No ta tur loke ta Bria ta ORO

Part #1

''Tin tres barku mara na megapir awe. Punda I Otrabanda lo ta yen di turista. Papiando di turista ta basta un ratu pasa ku mi a bai afó. Lo mi tin gana di gosa di un vakantie mi so leu for di tur kos I tur hende. Pero ya ku e bida ku mi tin aki mi no tin masha di reklamá. Un tiki mas... ''

E Telefon ta rin I kita su pensamentu nan. ''ahn ta Mari ta bèl via intercom''

''Hallo bon dia ku Skylar''

E stèm na otro banda di e telefon.

''Bon dia mevrouw  Consincion. E mener di Cookie Monster ta aki nan. Mevrouw ta deseá algu?

''danki Mari si mi ta bini abou un bes aki.''

E double chocolate muffin nan di Cookie Monster ta un di e plaser nan mas malu ku Skylar Rosa tin. E ta un dama den su 40+ pero ta tene su kurpa den bon kondishon. E ta frekuentá Gym kasi tur dia hasiendo Zumba I otro ehersisionan pa kombati envehisimiento. E ta wak bon kiko e ta kome I ta hasi yoga pa stress. Tur manera e ta purba di keda atraktivo. No tin nada ku e tin mas miedu di dje ku ta wak su mes den spiel. E tin hopi miedu di bira bieu I ta insigur.

Pero keda sin kome chukulati si ta pidiendo dimas.

Buskando manera pa kima kaloria kaba e ta baha un piso ku trapi. Ora e yega baha ku trapi tur hende ta hala un banda sin nan ke I lag'é pasa dilanti.

Tur hende tin hopi rèspèt pe. Nan tin asina tantu rèspèt ku e ta nèt miedu. Skylar ta e direktora di un empresa Multinashonal ku ta spesialisá den hèndel e portafolio I budget di kliente nan multimionario di rònt mundu.

Unda ku e yega su presensia so ta eksigí klase I rèspèt. E manera ku e a yega para so tur hende a bek I laga e bestèl promé.

''Bon dia tur hende'' Skylar ta bisa alegre.

''bon dia mevrouw '' e personanan presente ta kontesta.

''Ku kiko mi por yuda yùfrou? E yònkuman di Cookie Monster ta puntra Skylar

''e personanan aki tabata tei promé ku ami. Mi ta warda trankil riba mi bùrt''

No bai numa mevrouw Consincion tur hende ta insistí.

''ay lif di boso parti, danki. Mi por a haña tres double chocolate muffins por fabor.?''

E mener di Cookie Monster ta dun'é tres Muffin I e ta tuma nan paga. Despues e ta habri porta subi trapi subi un piso bek bai den su kantor grandi na e último piso di e toren. Den su kantor e ta pensa bo sa kiko lo hasi e muffins nan aki mihó. Un tiki hot chocolate. E ta bai na e mashin di kòfi tea I chocolate I kis e option pa chukulati.

E ta pasa kue un tayo I but'é riba su misa . e ta saka un di e muffins nan I kuminsá kome ku fòrki I kuchú. E ta slice e bolo fini fini I kome. Segun e , e kaloria nan ta ménos di e manera aki. E ta purba di no susha su man nan pero tòg ki ora e topa un chocolate chip e ta kue ku man kome.

Un hende ta bati brutu na su porta I habrié drenta. Un hende hòmber ta kana drenta I bisa ''ta loko bo a bira Skylar? Nos ta serka di pèrdè hopi sèn ku e transakshon kubo a hasi aki di e kliente Thymes.''

Skylar ku ta sinta riba un rùst ta kome ta hisa su kabes wak direkshon di e hòmber I splik'é ''pa di promé sali pafó I drenta bek ku rèspèt. Trev''

Sakudiendo kabes e guy ta sali bek I bati na porta.

Ta ken Skylar ta puntra.

E guy ta pensa den su mes ta serio e ta? I e ta bisa ta Trevor.

Drenta numa Trevor

Trevor ta drenta I para dilanti e bureau di Skylar. Mevrouw Consincion ta wak e hari I bis'é '' Mener Bakhuis e no tabata dje moeilijk ey tòg.? Esei tabata number 1. Awor kiko bo ta tin di bisami?