فصلوها للعشك

تكملة بارت السابع

مساء العافيه 🌹

بقلم اماسي الليل 🌹

موتنسون التصويت 🌟والتعليق 💬

يله نبلش 👇👇👇

كالت شيخ الحجيه اصيحك

كتله ماشي جاي

نزلت ورحت للحجيه

كالت يمه اني اشوفك عينك على ورد وادري بعمك مطيك وحده من بناته اذا هاي كله لعمك ما اريد حتى تروح لقسمتها وانت ورد مريتك اذا تريد اخليه تحول لغرفتك ..

كتلها لا يمه خلي شويه تتعود عليه واذا الله راد يصير خير. كالت بكيفك

عفتها وصعدت فكرت بحجي امي اي صح ورد مرتي ويحقلي اتقربلها بس ما اريد اضغط عليها واني منطيها حجايه

..شلون ؟؟؟

اعوفه على الله هو يحله ....

#اماسي_الليل

ورد...مشت الايام وفيصل من يدخل كلبي يرف عليه وهو عيونه تلحكني بكل مكان قرب الدوام وحضرنه نفسنه وفيصل خله السايق مال الشركه يودي ويجيب بينه ورحنه اني وريم عالم جديد ومختلف ولد وبنات واصدقاء كلشي جديد اني اجتماعيه بساع اتعود على المكان وريم بعد اكثر مني .

بس بقينه ثنينه بعيدين عن الولد والكروبات وداومنه فتره وره نص السنه اجتي بنيه علينه واحنه بالكليه وفاتحتني بموضوع كلتلي اكو ولد رايدج بالحلال ويريد يخطبج ومعجب بيج كلش واطتني مواصفاته ردت اكوله اني مزوجه كتله بس اني......

جان تكول لا تردين هسه

وكامت ريم بقت تضحك وينك ياشيخ الشباب يامزيون تعال شوف مريتك اجوها خطابه

ريم نجبي عاد ...

وراها رجعنه بالبيت وكملنه قرايه لليل اجه فيصل كعدنه نتعشه جان ريم تكول سمعو اخر قنبله بس لزمو نفسكم لا اضحكون جانت بيومها ساره وجهالها عدنه

جان تكول اليوم اكو ولد بالكليه دز خطابه على ورد وتضحك وساره ضحكت اباوع على فيصل عيونه تريد تطلع وصار نار اني حسيت بركان راح ينفجر بسرعه كام وصعد اني بقيت ادك على وجهي على كيف

عزه بعينج ريم شيخلصني بس لايبطلني

جان تكول خلي احسن خلي يغار ...

جان يصيح فيصل ووووورد بس مو صيحه يمه وكف كلبي. ركضت صعدت لكيته يفور

كلي تعاي كعدي

كعدت بس بعيد اخاف

كال ليش انتي بالكليه ميدرون بيج مزوجه ..

كتله لا

عاط ليش ..

كتله شنو قابل الزم كل واحد اشوفه اكوله اني مزوجه

جان يكوم يوكف

اني كمت من الخوف كمت ارجع ليوره

وهوه يصيح النوب تلاسنين وتراددين هاي من شوكت عيني جديده هاي

ورد..ففف فيصل اسمعني باع اني مو قصد اردك والله بس ماعدي اختلاط وي هواي بالكليه اكثر وكتي وي ريم شلون يعرفون بيه مزوج

هذا الحجي هو يتقدم واني ارجع ليوره واحسه صار وحش كتله بس وي ريم اخلص وكتي شلون يعرفون واني ملابسه حلقه بيدي

جان يكول باجر مداومين نروح نشتري حلقات وتلبسيها

كتله اي الي تريده

سكت

اني كتله خلي اروح عيب ساره وحدها هو تعدل

كال روحي

نزلت اركض

كتلهنا خرب يومج ريم شسويتي الله طلعني منه بمعجزه وباجر محداوم كال نروح نشري حلقات

جان تكول اي هيج احسن

ثاني يوم رحنه نشتري حلقات عجبتني الساده

كالي ليش مو هذني موديلات جديده

كتله لا اني ما احب هذني هاي مبينه حلقه هذيج جنه محبس ويتغير موديله مو مثل الساده تبقه موديله حلو

ابتسم كال
صح واخذ وياه سوار كال هذا اعتذاري لان البارحه جنت اني الغلطان مجايبلج حلقه وصيحت عليج وهو الغلط مني كتله ماكو داعي هديه كال لا اني ارتاح هيج كتله شكراً يم الصايغ لبسني الحلقه وكلي بعد ابد لا اذبيه من ايدج
فيصل اباوع عليها من تحجي ما ادري شبي كلبي يرف عليها لبستها الحلقه وكتلها ابد لاذبيها من ايدج هزت راسها اني جني لازم بتي واعلمها على الصح والغلط يمكن بسبب فرق العمر12سنه مو شويه المهم طلعت وغديتهابره تونست اباع عليها احسها نضيفه وصافيه مثل الماي دمعت عينها كتلها شبيج كالت بابا جان يجيبني هنا..مشتاقتله...اي ونزلت دمعتها نعصر كلبي عليها كتلها ميخالف فديوم اوديج الهم كلت صدك والله كتلها اي صدك
فيصل بيني وبين نفس راح اصير سنه على وفاة المرحوم وهي خطيه كم شهر مرايحه لا اهلها بس بتلفون نقهرت عليهاحيل كلت اذبها بلباب واطلع بس خلي يفوت كم يوم...
ورد ..داومت وبيوم كاعده بلكليها اباوع من بعيد هذا فيصل اجاني للكليه رف كلبي عليه وطار لا بس يشماغ وعكال ودشداشه وساعه مرتب كولش كلعاده العين متشبع من شوفته ابد هيبه وجمال وشخصيه ورزانه اني طرت وفرحت حيل حبيت اتباه بي كدام صديقاتي وهم حتى الولد يفكون مني من يشوفونه ...سلم عليه كدامهم واني تلكيته ابتسامه من الكلب حتى هوه حس بيها جان يبوسني من راسي كدامهم خجلت كولش بس فرحت حيل بقيت واكف كتله شعجب كال صرت قريب عليكم كلت امر واذا ماعدكم شي اني ارجعكم
ورد..هسه تجي ريم راحت للكافتريه فيصل مو خوش معزبه انتي كعديني عزميني على شي ضحكت كالت تدلل  راح اجيبلك نسكافه كال كعدي اني اجيب وراح جاب وكعد وريم كعدت كال اذا ماعدكم شي امشونه نرجع ...ورجعنه ومشت الايام عادي بين نضرات فيصل وحب ورد الي يوم عن يكبر وتتعلق بفيصل اكثر
صارت السنه مال حسن فيصل كال من تطلع السنه مال حسن وتخلص الهوسه اوديج لا اهلج ..التهينه بسنه وثواب وعمامهم اجوي وخوالهم وهوسه نشتغل ملتهين جان اكو ثنين من بنات عمه يخوزرن بيه كتلها ريم منو هذوله كالت معليج بيهن هذني سم هاي كاتله نفسه على فيصل ختولي لا تعبريه..

يتبع...

انتظروني بالبارت القادم 🌹🌹

فديتكم 🌷

سي يوو⁦🖐️⁩🌹