مساء الخير ع اجمل متابعين اخر بارتين دمجتهن سويه اتمنى لكم قراءه ممتعه
البارت 26
🍀🍀 انكسار فتاة بريئه 🍀🍀
🍀🍀 للكاتبه رونق 🍀🍀
صارت كبالي بعد مااعرف شاحجي
سلمت عليها وردت السلام
وهي طلعت باللحضه
ضربت نرمين كتلها
ليش مكتيلي جايه وياهم لو هم خبيثه
والله اتفاجأت مثلك ماادري جايه
بس بابا طالب منها تجي وهي جايه لخاطر بابا
ليش ماشرتيلي جان ماحجيت
مجان بالي يمكم ابد
سويتي الريوك لو بعدج
لا ميردون ريوك ماكلين بالطريق
بس جاي هاك اخذه
وانطيني لملاك لو عصير لو ببسي لان متحب الجاي
لو اكلج انطيني عصير افضل
سوتلي عصير فرش الها
خليت بي ملح وكثرته الي قصد بي
اخذت الجاي وجنت حيل فرحان
رحت يمهم وقدمتلهم وانطيتها عصير
عينها بالكاع كاعده بصف ابويه
اني عيني عليها ابد منزلتها
سالها ابويه ع دوامها وشوكت تخلص
وهي تجاوب ع عكد السؤال
شربت العصير وجان تغص
الكول انخبص كالتلهم ماكو شي
عينها عليه وتحجي
العصير شويه حلو زايد وغصيت
اني كمت اضحك بدون صوت
وره شويه راحت يم حنين
اني بقيت يم اهلي بس كلبي كله يمها
بقن جوه وراحت امي وخاله وياهن
بعدها راحت وي نرمين تجهز بالغده
كل شويه ادخل يمهن بحجه
اخر شي اشرت لنرمين تطلع
بقينه بوحدنا
حجيت وياها
اي ملاك شلوج شخبارج
تمام الحمد لله
شخبارج بالجامعه
ماشيه اموري
بالدراسه شلونج تعانين لو زينه
لا زينه الحمد لله
شعجب اجيتي
لان خبيثه فكرت اجي
طبعا اسف والله مجان قصدي والله
أنت تقرأ
انكسار فتاة بريئه
Mistério / Suspenseالقصه تتحدث عن فتاة تنجبر ان تتزوج ابن عمها وهي تحب شخص اخر ابن خالتها لكن هل ياترى راح يستسلم حبيبها ويتركها تتزوج دون مشاكل ام راح تكون هناك مفاجأت بالانتظار
