صرخات قلبي ( يقيني بالله يقيني)

عايز تحب صلاتك؟❤🙃

               لا تشتكي من الأيام فليس لها                    -    بديل    -

ولا تبكي علي الدنيا ما دام آخرها
-    الرحيل   -

وأجعل ثقتك بالله دومًا فليس لها
   -    مثيل    -

وتوكل علي الله فإنه علي كل شئ
  -   وكيل   -  

واشغل حياتك بذكره تجد كل ما فيها
-   جميل   -  

وأكثر من استغفاره فإنه للهم والكرب
   -     يزيل    -  
--------------------------------------------------------

كلنا بيجي علينا اوقات بنحس ان الصلاة تأديه واجب وخلاص😔 .. حاجه كدا بنعملها كإنها روتين ..
أحيانًا لدرجه اننا بنبقي حاسين بخنقه( استغفر الله) واحنا رايحين نصلي 💔
حتي انا حصل معايا كل دا 😭
علشان كدا ان شاء الله هنعمل سوا حاجات تساعدنا نحب صلاتنا .. (مش هقول خطوات لان كدا كإننا بنعمل حاجه روتينيه دنيويه)

-------------------------------------------------------------
بص امشي بمبدأ إن الصلاه دي مش حاجه روتينيه  انت مجبر عليها ...
لأ خالص علي فكره!!  خليها في عقلك وقلبك سوا علي طول
" أنا رايح أقعد شوية مع ربنا ..  أقعد معاه خمس دقائق ... كتير عليه😐 ؟؟ كتير علي إل خلقك😑 ؟؟ إل أعطاك كل حاجه ؟؟ " ❤
إستعد للصلاه كإنك رايح تقابل حد بتحبه 🙃...
روح وانت متلهف أووووووووي .....
إل يسألك انت رايح فين ؟  قوله ( رايح أقعد مع ربنا شويه)
خليه إحساس جواك ...
أول ما ترفع إيدك ...
وتقول الله أكبر ....
إبتسم إبتسامه متلهف بيقابل حد بيحبه☺ ... قول الله أكبر ... وجواك صوت " أتيت إليك يا حبيبي خمس دقائق لأنك واحشني😍 "
علي فكره مش جنان إنك تحكي مع ربنا " انت لو قدرت تحكي معاه 24 ساعه في 24 ساعه في اليوم اعمل/ ي كدا ...
طول ما انت ماشي ،،، قاعد ،،، بتعمل أي حاجه - احكي مع ربنا -  قوله يا رب " أنا هعمل كذا وكذا ، لو فيها خير يسرها وقربها ليا ، ولو فيها شر ابعدني واصرفني عنها " قوله أنا النهارده هروح ل.... وهعمل... احكي معاه كإنه صاحبك إل بتحكيله عن كل حاجه ، هو في صاحب أفضل من ربنا !!!
هو الصاحب الوحيد إل دائمًا هيسمعك في كل ظروفك .. أبدًا أبدًا بحياتك ما هيقولك في مره أنا مشغول ... أنا مضايق ... لأ هو هيسمعلك طول الوقت ، وهو الوحيد إل هيساعدك ويرشدك للصواب ...
دائمًا احكي معاه في أي حاجه .. احكي معاه جواك...
تبقي علاقه خاصه بينك وبين ربنا..
صدقوني !! وقتها هتلاقي" كل حاجه أصبحت أجمل وأحسن وهتلاقي شعور بإرتياح كبييييييييييير أوي كل أمورك متيسرة " ده إل خلقك ...
دا أقرب حد ليك ، حتي من أبوك وأمك !!!
أول ما تبدأ الصلاه (أحلي حاجه في الكون😍)
إقرأ كل كلمه بالراحه أوووي " الحمد لله رب العالمين "
فحبيبك إل خلقك يرد عليكي يقولك ( "حمدني عبدي - عبدي شكرني وعرف إن النعمه إل معاه من عندي وبسببي ... اتفضل يا عبدي نعم كمان ''الله'' )
وتكمل .....
" الرحمن الرحيم"
حبيبك يرد يقول( " شهد لي عبدي أني رحمن رحيم ... اتفضل يا عبدي من رحمتي كمان " )
وإسمع ربك بيرد عليك فتبتسم وتكمل ...
" مالك يوم الدين " 
ربنا بيتباهي بيك قدام الملائكه ويقول (" عبدي شهد أني مالك يوم الدين - خففوا عنه في يوم الحساب   " حسابه" - يا حبيبي يا الله😍- ")
وتكمل"إياك نعبد وإياك نستعين "
يرد ربنا " صدق عبدي.. عبدي صادق ، هو يعبدني .. اتفضل يا عبدي حسنات ... وبيستعين بيا ... أنا معاك يا عبدي ... )
فتبتسم أكتر وتيجي لأخر جزء " إهدنا الصراط المستقيم "        فحبيبك يرد " بس كدا يا عبدي !! عبدي طلب مني طلب ، وله ما طلب ... الصراط المستقيم دا إل هتمشي عليه يوم القيامه كلما كان مستقيم كان وصولك للجنه أسهل فتخيل ربنا-  بعزته وجلاله - يرد يقولك ' حاضر يا عبدي لك ما طلبت' )
((:إقرأها بالراحه ... إسمع صوت بيهمس جواك:))
بعدين في مرحله الاعتدال من الركوع لما بتقول ((( سمع الله لمن حمده))) إحمده بطريقتك قوله((( يا رب لك الحمد ولك الشكر كما ينبغي لجلال وجهك وعظيم سلطانك ... شكرا يا رب علي كل النعم إل إتكرمت عليا بيهم ومديهالي )))
احكي معاه بطريقتك دا ربك !!!
وقت السجود ... الله 😍 لما تهمس في بطن الارض فيسمعك من في السموات ... قوله ( أنا بحبك) ، قوله ( خليك معايا في المحنه...) ، قوله ( أنا محتار ساعدني .. ارشدني ..) ، قوله ( أنا عايز أقولك علي حاجه وفضفضله ❤ .. مع إنه عارفها .. لكن هو بيحب يسمعها منك .. بيفرح انك بتفضله علي غيره "" ودا اصلا المفروض لانه هو الواحد الاحد - الاعظم الاحن ازاي تقارنه بحد غيره ''' لأنه هو إل هيساعدك مش صاحبك إل ممكن يسمعك ويقولك معلش - لا ربنا هيسمعك من غير ما ينتقدك ورده عليك هيكون المساعده إجابه سؤالك وطلبك مساعدته ... ودي مش هتكون أي مساعده.. دي مساعده من الرحمن)  ومش شرط تحكي معاه بالفصحي - أيوا والله احكي مع ربنا بالعاميه " قوله بص يا رب عايز احكيلك
حاجه وقوله عليها ... انا حصل معايا موقف ...)                                                        .. ولما نقوم من السجود في المره الاولي قول (( اللهم اغفر لي ثلاث مرات)) ثم اسجد مرة أخري ...
مفيش أحن من ربنا عليك - قرب منه مش هتلاقي غير كل حاجه حلوه بتحصلك..
أفضل صحبه .. هي الصحبه مع الله...
لأنها بتكون صحبه حقيقيه غير قائمه علي منفعه علي عكس أكثر الصداقات معظمها الهدف منها المنفعه وغرض محدد واذا انتهت !!!
انتهت تلك الصداقه ...
تلك الصحبه لن تنفعك - لن تقربك من الله أبدًا لأنها لم تقم علي حب الله من الأساس (( ليست صداقه وأخوه خالصه لله))..
# الجنه# غايه # غايتنا#
#رضا #الله #غايه # غايتنا # هدفنا#  الأسمي#
....
أسفه طولت عليكوا لكن مش ينفع غير كله سوا😊
اترككم في رعايه الله .. جاهدوا لغرض يستحق.. للجنه ورضا الله❤🙃