الغيره المدمره
الحلقه التاسعهوقفت بجانب الباب الذي يفتحه لها لتدخل السياره
انا ماحدش يقدر يكسر دماغي واللي يحاول بس افشفش عظمه
محمود يقترب منها هامسا
يامفتريه يعني كسرتي قلبي وكمان عاوزه تكسري عظمي
فارتبكت من قربه واحست بتزايد سريع في نبضات قلبها ونظرت اليه باضطراب وكانها لم تره من قبل فاخفضت راسها ودخلت السياره مسرعه فقد خجلت من اقترابه لهذا الحد حتي شعرت بانفاسه وهو يهمس في اذنيها
وظلت واجمه ف الطريق تنظر من الشباك حتي اصابها غثيان
مني:اقف يامحمود اقف بسرعه
ففرمل بسرعه وركن لتنطلق لاحد الاركان وتخرج مافي معدتها
محمود:الحقيها ياهبه واسنديها ولو احتاجتني انا جمبكو وخدي المناديل دي اديهالهاونزل هو الاخر مسرعا
حاولت هبه اسنادها ولكن مني خارت قواها
هبه:الحقني يامحمود بيغمي عليها وهتقع مني
جري محمود وحملها للمقعد الخلفي ونيمها عليه
اطلعي انتي قدام و هاتي منديل وحطي علي برفانهبه:فين البرفيوم نسيت بتاعي
محمود:افتحي التابلوه في واحد بسرعه
واعتطه البرفيوم
محمود:هاتي المخده اللي بحطها ورا ظهري
وحطها كوساده لها
انتو كلتو حاجه بايظه
هبه:ابدا والله انهارده كلنا مسدود نفسنا وماكلناش حتي هي مرجعه عصاره صفرا مافيش ف معدتها حاجه
وفجاءه استفاقت لتجد وجهه في وجهها وهو يحاول افاقتها
فصوتت فزعه انت بتعمل ايه
محمود:يخرب بيت جنانك هتقطعي خلفي يقولو خاطفك بفوقك ياختي مش اغمن عليكي دلوقت
فحاولت مني ان ترجع بذاكرتها واطماءنت عندما رات هبه
طب وسع كده عاوزه اقوم
محمود:خليكي مرتاحه علي مانوصل
وخلي المخده تحت دماغك
مني:لا انا هقوم ايه المخده دي انت بتنام هنا لما بيكرشوك
محمود:مافيش فايده فيكي وطوله لسانك.
هاتي مخدتي خساره فيكي ووضعها خلف ظهره وانطلق
وصل لبيتها
محمود:هتقدري تطلعي ولا اجي اشيل تاني
مني:نهارك اسود انت شلت اولاني
محمود:امال هسيبك مرميه ف الشارع
مني:لا بس كنتو سندتوني مش تشلني
محمود:انتي كنتي قاطعه النفس خالص وقلنا متي واستريحنا منك بس يظهر انك زي القطط بسبع ارواح وهتخلصي علينا الاول
ثم مش اخوكي شال المحروسه مره
اهي واحده بواحده والبادي اظلم
مني:وانت ماصدقت بقي عشان تاخد بتارك
محمود:انا مابسيبش تاري ابدا وهو ينظر لها ف المراه
فانطلقت من السياره سلام ياهبه
.......................
باتت ليلتها وهي تفكر اعمل ايه بس ياربي هبه زعلانه اوي ويوسف لا بياكل ولا بيشرب
وسي محمود ده كمان اللي عامل زي عفريت العلبه وف كل خرابه ينطلي والاقيه ف وشي
انا احسن حاجه استخير واصلي ركعتين يمكن ربنا ياخد بيدي ويهديني لقرار اكيد في مصلحه الجميع
حتي لومش مقتنعه بيه اكيد هيبقي الخير لينا
ولو كان اني اوافق علي محمود والله لاربيك يامحمود الكلب واتوبك وخليك تندم ع الشرط بتاعك
ولو اني خايفه انا اللي اندم ويتوبني شكله مش سهل خالص ومتحكم وغيور والله ماعارفه ههبب معاه ايه احتمال اخنقه واخلص منه
أنت تقرأ
الغيرة المدمرة
Romanceعشقها ولكن غيرته كانت قاتلة كادت تقتل الحب بينهما وتدمر حياتهما ولكن هل سيصمد الحب أمام الغيرة ام ستنجح في تدميرة