷﻲ ﺭﺍﻳﻔﺖ ﻋﻠﻴﻜﻢ
ﺍﻣﻴﺮ : ﻣﺘﺖ ﺿﺤﻚ 😂😂 ﺍﻟﺮﺍﺟﻞ ﻃﻠﻊ ﻣﺎ ﻳﺘﺤﻤﻞ ﺑﻜﻞ ﺑﻜﺖ ﻗﺪﺍﻣﻪ ﺷﻮﻱ ﺟﺎﺑﻬﺎ ﻭﺟﺎ ﻳﺠﺮﻱ 😂
ﺍﻡ ﺑﺸﺮﻯ : ﻟﻴﺶ ﻫﻚ ﻳﺎﻣﺎﻣﺎ ﻋﻴﺐ ﺷﻦ ﻳﺒﻮ ﻳﺤﻜﻮ ﻋﻠﻴﻚ ﻫﻞ ﺩﺍﺭﻙ
ﺍﻧﺎ : ﺷﻦ ﻣﺎﺯﺍﻝ ﻳﺒﻮ ﻳﺤﻜﻮ
ﺍﻡ ﺑﺸﺮﻯ : ﺍﻥ ﺷﺎﺀ ﺍﻟﻠﻪ ﺣﻜﻴﺘﻴﻠﻪ
ﺍﻧﺎ : ﻻﻻ
ﺍﻡ ﺑﺸﺮﻯ : ﺳﻠﻢ ﺑﻨﺘﻲ ﺍﺻﺤﻚ ﺗﺤﻜﻲ ﺣﺎﺟﺔ ﺻﺎﻳﺮﺓ ﻣﻊ ﻫﻞ ﺩﺍﺭﻙ ﻟﺮﺍﺟﻞ ﻳﻜﺮﻫﻚ ﺑﻌﺪﻫﺎ
ﺍﻧﺎ : ﺣﺎﺿﺮ ﻭﻗﻌﺪﻧﺎ ﻧﺺ ﺳﺎﻋﺔ ﻭﺑﻌﺪﻫﺎ ﻣﺤﻤﺪ ﻗﺎﻟﻲ ﻫﻴﺎ ﻭﺭﻭﺣﻨﺎ
ﻣﺤﻤﺪ : ﻛﺎﻥ ﻥ ﺣﺴﺎﺏ ﺍﻟﻀﺤﻚ ﻫﻀﻪ ﻛﻠﻪ ﺗﻀﺤﻜﻲ ﻛﻨﺖ ﺷﻠﺘﻚ ﻣﺎﻟﺼﺒﺢ
ﺍﻧﺎ : ﻋﺎﺩﻱ ﻧﻤﺸﻲ ﻣﺎﻟﺼﺒﺢ ﺑﻜﺮﻩ ☺
ﻣﺤﻤﺪ : ﺍﻧﺘﻲ ﻣﺎ ﺻﺪﻗﺘﻲ ﻋﺪ
ﺍﻧﺎ : ﻗﻌﺪﺕ ﻧﻀﺤﻚ 😂😂😂 ﺧﻔﺖ ﺍﻟﺮﺍﺟﻞ ﻳﻘﻮﻝ ﻫﺬﻱ ﻣﺶ ﻃﺒﻴﻌﻴﺔ ﺑﺪﺭﻱ ﺗﺒﻜﻲ ﻭﺗﻮﺍ ﺗﻀﺤﻚ ﺑﺲ ﻣﺎ ﻗﺪﺭﺗﺶ ﻧﻤﺴﻚ ﺭﻭﺣﻲ
ﻣﺤﻤﺪ : ﺑﺎﻫﻲ ﻫﻴﺎ ﻭﺗﻲ ﺍﻟﺪﺑﺶ ﻃﻴﺮﺗﻨﺎ ﺍﻟﺴﺎﻋﺔ 9
ﺍﻧﺎ : ﻭﻳﻦ ﻭﺍﺧﻀﻨﻲ
ﻣﺤﻤﺪ : ﺍﻣﻤﻤﻤﻤﻢ ﻭﻳﻦ ﺗﺒﻲ ﺗﻤﺸﻲ
ﺍﻧﺎ : ﻧﺒﻲ ﻧﻤﺸﻲ ﺑﺎﺭﻳﺲ ﺍﻧﺎ ﻗﻠﺘﻪ ﻫﻜﻲ ﺑﺼﺎﺭﺓ 😂
ﻣﺤﻤﺪ : ﺍﻣﻤﻢ ﺧﻼﺹ ﻣﻌﻨﺎﺗﻪ ﻧﺤﻨﺎ ﻣﺎﺷﻴﻦ ﺑﺎﺭﻳﺲ
ﺍﻧﺎ : ﻧﺤﺴﺎﺑﻪ ﻳﺒﺼﺮ ﺗﻤﻴﺖ ﻧﻀﺤﻚ 😂😂 ﻭﺗﻴﺖ ﺍﻟﺪﺑﺶ ﻭﺗﻤﻴﻨﺎ ﻧﺤﻜﻮ ﻭﻧﺒﺼﺮﻭ ﻭﺟﻮ ﻭﺑﻌﺪﻫﺎ ﺭﻗﺪﻧﺎ
ﻣﺤﻤﺪ : ﻭﻋﻴﺖ ﻗﺒﻞ ﺍﻟﻔﺠﺮ ﻭﻭﻋﻴﺖ ﺑﻴﺸﻮ ﺗﻮﺿﻴﻨﺎ ﻭﻗﺮﻳﻨﺎ ﻗﺮﺍﻥ ﻭﺍﺫﻥ ﺍﻟﻔﺠﺮ ﻭﺻﻠﻴﻨﺎ ﻭﺩﻋﻴﺖ ﺍﺩﻋﻴﺖ ﺍﻟﺴﻔﺮ ﻭﻓﻄﺮﻧﺎ ﺑﻌﺪﻫﺎ ﻭﻋﻠﻰ ﺍﻟﺴﺎﻋﺔ 8 ﻃﻠﻌﻨﺎ ﻭﺧﻮﺗﻲ ﺣﺘﻰ ﻫﻢ ﻃﻠﻌﻮ ﻣﻌﺎﻧﺎ ﻋﺪﻳﻨﺎ ﻟﻠﻤﻄﺎﺭ
ﺍﻧﺎ : ﻭﺻﻠﻨﺎ ﻟﻠﻤﻄﺎﺭ ﺷﻮﻱ ﺑﺤﺘﺖ ﻓﻲ ﻣﺤﻤﺪ ﻭﻗﺘﻠﻪ ﻗﺼﺪﻙ ﻛﻨﺖ ﺗﺤﻜﻲ ﺟﺪ ﺍﻧﺖ
ﻣﺤﻤﺪ : ﺍﻫﺎ ﻟﻴﺶ ﻧﺎ ﻗﻠﺖ ﺍﻧﺒﺼﺮ 😉
ﺍﻧﺎ : ﺍﺿﺒﻄﺔ ﺍﻧﺖ ﺍﺣﺴﻦ ﻭﺍﺣﺪ ﻓﻲ ﺍﻟﺪﻧﻴﺎ ﺍﻧﺤﺒﻚ ﺍﻧﺤﺒﻚ ﺍﻧﺤﺒﻚ 😂
ﻣﺤﻤﺪ 😂😂: ﺑﺸﻮﻱ ﺍﻟﻌﺮﺏ ﻳﺒﺤﺘﻮ ﻓﻴﻨﺎ 😂
ﺍﻧﺎ : ﺍﻧﺤﺮﺟﺖ ﺑﺲ ﻓﻴﻬﺎ ﺑﺎﺭﻳﺲ ﺟﻮ 😍 ﻋﺪ ﻋﺎﺻﻤﺔ ﺍﻟﻌﺸﺎﻕ ﻣﻐﻴﺮ ﻧﺴﻤﻊ ﺍﻻﺳﻢ ﻧﻨﻬﺒﻞ 😂😂 ﻭﻣﺎ ﺳﻴﺒﺖ ﺣﺪ ﻣﺎ ﺭﻧﻴﺖ ﻋﻠﻴﺔ ﻭﺍﻟﻲ ﻣﺎ ﻳﺪﺭﺵ ﻧﺪﺯﻟﻪ ﻣﺴﺞ ﺑﻴﺶ ﺑﻌﺪ ﻳﻮﻋﻰ ﻳﻌﺮﻑ ﺍﻧﻲ ﻋﺪﻳﺖ ﺑﺎﺭﻳﺲ 😂😂
ﻃﺒﻌﺂ ﺡ ﻳﺒﺪﺍ ﺷﻬﺮ ﺍﻟﻌﺴﻞ .......
ﺍﻧﺘﻈﺮﻭﻧﻲ 😉
