رنا .. حظرت ملابس وغراضي حطيتهم بجنطه بس احظرهم وابجي كلبي محروك ماعرف شلون راح يكون صالح تعامله وياي حظرت جنطه فتت سبحت ولبست تراك اسود وعليه كاب او عبايه ولبست شال اسود ونزلت اني وجنطه
ابو رنا .. ها بابا كملتي
رنا .. اي بابا واني ابجي بحركه
ابو رنا .. لاتبجين ياعمري مراح اتركج راح اسأل عليج دائمن وجي اشوفج اني وامج وخوانج
رنا .. وعد بابا ماتركوني
ابو رنا .. وعد يابنتي هاي فلوس خليها عندج وشمايكج صالح او امه كليلهم تم وحاضر ولاتردين بوجهم وتمدين السانج جكد مصبرين وتتحملين راح تكسبيهم ويحبوج وينسون كلشي
رنا .. ان شالله بابا بوست امي وبابا ود ويهاب منتظر ودعتهم وركبت سياره ورحنه بيت صالح وصلنه ونزلت وبابا نزل جنطه ودك الباب
صالح .. ماما اليوم الفصليه راح تجي وراح تكون زوجتي اريدج تعمليها كنها خدامه
ام صالح .. يأمي حرام عليك هيه مالها دخل
صالح .. اله دخل اخوها حرم ابني من امه وهوه بعده صغير
ام صالح .. يابني هاذه يومها والله كتبلها هيج موته ليش تعارض بامر ربك
صالح .. يمه همه مقصدين يقتلوها ويحرمون ابني من امه ومراح ارحمها ندكت ال باب اني رايح افتحه اكيد شرفت سويلنه جاي هسه يجي شيخ
ام صالح .. الله يهديك يابني
صالح .. فتحت باب وشفت ابو رنا ورنا وجها ذبلان وعيونها مورمه من باجي كلت بكلبي راح ارويج عذاب ع اصوله هلا عمي تفضل
ابو رنا .. زاد فضلك فوتي بابا رنا
صالح .. عمي انت تفضل بديوان لان عمي واخوي بديوان ورنا تعالي يم امي
رنا .. بابا دك باب صالح فتح باب سلم علينه ابوعله عيونه كلها حقد فتت للبيت بابا اخذه صالح لديوان واني رحت للمطبخ يم امه فتت وسلمت
رنا .. سلام عليك شلونج خاله
ام صالح .. هلا بنتي تفضلي
رنا .. شكرا خاله
ام صالح .. شنو اسمج حبيبتي
رنا .. اسمي رنا. صراحه رتاحيت بناحيت ام صالح امبينه حبابه وتخاف الله
ام صالح .. فدوه اسمج يخبل مثلج رناوي اريد اطلب منج طلب
رنا .. تفضلي خاله
ام صالح .. تعرفين صالح عنده طفل وصالح معصب مضايك لان مرته توفت وابنها صغير اريدج تكونين صبوره ويه صالح وتحملي ولاتردين عليه شمايكلج كليله صار
رنا .. ان شالله
ام صالح .. وبعد اريدج تعتبرين علاوي مثل ابنج اريدج كونين مكان امه لان طفل صغير ويحتاج رعايه وتربيه حلوه لان اني مره جبيره ماكدر عليه لان اني اريد الي دير باله عليه
