طريــــق - احـلام

الرابع والعشرون

#طريق احلام
#الكاتبه جوري

عندما تفشل... وتنزل الدموع..اما ان تتحول لنا الئ شموع... لتضيء لنا طريق المستقبل.. ونتعلم من إخطائنا

او ان تغرقنا هاذه الدموع في بحر اليائس لتدمرنا

وبعد 5سنوات........
بعد 5سنوات من الالم والوجع والحزن والوحده والفقدان...
هاذه السنين قوتني اكثر من قبل...صنعت مني انسانه ثانيه من انسانه يائسه فاقده الامل

الئ انسانه  متفائله تحب الحياه...من انسانه ضعيفه محطمه وحيده الئ انسانه قويه مواجهه...

الايام....تقوي... الايام تنسي..تنسي الضعف الحزن الوحده الالم المعانه ..تنسي كل شي سيء ...وتمحيه من الذاكره.

لا تتوقع تبقئ كما انت... لابد يأتي اليوم الذي تصنع منك هاذه الايام المريره انسان اخر...

احلام ..تخرجت من كليه الطب وطلعت الاولئ ع كل كليتنه...وبهاذه الوقت مصطفئ...ماشفته من يوم الحادثه الي طلعت بيها من بيتهم مذلوله حايره....ودموع ماليه عيوني...ماعاد شفته

سمعت انو انتقل الئ كليه اخره...
وحتئ البنات ماعاد شفتهم..ولا اي احد من طرفه حتئ ايات وعلي ماعرف عنهم اي شي..
واني من بعد ماطلعت من بيت مصطفئ..رحت الحيدر ...وهوه ساعدني
وماقصر وياي..اجرنا بيت  وكعدنه بيه اني واهلي ...

وحيدر مقصر وياي طول هاي الفترئ وكف وياي ويه اهلي..واجار البيت الي تركه الي مصطفئ هوه الي ساعدني  اهوايه
واني شتغلت خياطه..لان اني اعرف اخيط وكدرت اصرف ع البيت وجهال وبعد ما تخرجت فتحت عياده
وداوم بالمستشفئ...

صحيح زاد عليه التعب والتحمل عائله وشغل وجهال...
بس اني قويه كدرت اوفاق بين شغلي واهلي وجهالي
وبعده رجع اخويه ياسر بعد ماكمل دراسته وساعدني  بمصرف البيت وبهلي

فراق وعمار كبروا..وصار عمرهم 9سنين
وضلو يفتهمون شنو يدور حولهم.. وفراق حجبتها

واني طيله هاي سنين شرحتلهم شنو صار وياي..
وشرحتلهم قصه حياتي وحياه ابوهم.. وعائلته
وكل شخص شنو بيه مواصفاته وشكله ...وكلشي عرفو...حتئ صوره ابوهم واريتها الهم...

لان مااريد لمن يكبرون يكرهوني ويحملوني الذنب..... بأن خليتهم بدون اب

فراق..ماتشبهني صحيح نفس الملامح
عيونها واسعات مثل اعيوني

وخشمها طويل مثل خشمي وعدها خديدات مثلي..
بس تصرفاتها وسلوبها غير عني تضحك اهويه...وبدون سبب
وتكركر من الضحك

وتحشش ع اي شي ع اي تصرف  وحتئ مرات انحرج منها
لمن اروح بمكان او ازور احد تضحك بدون اي اسبب

..لدرجه اذا بجئ احد هي تضحك
بهاذه شي هي ماتشبهني اني شخصيتي جاده. ...
جائز تشبه عماتها  شخصيتهم حيل عفويه بس هي اكثر منهم بعد..
                                  الكاتبه جوري