الفصل التاسع
جمعنا القدر
دخل رامي المصنع ووجد رجال الشرطة
رامي بتفحص... خير ومين الطلب الشرطة
الظابط... احنا الجينا بنفسنا محدش طلبنا
رامي بصيق... افندم واحضرتك جاي لية اظن ان مفيش حد طلبك
الظابط بقرف... والله شغلنا وجيين ننفذة اقبض علية يابني
رامي بعصبية... يقبض علي مين انا عارف انتا بتتكلم مع مين شكلك كدا لسة جديد روح يابابا العب بعيد احسنلك
الظابط بسخرية...هههههه لا ماانا عشان عارف انا بتكلم مع مين واثق من نفسي لاني بشوف شغلي وكمان معايا اذن من النيابة باضبطك واحضارك اتفضل معانا بدون مناقشة ياريت انا بنفذ الاوامر وبس
عاطف... لا شكلك اتجننت فعلا انتا مفكر انوا ممكن يركب البوكس طبعاا
الظابط ببرود.. لا طبعاا ودي تيجي رامي بية المدني بجلالة قدرة يركب بوكس تؤتؤ هو هيتفضل بعربيتة وانا معاه
رامي بغضب... لا تقدر تخفا لوحدك وانا هحصلك
الظابط... طبعا احنا تحت امرك يارامي بية
رامي بعصبية ل عاطف... خلص موضوع التأمين زي ماقولتلك وسابة ومشي ركب عربيتة متوجهة الي مدرية الامن
*____________*__________*
في المستشفي
يجلس حسام في مكتبة يتابع عملة ولكن قطعة رنين هاتفة
حسام... السلام عليكم
رامي.. عليكم السلام اسمع ياحسام جبلي محامي وتعالي لياا مدرية امن القاهره حالا
حسام بخضة... مدرية امن مرة واحده لية
رامي بضيق.. معرفش جالي امر من النيابة بكدا وانا هتعرض ع النيابة كمان ساعة تكون جيت انتا والمحامي ومتعرفش بابا حاجة
حسام... ماشي سلام انتا دلوقتي
وقفل حسام مع رامي ونزل ع طول اخد عربيتة
وهو في الطريق بيكلم المحامي
حسام.... بقولك ياعمر اوصل القيك موجود وهناك هنعرف كل حاجة
عمر.. ماشي ياحسام والله انا زهقت من رامي دا هو دايما كدا بعمل مشاكل وانا الدبس فيها
حسام... انجز ياحيوان المرادى غير كل مرة كل مرة بتبقاا خناقة ماسك ف ظابط عشان رخص اخره يروح القسم لكن المرادى النيابة الطلباه وكمان مدرية امن شكل الموضوع كبير
عمر... ماشي ياصحبية زفت ادى اخرة اليصحبكوا مسافة السكة وهكون هناك
حسام بضحك... ماشي يامعلم سلام
قفل حسام مع عمر وبعد وقت وصل حسام مدرية الامن ووصل عند مكتب وكيل النيابة وكان رامي واقف وساند ع الحيطة
رامي بلهفة... حسام انتا جيت امال فين المحامي
حسام بغيظ... بس اما اشوفة انا قيلة اوصل القيك هناك
رامي بقلق... هو مين المحامي الانتا جايبة دا ياحسام ضامن انوا هيخرجني من هنا
حسام.. هو مفيش غيره اصلا البيخرجك
رامي... نهار اسوووح عمر
عمر بغيظ من وراهم... وماله انشاء الله ممرمطينة معاكوا في القسام لا واي اتطورنا وبقت مدريات الامن كمان ربنا يخليكوا لياا
رامي... احمد ربنا يامعفن هو حد بيشغلك اصلا غيرنا دا بدل ماتشكرني اني طورتك معاياا جتك الاقرف عيل ندل
عمر بغيظ... صبرك علياا بس ياجذمة لما نخرج من هناا
العسكري.. رامي المدني
رامي... ايوا انا اهو
العسكرى... اتفضل معايا دورك
عمر... يلا يالا قدامي
رامي.. بس متقولش يلا بدل ماانفخك ومش عاوز اخرج
حسام بعصبية.. بقولكوا اي انتوا التنين ادخلوا بالادب بدل ماانتوا عارفين هتدخلوا ازاي وقبل ان يكمل كلامة كانوا رقضوا الي الدخل وظل حسام في الخارج
في الداخل
العسكرى... رامي المدني يافندم
وكيل النيابة... اطلع برة اتفضل يارامي بية واشار بيدية الي الكرسي ثم اشار ل عمر اتفضل وجلسوا ثم اكمل وكيل النيابة... منور يارامي بية
رامي وهو يتفحص المكتب.. منور يوجودك
عمر بجدية وهو يمارس وظيفتة... عمر عدلي المحامي
وكيل النيابة... اهلا وسهلا
عمر بجدية... اهلا بحضرتك موكلي رامي المدني جالة استدعاء من النيابة ممكن اعرف لية مع العلم انوا رجل اعمال ناجح في شغلة وكل شغلة في السليم
وكيل النيابة... واحنا عارفين كدا بس ياعمر بية انا قدامي بلاغ بيأكد ان في طلبية شغل كانت متصدرة للخارج ومعاد الشحنة دي كانت النهاردة الساعة تلاتة بليل صح ولا كلامي غلط يارامي بية
رامي بجدية... ايوا كلامك صح
عمر بأهتمام... طب اي علاقة الشحنة الطلعت تصدر بوجود رامي بية هنا
وكيل النيابة... الشحنة دي كانت عباره عن ستارة تدارى البضاعة الحقيقية
رامي بعدم فهم .... بضاعة اي
وكيل النيابة بثقة... الهروين الكان في قلب
الشحنة الخرجت من مطنعكم ع المينا علي طول والانتا موقع علي اوراق تسليم الصفقة
رامي بعصبية وهو يقف ويضرب بيدة بقوة علي المكتب.... انتا بتقول اي انتا عارف انتا بتوجهلي توهمت اي شكلك اتجننت ومش عارف انتا بتكلم مين
وكيل النيابة بعصبية وهو يقف... التزم حدودك مش عشان اتعملت معاك بأدب تتمادي انتا هنا متهم انا اسأل وانتا تجاوب انتا متهم بقضية تهريب مخدرات اي اقوالك في القضية
رامي بغضب... قولتلك معرفش حاجة عنها الشحنة الكانت خارجة المينا كانت عباره عن علب اغذية وطول عمرنا بنصدرها اي الجديد
وكيل النيابة... الجديد ان الشحنة فيها مخدرات
رامي بعصبية... قلتلك معرفش حاجة عن المخدرات دي
عمر... اهدي يارامي بس
رامي بعصبية... اهدي اي انتا كمان مش سامع بيقول اي
وكيل النيابة... اكتب ياابني امرت انا وكيل نياية القاهرة حبس المتهم رامي المدني اربع ايام علي ذمة التحقيق ويراعي لة التجديد في المعاد القادم خدوا ياابني ع الحجز
رامي بعصبية... حبس مين لا فعلا شكلك اتجننت
وكيل النيابة .... رامي بية اتلتزم حدودك شوية انا لحد دلوقت بعملك بأحترام متخلنيش اخد ضدك اي اجراء قانوني
عمر... اسفين لحضرتك يافندم بس اكيد يعني رامي بية مش هيقعد ف الحجز مع الشممين والبلطجية وخصوصاا ان لسة متأكدناش من التهمة
وكيل النيابة... يقعد في اي اوضة مع اي ظابط واظن كدا عملت العلياا
عمر... شكرا لحضرتك معلش خلية هنا شوية بس لحد مانشوفلة ظابط يقعد معاه
وكيل النياية... تمام وقعد علي مكتية يكمل شغلة ورامي قعد ع الكنبة وهو ينظر الي وكيل النيابة بغضب وغيظ وخرج عمر
في الخارج كان يقف حسام بقلق علي تأخيرهم وعندما رأي عمر يخرج ركض الية مسرعا
حسام بلهفة... عملتوا اي ياعمر ولية طلبينة
عمر بهدوء.. اهدي ياحسام الموضوع كبير
حسام بأهتمام... كبير ازاي يعني.. قص علية عمر ماحدث بس هو دا كل الحصل ووكيل النيابة لولا ان رجل محترم مكنش هيسمح لية يقعد ف اوضة ظابط بعد العملة
حسام بغضب... طب والعمل اي دلوقتي يعني هو كدا اتحبس
عمر بضيق... للاسف ايوا تعالي بقاا نشوفلة مكان يقعد فية
حسام بضيق... يلا
*__________*________*
في المستشفي ذهب الجميع بعدما ضغط عليهم حسام وظلت كارما فقط مع ساره
ساره بقلق... حسام اتأخر اوي مش معقول كل دا
كارما وهياا تسير بقلق في الغرفة وتحاول الاتصال برامي... لا بجد شيئ يقلق رامي كمان مابيردش مش معقول
ساره... طب حاولي مع حسام تاني كدا
كارماا... مبيردش برضة
ساره.. لا دا شكل في موضوع وكبير كمان
كارما بتنهيدة... ربنا يستر
وبعد وقت طويل وصل حسام المستشفي متوجها الي غرفة سارة وجدها تجلس هيا وكارما بقلق
حسام... احممم انتوا قاعدين كدا لية
سارة... انتا الفين احنا اتصلنا عليك كتير ومبتردش ولا رامي
كارما بقلق... امال رامي فين
حسام...متقلقيش بخير المهم ساعدي سارة عشان هنروح
كارما... ماشي بس انتا متأكد ان رامي كويس اصل انا حاسة ان فية حاجة
حسام وهو ينظر الي الاتجاه الاخر ليبعد عن نظراتها.... انا هستناكوا برة لما تخلصوا اطلعوا وركض الي الخارج قبل ان يسمح لها بالرد
بعد وقت خرجت سارة وكارما من الغرفة وجدوا حسام ينتظرهم امام باب الغرفة
حسام... اتفضلوا واشار اليهم بيدة توجهوا امامه وهو يسير خلفهم حتي وصلوا الي الاصنصير وكبوا جميهم حتي انزل بهم الي اسفل توجوا الي سياره حسام متجهين الي الفيلا ولكن حسام اوصلا كارما الي منزلهم ثم اكمل طريقة هو وسارة الي منزلهم
بعد وقت وصل حسام الفيلا بس كان الوقت متأخر كانت الساعة اتنين بليل وكان الكل نام طلعوا علي اوضتهم علي طول
ساره بتوتر... حسام هو انا ممكن اسألك سؤال
حسام وهو يجلس ع الكنبة ويضع يده علي وجهه.... اتفضلي
سارة بتفحص... حاسة ان في حاجة ممكن تقولي لو مش هزعجك
حسام بتنهيدة قوية....رامي اتقبض علية في قضية تهريب مخدرات
شهقت ساره بصدمة كبيرة... مخدرات وعمل اي
حسام وهو يرجع برأسة الي الخلف...اتحبس اربع ايام وهيحولوه ع المحكمة ويعملولوا جلسة لنتطق بالحكم
ساره... انشاء الله هيخرج منها قبل الجلسة ودا كله
حسام وهو يقف... يارب ياسارة ربنا يستر بقاا علي بابا لما يعرف وتوجه الي الحمام وظلت سارة جالسة علي السرير بحزن
*____________*__________*
في صباح اليوم التالي
في مقر العمل تبع فارس ظل يتجول بعينية في المكان بحثاا عن نورا ولكن لم يراها حتي لمح مهندس من شركتهم
فارس... لو سمحت
المهندس بأبتسامة..اؤمر
فارس.. الامر لله هياا المهندسة نورا مجتش
المهندس بعدم فهم... لاء لية
فارس بتوتر.... عشان كان معاها بقيت الورق بتاع المشروع وانا عاوزة
المهندس... اكيد الشركة هتبعتهولك الان وصلنا اخبار ان المهندسة نورا قدمت استقالتها
فارس... ماشي شكرا
المهندس.... العفو عن اذنك
فارس بشرود... اتفضل
ظل واقف شاردا لبضع دقائق ثم توجة الي سيارتة وظل يتجول بالطرقات بغضب وعصبية حتي وجد نفسة يقف امام منزلها
ظل ينظر الي العمارة بحزن شديد حتي قرر النزول من سيارتة متوجهاا الي العمارة
فارس للبواب... متعرف الانسة نورا ساكنة في انهو دور
البواب... انهو نورا يابية العمارة هنا فيها اتنين نورا والاتنين انسات
فارس بضيق... نورا المهندسة
البواب... التنين مهندسين برضوا يابية
فارس بغضب وصوت عالي.... يوووووووه ماتركز معايا كدا ياجدع انتا نورا البتشتغل في شركات السيوفي
البواب... ايوا يابية عرفتها عشان انسة نورا التانية مسافره في الدور الرابع اول شقة علي ايدك اليمين يابية
فارس وهو يركض الي الاصنصير... شكرا وتوجه الي اعلي وقف امام باب الشقة ورن الجرس وبعد وقت الباب اتفتح
فارس...احمممم السلام عليكم الانسة نورا موجوده
والده نورا... ايوا حضرتك مين
فارس... احمم انا فارس زملها في الشغل وكنت نسيت معاها اوراق المشروع وهيا مجتش الشغل
والده نور بأبتسامة... معلش ياابني بس هيا من وقت ماجات امبارح وهيا قافلة علي نفسها مبتكلمش حد اتفضل ياابني وانا هدخل اندهالك
فارس.. شكرا لحضرتك ياامي وتوجه الي الداخل وجلس ينتظر قدوم نورا
والده نورا وهيا تجلس... خارجة اهي يابني متعرفش اي الزعلها امبارح كدا
فارس بكدب... لا ياامي معرفش
والدة نور وهيا تقف بقلة حيلة علي حال ابنتها... ماشي ياابني انا هدخل اجبلك حاجة تشربها واهي نورا جت اهي
فارس... ملهوش لزوم
والده نورا بأبتسامة... ازاي بس ياابني دا واجبك ودلفت الي المطبخ وجلست نورا
نورا بتوتر...منور يافارس بية
فارس بجدية... قولي فارس بس انا قايل لمامتك اني زميلك وبعدين ممكن اعرف انتي مجتيش الشغل لية انا مبحبش حد يغيب او يتأخر علي الشغل ولو في سبب لكدا يستأذن
نورا ... اسفة يافارس بية بس انا قدمت استقالتي
فارس بغيظ.. مش قولت متقوليش بية وبعدين قدمتي استقالتك لمين انتي بتشتغلي ف شركتي علي فكرة والمفروض انا اوفقلك ع طلب الاستقالة او ارفض
نورا بغضب... عندك ازاي انا ف شركة محمد بية السيوفي
فارس بثقة... الشركات اتحدت وبقت واحد بسبب المشروع وانا يحقلي انقل اي موظف من شركتة لشركتي والعكس وانا نقلتك
نورا بغضب... يعني اي
فارس ببرود... يعني طلبك مرفوض ومن بكرة الصبح تكون في شغلك وياريت متتأخريش لاني بحب الدقة في المواعيد ووقف لبس نضارتة الشمسية وتوجه نحو الباب
والده نورا... مستعجل لية ياابني مش تشرب القهوة العملتهالك
فارس بأبتسامة... معلش بقاا ياامي مره تانية عشان مشغول
والده نورا بأبتسامة... ربنا يعينك يابني بس توعدني انك هتشربها
فارس بأبتسامة... اوعدك وقام بقتح الباب وخرج
*______________*______________في فيلا المدني
محمود بعصبية... لا دا جنان رسمي ازاي ابن محمود المدني يبات في مدرية الامن وازاي متعرفنيش
حسام بهدوء... يابابا الموضوع كبير مش زي ماحضرتك متصور دا حد عاوز يلفقلكم تهمة وعرف يلفقها صح
محمود... واخوك فين دلوقت
جسام... قاعد مع ظابط صاحب عمر في اوضتة
محمود.. طب يلا تعالي معايا عاوز اروحله
حسام.. اتفضل يابابا
محمود... مراتة عرفت
حسام... لاء مقولتلهاش حاجة
محمود.... اتصل عليها وعرفها اننا هنعدي عليها
حسام... بس يابابا
محمود بحزم... مبسش اتصل عليها زي ماقولتلك هيا مراتة ولازم تعرف
حسام... حاضر يابابا اتفضل حضرتك وهتصل عليها واحنا في الطريق
بعد مرور ساعة في مدرية الامن
دخل حسام ومحمود وكارما غرفة رامي وهو يجلس مع الظابط صاحب عمر بيضحكوا ويهزروا
دخلت كارما تجرى ارتمت في حضن رامي وتعيط
رامي... هششش اهدي ياحببتي انا كويس اهو
كارما ببكاء... متكلمنيش انا زعلانة منك اصلا
رامي.. لا والله بأماره انك جيتي جرى تحضنيني صح
محمود بضحك... بس ياغلباوي وانتي ياكارما شاطره خليكي زعلانة منوا ع طول
رامي.. لو زعلها هيبقاا كدا انا موافق انها تزعل طول العمر
كارما اتكيسفت وحطت وشها ف الارض
حسام بغيظ.. ياعم ارحم هو دا وقتة
رامي... انتا مالك يارخم انتا انتا لما بتقول لمراتك جاجة حد ببكلمك
عمر من خلفهم وهو يشبة البكاء...طب بالنسبة للمتمرمط معاكوا دا ومراتة هطلقة ميفرقش معاكوا
حسام ورامي مع بعض... لا ميفرقش
عمر بمرح... ربنا يطمنكوا انا كدا مخلوع بالتلاتة
ضحك الجميع ولكن قطعهم دخول العسكري
العسكرى... رامي المدني اتفضل معاياا عاوزينك
رامي ... ماشي اما نشوف اخرتها معاكوا اي وقام راح مع العسكرى مكتب وكيل النيابة ولكن انصدم مما رأي
رامي.... انتا وووووووووووووو
*__________*_________*
وبكدا البارت انتهي
الي اللقاء في البارت الجديد
رواية....جمعنا القدر
بقلمي..... آية الرحمن
توقعتكم بقاا يااقمرات
يابنات الله يكرمكم بلاش ملتصقات ياريت توقعتكم
