قاسي لكن عشقته للجميله ياسمين جمال

١٩

قاسى لكن عشقته
الحلقه التاسعة عشر
فى صباح يوم جديد
فى غرفه الطبيب
الضابط :المريض جاهز دلوقت
الطبيب ايوه
الضابط :طب يلا بينا
دخل الطبيب والضابط الى احمد
الضابط :اخبارك ايه
احمد :الحمد لله
الضابط :ممكن تحكيلى ايه اللى حصل
احمد :انا كنت مسافر بس كانت الفرامل مش شغاله
الضابط :طب عندك اعداء
احمد :لا
الضابط :بس الحادثه بفعل فاعل
احمد :ايه
الضابط :ايوة كاميرات  الشركه بينت ان فى شخص قطع فرامل العربيه  فلازم تساعدنا
احمد :بس انا معرفش مين
وهنا دلف سعيد :انا اعرف  ليلتفت اليه احمد والضابط فى صدمه
............
فى غرفه ندى
ندى :قاسى يلا قووم بقى ابنك محتاجك جمبه يلا ياحبيبى
وهنا دخل اسلام :ندى خلاص كفايه روحى خدى شاور وكلى علشان ابنك او بنتك
ندى :لا مش هسيبه لوحده
اسلام :كلنا معاه
ندى :لا يعنى لا
وهنا دلفت رهف
رهف :ندى اسمعى الكلام لازم تاكلى
ندى :ملييش نفس
رهف :بس كدا انتى بتتعبى قاسى
ندى :ازاى
رهف :لما يلاقيكى مش بتاكلى ومش مهتمه بأبنه هيعمل ايه
ندى :بس 
رهف :مفيش بس هو ده اللى هيحصل لازم تاكلى واهوه الاكل جبته معايا يلا ناكل سوا
اسلام :يلا
ندى :بس انا مش هخرج من هنا
رهف :خلاص ناكل هنا 
ندى :ماشى
وبدأوا فى الاكل
..........
سعيد :بس انا اعرف الحقيقه
الضابط:مين حضرتك
سعيد :انا ابن اللى حرد على الحادثه
نظر له الضابط فى استغراب
سعيد :عارف حضرتك متفاجأ بس انا عايز اقولك اانى مرضاش بالظلم حتى لو ضد نفسى
الضابط :طب اقعد ياسعيد واحكى
سعيد :اولا الكلام ده سر ومش هيتكتب ف التحقيق
الضابط :اومال جاى ليه
سعيد :علشان اكشف الحقيقه
الضابط ممكن تفهمنا اكتر
سعيد :انا الرائد سعيد  ابويا بيشتغل فى تجارة الاعضاء  والمخدرات
صدم الجميع
الضابط :كمل
سعيد :ودى مهمه عندى انى اقبض على المافيا كلها والقضيه دى بتاعت احمد هتدمر كل حاجه
احمد :والمطلوب
سعيد :احنا هنقدم القضيه للمحكمه سراً ونطلب تأجيلها لحين القبض على المافيا
الضابط :تمام
احمد :انت بتعمل كده ليه
سعيد :ده واجبى وهمشى دلوقت علشان ساهر ميلاحظش
وتركهم وغادر
وخرج الضابط ايضا
دلفت سارة الى الداخل
احمد :جايه ليه
سارة :احمد انا
احمد :اطلعى برة
سارة :احمد انا اسفه سامحنى
احمد :لا رد   لتقترب منه سارة وتمسك يده وهو يحاول نزعها ولكن لا يستطيع فهو حقا مريضا
سارة :خلاص يااحمد بقى
احمد :اهو اللى خلاص
سارة :انا غلط وانت كل مرة بتسامحنى سامحنى المرادى
احمد :مهو علشان كده مش قادر طالما الثقه اتكسرت يبقى كل حاجه انتهت انتى كنتى مفكرانى شهواانى زيهم وهألف حاجه زى دى انا واخويا اللى لحد دلوقت ف غيبوبته للدرجه دى احنا وحشين ف نظرك واشمعنا دلوقت جايه تقولى كده ممكن نكون بانألف بردوا حكايه الحادثه دلوقت حسيتى بحبى ليكى جايه تعطفى وتشفقى عليا لما تعبت وبقيت مرمى ع السرير  بس انا بطمنك انا خلاص مبقتش بحبك ارتاحى ومش عايز منك شفقه ولا احساس بالذنب  خلاص انتى حرة ده مش بسبب وانتى ملكيش دعوة بالموضوع
كانت سارة تسمع كلامته وهى تبكى
سارة :احمد انا بحبك وانتى لسه بتحبنى انا كنت بحبك بس كنت خايفه بلاش تقول كده انا بعمل كده علشان بحببك
احمد :وحبك ظهر دلوقت لما .... خلاص ياسارة  انا مش عايز منك ولا شفقه ولا احساس بالذنب واللى بيحب بيثق افهميها ده مش حب ده احساس بالذنب وبقولك دى فعل فاعل يعنى انتى مش السبب
سارة :كادت تتكلم
احمد :مفيش كلام اطلعى بره
سارة :مش هخرج علشان بحبك وانت كمان بتحبنى ومستحيل اسمحلك تبقى لغيرى لو تكرهنى فاهم انت ليا انا وبس ثم نهضت من على الكرسى لكى تجلس احمد على السرير (قعدة المريض طبعا عرفينها )لتعطى له الدواء
ولكن جاءت اعينهم فى اعين بعض وكان كل منهم ينظر للأخر بحب 
سارة:والله بعشقك
ليضع احمد يده السليمه على خصرها ويضمها اليه
احمد :وانا بعشقك وبموت فيكى 
سارة :قلت ليه انك بطلت تحبنى
احمد :علشان اخلصك من احساسك بالذنب
سارة :بس انا بعمل كده علشان بحبك
وهنا دخلت احدى الممرضات لتبعد سارة عن احمد بسرعه وهى مرتبكه ضحك احمد على موقفها وشكلها فى الموقف
الممرضه :خير بتضحك ليه اول مرة اشوفك مبسوط كده 
احمد :لا مفيش
الممرضه :ربنا يسعدكم  اسفه دخلت عليكم بس معاد الدواء جه
احمد :ماشى واعتط الممرضه احمد الدواء وخرجت
وجلست سارة على الكرسى المقابل للسرير لتنظر لتعتنى به
...........
عند :سها
سها:قاسى فاق يامريم
مريم :لا ياماما
سها :وندى حملها عامل ايه
مريم :كويس الحمد لله هى علطول مع قاسى مش بتسيبه وبابا امر بأنهم يحطولها سرير معاه فى الاوضه
علشان ترتاح
سها :ياربنا يقوم قاسى بالسلامه علشان مراته وابنه
مريم ومعتز :ياااارب
...........
مر خمسه اشهر  على ابطالنا
سها تحسنت وخرجت من المشفى واصبحت تذهب الى قاسى يوميا
احمد تحسن وخرج ايضا من المشفى واصبح معافى
سارة تخرجت من كليه الهندسه واصبحت تعشق احمد كثيرا
اسلام ورهف اصبحوا يرون بعضهم كثيرا واصبحوا اصدقاء ولكن كل منهم يكن ف قلبه مشاعر للأخر
ندى :اصبحت فى شهرها الثامن  ولم تترك قاسى لحظه
قاسى :مازال ف غيبوبته ولكن حالته تحسنت بسبب قرب ندى منه
مريم ورامى ازداد عشقهم لبعض واتفقوا على الزواج بعد ان يفوق قاسى من غيبوبته
معتز كان معظم وقته يقرأ القرآن ويصلى الى الله ويذهب الى الشركه للضرورة 
............
فى صباح يوم جديد
استيقظت ندى وتوضأت وصلت فرضها
ثم قرأت بعض آيات القرأن الكريم وبعدما انتهت وضعت المصحف وجلست على الكرسى المقابل لقاسى ومسكت يده
ندى :قاسى يلا بقى قوم عارف انا حامل ف توأم ولد وبنت وعملت السونار وشفتهم وهما بيتحركوا حلوين اوى يلا بقى قوم علشان تشوفهم هما وحشوك صح وانت وحشتهم وحشهم حضنك يلا قوم بقى علشان تربيهم معايا
ومسكت يده ووضعتها على بطنها وهنا تحرك ابناءه
لتشعر ندى بحركه اصابع قاسى ولكن اوهمت نفسها ان هذه حركه ابناءها لتشعر مرة اخرى بحركه يد قاسى مرة اخرى لتمسك يده وتقول :قاسى انت حركت ايدك صح طب اعمل اى حركه تانى ليمسك قاسى يدها
ندى :انت فوقت صح انا هروح انادم الدكتور ولكن وجدته يمسكها ولا يريد افلاتها
ندى :دقيقه بس انادم الدكتور
لتسمع صوت ضعيف يظهر عليه التعب :متسبنيش ياندى
ندى :متخفش مش هسيبك ابدا
وهنا فتح قاسى عينيه بضعف 
ندى :قاسى مالك انت تعبان انا هنادم الدكتور بسرعه واجى ماشى
قاسى :لا انا اتحسنت لما شفتك ونظر الى بطنها المنتفخه
ندى :هما دول عيالك ووحشتهم اوى
قاسى :هما بردوا
اتكسفت ندى ووضعت وجهها فى الارض
لتتفاجأ بقاسى يرفع وجهها بيده 
قاسى :مردتيش عليا
ندى :طب انت
قاسى : انتى كنتى ف قلبى علطول  وجمبى كمان وكنت سامع كل كلمه بتقوليها طول الخمس تشهر دول بس بردوا وحشتينى
ندى :وانت وحشتنى اوى وحشتنى قسوتك عليا وكمان حنيتك عليا كل حاجه فيك وحشتنى
قاسى :بعشقك يروح قلبى
ندى :انت فايق رايق اعم وانا اللى متعذبه مع عيالك بس تصدق انت هديت عليا راح جولى عيالك
قاسى :ههههه حبايبى بقى طالعين ليا
ندى :وبتضحك كمان قالتها بزعل مثل الاطفال وهى تمط شفتاها الى الامام
قاسى :احب الزعلان انا ياختى متجوز طفله
ندى :اعاااا كل ده وطفله واشارت الى بطنها
قاسى :واجمل طفله ف العالم ربنا يخليكى ليا
ندى  :ويخليك ليا
(معظمنا مفكر الدعوة دى حلوة طلعت دعوة على الشخص مش دعوة ليه يعنى لما تكره حد قوله ربنا يخليك 😉😂😂واسمك بتدعيله )
ربنا يخلى كل ظالم 😂😂
وهنا دخل الطبيب
الطبيب :ايه ده كفارة ياراجل ايه الاخبار
قاسى :الحمد لله
بدأ الطبيب بفحص قاسى
وبعدها
الطبيب :الحمد لله بقينا كويسين اهوه
قاسى :يعنى اخرج النهاردة
الطبيب :لا مستعجل ليه هتفضل هنا ٢٤ ساعه وبعدين تروح
ندى :ان شاء الله
واتصلت ندى بالعائله واخبرتهم ان قاسى فاق وذهب الجميع الى المشفى
.......
فى مكان اخر
كان سعيد يتوجه الى المطبخ لكى يملأ زجاجه الماء واثناء مروره من امام غرفه المكتب لدى ساهر سمع مكالمته
ساهر :ايوة يابيه البضاعه تمام ...................
متخفش محدش يعرف عنيها حاجه ............
بعد شهرين اكده عتوصل البضاعه احنا اتفجنا ع اكده
..................لاه سعيد ولدى ميعرفش عنيها حاجه الصفقه دى .................. لاه متخااافش منيه .........
خلاص يعنى بعدين نحددوا المكان صوح ......
ماشى سلام
غادر سعيد بسرعه حتى لا يراه ساهر
.......
وصل الجميع المشفى
ودلفوا الى غرفه قاسى لتجرى عليه مريم وسها ويحتضنوه
سها :ابنى حمدالله ع السلامه
قاسى :الله يسلمك ياأمى
مريم :حبيبى اوعى تسيبنى تانى فاهم
قاسى :متخافيش ياحببتى
معتز :انت كويس يابنى صح
قاسى :ايوة
رامى واسلام:حمدلله على السلامة
قاسى :الله يسلمكوا
لاحظ احمد الذى يقف بعيدا ولا يتكلم
قاسى :احمد مش هتحضنى
جرى عليه احمد واحتضنه واخذ يبكى ف حضنه
احمد :انا اسف ياقاسى انا السبب
قاسى :اسكت ياهبل اولا انا معملتش حاجه  ثانيا :انت اخويا وابنى وكل حاجه وثالثا :انا اللى لازم اشكرك علشان جمعتنى مع حبيبتى
احمد :بحبك قوى اوعى تعملها تانى
مريم :الله الله ايه ده بقى احمد كل حاجه وانا ايه
قاسى :انتى كل حياتى
مريم :حبيبى
ندى بصوت واطى :بقى كده اما هى كل حياتك انا ايه
ولكن سمعها قاسى :  انتى انا كل حته فيا هى انتى انا بعشقك وبمووووت فيكى
خجلت ندى ليقول اسلام
نحن هنا ياعشاق
لتزداد ندى خجلاً 
قاسى :بس يارزل اهوه كسفتها
ليضحك الجميع وقضوا وقت جميل مع بعضهم فى المشفى وجاء المساء وذهب الجميع ولكن ندى رفضت ان ترحل فقالت انها سوف تبات معه وفى الصباح يغادران سويا 

.............. ........... ............ ................. ....
رأيكم وتفاعلكوا
اسفه الباقه هتخلص بس يارب تكمل تنزيل الفصل اول مهشحنها هنزلهالكم مع تعويض الفصول طبعا