هيام الشيخ

البارت الرابع

هيام الشيخ 💕

..وفاتو جوه ضليت بلمطبخ صارت ب 1 ونص رحت على عمه أم حسن (أم سجى وأمير حسن عمره 24 وامير 19 وسجى 15

هيام. خاله ودينه للسوك لعصريه نشتري ملابس للعيد

أم حسن. عاد امج تروح لو لا

هيام. هسه اروح اسئلهة

أم حسن. حتلو امج متروح عود تحظرن حته نروح كولي للبنيات خطيه هم يردن يشترن للعيد

هيام يي خاله فدوه بعينج هسه اروحلهن

هيام. رحت لأمي كتلهة تكول خاله أم حسن تحين كالت لا رجلي توجعني روحن بس نتن كتلهة خوش

صعدت فوك لكيت سجى ومروه وهدى كاعدات بلغرفه يكركرن ويسولفن

هيام. احم احم

سجى. هلا بلعرمه تعاي ضايجن سولفينه شصاير مصاير مختفيه

هيام. والله ني مختفيه هياتني موجوده اله نتم الي مختفين

مروه.  كدامك عيني موجودين

هدى. بس اسكتن  منو اجه

هيام. جتي عمتج لعود

سجى. دهر صابج صمي حليكج لاتروح تسمعج

هيام. ختسمعني بايكه ناهبه اشو كاعده ولاضارتهة ولاضارتني

مروه. يمه يمه لعرمه تعاي كعدي خنسولف

هيام. لا مااكعد جايبتلجن  بشاره اله بآلف

هدى. من هسه مفلسين ولادينار عدنه

هيام.ونتن شوكت صار عدجن فلوس نهر كله تعون ماعدنه فلوس فكيرات طاحضجن من يووم يومجن

كرميدات عبالي  اونسجن واشتريلجن

مروه. ماطول بيهة طلعه يلا لكل تورق شكد تردين

هيام وحاطه ايدي ع بطني ومغمضه عيني واحجي بثقة.  من كل وحده أريد 2000 دينار

سجى.مروتج يمعوده عبالنه ربع شي حته ربع يمكن ماعدنه

هيام. والله بعد هايه مشكلتجن كل وحده 2000 والي  متنطي مااكلهة

هدى. ني عندي الف ونص يمكن مدحوسه بلجنطه مال مدرسه

مروه .ني هسه اروح أخذ من جده

سجى. ني هم أخذ من جده

هيام. يلا عيني الله يزيد ويبارك

هيام. راحن جابن لفلوس ونطنياهن حطيتهن بلردن مال دشداشه

هيام. خاله أم حسن تكول بدلن حته اخذجن للسوك تشترن ملابس عيد ها وتره ني حطيت ايدي بلموضوع

يعني ني كتلهة. .....وكمزن عليه يحبحبن بيه وفلتت منهن رحت بدلت ونزلنه جوه كليتنه مبدلات