قصة اليتيمة الطيبة
بقلم:الكاتبة اميمة
قطعات نور مع احمد دارت كاتقلب على لارا لقاتها حالا المريو وكاتقلب فالماگن وليكاسكيط وحوايج نور مشات عندها نور بالتسليتا هراتها وهي تنقز
لارا. الخرا مالك جهل ليك الضمير (ضارت شافت فيها لقاتها نور ) سمحيلي راه لمك هريتيني وماتحكمتش فراسي وسمحيلي على التنباش ههه
نور. خودي راحتك احب هه كيجاوك حوايجي عندي الذوق ولا والو 😂
لارا. ماشي غا عندك الذوق راه مقواد فين لقيتي هادشي كامل يالشعيبية انا شهرين متتابعين وانا كانطلب لا خدوج (ماماها خديجة) باش تشري لي كاسكيط وبحرا ماشراتها لي
نور. ههههه (وراتها واحد الرف) هاد الحوايج شراهم لي بابا احمد ملي خرج من الحبس بلفلوس لي ربحم تما فلخدمة
(شيرات ليها لواحد اخر) هادو شراهوم لي هاد ليامات هو وماما رقية ولباقي شريتو ملي كنت كانبيع ونشري فالحوايج هما ودوك المگانات وليكاسكيط
لارا. مقواد عندك هادشي اشعيبية ...اجي كيفاش كانبيع ونشري مافهمتكش
نور. ملي ماتو عائلتي مالقيت لي يعاوني وانا ناخد فلوس العزا شريت بيهم شي حوايج وبديت كانبيعهم لعيالات وبنات الدوار .....بلا بلا بلا (عاودات ليها قصتها من لأول تا لأخير كاغ لارا لسقاتها باش تعاود ليها كولشي من اللول)
لارا. سمحيلي انور الى فكرتك فعائلتك والله ماكنت عارفا هادشي كامل طاريليك
نور: لا ابيبي هانية اصلا عمري نسيتهم وهادا مكتاب الله
لارا: لا لا دجاجة انا ماشي بيبي, تبارك الله على الشيخ الميهي دي الجمال ههه
نور. هههه واباز ليك ماعمرك غاتكوني جدية هههه
لارا. لاواه معزا ماشي جدية تي نوضي نعاود لي تا انا على راسي
(گلسات نور وکاتسنا لارا تبدا)
لارا. انا ملي وصلت ل 5 سنين جدا جات طلبات من ماما وبابا يخليوني نمشي معاها نعمر عليها كاغ خالتي لي كانت معمرة عليها تزوجات ومشات مع راجلها لفرانسا بابا وماما فاللول عارضو مي معزتها عندهم كبيرة ماقدروش يعارضوها وقبلو داتني جدة لعندها للمزراعة كبرت تم وقريت تم وكنت كنشوف عائلتي من عام العام فراسك عندي خويا سميتو علاء كان كبر مني وعلى مقالت لي مي بانه كبر من خوك الله ارحمو ب 5 ايام كيف قلت ليك كايجيو كل عام يگلسو سيمانة ويرجعو دازت لأيام ووصلت لسانكيام قريت الدور الاولى وشدينا العطلة تما ودقال لي بابا بلي غايخصني نجي باش يشد لي الانتقال بلا مانتجرجر تم مع الداخلية وراكي عارفة القراية فلعروبية كتر من دوارنا التحضر ههه ( نور بقات كاتسمع ليها كاغ عرفات بلي ديك الضحكة ماخارجاش من لقلب غا كاتبرد بيها همومها ) جدة فلول مابغاتش من بعد وصات واحد الراجل لي جابني تال قدام الدار انا ملي شت الدوار مانكدبش عليك صحابني مدينة والناس كي كايلبسو عجبني لحال حيت غانسكن هنا هههه مي فرحتي ماكملاتش كاغ كيما وصلت تغدينا انا وماما وخويا علاء بدات تيليفون كاتصوني هزات مي تيلي لقات بابا قالت لي هاكي فاجئي باباك جاوبت وانا نسمع صوت بنت
البنت. الو السلام وعليكم
لارا. وعليكم السلام شكون معايا
البنت. واش مول هاد التيلي كايجيكوم
لارا. اه بابا علاش ياك لاباس ???
البنت. لباراكا فراسك باباك مات بسباب كسيدة دارها فطريق بنيملال
انا غير سمعت هاد الخبر لحت التيلي وبديت نندب ماما مافهمات والو هزات التيلي عاودات ليها البنت الخبر وهي تبدا تنحط وتضرب فراسها بقينا على ديك الحال يومين ماكاناكلو ماكانشربو تا نعاس طار خويا مسكين ماحيلتو لي وماحلتو لمي فلخر تاصل بجدة لي دوات مع مي وصبراتها واكدات عليها نمشيو عندها للعروبية والا تجي هي براسها تدينا جمعات لينا مي حوايجنا ورجعنا للعروبية كملت انا داك لعام غا بلكشايف زيادة الاكتئاب لي جاني اما خويا دار باك حر ونجح بمعدل مزيان اصلا من شحال هادا وهو قراي فلعطلة بديت كانخرج من ديك القوقعة تانهار لقينا جدة ميتة ففراشها تزادت صدمة فوق صدمة بقينا فلمزرعة شهرين هاكاك تاجاو خوالي ونكرونا وجراو علينا ماحنوش فينا رجعنا خويا مسكين للدار هنايا كان كايخدم فليل مع شي زلايجية وشي بناية يقرا فلافاك وفاوقات فراغو فوسط النهار كايخدم نادل فواحد المطعم و فنفس الوقت يغسل لماعن كانو يديه واكلين تامارة بلبايان ماكانش كايبغي يخلي ماما تخدم تال لداك لعام كمل قرايتو وشد ديبلوم ديالو واي بلاصة دفع فيها cv ديالو كايتلقاوه بالرفض كاغ كنا مافحالناش وتا لمعارف ماعندنا خويا ضاقت عليه الدنيا مشا قاد اومورو وحرگ 5 ايام ماشفناه كان كايصحاب لينا غا خدام مي من بعد كتاشفنا بلي حرگ عانينا بزاااف مشات مي بدات كاتخدم فلأول ماكانوش كايبغيو اخدموها كاغ كاتلبس لخيمار وكايخافو منها من بعد تعرفوا عليها الناس وولاو كايخدموها ولحد لان كاتخدم فلي لقات وعمرها خصصاتني من شي حاجة
نور: ( كاتبكي) تانتي عانيتي بزاااف
تعانقو وبداو كايتباكاو
نور. اويلي نوضي لعشا غايكون برد
لارا. نوضي نعيطو على ماما
نور. نمشيو نطلبوها تباتو عندنا بليييز اوكي مي باش توافق غايخصنا........
