العنيده والشيخ صكر ❤

البارت التاسع

حبك كالقهوه المره ولذتها
متملك......غيور......غاضب
ولكنك عطوف...محب....عاشق
ولكن يامن في على قلبي والمه
لا تتركني من ذراعيك ولكن لاتسجنني فيهم .....
اجعلني كاهوائك ....
وليس دائك لاكون حوريتك......
وليست سجينتك

العنيده والشيخ صكر❤️

بقلم الكاتبه Donea Abd

ايه،جنت كاعده بالغرفه وافكر بصكر صدك حبيته بوقت قصير بس ما أكدر اكاله انفتح باب الغرفه ودخلت ندى
ندى،هلو بعدج كاعده
ايه،ما جايني نوم تعالي نسهر اني وياج
ندى،اني هماتين ما اريد انام
ايه،بيت خالتج راح يجون الصبح
ندى،ما ادري ما سالت صكر
ايه،ها
ندى،خالتي عده بنات اثنين ولد واحد بس وحده من البنات خالتي تحب صكر بس هو ما يحبه
ايه،ليش ما يحبه
ندى،لأن هي ما تحبه تحب فلوسه
ايه حسيت بالغيره من سمعت بيه ،ندى هي حلو
ندى،منو هي
ايه،بنت خالتج
ندى،قصدج مريم لا مو هواي حلو
ايه،يعني اني احلى منه
ندى،ليش تسالين كل هاي الاسئله بسسسس لا انتي تحبين صكر
ايه،شنو لا ما احبه
ندى،اني شفته شلون يباوع عليج اكيد هو يحبج
ايه،ما ادري شنو رائيج ب احمد اخوي
ندى توترت، ش شنو هو خوش ولد وبس
ايه ،ليش متوتره  اكو شي احجي اني ما احجي لاحد
ندى ،متاكده
ايه،اني وياج اخوات ما اكو اسرار بيناتنه
ندى،صدك اني حبيت احمد من أول مره شفته بيه بس هو ما يحبني
ايه،بس اني شفته شلون يباوع عليج اكيد يحبج
ندى، أن شاءالله يطلع كلامج صحيح
ايه،يلى خلينه انام باجر نكعد من الصبح انظف وانسوي اكل
ندى،اوك تصبحين على خير
ايه ،وانتي من اهله

ايه من حجيت ويه ندى ومن كالته انه مريم تحب صكر احس كلبي يوجعني وكرهتها قبل ما اشوفها
اكيد صكر يحبها ما راح يحب وحده مطلقه نزلت دمعتي شلون حبيت صكر من أول نظره أول مره يدك كلبي لشخص بس لازم انساه مسحت ادموعي ونمت

الصبح 7:00

صكر،كعدته على صوت المنبهه رحت غسلت لبست ملابس بيت لان اليوم ما اطلع ما عندي شغل طلعت من غرفتي رحت للمطبخ شفت بس ندى
صكر،صباح الخير
ندى ،صباح النور سويت فطور تعال اكل
احمد ،صباح الخير
صكر وندى،صباح النور
صكر،تعال احمد نأكل
احمد،وين ايه
ندى،بعده نايمه ما تقبل تكعد
صكر،نسيت شي بغرفتي اروح اجيبه واجي
ندى،ماشي

صكر جذبت عليهم جنت اريد اروح اشوف ملاكي
دخلت للغرفت ايه جانت لابسه كيمونه وبرموده طالعه تجنن ظليت صافن عليه تقدمت عليه كعدت على حافت الجربايه جان اكو شعر نازل على وجهه
وخرت شعره عن عيونه ما كدرت أقاوم جمالها بست عيونه الاثنين بهدوء وبست كصته وخشمه ونزلت على شفايفه بست بكل رقه بعدين هي فتحت عيونه بعدت عليها كالتله صباح العسل يا ملاكي
ايه،انت شلون تدخل الغرفه هيج واجابك من الصبح يمي
صكر،جيت اكعد ملاكي
ايه،صكر اطلع هسه احد يجي يشوفك هنا
صكر،ما خايف من احد
ايه،صكر اطلع اريد ابدل
صكر،ظلي هيج احلا😉
ايه انتبهت على ملابسي بسرعه تغطت ،صكر اطلع بسرعه
صكر،اوك راح اطلع بس بسرعه انزلي لان تفتح شهيتي من اشوفج

ايه كعدته الصبح على احد يبوس بيه اني خدرت ما اكدر افتح عيني باسني من شفتي بسرعه فتحت عيني ظليت اباوع عليه ويحجي بكل رومنسيه معقوله يحبني مو شفقه عليه كمت غسلت وبدلت
ونزلت ورحت على المطبخ جان الكل كاعدين
ايه،صباح الخير
الكل،صباح النور
ندى،اليوم كاعده من وكت
ايه تذكرت شصار باوعت على صكر بعدين كالته، كعدته علمود راح يجون بيت خالتج
ندى،ها اي صدك لازم انظف ونطبخ
ايه،انتي طبخي واني انظف البيت
ندى،اوك

ايه خلصنه اكل صكر واحمد راحوا للغرفهم واني نظفت البيت وندى طبخت رحت سويت الزلاطه
ايه،ندى راح اروح اسبح وابدل
ندى،اوك اني هماتين
ايه،صعدته سبحت ولبست دشداشه على الجسم لون جوزي وحطيت مكياج خفيف ولبست شال وطلعت من الغرفه صار بوجهي صكر .....

صكر،وراء ما خلصنه اكل رحت على غرفتي ظليت اللعب بالتليفون وخابرت على ابن خالتي كال راح يوصلون بعد ساعه وجاي وياهم ابن خالتي الثانيه
هذا عيونه زايغه بدلت ولبست دشداشه وحطيت عطر وطلعت من الغرفه صارت بوجهي ايه شلون طالعه تجنن والعطر يسطر سطر ظليت اباوعله من فوك ليجوه بعدين تذكرت راح يجون ولد خالتي شلون تطلع هيج كدامهم رحت عليه لزمته من ايديه ودخلته الغرفه

ايه من شفت صكر كلبي كام يدك سريع جان طالع حلو وعطر يدوخ ظل يباوع عليه حسيته يريد ياكلني عيونه صارت حمر من العصبيه اجه عليه لزمني من ايدي قوي ودخلني للغرفه وقفل الباب
اجه يمشي عليه واني ارجع ليوره لحد ما اطخيت بالحايط
ايه،صكر شبيك عصبي
صكر،................    

 

صوتوا على البارت علمود انزل بسرعه

احبببكم  😘😘😘😘😘  
❤❤❤❤❤❤❤
❤❤❤❤❤❤❤❤❤
❤❤❤❤❤❤❤❤❤❤❤
❤❤❤❤❤❤❤❤❤❤❤❤❤
❤❤❤❤❤❤❤❤❤❤❤❤❤❤❤
🤩🤩🤩🤩🤩🤩