المشاغب والمطلقة

بارت ثنان وثلاثين

#المشاغب 😎 و المطلقه 👩‍👦

قصه تدور احداثه حول بنت   تتحرر من قيود زوجها الضالم لكن هل يمكن ان تعيش حياة سعيدة بعد طلاقها اما .....

#بارت32

الكاتبة زيليش ✍🤝

بنات اسفه ع صار بس شبكه اليوم اجتي راح انشر تعويض اثنين بارتات وثالث هدية بس ثالث جاي اكتب بيه يعني يمكن ينشر الكم الصبح اوكي راضين والله حقكم تحجون عليه وتضوجون بس راح انشر تعويض عن ثلث بارتات اثنين هسة واحد الصبح باي

🍇🍇🍇🍇🍇🍇🍇🍇
اخوك شما عمل وياك حيه👬💔🤝
اكرمة ولاتدور اعليه حيه🍚🤚🔪
اذا عاف اللبن وانقلب حيه🥛🚶‍♂️🐍
الزمن عقرب يلدغه القاط ميه⏲🦂

🤝🤝🤝🤝🤝🤝🤝🤝🤝🤝🤝🤝

بليل كال يله خلينه نطلع يم اهل رانيا نروح

رحنا بسيارته الي مخليه يم صديقه كال بالاول ابيعه كتله خليه فايدتنه ومخلصتنه من الخطوط ومصرفه 
الطريق كله مشغل اغنيه غزوان الفهد تاتي تواتي وهو حسن طريق كله يركصون حسن مايشتهي بس طكله اصبع يكوم يركص مو نوب اغنيه ويوسف وياه احسه حاسب نفسه بعده صغير كل حركاته مال صغار مختلفه لشكله ولخشونته ولحيته بس عسل عبالك  جمال زايد من وره خبالته واني اضحك عليهم ويوسف يسوي حركات يتقصد يضحكنه يعني وصلنه لبابهم كتله شويه خلي نبقه بالسيارة خلي تروح الضحكه شوية ونزلنه دكينه الباب طلعنه موسى وهو بس شافنه عبالك شايف اخته المزوجه تخبل هلو شلونج والقران مشتاقلج ولج ليش كطعتي ويانه بس ماعوزه يحضني هو صح طويل وعنده لحيه واللحيه مسويته شخص جبير بس اني اعتبره هو نفسه الجاهل الي جنت ادزه يجيبلي غراض وهو حسبني اخته لان متعود عليه ويه اخته يعزني بمعزه رانيا سلم ع يوسف ودخلنه جوه ومن نمشي للاستقبال يحجي ومن دخلنه هم ماوكف  يوسف هيج وجه صار😒😡🤐 

موسى. بذاته نسيتي  اللحضات الحلوة بسرعه تبيعين الواحد

زمرد. هههه يمه طلعتني ناقصه لو مااختك نهار كله تخابرني

موسى. رانيا صايره عكره خاف قبل جنت تتطور اذا كعدته من نومته هسة ياويلك تصيحه او تريد منه شغله كاعده نايمه تكوم تسويه بس ياريت مامسويته لازم تحرك كلبك بمصيبه . ولك حسوني شنو ناسيني اني موسى زمرد صاير حلو كلما يكبر ملمحه مثل ملامحج

هنا يوسف ماسيطر بعد

يوسف. هسة عوفنه من زمرد يول لو ماعرف صديقته رانيا وشايفه جان حسبتك رانيا

قصف جبهتة خطية مخله بعد يرد
حتى موسى تغيرت نبره صوته من ضحك اله جد لان يوسف قصده ماكو فرق شكلك شكل ابنيه اني مباشرة غيرت الموجة حجيت وحركت راسي ليوسف بمعنى ميصير
تحجي هيج هو حرك بمعنى بسيطه

. لعد وين رانيا خالة عمو

. طعلوا يم بيت عمتي عدهم واجب وهسة ع جيه