الغيرة المدمرة

الغيره المدمرة

هبدا معاكم قصه خفيفه وظريفه زي ماتعودتو ف قصصي فهل من متابع واعملو متابعه لصفحتي عشان توصلكو كل المستجدات
المقدمه

الغيره من الممكن ان تدمر اي علاقه بين اننين
رغم انها تشعل الحب ولكن ان زادت عن حدها انقلبت ضدها
الغيره المدمره
الحلقه الاولي
امينه :بت يامني قومي بقي علي كليتك
ايه البت المصيبه دي لسان زي الفرقله وخلاص
السيد :صباح الخير ياامينه
امينه صباح الفل ياسي السيد
السيد:مال صوتك جايب احر الشارع ع الصبح ليه
امينه :هو في غيرها المزغوده بنتك اللي مطلعه حسي بصحي فيها من الصبح
السيد: والباش مهندس يوسف صحي
امينه:اه ياخويا وفطر وراح شغله
السيد:طب انا رايح الشركه لحسن في اجتماع مع رئيس مجلس الاداره الجديد وانا لسه مترقي لمدير عام قريب وعاوز اثبت كفاءتي قدامه
امينه:ربنا يوفقك ياحبيبي
السيد:عاوزه حاجه
امينه:تروح وتيجي بالسلامه ياابو العيال
يابت يازفته قومي قامت قيامتك
مني :هي دي الامهات ولا بلاش
في ايه ياست امينه رزق ع الصبح مش فطرتي سي السيد  والباشمهندس يامهندس عماره الجيران ماتبص حبه وتهندس عمارتنا كمان
امينه:انتي بتتريقي علي اخوكي كمان ياقليله الادب والله لاقوله مابقاش الا العيال كمان
مني:حلمك علينا امال ياست امينه
امينه :يلا يا بت كليتك
وانا مالي هو انا اللي هسقط ولا انتي وابقي استلقي وعدك بقي
مني:خلاص رايحين اهو يعني رايحين الديوان
امنيه:يارب صبرني والله ماشوفت كده مع اخوكي
............................
محمود :ماتيلا ياهانم هستني كتير هتاخريني ع الشغل يلا عشان اوصلك ف سكتي
هبه:خلاص يامحمود اهو يلا
محمود:ودا ايه اللي ف خلقتك ده  امسحي الهباب اللي ف وشك بدل مااشلفطك
سالم:خف علي اختك يامحمود مش كده
محمود:مش شايف عامله ايه
وايه البنطالون ده مش قلت مابحبهاش
هبه:ماهي عليها حاجه طويله وواسعه اهي ولا الباكستنيين
محمود:والله لو ماطلعتي حالا تعملي اللي قلت عليه لاقلبك زي اليابانيين وعينك ماهتشوفي بيها طول عمرك
هبه:اهيء اهيء وتبدل برجلها وتطلع تنفذ ماقال وتنزل جري
محمود:هيجري ايه لمانمشي عدل من الاول ونبقي حبايب بدل الارف ده ع الصبح
ويوصل اخته للكليه ويذهب للبنك فهو محاسب هناك
..............
يوسف:مين محمود المليجي
محمود:يوسف شعبان بذات نفسه عندنا ف البنك

ايه اللي جابك وحشني والله فين من ايام ثانوي ياراجل
يوسف:موجودين انت اللي اختفيت والله بعدي علي بيتكو واقول والله ماهسال فيه الجبان ده دا ماكنتش عشره يامعفن
محمود:مشاغل والله
والله واحشني ياد ابقي عدي
يوسف:حاضر ماانا شركتي جمبك
محمود:كمان وماتعديش
يوسف:هبقي اعدي عليك
محمود:وانت جاي ليه
يوسف:الفيزا بتاعتي مش عارف مالها
محمود:تعالي وانا اعملك اللازم
وفعلا عمل اللازم وانطلق  لعمله