حكايتنا بدات نهار كنت ندور فالفيس ندور ندور...ااه شكون هذا الزل والله ندخل نكحل😂 دخلت لقيت سيد ماداير ني اونكوبل ني سلباتاغ كي شتو يقرا فجامعة قلت هذي هي فرصتي نبعت على نية و زهر اونكوبل نبلوكيه راح الغالي راح😂💔 سلباتاغ نكادنيه😁 و نديه😍🔥 المهم بعتلو اكسيبتا ،، بعتلي قالي شكون نتي (سمالله رحمان رحيم ناس يقولو صباح خير و ...مي معليناش😅) تعارفنا بعتلو تصاوري عجبني و عجبتوو ذاگ نهار مرقدناش حتى 4 تع صباح و حنا ساهرين 💭😈 ،، انا قلت خلاص ديتو مدامو سلباتاغ بصحتي😂 ليصونصيال رتحتلو ،، مقتلكمش قلبي بارگينغ و نوالف بلخف😂 حكيتلو ڨاع حياتي ،، يعني مام هو حسيتو رتاحلي بسك حكيتبو مشاگلي تجاوب معايا💔😌
ليصونصيال لا علينا ماما استاذة فرنسية فالسيام و بابا يخدم فسونالغاز،، عشت عند جداتي يعني هي مربيتني بالمختصر ماما كي وليت 6سنين داوني دارنا عندهم ني نقرا عندهم ،، مي فليفاكونصص نهبط عند جداتي ،، ليصونصيال نولو لموضوعنا جليل فاتو شهور و نا نهدر معاه حبيتو تقدرو تقولو عشقتو😍💍،، انا نغير مليار هو يحب يغيرني ،، يهبلني كون منطلعلوش لاطونصيون نهاري ميفوتش😂😍 مي نحبو و يحبني ، الووغ جات السمانة تاع الباك هو كان متفهمني منهدروش بزاف باش نحفظ و صبر معايا فوت الباگ تاعي و ضامنة نجيبو ،، اليوم الموعود هذاك نهار كنا رايحين لوهرن وجدت صوالحي ،، لبست و قلعنا وصلنا جوايه 11 و نتائج على زوج اكو تعرفو ستراس بزااف و خايفة ملاموايان و جليل كان فگتافي يكالمي فيا متخافيش تجييبيه و تفرحي الوغ تفاهمت نتلاقا انا وياه قبل لاموايان ،، قولبت ماما 😂😈 خرجت مع بنت عمي تقدرو تقولو ختي حفصة،، انا حشامةة ملياار شفتو حبست قعدت نشوف فيه و هو يضحكك عليا وليت حمرة طوماطيش😂💔 ،، بنت عمي مين شافتو عجبها و تشتعل نار الغيرة في قلبي مكان ني حشمة ني والو رحت حكمتو من يدو قتلها بب مبعدا نتلاقاو فبلاصة فلانية 😂🔥 هي شنفت و راحت و نا قاعدة نتمعشق معاه ،، ياا يماا تفكرت ليغيزيلتااا البااك اجري جلييل ادخل لسييت ،، درت رقم تسجيل و مدبااص نسنا نسنا اكو تعرفو ظغط على السييت اونفاان غيزيلتا😱💔 جلييل قعد مطلع تلفون و مع انا قصيرة مقدرتش نوصل و نعيط عليه كي مهبولة خليني نشوف خليني و هو يقولي مجبتيهش صاي مجبتيهشش انا تم خلاص قريب تغاشيت ،،💔 حكمني عنڨني ڨالي عمري ديتيه ب 16 يا يمااا فرحة لا توصففف مي قرصتوو حتى شبعت على الخلعة ليدارهالي😂💔 اوو تلفون غير يصوني ماما. بابا ولاد عمي بنات عمي عماتي عمومي ڨااع يسناو لغيزيلتتاا تاعي مالفرحة رفدرتش عنقت جليل و قعدت و تاس يشوفو مخلوعين( انا مجونغ لي معلاباليش بناس نهار نكون فرحانة😂😅) اييه ليصونصيال قعدت معاه ڨصرنا فرحنا كيفكيف اونفان راح نطلع لافاگ و هو يوصي فيا 😂😒 تقول ني طالعة كاباري ولا ني نبيع فمخدرات المهم لا عليناا ،، و انا فرحانة هكاك حتى نسمع وحدة تعيط لجليل درت .... يتبع
