اكتئااب

برود

معظم الناس شيفنى اتغيرت انا فعلا اتغيرت جدا مبقتش بهتم مبقتش بفرح بقتش بزعل بمعنى اصح مبقتش بحس انا بقيت عباره عن اوضه ضلمه وسرير مبقتش بختلط بالناس بقيت بحب الوحده جدا والنوم كتير الكل شايفين انى كسوله بس انا مش كسلانه انا تعبانه انا بهرب ف النوم من التفكير والوجع والظلم والنفاق بحب النوم عشان برسم فيه حلم تكون فيه بضحك بحب النوم عشان مفهوش ظلم انا الى برسم المكان والزمان الى انا عايزه اكون فيه بحبه عشان هو عالم اختيارى مافيهوش اجبار ع حاجه انت مش عايزها مبقتش بعرف  اهنى حد لا فرح ولا اواسي حد ف حزنه بيقولوا انى فاكره نفسي طفله اى يعنى لو كنت طفله حاجه مش ب ايدى انا مش بعرف اتعامل مع الناس ايوة انا بخاف زى الاطفال وحتى زعلى زى الاطفال وكمان مبعرفش اقول اى ف الفرح ولا اقول اى ف العزا ايوة انا طفله وهفضل طفله بس هو ف طفله بتكتم ف قلبها ولا بتحمل الى بتحمله انا وصلت لدرجه انى لما بتعب مبحسش بالتعب رغم وجع الحقن و المحاليل لو اتعورت مبحسش لو اتكب عليا زيت بيغلى مش بحس مبقتش بقول ف حاجه بتوجعنى ولا بقيت بعيط بقا صعب دمعتى تنزل باختصار بقيت جسم بلا روح بقيت اشبه بساره او يمكن اصعب منها انا عمرى ما حبيت الدنيا ومبفكرش احبها ولا مستنيه  منها  اى حاجه مهما يحاولوا يفرحونى مفيش حاجه عادت تفرحنى مفيش ميت بيرجع من الموت
#جثه بلا روح