الموروث الشعبي

ندعي

ندعي في رمضان الجاي.....
الفرحه عالزعلان اتهل
ويبرا كل مريض افراش......
ويجمع شمل الناس الكل
ومن فاقد شي ايلاقيه......
ومن شايل جرح ايداويه
ومن مظلوم وضاقت بيه......
أبواب الخير عليه اتحل
ندعي ياربي ياعالي.......
صيام جديد وكله فرحه
وما يبكي في الدنيا والي......
واداوي العين المنجرحه
واتشيل مواجع بكتنا......
وتمسح مالماقي دمعتنا
واتباعد منه حيرتنا.......
وتهدي من عن دينك ظل
ندعي ياربي القيوم......
ادعايا يوصل يامولاي
بعد جرح ولوعه وهموم......
ايعم الخير الشهر الجاي
وخيرك عالجمله يملانا......
ونورك يضوي فوق سمانا
وكتابك مايغيب معانا.......
اي صبرنا لو صار زعل
ندعي ياربي المتين.......
ادعا مظلوم ابكا مقهور
اتفرح كل الليبين.......
وتجبر خاطرنا المكسور
ومن شايل لوعه في قلبه.......
تاخذ بيده اتنور دربه
ومن صبره هالوقت كمل......
وندعيلم تبقى في قربه

منقوول