حلال محرم

(5)حلال محرم

البارت الخامس

الام: ماسه امي اريد تحجين الصدك انتي تربيتي واعرفج
بس اريد اسمع منج هذي المره عرفتي جايه تخطبج لابنها
لضحكين ولج امي الولد هم محاجيج او شايفته

ماسه:ماماااااا شنو شبيج وين محجيته بس هوه

الام:اي شبي هوه

ماسه:هواي شايفته يوكف يم بابهم او مرات الاكي بلطريق

الام:اي وبعد زين انتي شعرفج هو هذا نفسه لاحجي عليه

ماسه:اهو شبيج ماما لزمتني تحقيق من اجت المره وندك الباب
باوعت من الشباك وشفته
اكول ماما عود صدك هذا الحلو مباوع علي
والله وطلعت حلوه واني ما ادري
وساحله هل شخصيه ورايه ههههههه

الام:ولج ماسه عيب شهل حجي متستحين

ماسه:شنو ماما اشقه وياج عليمن استحي باعي البنات
خطيه ساحلات نفسهن عليه سحل والله وهو ما معبرهن
والله لويدرن طلع ساحل نفسه عليه يموتن

الام:ماسه شنو هل حجي عيب انتي بعدج صغيره
دراستج اهم الموضوع منتهي

ماسه:لا لا حرام عليكم خطيه تكسرون كلب هيج واحد
حليوه هههههههههههه

الام:ماسه والله لما اعرف شقاج جان عرفت شاصرف
وياج

ماسه:عمي هو انتم حتى الرزق تكطعوه. اخ اخ شبيج
تكرصين والله اشاقه ههههههه بس» غير الصدك
ينكال خطيه الولد داك بابكم ومحترمكم
وتالي هيج جازوه

الام:ماسه اكوم اطلع احسنلي لا ارتكب بيج جريمه
وعيب استحي منا ابوج واخوج

ماسه:استحي شنو قابل اني خاطبته
عمي و اجه خطبني هههههههه

الام:استغفر الله اكوم اطلع احسلي تخبلت البنيه

ماسه:ما عرف مراهقه عمري14 فرحت هذا الحلو خطبني
اني اعرف اهلي ميزوجوني بس تمنيت يقبلون خايبات
غير ماشايفاته وتحجن المهم كلت خليني اسوي نفسي
مستحيه واكعد اليوم بغرفتي وهم ارتاح من الصخره
اضرب عصفورين بحجر

حيدر:قبل لا امي تطلع طبيت لغرفتي بس نار وشابه بيه
اكب وانطفي وهاي عاجبه وحلو وتتمضحك فرحانه
ماسه شوكت كبرتي ولج شوكت ذاك اليوم متنامين له
بحضني وتبجين له على صدري هس عاجبج هذا
حيدر اصحه ماسه عمرهه متشوفك
لان تشوفك اخوها اخ لزمت كلبي يوجعني ليش هيج
حبيتهه من دون هل بنات ليش هيه بلذات
شلون اخليها تحبني واذا اخليها او اي تصرف اخاف تكرهني
يارب يارب الحل منك
من هل يوم بده معاناتي وي هلبنيه

الاب: ام حيدر البنيه صغيره واني شعندي بس هيه
ازوجهه من وكت شبيه تخبلت
هو الولد وعائلته ذهب بس ماكدر بعدها صغيره

ماسه:اف شبيهم والله نقهرت تمنيت ابويه يقبل
خطيه هس الحلو يضوج
بقيت ضايجه وغنتبه ليوم كله