المهم انا درت و نلقا وحد الطفلة النعري كثر مالمغطي واقفة مع بنت عمي حفصة ،، درت لجليل بنظرة تع شكون هاذي يا وسمك😒🔥 هو كيشافها لاكولاغ تو وجهو تبدلت اووو شكون هاذي ،، قتلها واش مراناش نبانو وقيل ،، راني طرونصبارون 😌🔥 شكون هاءي جليل!!! هو ساكت و يشوف فيا و انا تم وين زادت شعلت فيا نار قتلها واش تسحقي عند جليل! قاتلي الهدرة معاه مشي معاك ،، شفت فجليل تع هاذي تهدر معايا هكا قتلها نعاود نسقسيك دوزيام فوا و ديري مليح و حاوبي (شكوون نتي)😌🔥 قاتلي سقسي الخداع لي معاگ يقلك ،قتلو صار هكا يا جليل تخدع فيا و تقولي عندي غير نتي و نحبك ربي وكيلك و مزالك ساكت شديت بنت عمي من يدها و جبدتها قتلها هاذي شكون ! و النظرة تاعك لجليل مقبيل عرفت كاينا حاجة قاتلي انا سقساتني معامن راه جليل جبتها دبرو راسكم هذيگ اللحظة حسيت دنيا دارت بيا قتلو اوك ني رايحة و متعرفني منعرفك تما ناض راح ليها قالها لاراكي باغيا ديريلي ليبروبلام غير مكالاه غير ميرة مغاديش نخليها و علبالي مغادي تأمنگ بسك دايرة فيا كونفيونص و بيناتنا وعد بلي واحد ميفرق بيناتنا و نتي مالباسي حبستو قتلها و انا لافونيغ تما شعوور لا يوصصف يا محاينك😂😍🔥 نار الغيرة شاعلة فيا قتلها على هاذ الهدرة منحوسش نعرف مامبا شكون نتي ،، و جليل صوالحي دوري بيه نمحيك مدنيا🔪🔥 كلش كلش غير صوالح ميرة ،، هي نخلعت كي سمعاتو يهدر هكاك و قاتلو هاذي لي بدلتني بيها قتلها وي انا يا العريانة روحي ستري روحك لي يجي يطمع فيگ مشي صح كي تبيني لاطاي تاعك صح كي تكوني بنت فاميليا و مدام خرجتي هكا من داركم منضنش فداركم كاين رجال سكتت ملقاتش وشتهدر قتلها اهدري اهدري مشي قتيلي الهدرة معاه مشي معاك ،، شتي اسم جليل انسايه نحيه من بالك هو فرحح بسك يحب وحدة تغير عليه و انا ني نغلي جاه ضحكك😒😂💔،،درت عليه قتلو زيد نتا زيد حسابك ابخي شنفف رحت عنقتو و شديتو من يدو قتلها شتي هاذ الخاتم لي فيدي ميتنحاش حتى يجي خاتم الحلال مكتوب على اسم جليل ،، هبطت راسها و راحت ،، جليل قعد يشوف فيا مخلوع بسك جامي شافني منارفيا و حمرة كيما هذاك نهار😂🔥درت ليه قتلو خلاص ريحت ضك و بالاك تجبدلي علهاذ الموضوع مرة وحدخرة😒 قالي مالموك بلعي عليا صاي علبالك نبغيك غي نتي و ليوم نهار فرحح ليگ ، يحااي ماما راهي تعيط علاه لعجوز لقطة رومنسية😒😂💔
- وااش يا الهجالة😠🔥 هذاوين ترفديي علياا ليصونصيال ابيك او جاي يديك من عند صحبتك
- صحبتييي!!( اااه نسييت قتلها ني رايحة عند ريهام صحبتي عندي بزاف مشتهاش😅😂) اييه اييه قوليلو
ياااا جليل باباااا او جاي يديني مع عند ريهاام و انا راني معااك 😱 باي باي حوبي نموت عليك قالي متمديليش بيزو قتلو كي ينور الملح😂💔 قالي تفو ڨاع مشي تاع دراما صحا خفي جري ،، فوتي نتيي حفصة عندي هدرة شابة معاك فدار ليوم نسهر معاك😒😂🔥 يتبع...
