البارت الثالث
حلال محرم
دنيا خيون
حيدر:وصلت البيت جدي ابو امي بدياله فرحو بيه خوالي
وبيبيتي خطيه انقهر عليها لان متبطل بجي تكول
بيك ريحت بنتي جدي متوفي وهم عدهم خير من الله
بساتين وحلال اشيوخ وديوانيتهم جبيره وخطارهم
ميبطل وخالي الجبير من مات جدي سلموه الشيخه
المهم كلهم يحبوني ويدللوني ومن يسمعن خالاتي
اجي كلهن يجن مع هذا كله بس اني ماجيهم هواي
جنت صغير بس بعد كبرت وكلت ماكطع بيهم بعد
دائما اتواصل وياهم اخذتني الصفنه واني افكر
الجده:اي يبعد كلبي ليش تكطع بيه متسئل عليه وتعرف
انه شكد احبك
حيدر:بيبي عذريني بس جنت ملتهي بهل دراسه بس بعد
صدكيني كل مده اجي اشوفج
الجده:تعال يبعد جدتك تعال هنا بحضني حط راسك اريد
اشبع منك يعزيز كلبي
حيدر:رحت تمددت يمها والله استحيت اني نايم وهيه تلعب
بشعري وتسولف عليه نسيت اكلكم بيبيتي وجدي اصلهم
من العماره بس جدي زعل على اخوته وعافهم واجه عاش
بدياله فلهذا حجيهم عمارجي تغدينه وخطار وسولف
الوقت عدهم يمشي سريع لان ولد هواي وملتهي وياهم
بس كلبي معصور عصر من حجايت ماسه
مره اكول طفله ومتقصد وهذا الكلب حشه عقلهه
ومن اذكر تعبي وياها عمري خلصته بس لها
اموت من القهر
علي ابن خال حيدر:ها يخويه اشوفك هواي صفن شنو عاشك
كلي منو المخذ عقلك وكلبك
حيدر:ضحكت ههههههههه. يمعود وين راح بالك اني ماحب
هل سوالف الحب
علي:ليش اكو احله من الحب وجريت حصره ااااااااااااااااه
حيدر:خير شبيك جنك انته العشك
علي: حيدر اني احب بت جيرانه
بس ابوي مايقبل لان مسيحيه
حيدر:وهيه تحبك
علي:اي تحبني
حيدر:والله سالفتك معقده زين واهلها يطوها اذا ابوك قبل
علي:يمعود اخوانهه واني جم مره هدو عليه يدرون اريدها
وخطبتها وحدي رحت وحاجيت ابوها. وطردني
وهيه تحبني بس مابيدنه شي حيدر ليش هيج
ترى ربك خلقنه كلنه من طين ليش هيج اهلنه يصرفون
والكلب من يهوها مو بكيفي بعد هو اشر على كلبه وكال هذا يعني اختارها
حيدر:ماعرف شاكلك خالي دره خطبت من وراه
علي:هههههههههه هم يضحك وهم يبجي والله لوشوف من اجه
ابو البنيه وكل لابوي ابنك خطب بنتي وانته شيخ
وتعرف بلا صول ماريد مشاكل ابعد ابنك منه
لان ماضملك ولدي
وابوي صار وجهه اصفر وهد عليه وتشوف خالك نازع
اعكله ويريد يضربني ههههههه يكول معرفت اربيك
وعمامي كاضي وشهر مادخل لمضيفه بعدين وصاطات
ودوخه يله خلاني ادخل للبيت جنت مشرد
أنت تقرأ
حلال محرم
General Fictionماعرف شلون وشوكت من لكيت نفسي واكع بحبج بس شيقنهم حرمو عليه حلال الله متصيرين الغيري اموتج بايدي احسن« يربي باوع لحالي ونته تعرف اني ربيتهه واني اوله بيها
