احب اعرفك بالمشرحه مكان اول ماتدخله قلبك هيمتلكه الرعب ..هتحس ان الهوا نفسه اللى بتتنفسه فيها مليان دم وموت وخوف ..هتحس بأصوات كتير حواليك اصوات هتقدر تحدد مصدرها واصوات مش هتقدر تستوعب هى منين او بمعنى اصح مش هتبقى قادر تصدق انها من المصدر ده وممكن مايبقاش مجرد صوت بس ...
المشرحه مكان كبير ضخم مجرد انك تشوفه من بره الخوف بيسيطر عليك وهتحس ان الحيطان نفسها ترعب ...المشرحه ليها بابين الباب الكبير للموظفين زى دكاتره الطب الشرعى وباقى العمال والباب التانى لدخول وخروج الجثث مجرد انك تمشى فيه هتحس بحاجات حواليك ....
اول ماتدخل المشرحه من جوه هتلاقى اوضتين مفتوحين على بعض ..اول وحده فيها ٨ تلاجات كل تلاجه فيها ٦ ادراج وكل درج بياخد جثه وحده وكل جثه بيبقى ليها رقم ...والغرفه التانيه فيها دولاب الاكفان وسرير عشان الحارس وغلايه شاى ....
المشرحه شغال فيها طبعا غير الدكاتره الشيخ محمد وخمس مساعدين ليه مسؤلين عن غسل الرجاله ولو فيه جثه مجهوله بيدفنوها فى مدافن الصدقه طبعا الجثث المجهوله ليها مده محدده فى القانون وبعد كده بتندفن .وموجود كمان الشيخه فاطمه مختصه بغسل الستات وفيه عم سعيد وعم صالح حارسين للتلاجات داخل المشرحه وعم منصور وعم جابر بره المشرحه .وفيه كمان مصطفى اسلام محترفين تشريح بيساعدوا الدكتور. فى تشريح الجثث .. ...
الحوادث اللى بتمر فى المشرحه مش اى عقل يستوعبها واهم حاجه فى اللى شغال فى المشرحه انه يكون بيحس بس مش بالعايشين لا بالميتين عشان يحبوه اه ماتستغربش لازم الميت يحبك عشان تقدر تكون جمبه لانه لو كرهك المشرحه هتكون مقبرتك ...
انهارده استلمنا جثه ولد للتشريح بيقولوا وقع من الدور الرابع الدكتور عصام دخل اوضه التشريح وجهز ادواته ومسك المشرط وابتدى يشتغل فى اليوم ده كان مصطفى بس اللى معاه واسلام كان غايب الدكتور عصام هو مصطفى كانوا شغالين فى التشريح ..مصطفى لاحظ ان وش الولد بيتغير لدرجه انه حس ان الولد صاحى طبعا ماينفعش يقول انه خايف لأن ده شغله ..
_مصطفى
_نعم يادكتور
_انا حاسس انى تعبان هسيبك تكمل التشريح وهطلع انا ارتاح بره شويه
_ماشى يادكتور
مصطفى كمل فى التشريح وفجأه حاسه بهوا شديد وخبط فى التلاجه جمبه ..طلع بسرعه نده على الدكتور والشيخ محمد والمساعدين كلهم دخلوا وفتحوا التلاجه مالقيوش حاجه الشيخ محمد بص لمصطفى وضحك مصطفى بصله بخوف انت بتضحكلى ليه قاله اصلهم بيهزروا معاك قاله مين دول قالوا الضيوف مصطفى قالوا برعب شديد ضيوف مين ياشيخ محمد ..الشيخ ضحك وقاله ضيوف التلاجه لازم تحب هزارهم وتاخد عليه انت بس عشان جديد خايف لكن هتتعود بعد كده عالهزار طبعا كلهم اترعبوا .. هزار ايه مع الجثث ..
الدكتور رجع يكمل تشريح تانى مع مصطفى لانه ماينفعش يسيبه لوحده والشيخ والمساعدين طبعا خرجوا وقالوا هيرجعوا بكره يكونوا خلصوا لانهم هيفضلوا فى المشرحه طول الليل ...
مصطفى كان مرعوب من كلام الشيخ محمد الدكتور عصام كان فصل خالص قال لمصطفى انه مش قادر خلاص وهيروح وان هو بس هيقفل ونده لعم سعيد يقف معاه وروح مصطفى كان مطمن بوجود عم سعيد معاه عم سعيد دخل الاوضه اللى جمبهم يصلى العشا لانه اتأخر عنها خالص ...مصطفى سمع صوت خبط تانى فى التلاجه حاول يمسك اعصابه لكن نبضات قلبه من الرعب مسموعه صوت نفسه بيرن فى ودانه المشرحه كلها فى صمت والرعب والخوف فى الجو ...مصطفى حس ان هو مش قادر يجرى لبره او ينده على حد وبدأ يقرب من التلاجه وحده وحده وفتح باب التلاجه مره وحده ....
فضل يبص عالادراج من بره مالقاش حاجه لسه بيقفل باب التلاجه سمع الصوت من الدرج الرابع ...قرب من الدرج وشده لبره مره وحده مصطفى اتصدم من اللى شافه الولد اللى بيشرحه هو اللى فى الدرج ازاى بص وراه مره وحده وكانت الصدمه اكبر الولد المتشرح واعضائه كلها بره واقف وراه وبيبصله ويضحك ......
مصطفى صرخ بكل قوته الحقوناااى حد يلحقنى ويصرخ بشده وعاجز انه يتحرك من اللى واقف قصاده ياعم سعيد الحقنى ياعم سعيد عم سعيد دخل عنده بسرعه مالك يامصطفى فيه ايه
_شوف مين واقف ياعم سعيد
استنوا الحلقه الجايه .... تفاعل كتير بقى عشان ماازعلش الناس اللى بتقرأ فى صمت اظهروا بالذوق عيب تقروا وتخلعوا عيب ماتخلونيش اتشائم ومانزلش تانى 😂✋
