هيام الشيخ

البارت الخامس

عمري نتو يروح فدوه لكلبكم اشكر كل وحده بس اني مو سادس هههه ليوم خلصت امتحانات فدوه لعمركم بوسه إسلاميه لكل وحده دعتلي هههه

هيام.عاد رحت للجهال ودزيتهم يشترولي رحت اسولف ويه لبنات وكلساع خطار طابين خطار طالعين

وانضف منا ويوصخون منا خلص اول يوم لعيد ثاني يوم العيد

هيام. كعدت صبح رحت سبحت وطلعت ولبست ملابس لعيد ونزلت شفت بنات عماتي جايات ولدنيه محروكه رحت تريكت ورحت بلصاله يم نسوان شفت لبنات كاعدات رحت يمهم نطيت ضهري للنسوان واسولف وياهن

سجى. خايبه هاي لمره منيه شمالهة تباوع

مروه. عليمن تباوع

سجى. أندري خايبه

هدى. ولجن هاي صديقه عمه سحر مرت عمو محيسن

.طبعا عمي محيسن عنده أربع بنات كبار وولد واحد جعفر وماكلات رأسه أكل خطيه عامياته بلسحوره

هيام. درت وجهي لكيت حجيه يطلع عمرهة تقريبا ب45 درت وجهي علبنات وكتلهن عوفنهة خنكمل سوالف سمعت صوت حجيه صح خاله نداريت لكيتهة هيه باوعتلهة بعلامت استفهام وكتلهة اني كالت ايي رحتلهة

أم منير. هلا خاله تعاي كعدي

هيام. هلا خاله تفضلي

أم منير. خايبه نتي بت منو

هيام. إنه حفيدة شيخ مجبل بت قاسم

أم منير. ونعم منج يمه اكول نتي شكد عمرج

هيام. عمري 14

أم منير. ياع خايبه جسمج مال وحده عمرهة 16 15

هيام. يي خاله احنه هاي طبيعته

أم منير. خاله ماتصيحيلي امج

هيام. خوش. ....ورحت على امي

هيام. يمه اكو مريه تريدج

أم حسين. شتريد

هيام. أندري ضليت تسألني كلت نتي بت منو وشكد عمرج

أم حسين. ياع خلي اشوفهة منو

هيام. وأخذت امي للمريه وسلمت عليهة

أم منير. شونج عيوني

أم حسين. الله يسلمج كولي خيه بشنو محتاجتني

أم منير. والله ياخيه شفت هاي بنيتج الله يستر عليهة كلت بلكي تنطوهة لبني أحمد

هيام ضحكت ضحكه بحيث لكل نتبه وأمي بساع دغتني كلت بكلبي بنت شيوخ ياهو ليرضا ينطيني لبنج

أم حسين. والله ياخيه انه نشالله أكل لبوهة ونشوف الي الله كاتبلنياه

أم منير. فدوه لكلبج عيوني هذا رقم تلفوني

هيام. طبعا ممهتمه للموضوع لأن اعرف انو ابويه مينطيني ولا جدو رحت بساع لسجى طبعا سجى أقرب وحده الي رحتلهة