الله اكبر الله اكبر
نادي المؤذن في الجامع
قامت صابي وفي نفس الوقت قام ادهم اتوضوا وصلو ونزلوا يجرو زي كل يوم
ادهم :صباح الخير علي حبيبي
صابي : صباح النور يا امور
ادهم :امور؟؟؟؟انت يابت ايه اللي بتقوليه دا
صابي:طب خلاص يالا يا حبيبي علشان الباص جاي الساعة ٨ هنروح علي سته اغير ونروح لنينو و اجي معاك عند البيت اشوف ماما ونروح المستشفى نشوف رفان
ادهم :اوك بس مش هتلحقي كدا
صابي :لا هلحق ولا انت مش عاوز توريني حبيبتك التانية ولا ايه دانت حتي مشلتش عينك من عليها طول الحفلة امبارح بس أمورة اوي
ادهم : حبيبتي مين دي والله محببت غيرك خالص
صابي:ادهم وحياة امك بطل غباء انا بقول علي ماما
ادهم :مانا عارف وراح ماسكها من قفاها وبعدين ايه وحياة امك دي متجوز عبده موته انا
صابي :اوعي كدا بس يا شاطر انت هتهظر معايا ولا ايه شوف بقي دي اول مرة انزل ومجريش منك لله متجيش تجري معايا تاني
ادهم :اه صحيح هي ليه صحبتك بتقول علي محقق المعجزات
صابي : ههههههههه تيغا اه اصل انا كنت ومازلت بكره الرجالة مش كلهم ياعني
المهم كنا في مرة خارجين من المدرسة واربع شباب جم علينا كنا٢ثانوي ساعتها كانت صحبتنا الرابعة سمر معاناهي حاليا مسافرة إنجلترا كانت اجمل واحدة فينا شعر اصفر عيون رمادي حاجة كدا امركاني واحد منهم مسك أيدها وهي كانت خوافة جدا ولما بتلمح راجل ماشي بتلف وترجع تاني المهم بصتلي لأن انا زي ماتقول كدا البادي جارد بتاع الشلة كنت شديدة من يومي فقلت لها اضربيه فبصتلي بزهول قلتلها قولتلك اضربيه محدش هيدافع عنك غير نفسك بصت للأرض وقامت زقت ايدة وراحت سفخاه كف راح وقع في الارض الشارع كله ضحك عليه هو طبعا كان مكسوف من الموقف
اللي حصل راح قايم قال وحياة امك لا طلع بروحك انتي واللي انتي بتتحامي فيها وراح مطلع مطوة وقال ودين النبي لاعلم عليكي
روحت واقفة قدامه وقلت ابدا بيا انا بقي بس ان ضربتك هتقول انا مرة ماشي
ادهم :لحظة لحظة انتي ايه حكايتك مع (مرة)دي هي عقدة ولا ايه
صابي:ماهو علشان الرجالة دول شويه اوساخ مفكرين الست ضعيفة فاللي بيتحداني بحب اوريه أن الست احسن منه ويتعرف علي الاقل تدافع عن نفسها مش تضرب المهم راح ضاحك بستهزاء انتي ماشي بس ان ضربتك انت وهي تيجي معايا وادام الناس دي كلها
صابي ماشي اوعدك أن عرفت تضربني الم اجي معاك
فقال ماشي راح علشان يضرب سمر الاول روحت ضربته بوكس في التاني لحد ما وقع في الارض جم صحابه هجمو عليا ضربت اتنين والرابع احم امممم
ادهم : فيه ايه عملتي ايه
صابي : امم عملتله عاهة مستديمة
ادهم:نعم ازاي يعني
صابي :هو ايه اللي ازاي افهمها انت بقي المهم راح واحد من الواقفين قال والله انت ارجل منهم فرديت وقلت وارجل منك انت كمان انت لو فيك ذرة رجولة كنت دافعت عنا حتي لو بالكلام بس مش بالضرب ومش انت بس انت وكل أشباه الرجال اللي واقفين دول وراحت للراجل وقالت اقول انا مرة قال مخلاص يا ختي بقيت مرة هو انا مش هنفع لحاجة بعد كدا انا مش بس مرة انا مرة وحامل ومخلفة مرتين قبل كدا الناس في الشارع كلهم عيطو من الضحك بس علشان كدا هما كانو مسمييني في المدرسة الشاويش صابرين
ادهم : ههههههههه لا والله هههههه فعلا راجل هههههه يلا نمشي علشان تلحقي تروحي مشاويرك وانا هروح الشركة اضبط شوية حاجات وبعدين نروح لعشماوي
صابي :اوك يلا
وروحوا عند صابي ادهم سلم علي باباها
لبست وجهزت الشنطة ومشيو راحت لنيرة لاقو رعدومعتز هناك ومعاه شنطهم وشنطة نيرة
صابي : السلام عليكم متجمعين عند النبي جميعا أن شاء الله
الكل : وعليكم السلام ورحمه الله وبركاته أن شاء الله
نيرة يالا علشان نروح عند رفان وانت يا وزة تعالي معانا وادهم هيروح الشركة ورعد والحاوي وجو هيروحو المديرية يشوفوا مين معانا من الفرق التانية
الكل :تمام
وكل واحد راح وجهته
ادهم : رانيا هاتي كل الملفات اللي محتاجة توقيع علشان هسافر اسبوعين
رانيا بسهوكة :ليه كدا بس يا ادهم باشا اسبوعين كتير اوي علينا مش هنشوفك فيهم
ادهم بحدة : اتدعدلي معايا يا رانيا احسنلك وشوفي شغلك وساختك مش عليا انا ساكت بس اكراما لوالدتك المريضة
رانيا :انا اسفة يا فندم
والله مهسيبك مش كفاية كمان اتجوزت
عند البنات
نيرة : يلا يا ميزو انت مش جاي ولا ايه
معتز :لاء مش نازل هستناكم هنا
صابرين:يلا يا وزة انزل خلص
معتز بضيق مصطنع :قولت بلاش زفت دي تاني
صابي :نعم بتقول ايه
معتز:بقول يلا بينا
نيرة :جبت لورا علي طول ها
معتز:دي اشكال حد يتعصب عليها دي تبلعني
صابي:النميمة وحشه ها يلا
راحوا للدكتور المسئول شرحلهم الحاله ودلهم علي الاوضة
راحوا الاوضة لاقو ملاك نسخةمن كريم
رغم التعب بس جميلة اوي
معتز سرح فيها
صابي :ازيك يا روفا انا صابي زميلة كريم ودي نيرو صحبتي
رفان :جايين ليه
نيرة : بصراحه انا زهقت من البت اللي جنبك دي فقولت ادور علي صاحبة غيرها وولاد الحلال ربنا يسترهم دلوني عليكي
صابي :ههههههههه ندلة ها نبقي صحاب
رفان :هتستحملوني انا والله تعبت عاوزة ارجع لطبيعتي بس مش عارفه بسبب الحيوان اللي دمرني
معتز :واللي يجبلك حقك منه ترجعي لحياتك من تاني
رفان : محدش هيقدر دا جبار هو وأبوه
معتز :الجبار ربنا وبعدين انا اوعدك دلوقتي قدامهم اني اجيبهولك يطلب منك السماح
ها ديل
رفان بابتسامة رقيقة زادتها جمال : ديل
وقعدوا يتكلمو كتير
صابي :معلش بقي يا روفا احنا مطرين نمشي
وان شاء الله نجيلك تاني
رفان:اوك سلام سلام يا ميزو
معتز بتسبيل :سلام يا قمر ميزو
وجم مشيو راحوا المديرية
عند رعد والحاوي وجو
رعد: مين يا فندم اللي رايح معانا من الفرق التانية
اللوا راشد:فرقة الضباع
جو :الضباع دي تبع سامح مش كدا
اللوا ؛اه
الحاوي :ودراعه
اللوا :لا دراعه الحمد لله أن مكنش كسر كان التواء بسيط
جو : اوك يا باشا احنا ماشيين
طلعوا لاقو الكل واقف
فرقة الصقور (صقر .عبقرينو . الكينج.وميزو الحاوي .رعد .جو)
فرقة الضباع (سامح .محمود .نادر.فريد.مروان .منصور)
سامح :ازيك يا صقر
صقر تجاهلته ومشيت
سامح :ايه قلة الذوق دي انا مش بكلمك
صقر : مش بكلم حشرات يلا يا صقور على الباص
سامح :قصدك كتاكيت قائدهم مرة
جو جاه يتكلم صقر قاطعته
نو مش كتاكيت صقور ومش من الرجولة خالص انك تغلط في زمايلك ومشيت
سامح بغل:غلطاتك كترت اوي بس وحياة امك لردهالك في اعز ماتملكي
وطلعوا الباص ومشيو
البارت خلص يا رب يعجبكم اللي عاوز كمان فصل النهاردة يقول وانا اكتب كمان واحد
💮صابرين كامل الدويب 💮
