رواية "مدللتي" باللهجة الليبية 💖

رواية "مدللتي "

ﻣﺪﻟﻠﺘـﻲ
ﺍﻟﺤـﻠﻘـﻪ ﺍﻟﻌﺸـﺮﻭﻥ ﻭ ﺍﻻﺧﻴــﺮﻩ 💚
ﻣـﻼﺣـﻈﻪ . : ﻃﺒﻌـﺎ ﺻﺎﺭ ﺧـﻄﺎ ﻣﻨـﻲ ﻭ ﺗﺎﻛـﺪﺕ ﻣـﻦ ﺻﺤـﺒﻪ ﺍﻟﺮﻭﺍﻳـﻪ ﺍﻥ ﺍﻛـﺮﺍﻡ ﻛﺎﻧـﺖ ﺣـﺎﻣﻞ ﻓـﻲ 5 ﻣـﺶ 3
____________
ﺍﻛـﺮﺍﻡ ﻧـﺎﺿـﺖ ﻣـﻦ ﺍﻟﻠـﻴﻪ ﺍﺗﺘﻮﺟـﻊ ﺻﺒـﺖ ﺷﻮﻳـﺎ ﺷﻮﻳـﺎ ﻭ ﻓﺘﺤـﺖ ﺍﻟﺒـﺎﺏ ﺑـﺪﺕ ﺍﺗﻨـﺎﺩﻱ ﻋﻠﺊ ﻫـﻠﻲ ﺑـﺲ ﻣﻔﻴـﺶ ﺭﺩ
ﻣﺸـﺖ ﻟﻠـﺪﺍﺭ ﻭ ﺍﺗﺼـﻠﺖ ﺑﻤﻬﻴـﺐ
ﻣﻬﻴـﺐ : ﺍﻳـﻮﻩ ﺍﻛـﺮﺍﻡ ﺧﻴـﺮﻙ
ﺍﻛـﺮﺍﻡ : ﻭﻳﻨﻜـﻢ ﻧﻀـﺖ ﻣﻠﻘﻴﺘـﺶ ﺣـﺪ
ﻣﻬﻴـﺐ : ﺍﻣﻴﺮﺓ ﺟﺎﺑﺖ ﻭ ﻳﻼ ﺑﺎﻱ ﺷﺤﻨﻲ ﺑﻴﻔﺼﻞ
ﺳﻜـﺮﺕ ﺍﻛﺮﺍﻡ ﻣﻨﻪ ﻭ ﺣﻄﺖ ﺗﻠﻔﻮﻧﻬـﺎ ﻭ ﻛﻴـﻒ ﺗﺒـﻲ ﺗﻘﻤﻌﺰ ﺣﺴﺖ ﺏ ﺍﻣﻴﻪ ﻭ ﻧـﺰﻳـﻒ ، ﻋـﺮﻓـﺖ ﺭﻭﺣﻬـﺎ ﺧـﻼﺹ ﺣﺘﻮﻟـﺪ ﺣﻄﺖ ﺍﻳـﺪﻫـﺎ ﻋﻠﻰ ﺑﻄﻨﻬـﺎ ﻭ ﻃـﺎﺣﺖ ﻋﻠﻰ ﺍﻟﻮﻃـﺎ ﺑـﺪﺕ ﺍﺗﺼﻴـﺢ ﺑـﺲ ﻣـﺎﺣﺪ ﺳﻤﻌﻬـﺎ ﻗـﺎﻣﺖ ﺍﻳـﺪﻫـﺎ ﻭ ﺧـﺪﺕ ﺍﻟﺘـﻠﻔﻮﻥ ﻣﻬﻴـﺐ ﻣﻘﻔـﻞ، ﺷﻤـﺲ ﻧﺎﺳﻴـﻪ ﻓﻮﻧـﻬﺎ ﻫﻲ ﻭﻣـﺎﻣﺎ ﻭ ﺑـﺎﺑﺎ ﻣﻴـﺮﺩﺵ ﻭ ﺍﻟﻮﺟﻊ ﺍﻳـﺰﻳﺪ ﺍﻛﺜـﺮ ﺣﻄـﺖ ﻋﻠﻰ ﺭﻗـﻢ ﺟـﺎﺑﺮ ﺗﺮﺩﺩﺕ ﺑﻴـﻦ ﺍﺗـﺮﻥ ﺍﻭ ﻻ . ، ﺧـﺎﺻـﺎً ﺍﻥ ﻣـﺶ ﻋـﺎﺭﻑ ﺑﻤـﻮﺿﻮﻉ ﻫﻀـﺎ ﻭ ﻋﻄـﺘﻨﺎ ﻗـﻠﻪ ﺳﻤـﺎﺡ ﻟـﻮ ﺣﻜﻴﻨـﺎﻟﻪ ﻭ ﻭﻗـﺖ ﺍﻳﺠﻴﻬـﺎ ﺗﻠﺒـﺲ ﻓﻲ ﻭﺍﺳـﻊ ﻭ ﺍﺗﻐﻄـﻲ ﻓـﻲ ﺑﻄﻨـﻬﺎ .
ﺍﺗﺼـﻠﺖ ﺑﻴـﻪ ﻭ ﻫـﻮ ﺳﺒـﺤﺎﻥ ﺍﻟﻠـﻪ ﻛـﺎﻧﺎ ﻳﺴﺘﻨـﻰ ﻓـﻲ ﺍﺗﺼـﺎﻟﻬـﺎ ﺑﻴـﻪ . ، ﺭﺩ ﻋﻠـﻴﻬﺎ ﻃـﻮﻝ
ﺟـﺎﺑـﺮ ﺑﻠﻬـﻔﻪ . : ﺣﺒﻴﺒـﻲ
ﺍﻛـﺮﺍﻡ ﺍﺗﻜـﺖ ﻋﻠﻰ ﺍﻟﺴـﺎﺱ ﻭ ﻫـﻲ ﻣﻌـﺮﻗـﻪ . : ﺟــﺎﺑـﺮ ﺑﻨــﻤﻮﺕ ﺗﻌــﺎﻻ
ﺟـﺎﺑـﺮ ﻭﻟـﻊ ﺳﻴـﺎﺭﺗـﻪ ﻻﻥ ﻛـﺎﻥ ﻓـﻲ ﺭﺍﺱ ﺷﺎﺭﻋﻨـﺎ . : ﺣﺒﻴﺒﺘـﻲ ، ﺷـﻦ ﻓـﻲ ﺧﻴـﺮﻙ ؟
ﺍﻛـﺮﺍﻡ ﺍﺗﻌﻴـﻂ ﻭ ﻃﺎﺡ ﻣﻨﻬـﺎ ﺍﻟﺘـﻠﻔﻮﻥ ﺗﺤـﺖ ﺍﻟﺴـﺮﻳـﺮ ، ﺑـﺪﺕ ﺗﺰﺣـﻒ ﺷﻮﻳـﺎ ﺷﻮﻳـﺎ ﻟﺒـﺎﺏ ﻭ ﻓﺘﺤـﺎﺗـﻪ ﻧـﺰﻟﺖ ﻋﻠﻰ ﺍﻟﺪﺭﻭﺝ ﺑﺼﻌـﻮﺑـﻪ ﻓﺘﺤـﺖ ﺍﻟﺒـﺎﺏ ﺍﻟﺨـﺎﺭﺟـﻲ ﻭ ﺍﺳﻨـﺪﺕ ﻋﻠﻴـﻬﻪ ﻣـﻦ ﺍﻟﺪﺍﺧـﻞ ﺑـﺪﺕ ﺍﺗﻨﻔـﺲ ﺑﺼﻌـﻮﺑـﻪ
ﺟـﺎﺑـﺮ ﻭﻗـﻒ ﺳﻴﺎﺭﺗـﻪ ﻭﻧـﺰﻝ ﻟﻘـﺎ ﺍﻟﺒـﺎﺏ ﻣﻔﺘـﻮﺡ ﻟـﻒ ﻟﻘـﺎ ﺍﻛـﺮﺍﻡ
ﻧـﺰﻝ ﻋﻠﻴـﻬﺎ ﻭ ﻫـﻲ ﻣﺴﻜـﺖ ﻓـﻲ ﺍﻳـﺪﺍ ﺑﺎﻟﻘـﻮﻩ
ﺟـﺎﺑـﺮ ﺣـﻂ ﺍﻳـﺪﺍ ﻋﻠﻰ ﺑﻄﻨﻬـﺎ ﺑﺼـﻮﺕ ﻣﺒﺤـﻮﺡ . : ﺣـــﺎﻣﻞ ، ﻋـﻼﺵ ﺍﻛـﺮﺍﻡ ﻋﻼﺵ ﺍﻣﺪﺭﻗـﻪ ﻋﻠﻴـﺎ ﺍﻟﻮﻟـﺪ، ﻏـﺮﻭﺭﻙ ﻭﺻـﻞ ﻟﺪﺭﺟـﺔ ﺑﺘﺤﺮﻣﻴﻨـﻲ ﻣـﻦ ﺍﻭﻟـﺪﻱ ﻟﻲ ﻫﺎﻟﺪﺭﺟﺔ ﺍﻧﺴﻴﺘﻲ ﻛﻞ ﺷﻲ
ﺍﻛـﺮﺍﻡ ﺍﺗﻌﻴـﻂ : ﺍﺣﺤﺤﺢ ﺑﻨﻤــﻮﺕ ﺧـﻼﺹ
ﺟـﺎﺑـﺮ ﻣﺴـﺢ ﺩﻣﻌﺘـﻪ ﻭ ﻗﺎﻡ ﺷﻌـﺮﻫﺎ ﻣـﻦ ﻭﺟـﻬﺎ
ﺍﻛﺮﺍﻡ ﻣﺴﻜﺖ ﻓﻴﻪ ﻭ ﺗﻌﻴﻂ
ﺟﺎﺑﺮ ﺷﻤﺮﻫﺎ ﻋﻨﺪﻩ ﻭ ﺣﻄﻬﺎ ﻓﻲ ﺍﻟﺴﻴﺎﺭﺓ ﻭ ﻃﻠﻊ ﺑﻴﻬﺎ ﺑﺴﺮﻋﺔ ﻟﻠﻤﺴﺸﻔﻰ ﻧﻔﺴﻬﺎ ﺍﻟﻠﻲ ﺍﻧﻲ ﻓﻴﻬﺎ
_____________________
ﺳﺎﻋﺔ 03:00 ﻡ 🌹
ﺍﻧﻲ ﺭﺍﻗﺪﺓ ﻑ ﺍﻟﺴﺮﻳﺮ : ﻣﺤﺴﻦ ﻭﻳﻦ ﻣﺎﻣﺎ ؟
ﻣﺤﺴﻦ ﻣﻘﻌﻤﺰ ﻉ ﺍﻟﻜﺮﺳﻲ ﺟﻨﺒﻲ : ﻣﺸﺖ ﺗﺸﻮﻑ ﻓﻲ ﺍﻛﺮﺍﻡ ﺟﺎﺑﺖ ﺑﻨﻴﺔ ﺣﺘﻰ ﻫﻲ
ﺍﻧﻲ ﻓﺮﺣﺖ ﻭ ﻗﻤﺖ ﺭﺍﺳﻲ : ﻭ ﻛﻨﻚ ﻣﺎﻗﻠﺘﻠﻲ ﻋﺸﺎﻥ ﻧﻌﺪﻱ ﻧﺸﻮﻓﻬﺎ
ﻣﺤﺴﻦ : ﻣﺎﻧﺒﻴﻜﺶ ﺍﺗﻌﺒﻲ ﺭﻭﺣﻚ ﺧﻠﻴﻨﺎ ﻧﺮﺍﺟﻮ ﺍﻟﺪﻛﺘﻮﺭ ﻳﺠﻲ ﻳﻜﺸﻒ ﻋﻠﻴﻚ ﻭ ﻟﻮ ﻋﻄﺎﻙ ﺧﺮﻭﺝ ﻧﺨﻄﻤﻮ ﻧﺸﻮﻓﻮﻫﺎ ﻓﻲ ﺣﺠﺮﺗﻬﺎ ﻭ ﻧﺤﻨﺎ ﻧﺎﺯﻟﻴﻦ
ﺍﻧﻲ : ﺑﺎﻫﻲ ﻛﻴﻒ ﺣﺎﻟﻬﺎ ﺗﻮﺍ ؟
ﻣﺤﺴﻦ : ﺟﺎﺑﺮ ﻗﺎﻝ ﻭﺿﻌﻬﺎ ﻛﻮﻳﺲ ﻫﻲ ﻭ ﺍﻟﺒﻨﻴﺔ
ﺍﻧﻲ ﺍﺑﺘﺴﻤﺖ : ﺟﺒﻨﺎ ﻓﻲ ﻧﻔﺲ ﺍﻟﻴﻮﻡ ، ﻓﺮﺣﺘﻨﺎ ﻣﺸﺘﺮﻛﺔ ﺯﻱ ﻳﻮﻡ ﻋﺮﺳﻨﺎ ﻭ ﺯﻱ ﻳﻮﻡ ﻭﻻﺩﺗﻨﺎ
ﻣﺤﺴﻦ ﺍﺑﺘﺴﻢ : ﺭﺑﻲ ﻳﺪﻭﻡ ﻋﻠﻴﻨﺎ ﺍﻷﻓﺮﺍﺡ
ﺍﻧﻲ : ﺍﻣﻴﻦ
ﻭ ﻃﻖ ﺍﻟﺒﺎﺏ
ﻣﺤﺴﻦ ﺑﺤﺖ ﻓﻴﺎ : ﺳﻘﻤﻲ ﻭﺷﺎﺣﻚ
ﺍﻧﻲ ﺳﻘﻤﺘﻪ ﻭ ﺑﺤﺘﺖ ﻓﻲ ﺍﻟﺒﺎﺏ
ﺧﺶ ﺍﻟﺪﻛﺘﻮﺭ : ﺍﻟﺴﻼﻡ ﻋﻠﻴﻜﻢ
ﺍﻧﻲ ﻭ ﻣﺤﺴﻦ : ﻭ ﻋﻠﻴﻜﻢ ﺍﻟﺴﻼﻡ
ﺍﻟﺪﻛﺘﻮﺭ : ﺷﻨﻮ ﻳﺎ ﺃﻣﻴﺮﺓ ﻛﻴﻒ ﺣﺎﺳﺔ ﺭﻭﺣﻚ ﺗﻮﺍ ؟
ﺍﻧﻲ : ﺍﻟﺤﻤﺪ ﻟﻠﻪ
ﺍﻟﺪﻛﺘﻮﺭ : ﺍﻧﻲ ﺩﻛﺘﻮﺭ ﻗﻠﺐ ﻭ ﺟﻴﺖ ﻋﺸﺎﻥ ﻧﺘﺎﺑﻊ ﺣﺎﻟﺘﻚ
ﺍﻧﻲ ﺑﺤﺘﺖ ﻓﻲ ﻣﺤﺴﻦ ﻭ ﻗﻠﺒﻲ ﺩﻕ : ﺩﻛﺘﻮﺭ ﻗﻠﺐ !
ﻣﺤﺴﻦ : ﻓﻲ ﻭﻗﺖ ﻭﻻﺩﺗﻚ ﺩﻛﺘﻮﺭﺗﻚ ﻗﺎﻟﺖ ﺍﻧﻚ ﺗﻌﺒﺘﻲ ﻭ ﺩﻫﺸﺘﻲ ﻭﺍﺟﺪ ﻭ ﺍﻧﺎ ﻋﺸﺎﻥ ﺍﻧﺘﻄﻤﻦ ﺟﺒﺖ ﺍﻟﺪﻛﺘﻮﺭ ﻳﻜﺸﻒ ﻋﻠﻴﻚ
ﺍﻧﻲ : ﺑﺲ ﻳﺎ ﻣﺤﺴﻦ ﻫﻲ ﺩﻫﺸﺔ ﻋﺎﺩﻳﺔ ﺯﻱ ﻛﻞ ﻣﺮﺓ
ﺍﻟﺪﻛﺘﻮﺭ : ﺍﻧﺘﻲ ﻟﻴﺶ ﺧﺎﻳﻔﺔ ﺍﻧﺎ ﺣﻨﺪﻳﺮﻟﻚ ﻛﺸﻮﻓﺎﺕ ﻭ ﺗﺤﺎﻟﻴﻞ ﻭ ﺗﻄﻠﻌﻲ ﺑﺲ
ﺍﻧﻲ ﺭﻗﺎﻟﻲ : ﺍﻧﺎ ﻣﺶ ﻣﺮﻳﻀﺔ ﻛﻨﻜﻢ !!!
ﻣﺤﺴﻦ : ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ
ﻭ ﻗﺮﺏ ﻣﻨﻲ : ﻫﻴﺎ ﺣﺒﻴﺒﻲ ﻋﺸﺎﻧﻲ ﻭ ﻋﺸﺎﻥ ﻭﻟﻴﺪﻧﺎ ﺧﻠﻴﻨﺎ ﻧﺘﻄﻤﻨﻮ
ﺍﻧﻲ ﺑﺤﺘﺖ ﻓﻴﻪ : ﺍﻧﻲ ﻭﺍﻟﻠﻪ ﻣﺎﻓﻴﺎ ﺣﺎﺟﺔ ﺍﺻﻼً ﻧﺒﻲ ﺍﻧﺮﻭﺡ ﺗﻮﺍ
ﻣﺤﺴﻦ : ﺑﺈﺫﻥ ﺍﻟﻠﻪ ﻣﺎﻓﻲ ﺍﻻ ﻛﻞ ﺧﻴﺮ ﺑﺲ ﻣﺶ ﺣﺎﻧﻄﻠﻌﻮ ﻣﻦ ﻫﻨﺎ ﻟﻌﻨﺪ ﻣﺎﻳﻜﺸﻒ ﻋﻠﻴﻚ ﺍﻟﺪﻛﺘﻮﺭ ﻣﺎﺗﺰﻳﺪﻳﺶ ﺗﺨﻮﻓﻴﻨﻲ ﻋﻠﻴﻚ ﺍﻛﺜﺮ ﺃﻣﻴﺮﺓ
ﺍﻧﻲ ﺑﺤﺘﺖ ﻓﻴﻪ ﻭ ﺳﻜﺘﺖ ﻣﺎﺑﻴﺘﺶ ﻧﺰﻳﺪ ﻧﻌﺎﻧﺪﻩ ﻭ ﻫﻮ ﺷﺎﻳﻞ ﻫﻤﻲ ﻭ ﺧﺎﻳﻒ ﻋﻠﻴﺎ ﺑﺲ ﺧﺎﻳﻔﺔ ﺍﻥ ﻧﻜﻮﻥ ﻣﺮﻳﻀﺔ ﻭ ﻣﺎﺗﻤﺶ ﻓﺮﺣﺘﻲ
ﻣﺤﺴﻦ ﻳﺒﺤﺖ ﻓﻴﺎ : ﻫﻴﺎ ﺷﻨﻮ ؟؟
ﺍﻧﻲ ﺑﺨﻴﺒﺔ ﺃﻣﻞ : ﺑﺎﻫﻲ ﺣﺎﺿﺮ
___
08:00 ﻡ
ﺩﺍﺭﻟﻲ ﺍﻟﺪﻛﺘﻮﺭ ﻛﺸﻮﻓﺎﺕ ﻭ ﺗﺤﺎﻟﻴﻞ ﻭ ﻗﺎﻝ ﻟﻤﺤﺴﻦ ﺍﻧﻪ ﻓﻴﻪ ﻣﺸﺎﻛﻞ ﻭﻻﺯﻡ ﻳﺘﺎﺑﻊ ﺣﺎﻟﺘﻲ
ﺍﻧﻲ ﻧﺒﻜﻲ : ﻣﺤﺴﻦ ﻣﺎﻧﺒﻴﺶ ﻧﻘﻌﺪ ﻓﻲ ﺍﻟﻤﺴﺘﺸﻔﻰ ﻭﻟﺪﻱ ﺑﺤﺎﺟﺘﻲ ﻭ ﻻﺯﻡ ﻧﻜﻮﻧﻮ ﻓﻲ ﺣﻮﺷﻨﺎ ﻭ ﻧﻬﺘﻢ ﺑﻴﻪ
ﻣﺤﺴﻦ ﻳﻤﺴﺤﻠﻲ ﻓﻲ ﺩﻣﻮﻋﻲ : ﺍﻫﺪﻱ ﺣﺒﻴﺒﻲ ﻛﻠﻪ ﻳﺘﻌﻮﺽ ﺍﻟﻤﻬﻢ ﺻﺤﺘﻚ ، ﺍﻗﻌﺪﻱ ﻳﻮﻡ ﺍﺳﺒﻮﻉ ﺷﻬﺮ ﺳﻨﺔ ﻣﺶ ﺣﺎﺗﻄﻠﻌﻲ ﻟﻌﻨﺪ ﻣﺎﺗﻤﺴﻜﻲ ﺻﺤﺘﻚ ﻭ ﻧﺘﻄﻤﻦ ﻋﻠﻴﻚ
ﺍﻧﻲ ﺗﻤﻴﺖ ﻧﺒﻜﻲ ﺑﺎﻟﻌﺒﺮﺓ : ﻣﺤﺴﻦ ﻣﺎﺗﺨﻠﻴﻨﺶ ﺑﺮﻭﺣﻲ ﺍﻟﻠﻪ ﺍﻳﺮﺑﺤﻚ
ﻣﺤﺴﻦ ﻟﻔﻪ ﺍﻳﺪﻳﻪ ﻋﻠﻴﺎ ﻭ ﻗﻠﺒﻪ ﺍﻳﺘﻮﺟﻊ : ﻣﺴﺘﺤﻴﻞ ﻧﺨﻠﻴﻚ ﻭﻻ ﻧﺴﻴﺒﻚ ﺍﻧﺘﻲ ﺍﻫﻢ ﺷﻲ ﻓﻲ ﺣﻴﺎﺗﻲ ﻳﺎ ﺩﻧﻴﺘﻲ ﻛﻠﻬﺎ
________________
ﺑﻌﺪ ﻣﺮﻭﺭ ﺍﺳﺒﻮﻉ 🌹
ﻃﻠﻊ ﻣﻦ ﻋﻨﺪﻱ ﺍﻟﺪﻛﺘﻮﺭ ﻭ ﻣﺤﺴﻦ ﻟﺤﻘﻪ ﻓﻲ ﺍﻟﻤﻤﺮ
ﻣﺤﺴﻦ : ﺷﻨﻮ ﻳﺎ ﺩﻛﺘﻮﺭ ﻃﻤﻨﻲ !
ﺍﻟﺪﻛﺘﻮﺭ : ﺑﻮﺩﻱ ﺇﻧﻲ ﻧﻄﻤﻨﻚ ﻟﻜﻦ ﻟﻸﺳﻒ ﺍﻟﻤﺪﺍﻡ ﺑﺪﺕ ﺗﺘﻌﺐ ﻳﻮﻡ ﻋﻦ ﻳﻮﻡ ﻭ ﻫﻀﺎ ﺍﻟﻠﻲ ﺻﺎﻳﺮﻟﻬﺎ ﺿﻌﻒ ﻓﻲ ﺍﻟﻘﻠﺐ ﻭ ﻻﺯﻣﻨﺎ ﻣﺘﺒﺮﻉ ﻓﻲ ﺍﻗﺮﺏ ﻭﻗﺖ ﻭ ﺍﻻ ﺣﺎﻧﺨﺴﺮﻭﻫﺎ
ﻣﺤﺴﻦ ﺍﻧﺼﺪﻡ ﻭ ﻣﺴﻚ ﺭﺍﺳﻪ : ﻭﻳﺶ ﺍﻟﻠﻲ ﺗﻘﻮﻝ ﻓﻴﻪ ﻳﺎ ﺩﻛﺘﻮﺭ ؟؟ !
ﺍﻟﺪﻛﺘﻮﺭ ﺳﻜﺖ
ﻣﺤﺴﻦ ﻋﻠّﺎ ﺻﻮﺗﻪ : ﻟﻴﺶ ﺗﺨﻠﻴﻬﺎ ﻋﻨﺪﻙ ﺍﺳﺒﻮﻉ ﻓﻲ ﺍﻟﻤﺴﺘﺸﻔﻰ ﻭ ﻫﻲ ﺣﺎﻟﺘﻬﺎ ﺧﻄﻴﺮﺓ ﻟﻲ ﻫﺎﻟﺪﺭﺟﺔ ﻭ ﻣﺎﺗﻘﻮﻟﺶ ﻟﻴﻴﻴﻴﺶ !!!!!
ﺍﻟﺪﻛﺘﻮﺭ ﺣﻂ ﺍﻳﺪﻩ ﻋﻠﻰ ﻛﺘﻔﻪ : ﺍﻫﺪﺃ ﻳﺎ ﺧﻮﻱ ﻭ ﺍﺳﻤﻌﻨﻲ ، ﺍﻧﻲ ﻣﻘﺪﺭ ﻣﻮﻗﻔﻚ ﺗﻮﺍ ﻭ ﺣﺎﺱ ﺑﻴﻚ ﻧﺤﻨﺎ ﻛﻨﺎ ﻣﺘﺄﻣﻠﻴﻦ ﺍﻥ ﻳﺘﺤﺴﻦ ﻭﺿﻌﻬﺎ ﻟﻜﻦ ﻟﻸﺳﻒ ﺻﺎﺭ ﺍﻟﻌﻜﺲ ﻭ ﺍﻧﺖ ﻣﺎﺗﻴﺄﺳﺶ ﻣﻦ ﺭﺣﻤﺔ ﺭﺑﻚ ﺍﻥ ﺷﺎﺀ ﺍﻟﻠﻪ ﻧﻼﻗﻮ ﻣﺘﺒﺮﻉ ﻭ ﻧﺪﻳﺮﻭ ﺍﻟﻌﻤﻠﻴﺔ ﻓﻲ ﺗﻮﻧﺲ ﻧﺤﻮﻟﻮﻫﺎ ﻫﻲ ﻭ ﺍﻟﻤﺘﺒﺮﻉ ﻏﺎﺩﻱ ﻻﻥ ﻫﻨﺎ ﻣﺎﺯﺍﻝ ﺍﻟﻄﺐ ﻣﺎﺗﻄﻮﺭ ﻭ ﻣﺎﻓﺶ ﻣﻦ ﻳﻘﺪﺭ ﻳﺨﺶ ﻋﻠﻰ ﻋﻤﻠﻴﺔ ﺯﺭﻉ ﻗﻠﺐ ﻫﻨﺎ
ﻣﺤﺴﻦ ﺍﻧﻬﺪ ﺣﻴﻠﻪ ﻭ ﻣﺎﺭﺩﺵ ﻋﻠﻴﻪ ﻭﻻ ﻛﻠﻤﺔ ، ﻗﻌﻤﺰ ﻉ ﺍﻟﻜﺮﺳﻲ ﻭ ﺣﻂ ﺭﺍﺳﻪ ﺑﻴﻦ ﺍﻳﺪﻳﻪ ﻋﻴﻮﻧﻪ ﺩﻣﻌﻮﺍ ﻭ ﺿﺎﻕ ﻋﻠﻴﻪ ﺻﺪﺭﻩ ، ﺍﻟﺨﺒﺮ ﺻﺪﻣﻪ ﻭ ﺑﺪﻱ ﻳﺘﻜﻠﻢ ﺑﺮﻭﺣﻪ : ﻏﻴﺮ ﻣﻨﻴﻦ ﺑﻨﻠﻘﺎﻩ ﺍﻟﻤﺘﺒﺮﻉ ﺑﺲ ؟ ﻛﻴﻒ ﻭ ﻭﻳﻦ !!
ﺍﻟﺪﻛﺘﻮﺭ ﻳﺸﻮﻓﻠﻪ ﻭ ﻣﺘﺄﺛﺮ ﺟﺎﺀ ﻗﻌﻤﺰ ﺟﻨﺒﻪ : ﻓﻴﻪ ﺣﺎﻻﺕ ﻳﺠﻮﻧﺎ ﻣﻴﺆﻭﺱ ﻣﻨﻬﻢ ﻳﻘﻌﺪﻭ ﻓﻲ ﺍﻟﻌﻨﺎﻳﺔ ﻟﻌﻨﺪ ﻣﺎﺭﺑﻚ ﻳﺎﺧﺪ ﺃﻣﺎﻧﺘﻪ ﺑﻠﻜﻲ ﻧﺸﻮﻓﻮ ﺣﺪ ﻣﻨﻬﻢ !
ﻣﺤﺴﻦ ﺭﺩﺕ ﻓﻴﻪ ﺍﻟﺮﻭﺡ ﻭ ﺑﺤﺖ ﻓﻲ ﺍﻟﺪﻛﺘﻮﺭ ﺑﺘﺮﺟﻲ : ﺑﺎﻟﻠﻪ ﻋﻠﻴﻚ ﺷﻮﻓﻠﻲ ﺣﺪ ﺍﻟﻠﻪ ﺍﻳﺮﺑﺤﻚ ﺃﻣﻴﺮﺓ ﻻﺯﻡ ﺍﺩﻳﺮ ﺍﻟﻌﻤﻠﻴﺔ ﻭ ﺗﺒﺮﺃ ﻭ ﺗﻨﻮﺽ ﻟﻴﺎ ﻭ ﻟﻮﻟﺪﻫﺎ
ﺍﻟﺪﻛﺘﻮﺭ ﺻﺒﺎ : ﺍﻥ ﺷﺎﺀ ﺍﻟﻠﻪ ﺧﻴﺮ ﺍﻧﻲ ﺣﺎﻧﻨﺰﻝ ﺗﻮﺍ ﻧﺸﻮﻑ ﺃﻗﺎﺭﺏ ﺍﻟﻤﺮﻳﺾ ﺍﻟﻠﻲ ﺟﺎﺀ ﺍﻣﺲ ﺑﻠﻜﻲ ﻳﻮﺍﻓﻘﻮ ﻻﻧﻪ ﻣﻴﺖ ﺳﺮﻳﺮﻳﺎً ﻫﻮ
ﻣﺤﺴﻦ ﺻﺒﺎ : ﻧﺮﺟﺎ ﻓﻴﻚ ﻣﺎﺗﻄﻮﻟﺶ
ﺍﻟﺪﻛﺘﻮﺭ ﻭﻫﻮ ﻣﺎﺷﻲ : ﺍﻥ ﺷﺎﺀ ﺍﻟﻠﻪ ﺍﻥ ﺷﺎﺀ ﺍﻟﻠﻪ
ﻣﺤﺴﻦ ﺭﺷﻒ ﺧﺸﻤﻪ ﻭ ﺧﺪﺍ ﻧﻔﺲ ﻋﻤﻴﻖ ﻭ ﺧﺸﻠﻲ ..
ﺧﻔﻰ ﺣﺰﻧﻪ ﻭ ﺩﻣﻌﺘﻪ ﻭ ﺍﺑﺘﺴﻤﻠﻲ
ﺍﻧﻲ ﻧﺒﺤﺖ ﻓﻴﻪ ﻭ ﺳﺎﻛﺘﺔ
ﺟﺎﺀ ﺻﺒﺎ ﺟﻨﺒﻲ ﻭ ﺣﻂ ﺍﻳﺪﻩ ﻋﻠﻰ ﺧﺪﻱ : ﻭﻳﻦ ﺳﺎﺭﺣﺔ ﻣﺪﻟﻠﺘـﻲ ؟
ﺍﻧﻲ ﻋﻴﻮﻧﻲ ﺩﻣﻌﻮﺍ : ﻧﺒﻲ ﻧﻤﻮﺕ ﺻﺢ ؟؟
ﻣﺤﺴﻦ ﻏﻤﺾ ﻋﻴﻮﻧﻪ ﺑﻘﻮﺓ ﻭ ﻗﻠﺒﻪ ﺍﻧﻐﺺ
ﺍﻧﻲ ﻧﺒﻜﻲ : ﺳﻤﻌﺖ ﻛﻼﻣﻚ ﺍﻧﺖ ﻭ ﺍﻟﺪﻛﺘﻮﺭ ﻋﺎﺭﻓﺔ ﺣﻨﻤﻮﺕ ﻭ ﻳﺘﻴّﺘﻢ ﻭﻟﺪﻱ ﻓﻲ ﺍﻭﻝ ﻋﻤﺮﻩ ﻻﻥ ﻣﺴﺘﺤﻴﻞ ﺗﻼﻗﻮ ﻣﺘﺒﺮﻉ
ﻣﺤﺴﻦ ﻗﻌﻤﺰ ﻣﻌﺎﻱ ﺣﻀﻨﻲ ﻭ ﻗﻠﺒﻪ ﺍﻳﺘﻘﻄﻊ : ﺍﻥ ﺷﺎﺀ ﺍﻟﻠﻪ ﻧﻠﻘﻮ ﺍﻟﻤﺘﺒﺮﻉ ﻭ ﻧﺪﻳﺮﻭ ﺍﻟﻌﻤﻠﻴﺔ ﻭ ﺗﻨﻮﺿﻲ ﺑﺨﻴﺮ ﻗﻮﻟﻲ ﻳﺎﺭﺏ ﺑﺲ
ﺍﻧﻲ ﺣﻄﻴﺖ ﺭﺍﺳﻲ ﻋﻠﻰ ﺻﺪﺭﻩ ﻭ ﺻﻮﺗﻲ ﻣﺒﺤﻮﺡ ﻣﻦ ﺍﻟﺒﻜﺎﺀ : ﻣﻦ ﻫﻮ ﺍﻟﻠﻲ ﺑﻴﺘﺒﺮﻉ ﺑﻘﻠﺒﻪ ﻋﺸﺎﻧﻲ ﻳﺎﻣﺤﺴﻦ ؟ ! ﺍﻛﻴﺪ ﺣﻨﻤﻮﺕ ﻭ ﺗﺤﻄﻮ ﻋﻠﻴﺎ ﺍﻟﺘﺮﺑﺔ ﻭ ﻧﺒﺎﺕ ﺑﺮﻭﺣﻲ ﻓﻲ ﺍﻟﻤﻘﺒﺮﺓ ﻭ ﺍﻧﺖ ﻋﺎﺭﻓﻨﻲ ﻧﺨﺎﻑ ﻣﻦ ﺍﻟﻌﺘﻤﺔ ﻳﺎﻣﺤﺴﻦ 💔
ﻣﺤﺴﻦ ﻋﺼﺮﻧﻲ ﺑﻘﻮﺓ ﻭ ﺩﻣﻮﻋﻪ ﻳﻨﺰﻟﻮ : ﺍﻟﻠﻪ ﻳﺮﺑﺤﻚ ﺧﻼﺹ ﻣﺎﻋﺎﺩﺵ ﺗﻔﺎﻭﻟﻲ ﻋﻠﻰ ﺭﻭﺣﻚ ﺍﻧﺘﻲ ﺣﺘﺒﺮﻱ ﻭ ﺗﺮﺩﻱ ﺻﺤﺘﻚ ﺯﻱ ﻗﺒﻞ ﻭ ﺍﺣﺴﻦ ﺑﺈﺫﻥ ﺍﻟﻠﻪ
ﺍﻧﻲ ﻧﺒﻜﻲ ﺑﺤﺮﻗﺔ : ﻧﻮﺻﻴﻚ ﻋﻠﻰ ﻭﻟﺪﻧﺎ ﺑﺲ ﻳﺎ ﻣﺤﺴﻦ ، ﻭﻟﺪﻧﺎ ﺯﻳﻦ ﺣﻄﻪ ﺑﻴﻦ ﺭﻣﻮﺵ ﻋﻴﻮﻧﻚ ﺣﺎﻓﻆ ﻋﻠﻴﻪ ﻭ ﺣﺒﻪ ﺍﻛﺜﺮ ﻣﻦ ﺍﻱ ﺷﻲ ﻓﻲ ﺍﻟﺪﻧﻴﺎ ، ﺣﺒﻪ ﻭ ﺍﺣﻤﻴﻪ ﻭ ﺭﺑﻴﻪ ﺍﻧﺖ ﻋﺸﺎﻥ ﻳﻄﻠﻊ ﻛﻴﻔﻚ ﺭﺍﺟﻞ ﻭ ﻳﻨﺸﺪ ﺑﻴﻪ ﺍﻟﻈﻬﺮ ﺗﻠﻘﺎﻩ ﺳﻨﺪ ﻟﻴﻚ ﻓﻲ ﻛﺒﺮﻙ
ﻣﺤﺴﻦ ﻳﺒﻜﻲ ﻭ ﺣﺎﺿﻨﻲ ﺑﻘﻮﺓ : ﻣﺎﻧﻘﺪﺭﺵ ﻧﻌﻴﺶ ﺑﻼﻙ ﺍﻟﺤﻴﺎﺓ ﺍﻟﻠﻲ ﺑﻼﻙ ﻣﺎﻧﺒﻴﻬﺶ ﻭﻻ ﻧﺒﻲ ﻧﻜﻮﻥ ﻓﻴﻬﺎ .. ، ﺍﻧﺘﻲ ﺷﻤﻌﺔ ﺣﻴﺎﺗﻲ ﺍﻧﺘﻲ ﺍﻟﻠﻲ ﻣﻨﻮﺭﺓ ﻃﺮﻳﻘﻲ ﺍﻧﺘﻲ ﺿﻮﺍﻳﺔ ﻋﻤﺮﻱ
ﺍﻧﻲ ﻣﻐﻤﻀﺔ ﻋﻴﻮﻧﻲ ﻭ ﻧﺒﻜﻲ : ﻧﺒﻲ ﻭﻟﺪﻱ ﺍﻟﻠﻪ ﻳﺮﺑﺤﻚ ﺟﻴﺒﻪ ﻟﻴﺎ
ﻣﺤﺴﻦ ﺑﺤﺖ ﻓﻴﺎ ﻭ ﻳﻤﺴﺤﻠﻲ ﻑ ﺩﻣﻮﻋﻲ : ﻧﺒﻴﻚ ﺗﻜﻮﻧﻲ ﻗﻮﻳﺔ ﻛﻮﻧﻲ ﺃﻣﻴﺮﺓ ﺍﻟﻠﻲ ﻋﺮﻓﺘﻬﺎ ﻣﺎﻧﺒﻜﺶ ﺗﻀﻌﻔﻲ ﺑﻜﻞ
ﺍﻧﻲ ﻫﺰﻳﺖ ﺭﺍﺳﻲ ﻭ ﻧﺒﻜﻲ : ﺟﻴﺒﻠﻲ ﻭﻟﺪﻱ ﺑﺲ
ﻃﻖ ﻋﻠﻴﻨﺎ ﺍﻟﺒﺎﺏ ﻭ ﻛﺎﻥ ﺍﻟﺪﻛﺘﻮﺭ ، ﺧﺶ ﻭﺟﻬﻪ ﻣﺎﻳﺘﻔﺴﺮﺵ ﺷﺎﻳﺮ ﻟﻤﺤﺴﻦ ﺑﻤﻌﻨﻰ ﺗﻌﺎﻟﻰ ﻭ ﻃﻠﻌﻮ ﺍﻟﺰﻭﺯ ﻣﻊ ﺑﻌﻀﻬﻢ
ﺍﻟﺪﻛﺘﻮﺭ : ﻧﺘﺄﺳﻒ ﻣﻨﻚ ﻭﺍﺟﺪ ﻫﻞ ﺍﻟﻤﺮﻳﺾ ﻣﺎﺑﻮﺵ ﻳﻮﺍﻓﻘﻮ ﻻﻧﻬﻢ ﻣﺘﺄﻣﻠﻴﻦ ﺍﻧﻪ ﻳﻔﻴﻖ
_________________
ﺗﺎﻧﻲ ﻳﻮﻡ 🌹
11:00 ﺹ
ﺍﻧﻲ ﻣﻘﻌﻤﺰﺓ ﻉ ﺳﺮﻳﺮ ﺍﻟﻤﺴﺘﺸﻔﻰ ﻣﺎﺳﻜﺔ ﺯﻳﻦ ﻋﻠﻰ ﺻﺪﺭﻱ ﻭ ﻧﺒﻜﻲ : ﺳﺎﻣﺤﻨﻲ ﻳﺎ ﻣﺎﻣﺎ ؛ ﺳﺎﻣﺤﻨﻲ ﻳﺎ ﺭﻭﺣﻲ ﻻﻧﻲ ﺣﻨﻤﺸﻲ ﻭ ﻧﺨﻠﻴﻚ ﻭ ﺍﻧﺖ ﻋﻤﺮﻙ ﺍﺳﺒﻮﻉ ﺑﺲ ﻣﺎﺯﻟﺖ ﻟﺤﻤﺔ ﺣﻤﺮﺍﺀ
ﻣﺤﺴﻦ ﻭﺍﻗﻒ ﺟﻨﺒﻲ : ﻫﻴﺎ ﺃﻣﻴﺮﺓ ﻭﻗﺖ ﻉ ﺍﻟﻄﻴﺎﺭﺓ
ﺍﻧﻲ ﻋﺼﺮﺕ ﺯﻳﻦ ﺑﻘﻮﺓ ﻭ ﻧﺒﻜﻲ ﻟﻴﻦ ﺧﻠﻴﺘﻪ ﻳﺒﻜﻲ ﻣﻌﺎﻱ : ﻣﺎﻣﺎ ﺗﺤﺒﻚ ﻭﺍﺟﺪ ﻳﺎﻋﻤﺮﻱ
ﻭ ﺑﺴﺘﻪ ﻋﻠﻰ ﺭﺍﺳﻪ ﻭ ﺧﺪﻭﺩﻩ ﻭ ﺻﻮﺍﺑﻊ ﺍﻳﺪﻳﻪ ﻭ ﺍﻧﻲ ﻧﺘﺤﻔﻆ ﻓﻲ ﻣﻼﻣﺤﻪ
ﻣﺎﻣﺎ ﺧﺪﺍﺗﻪ ﻣﻨﻲ ﻭﻫﻲ ﺗﺒﻜﻲ : ﺧﻼﺹ ﺧﻠﻴﺘﻲ ﺍﻟﻮﻟﺪ ﻓﻲ ﻋﻴﻄﺔ ﺣﺮﺍﻡ ﻋﻠﻴﻚ
ﺍﻧﻲ ﻣﺴﻜﺖ ﺑﻜﻴﺘﻲ ﻭ ﺗﻨﻬﺪﺕ
ﻣﺴﻜﻨﻲ ﻣﺤﺴﻦ ﻣﻦ ﺍﻳﺪﻱ ﻭ ﺻﺒﺎﻧﻲ : ﻫﻴﺎ ﺑﺎﺗﻚ ﻭ ﻣﻬﻴﺐ ﻳﺮﺟﻮ ﻓﻴﻨﺎ ﺗﺤﺖ
ﺍﻧﻲ ﻣﺴﺤﺖ ﺩﻣﻮﻋﻲ : ﻭ ﻣﺎﻣﺎ ﻣﻦ ﺑﻴﺮﻭﺡ ﺑﻴﻚ
ﻣﺎﻣﺎ : ﺟﺎﺑﺮ
ﻭ ﺧﺸﻮ ﻋﻠﻴﺎ ﺧﻮﺍﺗﻲ ﻭ ﻋﻴﺖ ﻣﺤﺴﻦ ﻳﺴﻠﻤﻮﺍ ﻋﻠﻴﺎ ﻭ ﺍﻧﺘﻀﺒﻄﻮ ﻓﻲ ﺑﻌﻀﻨﺎ ﻭ ﻧﺒﻜﻮ ﻟﻌﻨﺪ ﻣﺎ ﻛﺮﻧﻲ ﻣﺤﺴﻦ ﻣﻨﻬﻢ
ﻣﺤﺴﻦ : ﺍﻧﺘﻲ ﻉ ﺍﻟﺤﺎﻝ ﻫﻀﺎ ﻣﺶ ﺣﺎﺗﺴﺎﻓﺮﻱ ﻫﻴﺎ
ﺍﻧﻲ ﺑﺤﺘﺖ ﻓﻴﻪ ﻭ ﻗﻌﻤﺰﺕ ﻓﻲ ﺍﻟﻜﺮﻭﺳﺔ ﻭ ﻧﺰﻟﻮﻧﻲ ﻟﺴﻴﺎﺭﺓ ﺍﻹﺳﻌﺎﻑ ﻭ ﻣﻨﻬﺎ ﻟﻠﻤﻄﺎﺭ ﻋﺸﺎﻥ ﺣﻨﺴﺎﻓﺮﻭ ﺍﻧﻲ ﻭ ﺑﺎﺑﺎ ﻭ ﻣﺤﺴﻦ ﺑﺎﻹﺳﻌﺎﻑ ﺍﻟﻄﺎﺋﺮ ﻟﺘﻮﻧﺲ ﻋﻠﻰ ﺃﻣﻞ ﻧﻼﻗﻮ ﻣﺘﺒﺮﻉ
____________________
ﺑﻌﺪ ﻣﺮﻭﺭ ﻋﺪﺓ ﺍﻳﺎﻡ 🌹
ﺍﻧﻲ ﺭﺍﻗﺪﺓ ﻓﻲ ﺍﻟﺴﺮﻳﺮ ﻭ ﻣﺪﺍﻳﺮﺓ ﺍﻷﻛﺴﺠﻴﻦ ﻗﻠﺒﻲ ﺑﺪﺍ ﻓﻲ ﺍﻟﻨﺎﺯﻝ ﻳﻮﻡ ﻋﻦ ﻳﻮﻡ ﻭ ﻣﺤﺴﻦ ﻣﺎﺯﺍﻝ ﻣﺎ ﺃﻳﺴﺶ ﻭ ﻫﻮ ﻳﺪﻭﺭ ﻉ ﺍﻟﻤﺘﺒﺮﻉ ﻣﻊ ﺑﺎﺑﺎ ﺑﺲ ﺑﺪﻭﻥ ﻓﺎﻳﺪﺓ
ﺭﻥ ﺗﻠﻴﻔﻮﻧﻲ ﺟﻨﺒﻲ ﻟﻘﻴﺘﻪ ﻣﻜﺘﻮﺏ ﻣﺎﻣﺎ
ﻓﺘﺤﺖ ﺍﻟﺨﻂ ﻭ ﺣﻄﻴﺘﻪ ﻉ ﻭﺫﻧﻲ ﻭ ﻗﻌﺪﺕ ﺳﺎﻛﺘﺔ
ﻣﺎﻣﺎ : ﻛﻴﻒ ﺣﺎﻟﻚ ﻳﺎ ﺃﻣﻴﺮﺓ ﺍﻟﻴﻮﻡ ؟؟
ﺍﻧﻲ ﺳﺎﻛﺘﺔ ﻣﺶ ﻗﺎﺩﺭﺓ ﻧﺘﻜﻠﻢ ﻭ ﺩﻣﻮﻋﻲ ﻳﻨﺰﻟﻮ ﺗﻠﻘﺎﺋﻴﺎ ﻗﻠﺒﻲ ﻣﺤﺮﻭﻕ ﻋﻠﻰ ﺣﺎﻟﻲ ﻭ ﻋﻠﻰ ﻭﻟﺪﻱ ﺍﻟﻠﻲ ﻣﺴﻴﺒﺎﺗﻪ ﻓﻲ ﺃﻭﻝ ﻋﻤﺮﻩ ﻭ ﻫﻮ ﺑﺤﺎﺟﺔ ﻟﻴﺎ
ﻣﺎﻣﺎ : ﺍﻟﻮﻭﻭ ؟؟ ﺍﻟﻮ ﺃﻣﻴﺮﺓ !!
ﺍﻧﻲ ﺳﻜﺮﺕ ﺍﻟﺘﻠﻴﻔﻮﻥ ﻭ ﺧﻠﻴﺘﻪ ﺟﻨﺒﻲ ﻉ ﺍﻟﺴﺮﻳﺮ
ﺧﺶ ﻣﺤﺴﻦ ﻟﻘﺎ ﺍﻟﺘﻠﻴﻔﻮﻥ ﺿﻴّﻪ ﻣﻔﺘﻮﺡ ﻭ ﻧﺒﻜﻲ
ﺟﺎﺀ ﻣﺴﻚ ﺍﻳﺪﻱ : ﺷﻨﻮ ﻓﻴﻪ ﻛﻨﻚ ﺗﺒﻜﻲ ؟
ﺍﻧﻲ ﻏﻤﻀﺖ ﻋﻴﻮﻧﻲ ﻭ ﻧﺒﻜﻲ
ﻣﺤﺴﻦ ﻓﻬﻢ ﺍﻧﻪ ﻓﻴﻪ ﺣﺪ ﺍﺗﺼﻞ ﺑﻴﺎ ، ﻓﺘﺢ ﺍﻟﺘﻠﻴﻔﻮﻥ ﻭ ﻋﺎﻭﺩ ﺍﻻﺗﺼﺎﻝ ..
ﻣﺎﻣﺎ ﺭﺩﺕ : ﺍﻟﻮ !
ﻣﺤﺴﻦ : ﺍﻟﻮ ﺷﻦ ﺣﺎﻟﻚ ﻳﺎﻋﻤﺘﻲ
ﻣﺎﻣﺎ : ﺍﻟﺤﻤﺪ ﻟﻠﻪ ﻛﻴﻒ ﺣﺎﻝ ﺃﻣﻴﺮﺓ ﺗﻮﺍ ﻛﻠﻤﺘﻬﺎ ﻣﺎﺭﺩﺗﺶ ﻋﻠﻴﺎ ﻭﺍﻟﻠﻪ ﺑﺎﻟﻲ ﻋﻨﺪﻫﺎ ﻣﺎﻗﺎﺩﺭﺓ ﻧﺮﺗﺎﺡ
ﻣﺤﺴﻦ ﺍﺑﺘﺴﻢ ﺑﺎﻟﺮﻏﻢ ﻣﻦ ﻭﺟﻌﻪ : ﻛﻮﻳﺴﺔ ﺃﻣﻮﺭﻫﺎ ﺗﻤﺎﻡ ، ﻛﺪﺍ ﺍﻓﺘﺤﻮ ﺍﻟﻜﺎﻣﻴﺮﺍ ﻋﺸﺎﻥ ﺗﺸﻮﻓﻜﻢ
ﻣﺎﻣﺎ : ﻫﻴﺎ ﻫﻲ .. ﺗﻌﺎﻟﻲ ﻳﺎﺷﻤﺲ ﺍﻓﺘﺤﻲ ﺍﻟﻜﺎﻣﻴﺮﺍ
ﺟﺘﻬﺎ ﺷﻤﺲ ﺗﺠﺮﻱ ﺗﻔﺘﺢ ﻓﻴﻬﺎ
ﻣﺤﺴﻦ ﺷﺎﻓﻬﺎ ﺿﺤﻚ : ﺍﻫﻼ
ﻣﺎﻣﺎ : ﻭﺭﻳﻨﻲ ﺑﻨﺘﻲ ﺍﻟﻠﻪ ﻳﺮﺑﺤﻚ
ﻣﺤﺴﻦ ﺟﺎﺀ ﺟﻨﺒﻲ ﻭ ﻭﺟﻪ ﺍﻟﻜﺎﻣﻴﺮﺍ ﻗﺪﺍﻣﻲ ﺍﻧﻲ ﻭﻳﺎﻩ
ﻣﺤﺴﻦ : ﺳﻠﻤﻲ ﻋﻠﻴﻬﻢ ﺣﺒﻴﺒﺘﻲ
ﺍﻧﻲ ﺣﻮﻟﺖ ﺍﻷﻛﺴﺠﻴﻦ ﻭ ﺗﻤﻴﺖ ﻧﺒﻜﻲ ﺑﺼﻮﺕ ﻭﺍﻃﻲ : ﻣﺎﻣﺎﺍﺍ 💔
ﻣﺎﻣﺎ ﺗﺒﻜﻲ ﻣﻌﺎﻱ : ﺭﺑﻲ ﻣﻌﺎﻙ ﻭ ﻳﺸﻔﻴﻚ ﻳﺎﺑﻨﻴﺘﻲ ﺧﻠﻲ ﺇﻳﻤﺎﻧﻚ ﺑﺎﻟﻠﻪ ﻗﻮﻱ ﻭ ﻗﻮﻟﻲ ﻳﺎﺭﺏ
ﺍﻧﻲ ﺗﻨﻬﺪﺕ : ﻳﺎﺭﺏ .. ﻭﺭﻳﻨﻲ ﺯﻳﺰﻭ
ﻣﺎﻣﺎ ﻭﺟﻬﺖ ﺍﻟﻜﺎﻣﻴﺮﺍ ﻋﻠﻴﻪ ﻭ ﻫﻮ ﻳﺒﻜﻲ .. ﻟﻤﺎ ﺷﻔﺘﻪ ﻗﻠﺒﻲ ﻋﺼﺮﻧﻴﻴﻴﻴﻲ ﻭ ﺗﻤﻴﺖ ﻧﺒﻜﻲ ﻋﻠﻴﻪ ﺑﺤﺮﻗﺔ ﻭﻟﻴﺪﻱ ﺍﻟﻠﻲ ﺍﺳﺘﻨﻴﻨﺎﻩ ﺑﺸﻮﻕ ﻭ ﻟﻬﻔﺔ ﺍﻧﻲ ﻭ ﻣﺤﺴﻦ ﺳﻴﺒﻨﺎﻩ ﻣﻦ ﻟﻤﺎ ﺟﺎﺀ ﻉ ﺍﻟﺪﻧﻴﺎ ﻭ ﻫﻮ ﻓﻲ ﺃﻣّﺲ ﺍﻟﺤﺎﺟﺔ ﻟﻴﻨﺎ ﺗﻤﻨﻴﺖ ﻋﺸﺖ ﻣﻌﺎﻩ ﺍﻛﺜﺮ ﺗﻤﻨﻴﺖ ﺷﺒﻌﺘﻪ ﺣﻨﺎﻥ ﻭ ﺿﻤﻴﺘﻪ ﻟﺤﻀﻨﻲ ﻭﻗﺖ ﺍﻃﻮﻝ
ﻣﺤﺴﻦ ﺳﻜﺮ ﺍﻟﺘﻠﻴﻔﻮﻥ ﻭ ﺑﺤﺖ ﻓﻴﺎ : ﻛﻨﻚ ﺗﺒﻜﻲ ﻫﻜﻲ ؟؟
ﺍﻧﻲ ﻧﺒﻜﻲ ﻭ ﻣﺎﻧﺮﺩﺵ ﻋﻠﻴﻪ
ﻣﺤﺴﻦ ﺣﻄﻨﻲ ﻋﻠﻰ ﺻﺪﺭﻩ ﻭ ﻳﻤﺴﺢ ﻑ ﺩﻣﻮﻋﻲ : ﻭ ﺭﺍﺱ ﺣﺒﻴﺒﻲ ﺧﻼﺹ ﻣﺎﺗﺰﻳﺪﻱ ﺗﻘﻬﺮﻳﻨﻲ ﻋﻠﻴﻚ ﺍﻛﺘﺮ ﻣﻦ ﻫﻜﻲ ﺍﻧﻲ ﻭﺍﻟﻠﻪ ﻣﺎﻗﺎﺩﺭ ﻧﺘﺤﻤﻞ ﻓﻴﻚ ﺍﻛﺜﺮ .. ﻧﺒﻴﻚ ﺗﺤﺴﻨﻲ ﻧﻔﺴﻴﺘﻚ ﻋﺸﺎﻥ ﺗﺴﺎﻋﺪﻱ ﺭﻭﺣﻚ ﺍﻧﻚ ﺗﺨﺸﻲ ﺍﻟﻌﻤﻠﻴﻪ ﻗﻮﻳﻪ ﻭﺗﺒﺮﻱ
ﺍﻧﻲ ﺑﺼﻮﺕ ﻭﺍﻃﻲ ﻭﺩﻫﺸﻪ : ﺍﻧﻲ ﺣﻨﻤﻮﺕ ﻳﺎ ﻣﺤﺴﻦ ﻣﻌﺶ ﺗﺘﺄﻣﻞ ﻋﻞ ﻓﺎﺿﻲ
ﻣﺤﺴﻦ : ﺍﺳﻜﺘﻲ ﺧﻼﺹ ﻣﻌﺎﺩﺵ ﺗﻌﺎﻭﺩﻳﻪ ﺍﻟﻜﻼﻡ ﻫﺬﺍ ﺍﻧﻲ ﻣﺘﻔﺎﺋﻞ
ﺍﻧﻲ ﺳﻜﺘﺖ ﻭ ﺗﻨﻬﺪﺕ
ﻭﺧﺮﻧﻲ ﻣﻦ ﻋﻨﺪﻩ ﻭ ﺻﺒﺎ : ﻟﺤﻈﺎﺕ ﺣﺒﻴﺒﻲ ﻭ ﻧﺠﻴﻚ
ﺍﻧﻲ ﺭﺩﻳﺖ ﺍﻷﻛﺴﺠﻴﻦ ﻭ ﻏﻤﻀﺖ ﻋﻴﻮﻧﻲ
ﻃﻠﻊ ﻣﺤﺴﻦ ﻣﻦ ﺍﻟﻐﺮﻓﺔ ﻟﻘﺎ ﺑﺎﺑﺎ ﻭﺍﻗﻒ ﻣﻊ ﺍﻟﺪﻛﺘﻮﺭ ﺍﻟﺘﻮﻧﺴﻲ
ﻣﺤﺴﻦ : ﺷﻨﻮ ﺻﺎﺭ ؟؟
ﺍﻟﺪﻛﺘﻮﺭ ﻋﺪﺍ ﻭ ﺑﺎﺑﺎ ﺑﺤﺖ ﻓﻴﻪ ﺑﺨﻴﺒﺔ ﺃﻣﻞ ﻭ ﻋﻴﻮﻧﻪ ﺣﻤﺮﺭﺭ ﻣﻦ ﺍﻟﺪﻣﻮﻉ
ﻣﺤﺴﻦ ﻗﻠﺒﻪ ﺩﻕ ﻭ ﺣﺲ ﺍﻧﻪ ﺣﻴﺴﻤﻊ ﺧﺒﺮ ﻣﺶ ﺣﻴﻔﺮﺣﻪ
ﻣﺤﺴﻦ : ﺷﻨﻮ ﺻﺎﺭ ﻳﺎ ﻋﻤﻲ ؟؟ ﺍﻣﺘﻰ ﺍﻟﻌﻤﻠﻴﺔ !
ﺑﺎﺑﺎ : ﺍﻧﺖ ﻗﻠﺘﻠﻬﺎ ﺍﻥ ﻟﻘﻴﻨﺎ ﻣﺘﺒﺮﻉ ؟
ﻣﺤﺴﻦ : ﻻﻻ ﻣﺎﺑﻴﺘﺶ ﻧﺤﻜﻴﻠﻬﺎ ﻗﻠﺖ ﻟﻌﻨﺪ ﻳﻮﻗﻊ ﻭﻟﻲ ﺍﻣﺮ ﺍﻟﻤﺘﺒﺮﻉ
ﺑﺎﺑﺎ ﺗﻨﻬﺪ : ﺍﺣﺴﻦ ﻣﺎﺩﺭﺕ ﺧﻴﺮ ﻣﺎﺗﺘﺤﻄﻢ
ﻣﺤﺴﻦ ﻣﺎﻓﻬﻤﺶ : ﺷﻨﻮ ﻗﺼﺪﻙ !
ﺑﺎﺑﺎ ﻧﺰﻝ ﺭﺍﺳﻪ : ﺍﻟﻤﺘﺒﺮﻉ ﺗﻮﻓﻰ
ﻣﺤﺴﻦ ﻟﻤﺎ ﺳﻤﻊ ﺍﻟﻜﻠﻤﺔ ﻫﺬﻱ ﺑﺮﻣﺖ ﺑﻴﻪ ﺍﻟﺪﻧﻴﺎ ﻭ ﻓﺸﻞ ﻭ ﻗﻌﺪ ﺳﺎﻛﺖ ﻟﺪﻗﺎﺋﻖ
ﻣﺤﺴﻦ : ﺑﺎﻫﻲ ﺷﻨﻮ ﺍﻟﺤﻞ ﻳﺎﻋﻤﻲ ؟ ﺃﻣﻴﺮﺓ ﻻﺯﻡ ﺍﺩﻳﺮ ﺍﻟﻌﻤﻠﻴﺔ ﻣﺴﺘﺤﻴﻞ ﻧﺴﻠﻤﻬﺎ ﻟﻠﻤﻮﺕ
ﺑﺎﺑﺎ ﺩﻣﻮﻋﻪ ﻳﻨﺰﻟﻮ : ﺍﻷﻋﻤﺎﺭ ﺑﻴﺪ ﺍﻟﻠﻪ ﻳﺎﻭﻟﺪﻱ ﻣﺎﻓﺶ ﺣﻞ
ﻣﺤﺴﻦ ﻗﻌﻤﺰ ﻋﻠﻰ ﺭﻛﺎﺑﻪ ﻭ ﺑﺪﺍ ﻳﺒﻜﻲ : ﻳﺎﺭﺏ ﺍﻋﻄﻴﻨﻲ ﺍﻟﻘﻮﺓ ﻳﺎﺭﺏ
__________________
ﺗﺎﻧﻲ ﻳﻮﻡ 🌹
09:30 ﺹ
ﻓﻘﺖ ﻣﻦ ﺍﻟﻨﻮﻡ ﻟﻘﻴﺖ ﻣﺤﺴﻦ ﻣﻘﻌﻤﺰ ﺟﻨﺒﻲ ﻭ ﻳﻘﺮﺍ ﻓﻲ ﻗﺮﺁﻥ ﻭ ﺑﺎﺑﺎ ﻳﺼﻠﻲ ﻓﻲ ﺍﻟﺼﺒﺢ
ﺳﻜﺘﺖ ﻭ ﻗﻌﺪﺕ ﻧﺒﺤﺖ ﻓﻲ ﺍﻟﺴﻘﻒ ﺑﺪﻳﺖ ﻧﺘﺨﺎﻳﻞ ﻓﻲ ﻣﺎﻣﺎ ﻣﺎﺳﻜﺔ ﺯﻳﺰﻭ ﻭ ﺧﺎﺷﺔ ﻋﻠﻴﺎ ﻓﻲ ﺍﻟﻐﺮﻓﺔ ﻫﻲ ﻭ ﺷﻤﺲ ﻭ ﻣﻬﻴﺐ
ﺍﻧﻲ ﺿﺤﻜﺖ : ﺯﻳﺰﻭ ﺣﺒﻴﺐ ﻣﺎﻣﻲ ﺟﻴﺖ ؟
ﻣﺤﺴﻦ ﺑﺤﺖ ﻓﻴﺎ ﻭ ﺍﺳﺘﻐﺮﺏ : ﺃﻣﻴﺮﺓ ﻓﻘﺘﻲ ؟؟
ﺍﻧﻲ ﻧﺸﻮﻑ ﻓﻲ ﻣﺎﻣﺎ ﻣﺼﺒﻴﺔ ﺟﻨﺒﻲ : ﺍﻣﺴﻜﻲ ﻭﻟﺪﻙ ﻣﺮﺍﻳﻒ ﻋﻠﻴﻚ ﻭﺍﺟﺪ
ﺍﻧﻲ ﺗﻤﻴﺖ ﻧﺒﻜﻲ : ﻫﺎﺗﻴﻪ ﻋﻨﺪﻱ ﺑﺴﺮﻋﺔ ﻣﺮﺍﻳﻔﺔ ﻋﻠﻴﻪ ﻣﻮﺕ ﻭ ﻣﺮﺍﻳﻔﺔ ﻋﻠﻰ ﺭﻳﺤﺘﻪ
ﻣﺤﺴﻦ ﺧﺎﻑ ﺳﻜﺮ ﺍﻟﻤﺼﺤﻒ ﻭ ﺟﺎﻧﻲ : ﺃﻣﻴﺮﺓ ﻛﻨﻚ ؟ ﻓﻲ ﻣﻨﻮ ﺗﻜﻠﻤﻲ ﺍﻧﺘﻲ ؟؟
ﺍﻧﻲ ﻧﺒﻜﻲ ﺑﺎﻟﻌﺒﺮﺓ ﻭ ﻧﺸﻬﻖ : ﺳﺎﻣﺤﻨﻲ ﻳﺎﻭﻟﺪﻱ ﻋﺸﺎﻥ ﺧﻠﻴﺘﻚ ﺑﺮﻭﺣﻚ ﺳﺎﻣﺤﻨﻲ ﻳﺎ ﻋﻴﻮﻧﻲ ﺍﻧﺖ
ﻣﺤﺴﻦ ﻣﺴﻚ ﺍﻳﺪﻱ : ﺍﻫﺪﻱ ﺷﻮﻳﺔ ﻛﻨﻚ ﺷﻨﻮ ﺻﺎﺭﻟﻚ !!!
ﺍﻧﻲ ﻧﺒﻜﻲ ﻟﻌﻨﺪ ﻣﺎﺩﻫﺸﺖ ﻫﻠﺒﺎ : ﻣﺎﻣﺎﺍﺍ !! .. ﺯﻳﺰﻭﻭ !
ﻣﺤﺴﻦ ﺣﻄﻠﻲ ﺍﻷﻛﺴﺠﻴﻦ : ﺧﻮﺩﻱ ﻧﻔﺲ ﺃﻣﻴﺮﺓ
ﺍﻧﻲ ﻏﻤﻀﺖ ﻋﻴﻮﻧﻲ ﻭ ﻗﻠﺒﻲ ﺑﺪﺍ ﻳﻀﻌﻒ
ﻣﺤﺴﻦ ﺧﺎﻑ : ﺃﻣﻴﺮﺓ ﻻ ﻳﺎ ﺃﻣﻴﺮﺓ ﺍﻟﻠﻪ ﻳﺮﺑﺤﻚ ﻣﺎﺗﻤﻮﺗﻴﺶ !!!
ﺑﺎﺑﺎ ﺳﻠﻢ ﻣﻦ ﺍﻟﺼﻼﺓ ﻭ ﺟﺎﻧﻲ ﻳﺠﺮﻱ : ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ ﻛﻨﻬﺎ ؟؟؟
ﻣﺤﺴﻦ ﻳﺮﻋﺶ : ﻣﺶ ﻋﺎﺭﻑ ﻳﺎﻋﻤﻲ ﻣﺶ ﻋﺎﺭﻑ
ﻭ ﻃﻠﻊ ﻳﺠﺮﻱ ﻳﻨﺎﺩﻱ ﻓﻲ ﺍﻟﺪﻛﺘﻮﺭ
ﻭ ﺑﺎﺑﺎ ﻗﻌﺪ ﻳﻘﺮﺍ ﻋﻠﻴﺎ ﻓﻲ ﻗﺮﺍﻥ ﻭﻫﻮ ﺭﺍﻋﺶ
______
ﺟﺎﺀ ﺍﻟﺪﻛﺘﻮﺭ ﻳﺠﺮﻱ ﻣﻌﺎﻩ ﻣﻤﺮﺿﺎﺕ ﻳﺪﻳﺮﻭﻟﻲ ﻓﻲ ﺍﻟﺼﺪﻣﺎﺕ ﺍﻟﻜﻬﺮﺑﺎﺋﻴﺔ ﻟﻌﻨﺪ ﻣﺎﺭﺟﻊ ﺍﻟﻨﺒﺾ
ﻭ ﺑﻌﺪﻫﺎ ﻃﻠﻊ ﻟﺒﺎﺑﺎ ﻭ ﻣﺤﺴﻦ
ﻣﺤﺴﻦ ﺟﺎﻩ ﻳﺒﺤﺖ ﻓﻴﻪ ﻭ ﺭﺟﻠﻴﻪ ﻳﺮﻋﺸﻮﺍ ﺧﺎﻳﻒ ﻟﻴﻘﻮﻟﻪ ﺧﺒﺮﻱ
ﺍﻟﺪﻛﺘﻮﺭ : ﺭﺟﻊ ﺍﻟﻨﺒﺾ ﺍﻟﺤﻤﺪ ﻟﻠﻪ
ﻣﺤﺴﻦ ﻣﺴﻚ ﺭﻛﺒﻴﻪ ﻭ ﺑﺎﺑﺎ ﻭﺟﻬﻪ : ﺍﻟﺤﻤﺪ ﻟﻠﻪ
ﺍﻟﺪﻛﺘﻮﺭ : ﻟﻜﻦ ﻻﺯﻡ ﻧﺤﻮﻟﻮﻫﺎ ﻟﺤﺠﺮﺓ ﺍﺧﺮﻯ ﻛﻲ ﻧﺘﺎﺑﻌﻮ ﺣﺎﻟﺘﻬﺎ ﺑﺸﻜﻞ ﺃﺩﻕ
ﺑﺎﺑﺎ ﺣﻂ ﺭﺍﺳﻪ ﻉ ﺍﻟﺴﺎﺱ ﻭ ﺑﺪﺍ ﻳﺒﻜﻲ ، ﻳﺸﻮﻑ ﻓﻲ ﺑﻨﺘﻪ ﺗﻤﻮﺕ ﻗﺪﺍﻡ ﻋﻴﻮﻧﻪ ﻭ ﻣﺶ ﻗﺎﺩﺭ ﻳﺪﻳﺮ ﺷﻲ
ﻭ ﻣﺤﺴﻦ ﻗﻌﺪ ﻳﺒﺤﺖ ﻓﻴﻪ ﻭ ﺳﺎﻛﺖ ﻣﺎﻋﺮﻓﺶ ﻳﻮﺍﺳﻴﻪ ﺃﻭ ﻳﻮﺍﺳﻲ ﺭﻭﺣﻪ ﻓﻲ ﻫﺎﻟﻤﻮﻗﻒ
_________
ﺣﻄﻮﻧﻲ ﻓﻲ ﺣﺠﺮﺓ ﻛﻠﻬﺎ ﺑﻴﻀﺎﺀ ﻭ ﻗﻌﺪﺕ ﻋﺎﻳﺸﺔ ﻉ ﺍﻷﺟﻬﺰﺓ ﻧﺮﺍﺟﻲ ﻓﻲ ﺳﺎﻋﺘﻲ ، ﻻ ﻗﺎﺩﺭﺓ ﺍﻧﻮﺽ ﻭﻻ ﻧﺘﻜﻠﻢ ﻋﻠﻰ ﺍﻱ ﺣﺮﻛﺔ ﻧﺪﻫﺶ ﻃﻮﻝ
_____________________
ﺑﻌﺪ ﺍﺳﺒﻮﻋﻴﻦ 🌹
ﻳﻮﻡ 2017-3-9
ﺧﺶ ﻋﻠﻴﺎ ﺍﻟﺪﻛﺘﻮﺭ ﻣﺒﺘﺴﻢ : ﺷﻨﻮﺍ ﺣﺎﻟﻚ ﺍﻟﻴﻮﻡ ؟
ﺍﻧﻲ ﻫﺰﻳﺖ ﺭﺍﺳﻲ
ﺍﻟﺪﻛﺘﻮﺭ : ﻋﻨﺪﻱ ﻟﻴﻚ ﺍﺧﺒﺮ ﺍﻳﻔﺮﺣﻚ ﺑﺮﺷﺎ
ﺍﻧﻲ ﻧﺒﺤﺖ ﻓﻴﻪ ﻭ ﻣﺴﺘﻐﺮﺑﺔ
ﺍﻟﺪﻛﺘﻮﺭ : ﻟﻘﻴﻨﺎ ﻣﺘﺒﺮﻉ
ﺍﻧﻲ ﻓﺮﺣﺖ ﻭﺍﺟﺪ ﻭ ﺍﺑﺘﺴﻤﺖ ﺑﺲ ﺍﺳﺘﻐﺮﺑﺖ ﻓﻲ ﺍﻟﺪﻛﺘﻮﺭ ﻋﻴﻮﻧﻪ ﻣﻠﻴﺎﻧﺎﺕ ﺩﻣﻮﻉ
ﺍﻧﻲ ﺩﻭﺏ ﻣﺎﻧﺘﻜﻠﻢ : ﻧﺎﺩﻱ ﻣﺤﺴﻦ ﻧﺒﻲ ﻧﺸﻮﻓﻪ
ﺍﻟﺪﻛﺘﻮﺭ ﻃﻠﻊ ﻟﻘﺎﻩ ﻭﺍﻗﻒ ﺑﺮﺍ : ﺍﻟﻤﺪﺍﻡ ﺗﺴﺄﻝ ﻋﻠﻴﻚ
ﻣﺤﺴﻦ ﺧﺸﻠﻲ ﻭ ﻗﺮﺏ ﻣﻨﻲ ﻳﺸﻮﻓﻠﻲ ﻭﻫﻮ ﺳﺎﻛﺖ
ﺍﻧﻲ ﺍﺑﺘﺴﻤﺘﻠﻪ ﻭ ﺩﻣﻮﻋﻲ ﻳﻨﺰﻟﻮ : ﺣﺴﻮﻧﻲ !! ﻟﻘﻴﺘﻠﻲ ﻣﺘﺒﺮﻉ ﺣﺒﻴﺒﻲ ؟ ﻛﻨﺖ ﻭﺍﺛﻘﺔ ﺍﻧﻚ ﻣﺎﺗﺮﺧﻴﻨﻴﺶ ﻟﻠﻤﻮﺕ
ﻣﺤﺴﻦ ﺍﺗﻀﺒﻄﺘﻲ ﺑﻘﻮﺓ ﻭ ﺩﻣﻮﻋﻪ ﻳﻨﺰﻟﻮ ﻋﻠﻴﺎ ﺳﺨﺎﻥ
ﺍﻧﻲ ﺷﺎﺩﺓ ﻓﻲ ﺗﻴﺸﺮﺗﻪ ﺑﻘﻮﺓ ﻭ ﻧﺒﻜﻲ ﻣﻌﺎﻩ
ﻣﺤﺴﻦ : ﻋﻴﺸﻲ ﺣﻴﺎﺗﻚ ﺣﺒﻴﺒﻲ ﻭ ﻛﻤﻠﻲ ﻭ ﺍﻧﺘﻲ ﻗﻮﻳﺔ ﺯﻱ ﻣﺎﻧﻌﺮﻓﻚ ، ﺗﺰﻭﺟﻲ ﻭ ﺍﻓﺮﺣﻲ ﺑﺲ ﺍﺣﻜﻲ ﻟﺰﻳﺰﻭ ﻋﻠﻴﺎ
ﺍﻧﻲ ﺳﻜﺘﺖ ﻭ ﻗﻌﺪﺕ ﻣﺮﻛﺰﺓ ﻓﻲ ﻛﻼﻣﻪ
ﻣﺤﺴﻦ : ﻗﻮﻟﻴﻠﻪ ﺑﺎﺑﺎ ﻳﺤﺒﻚ ﻭﺍﺟﺪ ﺭﻏﻢ ﻣﺎﻋﺎﺵ ﻣﻌﺎﻙ ﻭﻻ ﺷﺒﻊ ﻣﻨﻚ ﺑﺲ ﻧﺤﺒﻪ ، ﺣﺎﻓﻈﻲ ﻋﻠﻴﻪ ﻭ ﺭﺩﻱ ﺑﺎﻟﻚ ﻋﻠﻴﻪ
ﺍﻧﻲ ﺣﻮﻟﺖ ﺍﻷﻛﺴﺠﻴﻦ : ﻟﻴﺶ ﺗﺤﻜﻲ ﻫﻜﻲ ؟ ﺍﻧﻲ ﻭﻳﺎﻙ ﺣﻨﺮﺟﻌﻮﻟﻪ ﻭ ﻧﻔﺮﺣﻮﺍ ﺑﻴﻪ !!
ﻣﺤﺴﻦ ﺿﺤﻜﻠﻲ ﻭ ﺑﺎﺳﻨﻲ ﻋﻠﻰ ﺭﺍﺳﻲ
ﺍﻧﻲ ﻣﺴﺤﺖ ﺩﻣﻮﻋﻲ : ﻟﻴﺶ ﺗﺒﻜﻲ ﺣﺒﻴﺒﻲ ؟؟
ﻣﺤﺴﻦ ﻭ ﻫﻮ ﻳﺤﻔﻆ ﻓﻲ ﻣﻼﻣﺤﻲ : ﻓﻲ ﺃﻣﺎﻥ ﺍﻟﻠﻪ ﺍﻧﺘﻲ ﻭ ﻗﻠﺒﻲ 💔
ﻭ ﻣﺸﺎ ﻋﻨﺪ ﺍﻟﺒﺎﺏ ﺑﺮﻡ ﻭ ﻋﻄﺎﻧﻲ ﻧﻈﺮﺓ ﺍﻭﻝ ﻣﺮﺓ ﻧﺸﻮﻓﻬﺎ ﻧﻈﺮﺓ ﻣﻠﻴﺎﻧﺔ ﺣﺐ ﻟﺪﺭﺟﺔ ﺣﺴﻴﺘﻬﺎ ﻫﺰﺕ ﻗﻠﺒﻲ ﻛﺈﻧﻪ ﻳﻮﺩﻉ ﻓﻴﺎ
ﻛﻴﻒ ﺑﺮﻣﺖ ﻭﺟﻬﻲ ﺑﻨﻮﺿﻠﻪ ، ﺍﻟﻤﻤﺮﺿﺔ ﺿﺮﺑﺘﻠﻲ ﻳﺒﺮﺓ ﺍﻟﺘﺨﺪﻳﺮ
ﻣﺤﺴﻦ ﻛﺎﻥ ﻫﻜﻲ ﻃﺎﻟﺐ ﻣﻦ ﺍﻟﺪﻛﺘﻮﺭ ﺍﻥ ﻳﺨﺪﺭﻧﻲ ﻭ ﺍﻧﻲ ﻓﻲ ﺣﺠﺮﺗﻲ ﻗﺒﻞ ﻣﺎﻧﺨﺸﻮ ﻟﻠﻌﻤﻠﻴﺔ
ﺑﻌﺪ ﻣﺮﻭﺭ ﻋﺪﺓ ﺃﻳﺎﻡ 🌹
ﻳﻮﻡ 2017-3-20
ﻧﻀﺖ ﻣﻦ ﺍﻟﻌﻤﻠﻴﺔ ﻓﺘﺤﺖ ﻋﻴﻮﻧﻲ ﻭ ﺃﻭﻝ ﺛﺎﻧﻴﺔ ﻟﻴﺎ ﻓﻲ ﺍﻟﺪﻧﻴﺎ ﺑﻘﻠﺐ ﺷﺨﺺ ﺁﺧﺮ ❤
ﻗﻌﺪﺕ ﻧﺒﺤﺖ ﻓﻲ ﺍﻟﺤﺠﺮﺓ ﻭ ﻧﺪﻭﺭ ﺑﻌﻴﻮﻧﻲ ﻋﻠﻰ ﻣﺤﺴﻦ ، ﻟﻴﺎ ﺍﻳﺎﻡ ﻭ ﺍﻧﻲ ﻓﻲ ﺍﻟﻌﻨﺎﻳﺔ ﺑﻌﺪ ﺍﻟﻌﻤﻠﻴﺔ ﺑﺲ ﻣﺎﻛﻨﺘﺶ ﺣﺎﺳﺔ ﺑﻴﻬﻢ ﺍﺧﺮ ﺣﺎﺟﺔ ﻧﺘﺬﻛﺮﻫﺎ ﻭﻗﺖ ﻣﺤﺴﻦ ﻃﻠﻊ ﻣﻦ ﻋﻨﺪﻱ ﻛﺈﻧﻪ ﺍﻣﺲ
ﺑﺪﻳﺖ ﺍﻧّﺎﺩﻱ ﻋﻠﻴﻪ ﺑﺼﻮﺕ ﻣﺘﻘﻄﻊ : ﻣﺤﺴﻦ ؟ .. ﻣﺤﺴﻦ !!
ﻭ ﻧﺤﺲ ﻓﻲ ﻣﻜﺎﻥ ﺍﻟﻌﻤﻠﻴﺔ ﻳﻮﺟﻊ ﻫﻠﺒﺎ
ﻛﺸﺮﺕ ﻭﺟﻬﻲ ﻭ ﺗﻠﻔﺘﺖ ﻟﻘﻴﺖ ﺭﺳﺎﻟﺔ ﺟﻨﺒﻲ ، ﺧﺪﻳﺘﻬﺎ ﻭ ﻟﻘﻴﺖ ﻣﻜﺘﻮﺏ ﻋﻠﻴﻬﺎ " ﻣﺪﻟﻠﺘـﻲ "
ﻟﻤﺎ ﻗﺮﻳﺖ ﺍﻻﺳﻢ ﻗﻠﺒﻲ ﻗﺮﺻﻨﻲ ﻭ ﺑﺪﻳﺖ ﻧﺒﻜﻲ ﻭ ﺩﻣﻮﻋﻲ ﻳﻨﺰﻟﻮ ﻣﻨﻲ ﺑﺤﺮﻗﺔ ﻭ ﺑﻮﺟﻊ ﻣﺶ ﻋﺎﺭﻓﺔ ﻋﻼﺵ
ﻓﺘﺤﺖ ﺍﻟﺮﺳﺎﻟﺔ ﻭ ﻟﻘﻴﺖ ﻣﻜﺘﻮﺏ ﻓﻴﻬﺎ ..
)) ﺣﺒﻴﺒﺘﻲ ﺍﻟﺤﻠﻮﺓ ﺍﻟﻠﻲ ﺣﺒﻴﺖ ﻃﺒﻌﻬﺎ ﻗﺒﻞ ﺟﻤﺎﻟﻬﺎ ، ﺗﻌﺮﻓﻲ ﺇﻧﻲ ﻧﺤﺒﻚ ﻭﺍﺟﺪ ﻭﻻﻩ ، ﻧﺒﻴﻚ ﻣﺎﺗﺰﻋﻠﻴﺶ ﻣﻨﻲ ﻭﻻ ﺗﺒﻜﻲ ﻷﻥ ﺯﻳﻦ ﺑﺤﺎﺟﺘﻚ ﺩﻳﻤﺎ ، ﺍﻛﻴﺪ ﺍﻭﻝ ﻣﺎﺗﻨﻮﺿﻲ ﺣﺘﺴﺄﻟﻲ ﻋﻠﻴﺎ ﻭ ﺗﻨﺎﺩﻱ ﺑﻴﺎ ﻋﺎﺭﻓﻚ ﺍﺻﻼً ﺍﻛﺜﺮ ﻣﻦ ﺭﻭﺣﻲ ، ﺑﺲ ﺣﻄﻲ ﺍﻳﺪﻙ ﻳﺴﺎﺭ ﺻﺪﺭﻙ ﺣﺘﻠﻘﻴﻨﻲ ﻣﻮﺟﻮﺩ ❤ ﻣﺎﻧﺒﻴﻜﺶ ﺗﻀﻌﻔﻲ ﺑﻜﻞ ﻧﺒﻴﻚ ﻗﻮﻳﺔ ﻛﻴﻒ ﻣﺎﺣﺒﻴﺘﻚ ، ﺍﻧﻲ ﺻﺢ ﺳﻴﺒﺘﻚ ﻭ ﻋﻄﻴﺘﻚ ﻗﻠﺒﻲ ﺑﺲ ﻋﺎﻳﺶ ﻣﻌﺎﻙ ﻭ ﻧﺤﺲ ﺑﻴﻚ ، ﻣﺎﻗﺪﺭﺗﺶ ﻧﺘﺤﻤﻞ ﻧﺸﻮﻓﻚ ﺗﻮﺩﻋﻲ ﻗﺪﺍﻣﻲ ﻭ ﺗﺘﻌﺒﻲ ، ﻗﻠﺒﻚ ﻛﺎﻥ ﺿﻌﻴﻒ ﻭﺍﺟﺪ ، ﺩﻳﺮﻱ ﺑﺎﻟﻚ ﻋﻠﻰ ﺭﻭﺣﻚ ﻭ ﻋﻠﻰ ﺯﻳﺰﻭ ❤ ((
ﺍﻧﻲ ﻋﻄﻴﺖ ﺑﺄﻋﻠﻰ ﺻﻮﺗﻲ ﻭ ﺧﺸﻴﺖ ﻓﻲ ﻫﺴﺘﻴﺮﻳﺎ : ﻻﺍﺍﻻﺍﺍﺍﺍﺍﺍ ﺍﻧﻲ ﻧﺤﻠﻢ ﻧﺤﻠﻢ ﻧﺤﻠﻤﻤﻤﻢ ﻣﺤﺴﻦ ﻣﺎﻳﻤﺸﻴﺶ ﻭ ﻳﺨﻠﻴﻨﻲ ﻣﺤﺴﻦ ﻣﺴﺘﺤﻴﻞ ﺍﻳﺴﻴﺒﻨﻲ ﻻﺍﺍﺍﺍﺍ ﺣﺒﻨﻲ ﻟﺪﺭﺟﺔ ﻗﺘﻞ ﺭﻭﺣﻪ !! ﺣﺒﻨﻲ ﻟﺪﺭﺟﺔ ﺿﺤّﺎ ﺑﺮﻭﺣﻪ ﻋﺸﺎﻧﻲ !! ﻛﻴﻒ ﻗﺪﺭ ﻳﻤﺸﻲ ﻭ ﻳﺨﻠﻴﻨﻲ ﺑﺮﻭﺣﻲ ﻟﻴﺶ ﻟﻴﺶ ﻟﻴﻴﻴﻴﻴﺶ
ﺍﺍﺍﺍﻩ ﻳﺎﺭﺑﻲ ﺍﺍﺍﺍﺍﺍﺍﺍﺍﻩ ... ﺍﺍﻩ ﻧﺎﺭﻙ ﻣﺤﺮﻫﺎﺍﺍ ﻳﺎ ﻣﺤﺴﻦ ﻧﺎﺭﻙ ﻣﺼﻌﺒﻬﺎ ﻳﺎ ﻏﺎﺍﺍﺍﻟﻲ
ﺧﺸﺔ ﻋﻠﻴﺎ ﻋﻤﺘﻲ ﺗﺒﻜﻲ : ﻳﺎﻗﻬﺮﺗﻲ ﻭ ﻗﻬﺮﺗﻚ ﻓﻴﻴﻴﻪ ﻭ ﻳﺎﻗﻬﺮﺓ ﻭﻟﺪﻩ ﻭﻳﻦ ﻳﻜﺒﺮﺭﺭﺭ .. ﻣﺸﻲ ﺍﻟﻐﺎﻟﻲ ﻳﺎ ﺃﻣﻴﺮﺓ ﻣﺸﻴﻴﻴﻲ ﻳﺎﻧﻌﻠﻴﺎﺍﺍﺍ ﻧﺎﺍﺍﺭ ﻳﺎ ﻛﺒﺪﻱ ﻧﺎﺍﺍﺍﺭ ﺭﺍﻛﺒﺔ ﻓﻴﺎﺍﺍﺍ 💔
ﺍﻧﻲ ﻏﻤﻀﺖ ﻋﻴﻮﻧﻲ ﺑﻘﻮﺓ ﻭ ﻧﺒﻜﻲ ﺑﺤﺮﻗﺔ ﻣﺶ ﻗﺎﺩﺭﺓ ﻧﺴﺘﻮﻋﺐ ﺍﻟﻠﻲ ﺻﺎﺭ
)) ﺍﻟﻮﺩ ﻭﺩﻱ ﻣﺎﻳﺼﻴﺮ ﻓﺮﺍﻗﻪ
ﻭ ﺍﻟﻮﺩ ﻭﺩﻱ ﻣﺎﻧﻌﻴﺶ ﺑﻼﻩ
ﻳﺪﻟﻞ ﻋﻠﻴﺎ ﻭ ﻧﺎ ﻧﺮﻳﺪ ﺭﺿﺎﻩ
ﻟﻜﻦ ﺍﻟﺪﻧﻴﺎ ﻃﺒﻌﻬﺎ ﻓﺮﺍﻗﻪ
ﺍﺑﻘﻴﻨﺎ ﺑﻼ ﺍﻟﻐﺎﻟﻲ ﺍﻟﻠﻪ ﺍﻟﻠﻪ 💔 ((
_________________________________________________________
ﺑﻌﺪ ﻣﺮﻭﺭ ﺳﻨﺔ 🌹
ﺳﺎﻓﺮﺕ ﻧﺎ ﻭ ﻫﻠﻲ ﻟﻜﻨﺪﺍ ﺑﺎﺑﺎ ﻧﻘﻞ ﺷﻐﻠﻪ ﻭ ﺍﺳﺘﻘﺮﻳﻨﺎ ﻏﺎﺩﻱ ﻭ ﺑﻌﺪﻧﺎ ﺟﺎﺀ ﻣﻬﻴﺐ ﻭ ﻣﺮﺗﻪ
ﻃﺒﻌﺎ ﻣﻬﻴﺐ ﺗﺰﻭﺝ ﻏﺰﻻﻥ ﺑﻌﺪ ﻣﺎ ﺍﻧﻲ ﻓﻜﻴﺖ ﺍﻟﺮﺑﺎﻁ ﺑﺲ ﺩﺭﻧﺎﻩ ﻉ ﺍﻟﺴﺎﻛﺖ ﻭ ﺑﺤﻜﻢ ﻧﺤﻨﺎ ﺳﺎﻓﺮﻧﺎ ﺑﺎﺑﺎ ﺍﺳﺘﻌﺠﻞ ﺑﺰﻭﺍﺟﻪ ﻭ ﻏﺰﻻﻥ ﺑﺪﺕ ﺍﺗﻜﻤﻞ ﻓﻲ ﻗﺮﺍﻳﺘﻬﺎ ﻫﻨﺎ ، ﻭ ﺍﻛﺮﺍﻡ ﺭﺟﻌﺖ ﻟﺠﺎﺑﺮ ﻣﻦ ﻟﻤﺎ ﺟﺎﺑﺖ ﺑﺲ ﺑﻌﺪ ﻣﺎﺷﻌﻔﺎﺗﻪ ﻭ ﻧﺪﻣﺎﺗﻪ ﻋﻠﻰ ﺍﻟﻠﻲ ﺩﺍﺭﻩ ﻓﻴﻨﺎ ﻭ ﻧﺮﺟﺲ ﺑﻨﺖ ﻋﻢ ﻣﺤﺴﻦ ﺗﺰﻭﺟﺖ ﻭﻟﺪ ﺟﻴﺮﺍﻧﻬﻢ ﻭ ﺍﺑﺘﺴﺎﻡ ﺳﻤﻌﺖ ﺑﻴﻬﺎ ﺍﻧﺨﻄﺒﺖ
__
05:00 ﻡ
ﻣﻘﻌﻤﺰﺓ ﺍﻧﻲ ﻭ ﻏﺰﻻﻥ ﻧﺸﺮﺑﻮ ﻓﻲ ﺍﻟﻘﻬﻮﺓ ﻭ ﻧﻬﺪﺭﺯﻭ
ﻏﺰﻻﻥ : ﻣﻌﻘﻮﻟﺔ ﺣﺒﻴﺘﻴﻪ ﻟﻠﺪﺭﺟﺔ ﻫﺎﺩﻱ ﻭ ﻣﺎﺗﺒﻴﺶ ﺗﺘﺰﻭﺟﻲ ﻋﺸﺎﻧﻪ ؟؟ ﻫﻮ ﻣﻴﺖ ﻟﻴﻪ ﺍﻛﺜﺮ ﻣﻦ ﺳﻨﺔ ﻭ ﺍﻟﺤﻲ ﺃﺑﻘﻰ ﻣﻦ ﺍﻟﻤﻴﺖ ﺗﺰﻭﺟﻲ ﻭ ﻋﻴﺸﻲ ﺣﻴﺎﺗﻚ ﺍﻧﺘﻲ ﻣﺎﺯﻟﺘﻲ ﺻﻐﻴﺮﺓ
ﺍﻧﻲ ﺧﻨﻘﺘﻨﻲ ﺍﻟﻌﺒﺮﺓ ﻭ ﺣﻄﻴﺖ ﺍﻳﺪﻱ ﻋﻠﻰ ﻗﻠﺒﻲ : ﻣﺴﺘﺤﻴﻞ ﻧﺘﺰﻭﺝ ﻭﻻ ﻧﺤﺐ ﺑﻌﺪ ﻣﺤﺴﻦ ، ﺍﻟﺮﺍﺟﻞ ﺍﻟﻠﻲ ﺣﺒﻨﻲ ﻭ ﺿﺤّﺎ ﺑﺮﻭﺣﻪ ﻋﺸﺎﻧﻲ ﻭ ﻋﺸﺎﻥ ﻭﻟﺪﻩ ، ﻗﻠﺒﻪ ﻳﻨﺒﺾ ﻓﻴﺎ ﺍﻧﻲ ﻟﺘﻮﺍ ﻣﺎﻧﺴﻴﺘﺎﺵ ﻭﻻ ﻟﺤﻈﺔ ﻧﺤﺲ ﺑﻴﻪ ﻓﻲ ﻛﻞ ﺧﻄﻮﺓ ﻧﻤﺸﻴﻬﺎ ﻭ ﻓﻲ ﻛﻞ ﺣﺮﻛﺔ ﻧﺘﺤﺮﻛﻬﺎ
ﻏﺰﻻﻥ : ﺍﻟﻠﻪ ﻳﺮﺣﻤﻪ .. ﺍﺣﻜﻴﻠﻲ ﻋﻠﻴﻪ ﺍﻧﺘﻲ ﻭﻻ ﻣﺮﺓ ﺟﺒﺘﻲ ﺳﻴﺮﺗﻪ ﻗﺪﺍﻣﻲ ﺳﺎﻣﻌﺔ ﺑﻘﺼﺘﻜﻢ ﻣﻦ ﻣﻬﻴﺐ
ﺍﻧﻲ ﺗﻨﻬﺪﺕ ﻭ ﺣﺴﻴﺖ ﻗﻠﺒﻲ ﻋﺼﺮﻧﻲ ﻭ ﻧﺒﻲ ﻧﺒﻜﻲ :
ﺣﺒﻴﺘﻪ ﺑﻜﻞ ﻣﺎ ﻓﻴﺎ ﺭﺿﻴﺖ ﺑﺤﻴﺎﺗﻲ ﻭ ﻗﺴﺎﻭﺗﻪ ﺑﻌﺖ ﻛﻞ ﺣﺎﺟﺔ ﻭ ﻛﺴﺒﺘﻪ ، ﻋﺸﺖ ﺍﻳﺎﻣﻲ ﻣﻌﺎﻩ ﺩﻻﻝ ﻭ ﺯﻫﺎﺀ ﻧﻄﻠـﺐ ﺣﺎﺟﺔ ﺗﻜﻮﻥ ﻋﻨﺪﻱ ﻓﻲ ﻧﻔﺲ ﺍﻟﻴﻮﻡ ! ﻛﺎﻥ ﺍﻟﻠﻪ ﻳﺮﺣﻤﻪ ﻣﻌﺘﺒﺮﻧﻲ ﺍﻣﻪ ﺍﺧﺘﻪ ﺣﺒﻴﺒﺘﻪ ﺻﺎﺣﺒﺘﻪ .. ؛ ﺣﺘﻰ ﻭﻗﺖ ﻳﻀﺎﻳﻖ ﻣﻨﻲ ﻳﺠﻲ ﻳﺤﻜﻴﻠﻲ ﺑﺼﻔﺘﻲ ﺻﺪﻳﻘﻪ ، ﻣﺪﻟﻠﻨﻲ ﻫﻮ ﻋﺎﻳﺶ ﻭ ﻫﻮ ﻣﻴـﺖ 💔 ﺍﻟﺤﺎﺟﺔ ﺍﻟﻠﻲ ﻣﻤﻜـﻦ ﻣﺼﺒﺮﺗﻨﻲ ﻗﻠﺒﻪ ﻳﻨﺒﺾ ﻓﻴﺎ ﻭ ﺍﻟﻠﻪ ﻭﻗﺖ ﻧﻀﺎﻳﻖ ﻧﺤﻂ ﺍﻳﺪﻱ ﻋﻠﻰ ﻗﻠﺒﻲ ﺍﻧﺤﺲ ﺑﻴﻪ ﻭ ﺑﻮﺟﻮﺩﻩ ، ﺣﺒﻨﻲ ﻟﺪﺭﺟﺔ ﻫﺎﻧﺖ ﻋﻠﻴﻪ ﺭﻭﺣﻪ ! ﺑﺎﻉ ﺭﻭﺣﻪ ﻟﻴﺎ ﻭ ﻟﻮﻟﺪﻱ ﺻـﺢ .. ﺳﻤﻴﺘﻪ ﺯﻳـﻦ ﺑـﺲ ﺗﻤﻨﻴﺖ ﺍﻧﻘﻮﻟﻪ ﺣﺴـﻮﻧﻲ ﻭ ﺳﻮﻧﻲ ﻋﻠﻰ ﺍﺳﻢ ﺑﺎﺑﺎﻩ ﺍﻟﻠﻪ ﻳﺮﺣﻤﻪ ❤
ﻭ ﺟﺎﺀ ﺯﻳﻦ ﻳﺠﺮﻱ ﻋﻨﺪﻱ : ﻣﺎﻣﺎﺍﺍﺍ
ﺍﻧﻲ ﺑﺤﺘﺖ ﻓﻴﻪ ﻭ ﺷﻠﺘﻪ : ﺣﺒﻴﺐ ﻣﺎﻣﺎ ﺍﻧﺖ .. ﻭ ﺑﺴﺘﻪ ﻓﻲ ﺧﺪﻩ
ﻏﺰﻻﻥ ﺗﺸﻮﻓﻠﻨﺎ : ﺗﺼﺪﻗﻲ ﺍﻧﻪ ﻭﻻّ ﻳﺸﺒﻪ ﺑﺎﺗﻪ ﺍﻟﻠﻪ ﻳﺮﺣﻤﻪ
ﺍﻧﻲ ﺑﺤﺘﺖ ﻓﻲ ﺯﻳﻦ ﻭ ﺍﺑﺘﺴﻤﺖ : ﺻﺢ ﻃﺎﻟﻊ ﻧﺴﺨﺔ ﻣﻨﻪ ﺣﺘﻰ ﻧﻔﺲ ﻏﻤﺎﺯﺍﺗﻪ
ﺯﻳﻦ ﻳﺒﺤﺖ ﻓﻴﺎ ﻭ ﺳﺎﻛﺖ
ﺍﻧﻲ : ﺍﻧﺖ ﺯﻱ ﺑﺎﺑﺎ ﺻﺢ ﻭﻻﻩ ﺯﻳﺰﻭ ؟
ﺯﻳﻦ ﻳﺒﺤﺖ ﻓﻴﺎ ﺑﺒﺮﺍﺀﺓ : ﺍﻳﻨﺎ ﺑﺎﺑﺎ ؟
ﺍﻧﻲ ﺣﻄﻴﺖ ﺍﻳﺪﻱ ﻋﻠﻰ ﻗﻠﺒﻲ ﻭ ﺩﻣﻮﻋﻲ ﻧﺰﻟﻮ : ﺑﺎﺑﺎ ﻫﻨﺎ
ﺯﻳﻦ ﺣﻂ ﺭﺍﺳﻪ ﻋﻠﻰ ﺻﺪﺭﻱ ﻭ ﺑﺪﺍ ﻳﺒﻜﻲ
ﻏﺰﻻﻥ ﺗﺸﻮﻓﻠﻪ ﻭ ﺗﺒﻜﻲ : ﺣﺎﺭ ﻓﻘﺪﺍﻥ ﺍﻷﺏ
ﺍﻧﻲ ﻧﺒﻜﻲ ﺑﺤﺮﻗﺔ : ﺍﻟﻠﻪ ﻻ ﻳﻮﺭﻳﻚ
ﻏﺰﻻﻥ ﻣﺴﺤﺖ ﺩﻣﻮﻋﻬﺎ ﻭ ﺗﻤﺖ ﺗﺒﺤﺖ ﻓﻴﻨﺎ
ﺍﻧﻲ : ﺗﺼﺪﻗﻲ ﻳﺎ ﻏﺰﻻﻥ ﻭ ﺍﻟﻠﻪ ﺣﺎﺳﺎﺗﻪ ﻣﻌﺎﻳﺎ ﻗﻠﺒﻪ ﻳﻨﺒﺾ ﻓﻲ ﻳﺴﺎﺭﻱ ! ﻛﻴـﻒ ﺑﻨﻌﺒﺮ ﻉ ﺣﺎﺟﺔ ﻫﻜﻲ ﻣﺶ ﻋﺎﺭﻓﺔ
ﻏﺰﻻﻥ : ﺣﺎﺳﺔ ﺑﻴﻚ
ﺍﻧﻲ : ﺷﻮﻓﻲ ﺍﻟﻴﻮﻡ ﺯﻳـﺰﻭ ﻭﻻ ﻋﻤﺮﻩ ﺳﻨﺔ ﻭ ﺷﻮﻱ ﻛﻞ ﻣﺎ ﺗﻨﺠﺎﺏ ﺳﻴﺮﺓ ﻣﺤﺴﻦ ﺍﻭ ﻳﺸﻮﻑ ﺟﺎﺑﺮ ﺷﺎﻳﻞ ﺑﻨﺘﻪ ﻭﻗﺖ ﺟﻮﻧﺎ ﺯﻳﺎﺭﺓ ﺍﻳﻘﻮﻟﻲ ﺑﺎﺑﺎ ﻭﻳﻦ ﻧﺤﻀﻨﻪ ﺑﺎﻟﻘـﻮﺓ ﻭﻧﺤﻂ ﺍﻳﺪﻱ ﻋﻠﻰ ﻗﻠﺒﻲ ﻭ ﺍﻧﻘﻮﻟﻪ ﺑﺎﺑﺎ ﻫﻨﺎ ﻳﺒﻘﻰ ﻳﺒﻜﻲ ﺯﻱ ﺗﻮﺍ ﻭﺍﻳﺤﻂ ﺭﺍﺳﻪ ﻋﻠﻴﺎ ﻭﻳﺮﻗﺪ 💔
ﻏﺰﻻﻥ ﺗﻨﻬﺪﺕ : ﺭﺑﻲ ﻳﺼﺒﺮﻙ ﻭ ﻳﻘﻮﻱ ﻋﺰﻣﻚ
ﺍﻧﻲ ﺗﻨﻬﺪﺕ ﻭ ﺷﻠﺖ ﺯﻳﻦ ﻭ ﺻﺒﻴﺖ ﻉ ﺍﻟﺮﻭﺷﻦ ﻧﺸﻢ ﻓﻲ ﻫﻮﺍﺀ
ﺑﺪﺃﺕ ﺃﺗﻤﺎﺷﻰ ﻣﻊ ﻋﻘﺎﺭﺏ ﺍﻟﺴﺎﻋﺔ ﺍﻟﺪﺍﻟﺔ ﺑﺰﻳﺎﺩﺓ ﻭﻗﺖ ﻏﻴﺎﺑﻚ ..
ﻋﻮﺩﺕ ﻧﻔﺴﻲ ﻋﻠﻰ ﺍﻹﺑﺘﻌﺎﺩ ﻋﻦ ﺍﻷﻣﺎﻛﻦ ﺍﻟﺘﻲ ﻛﺎﻧﺖ ﺗﺠﻤﻌﻨﺎ ..
ﻟﻤﻠﻤﺖ ﺃﺷﻴﺎﺋﻲ ﺟﻤﻴﻌﻬﺎ ﻟﻤﺪﻳﻨﺔ ﻟﻢ ﺃﺗﺨﻴﻞ ﻧﻔﺴﻲ ﺃﻥ ﺃﺯﻭﺭﻫﺎ ﺣﺘﻰ ..
ﻋﺎﻫﺪﺕ ﻧﻔﺴﻲ ﺑﺈﻟﺰﺍﻡ ﻗﻠﺒﻲ ﻣﺨﻠﺼﺎً ﻟﻚ ..
ﻭ ﺳﻠﻤﺖ ﻣﺎ ﺗﺒﻘﻰ ﻣﻦ ﻋﻤﺮﻱ ﻟﺜﻤﺮﺓ ﺣﺒﻨﺎ ﻓﻘﻂ .
ﺃﺷﻌﺮ ﺃﺣﻴﺎﻧﺎً ﺑﺎﻟﻀﻌﻒ ﺍﻟﺬﻱ ﻳﺪﺍﻋﺒﻨﻲ ﻭ ﻟﻜﻦ ﻣﺎﺩﺍﻡ ﻗﻠﺒﻚ ﺑﻲ ﻳﻨﺒﺾ ، ﻓﺄﻧﺎ ﺃﻣﺘﻠﻚ ﺗﻠﻚ ﺍﻟﻘﻮﺓ ﺍﻟﻌﻈﻴﻤﺔ ..
ﻭ ﺃﺑﻨﻨﺎ ﻳﻨﺎﻡ ﻋﻠﻰ ﻣﺎ ﺗﺒﻘﻰ ﻣﻨﻚ ﻟﻨﺎ .
ﺗﻠﻚ ﺍﻟﻤِﻌْﻄﻒ ﺍﻷﺳﻮﺩ ﺍﻟﺸﺘﻮﻱ ﺍﻟﺬﻱ ﻃﺎﻟﻤﺎ ﺍﺣﺒﺒﺘﻚ ﺑﻪ ﺑﺪﺃﺕ ﺃﻟﺒﺴﻪ ﻋﻨﺪ ﺍﻟﺒﺮﻭﺩ ﻭ ﺗﻠﻚ ﺍﻟﻘﺒﻌﺔ ﺍﻟﺴﻮﺩﺍﺀ ﻣﻦ ﺃﻏﺮﺍﺽ ﺍﺑﻨﻚ ﺍﻟﻤﻤﻴﺰﺓ ..
ﻋﺎﻫﺪﺗﻚ ﺑﺄﻧﻨﻲ ﺳﺄﺻﻮﻧﻚ ﻓﻲ ﺣﻀﻮﺭﻙ ﻭ ﻓﻲ ﻏﻴﺎﺑﻚ ، ﻭ ﻻﺯﻟﺖ ﻋﻨﺪ ﻋﻬﺪﻱ ﻟﻚ ﻓﻜﻴﻒ ﺃﺧﻮﻥ ﻋﻬﺪ ﺑﻤﻦ ﻋﺮﻓﺖ ﺍﻟﺤﺐ ﺑﻪ ، ﻭ ﻟﻪ ﺃﺻﺒﺤﺖ ﻣﺪﻟﻠـﺔ 💔
ﺳﻴﺼﺒﺢ ﺍﺑﻨﻲ ﺣﺘﻤﺎً ﻓﺨﻮﺭﺍً ﺑﻚ ، ﻓﻬﻮ ﺍﺑﻦ ﺭﺟﻼً ﺑﻪ ﺃﺻﺒﺤﺖ ﺃﻣﺜﺎﻝ ﺍﻟﺤﺐ ﺗُﻘﺎﻝ .
ﺃﺗﺤﺠﺞ ﺑﺄﺷﻴﺎﺀ ﻻ ﻗﻴﻤﺔ ﻟﻬﺎ ﻹﺟﺎﺑﺘﻪ ﻋـﻦ ﺳﺒﺐ ﻏﻴﺎﺑﻚ ، ﺑﺪﺃﺕ ﺍﻷﻥ ﺟﺜﺔ ﻫﺎﻣﺪﺓ ﻣﻊ ﺍﻷﺭﻭﺍﺡ ﻟﻘﺪ ﺍﺧﺘﻔﺖ ﻣﻼﻣﺤﻚ ﺍﻟﺠﻤﻴﻠﺔ ﺍﻟﺬﻱ ﺃﺣﺒﺒﺘﻚ ﺑﻬﺎ 💔
_________
ﺍﻟﻨﻬﺎﻳﺔ 🌹
ﺍﺳﻔﺔ ﻟﻮ ﺑﻜﻴﺖ ﺣﺪ ﺍﻭ ﺯﻋﻠﺖ ﺣﺪ ﺍﻧﻲ ﺑﺮﻭﺣﻲ ﺃﺛﺮﺕ ﻓﻴﺎ ﻫﻠﺒﺎ ﺍﻟﻘﺼﺔ ﻭ ﻛﻞ ﻣﺎﻧﻜﺘﺐ ﺷﻮﻳﺔ ﻧﻮﻗﻒ ﻣﻦ ﻛﺜﺮ ﻣﺎﻣﺆﺛﺮﺓ ، ﺍﻟﻠﻪ ﻳﺮﺣﻢ ﻣﺤﺴﻦ ﻭ ﻳﻐﻔﺮﻟﻪ ﻭ ﻳﺠﻌﻞ ﻣﺜﻮﺍﻩ ﺍﻟﺠﻨﺔ ﻭ ﻳﺼﺒﺮ ﺃﻣﻴﺮﺓ ﻭ ﻭﻟﺪﻩ ﻋﻠﻰ ﻓﺮﺍﻗﻪ