الفصل الثالث عشر
بقلمى / هدير خليل على
فى مكتب مازن
مازن :- زى ما سمعتى بكره فرحنا
ندى :- انت عبيط ولا بتستهبل دا انت لو اخر راجل على الارض مش هتجوزك
مازن :- النهارده بالليل الساعة 8 هكون عندكم علشان نجيب الشبكه و نتفق على كل حاجه
انت مجنون ولا بتسمع بقول مش هتجوزك و بعدين جواز ايه ده اللى بتفكر فيه بدل ما تفكر هتهرب ازى بتفكر فى الجواز
مازن :- اهرب ليه و من ايه
ندى :- تهرب علشان انا هبلغ عنك
مازن :- مش هتقدرى تعملى حاجه
ندى :- تعرف انت لو جوازى فعلا برضوه هبلغ عنك
مازن :- اممممم ماشى ورينى ايه هتعملى
ندى :- ماشى
ندى سابته ومشيت و هى مقرره انها هتبلغ عنه
مازن :- متنسيش يا عروسة معادنا
ندى ( من غير ما تبصله ) :- ده فى المشمش
عند عمر فى الاوضة
اياد ( بعصبية ):- يالا يا ميرا نمشى
مراد :- استنى اخلص اكل
اياد :- يالا يا زفت
مراد :- طيب
عمر :- يكون احسن
جنى :- عمر
عمر :- ايه
جنى :- عيب كده
عمر :- ايه هو اللى عيب و بعدين ايه اللى بتعمليه ده
جنى :- انا عملت ايه
عمر ( بعصبية ):- يعنى مش عارفه كمان ايه عملتى شغال يبوس و يظبط و انتى بتضحكيله عادى
مراد :- يا استاذ عمر انت فاهم غلط
عمر :- انت تعرف تسكت ما هى لو وقفتك .....
جنى ( و دموعها نزله ):- عمر
عمر بصلها لقيها بتبكى
عمر ( بحنيه ):- بتبكى ليه دلوقتى انا آسف مكنش قصدى تعالى
عمر مد ايده ليه بس هى هزت راسها ليه بمعنى لا
عمر :- خلاص بقى تعالى دا انا حبيبك و الله مكنش قصدى
جنى راحت رمت نفسها في حضنه و بتبكى
عمر ( و هو بيمسح على ظهرها ):- خلاص بقى انا آسف
اياد و ميرا مستحملوش منظرهم كده فطلعوا و هما متعصبين اما مراد فضل
عمر :- ايه يا بنتى انتى استحليتى القعده فى فحضنى ولا ايه انا عارف انه حلو
جنى ( وهى بتضربه على كتفه ):- لا مش حلو
عمر ( و هو بيمسح دموعها ):- ماشى مش حلو بامارت انك فى رايحه و الجايه قعده فى حضنى متزعليش منى انتى عارفه انا بغير عليكم ازى
جنى ( بطفوليه ):- عارفه
عمر و مراد :- يا خراشى
عمر ( بص على مراد ):- انت لسه هنا
مراد :- اححححم بصراحة حابب اعرف انت تبقى ايه لجنى
عمر :- و انت مالك
مراد :- و الله يا عمى انا طلب القرب منك فى ايد الانسه جنى
جنى و عمر :- نععععم
بقلمى / هدير خليل على
عند ندى ( قدام مبنى المخابرات )
ندى :- انا عايزه اقابل سيادت المقدم
العسكرى :- هى سايبه اى حد يقول عايز يقابل سيادت المقدام يدخله
ندى :- معلش قول عندى معلومات مهمه العسكرى :- ماشى استنى هنا هقوله ان رضى هتدخليه
ندى :- ماشى
دخل العسكرى للمقدم يستاذنه انها تدخل بعد شويه دخلت ندى للمقدم
المقدم :- اتفضلى يا ستاذه
ندى :- شكرا يا فندم
المقدم :- خير
ندى :- انا عندى معلومات مهمه عن واحد .......
التليفون رن
المقدم :- معلش ثانيه
ندى :- اتفضل
المقدم :- اهلا بالباشا ايه الاخبار اممممم تمام اعتبره حصل تمام يا باشا مع الف سلامه سلام ( بص لندى ) معلش كنتى بتقولى ايه
ندى :- بقول لحضرتك ان انا بصدفه عرفة واحد بيخترق النظام الامنى للمخابرات
المقدم :- اممم و انتى عرفتيه ازى
ندى :- انا بشتغل فى شركة برمجه و حماية معلومات فانا و بعمل شويه شغل بصدفة دخلت على مواقع الاختراق و عرفت ان مدير الشركة هو المسئوال على الاختراق فكونت عايز ابلغ عنه
ندى فضلت تقوله كل اللى هى عرفته عن مازن و اللى بيعمله
المقدم :- ماشى يبقى هنشوف الموضوع ده و هبلغك لو فى جديد
ندى :- ماشى بعد اذنك
ندى ( فى نفسها ) :- هو ماله كده مش مهتم
ندى طلعت من المكتب و لقيت مازن فى وشها
ندى :- أنت بتعمل ايه هنا
مازن :- ايه يا روحى مش لزم اطمن على عروستى و ابيارك ليكى على العمل الشجاع اللى عملتيه صح ايه اخباره متقوليش امممم هتخلينى اتسجن صح
ندى :- اكيد و هتاكد انه يكون قريب
مازن :- هههه ماشى يالا بينا يا ..يا عروستى
ندى :- عرسه لما تلهفك يا بعيد
مازن :- عيب عيب ده انا جوزك مينفعش كده بس يالا هسمحك علشان عروسه و بتدلعى
ندى :- جوز مين يا روحى
مازن :- انا عارف انى روحك بس مش قدام الناس كده عيب اصبرى لما نكون فى بيتنا و نادينى زى ما انتى عايزه
ندى :- بيتنا ! بيت لما يقع على دماغك و بعد ما يقع يطلع عليك تعبان ينهشك و عقرب تقرصك و نحله تقرصك و فار ياقرضك يا بعيد
مازن :- ايه ده كله بس معلش اكيد هطلع حى بعد ده كله علشان تبقى انتى علاجى يا قلبى
ندى :- تصدق عندك حق انت فعلا هتطلع حى علشان انا اموتك بنفسى
مازن :- مادام هموت على يدك معنديش مشكله
ندى :- انت ايه ياخى بارد
مازن :- لا مازن
ندى :- هعععع مستفز
مازن :- ده بعض ما عندك يا روحى يالا بقى بينا علشان اقدر اوصل على الوقت
ندى بتسيبه و تمشى
ندى :- ده فى المشمش
مازن :- لسه اللى جاى احلى
مازن مشى هو كمان و راح البيت لقى ميرا و اياد قعدين و ضربين بوز
مازن :- خير فى ايه
ميرا و اياد :- مفيش
مازن :- ماشى هو الواد مراد فين
ميرا كانت لسه هتتكلم لقيوا مراد دخل و بيغنى
مراد :- ضحكت يعنى قلبها مال و خلاص جنى فى الحته الشمال يالا ...... فى ايه بتبصولى كده ليه
مازن :- لا ابدا عجبنى صوتك
مراد :- ربنا يخليك يا برنس و الله
اياد :- بتغنى ليه يا حليتها
مراد :- برغم انى مش خليتها بس انا بغنى علشان انا مبسوط
مازن :- ان شاء الله دايما بس ايه سبب الانبساط ده
مراد :- اصل انا خطبت
مازن و اياد و ميرا :- نععععععم
مراد ( بيحط ايده على ودنه ):- ايه فى ايه
مازن :- و خطبت مين ان شاء الله
مراد :- خطبت جنى
ميرا ( بابتسامه ):- بجد
اياد :- مين يا حليتها بقى انت تخطبها يا عيل
مراد :- مين ده اللى عيل انا مسمحلكش
انا راجل مش عيل
اياد :- اه على يدى انت حتى لسه بتعملها على نفسك يا فاشل
مراد :- اياد احترم نفسك انا مبطلها اححححم من اعدادى
مازن :- لا راجل ياض
مراد :- عيب عليك يا كبير دا انا اعجبك
مازن :- اتلهى على عينك دى انت لسه بتاخد المصروف منى
اياد :- انت تنسى موضوع جنى ده خالص انت فاهم
مراد :- لا طبعا ما انا كلمتى واحدة و مش هرجع فيها
اياد ضرب مراد قفى
اياد :- و كده
مراد :- عشت يا معلم
اياد :- فى جنى تانى
مراد :- مين جنى دى با كبير
اياد :- ايوه كده يا حبيبى
مراد :- انت تأمر خلاص بقى ادام مفيش جنى يبقى اخد ندى
مازن :- تاخد مين يا حليتها
مراد :- ايه يا كبير لو لزمك خدها
مازن :- مش محتاج اذنك اه صح اعملوا حسابكم انا رايح اخطب على ساعة 8
اياد و ميرا :- تخطب مين
مراد :- مش محتاجه فكاكه اكيد هيخطب بلاء
اياد و ميرا :- مين
بقلمى / هدير خليل على
يا ترى ايه هيحصل تانى مع الابطال ؟
انتظروا الفصل الجاى
بقلمى / هدير خليل على
يتبع
