(الجزء الاول من القصه التالته من اسرار المشرحه )
انا والدكتور عصام واسلام انهارده كنا شغالين على تشريح جثه للساعه ٢ بالليل وكان مهدود حيلنا وماصدقت اننا خلصنا ودخلناه التلاجه .
_يلا يا سامح عشان نروح
_يلا يااسلام عشان انا فصلت جدا
الدكتور عصام قال هيروحنا انا واسلام واحنا بصراحه ماصدقنا انه يعرض علينا كده ركبنا معاه ولما روحنا اكتشفت انى نسيت الموبايل فى المشرحه وكنت محتاجه ضرورى فطلعت وقفت تاكسى ورجعت المشرحه تانى وصلت عند باب المشرحه لقيت عم منصور وعم جابر مش موجودين على البوابه ...
طلعت فوق ادور على الموبايل على المكتب مالقيتوش دخلت المشرحه من جوه عند التلاجات برضوا مالقيتوش طلعت عالمكتب اللى فى الاوضه اللى جمب المشرحه ورنيت عليه من التليفون الارضى رنيت على التليفون صوت الرنه جاى من التلاجه اتصدمت ازاى هو هناك فتحت التلاجه اشوف الصوت جاى من انه درج لقيته جاى من الجثه اللى كنا بنشرحها انهارده قولت يبقى اكيد وقع منى واحنا بندخله فتحت الدرج عشان اجيب الموبايل اتصدمت لما لقيت الموبايل موجود لكن الجثه مش موجوده ..
.خدت الموبايل وطلعت بره اشوف فين عم سعيد وعم صالح حراس التلاجات وعم كمان عم منصور وجابر حراس المشرحه وانا نازل من فوق سمعت اصوات جايه من ناحيه الابواب اللى عند مدخل ومخرج الجثث...الصوت كان جاى من الاوضه اللى جنبها الاوضه اللى فيها ناس متكفنه وهتتسلم بكره ...
ولسوء حظى الموبايل بتاعى رن مااعرفتش اعمل ايه لقيت نفسى دخلت جوه اوضه من اللى جمب الاوضه دى ماكنتش مستوعب اللى بيحصل وايه اللى بيحصل جوه الاوضه شغلت الكشاف لقيت نفسى بين جثث متكفنه فضلت جوه اكتر من ساعه وسامع اصوات حركه بره لكن خايف اخرج وطبعا كميه الرعب اللى جوايا وانا قاعد فى اوضه ضلمه فيها اكتر من جثه حاولت ارن على أى حد او ابعت رسايل لكن الشبكه كانت واقعه ومش مجمعه خالص رددت الاذكار وشويه قرآن عشان اطمن
لكن كل حاجه اتمحت من جوايا لما لقيت كفن بيتحرك وصوت همهمه طالع من الاكفان التانيه طلعت بره الاوضه بسرعه ومابصتش حتى على الاوضه التانيه
...ركبت تاكسى وطلعت على الدكتور عصام واتصلت بأسلام وحكتلهم اللى حصل الدكتور عصام قالى اهدى واتصل بعم سعيد ورد عليه وقاله انه موجود فى المشرحه وكل حاجه تمام وسأله على عم منصور وعم جابر قاله برضوا انهم بره ....
اخدت الدكتور واسلام وطلعنا على المشرحه وفعلا لقيت الحراس بره وروحت عند التلاجات لقيت وفتحت الدرج لقيت الجثه مكانها طب ازاى .. ..
الدكتور قالى مااتنساش اننا فى المشرحه والمكان مليان بحاجات تانيه وجايز وهموك بكده ولعبوا بأعصابك شويه امال لو لقيت حد من الجثث بيكلمك بقى هتعمل ايه ...
هما بيقدروا يوهمونا بحاجات مش موجوده يلا نروح وماتبقاش ترجع المشرحه لوحدك هنا تانى بالليل روحنا وانا قولت هاخدلى اجازه يومين بعد الخضه دى..
استنوا الجزء التانى من القصه التالته من اسرار المشرحه
كومنتات كتير بقى.... لما توصلوا. ٢٠٠ لايك الجزء التانى هينزل
