الصباح الساعه 10:00
دخل محمد (ابو رعد) الصاله وجلس ونادا على اخوانه وعيالهم بعد م جوو جلسو على طاوله الطعام يفطرون
محمد (ابو رعد): بأفتح الموضوع الحين تعرفون اني متزوج وحده بأمريكا(طبعا زوجة ام هتان وكنان توفت بعد زواجهم ب 5 سنوات )
انا طلقتها بعد مجابت لي رعد ورعد كبر ولازم يجي عندي بالسعوديه العيال تفاجؤو من الي سمعوه
عزام : عمي مين رعد ذا ؟
محمد : هذا ولدي من زوجتي الاولى وهو الحين بأمريكا وجاي اليوم العصر
امير : اوو توي اعرف ان عندك ولد اسمه رعد
خالد (ابو امير) : اكيد م كان يفتح موضوعه لنا وقلب عيونه
محمد : عزام قوم قول للخدم يجهزون له غرفه لحد م يجي
عزام : ي عمي خله يستعجل ابغى اشوفه ؛ طيب بعد شوي بأقوم اقول لهم
ذيب(ابو عزام) : كمل فطورك وليدي
عزام راح وقال للخدم ورجع لغرفته دخل وسكر باب الغرفه عليه ويقول لنفسه لحظه ليش انا مستعجل اشوفه م دام انه بيجلس معنا ف بأشبع من شوفته خلني انام احسن لي
قام امير وراح لغرفته وقال ي الله ي رعد من اسمك واضح حلو خلني انام ونام .
ذيب : محمد م كأنك استعجلت على الولد ليش م تنتظر شوي
محمد : هو كبر ولازم يجي عندي
خالد : يالله قومو نروح لشغل
محمد : يالله قوم انت اول
قامو وراح كل واحد شغل
الساعه 4:30 العصر
صحى عزام على صوت صراخ كنان
قام وخرج من الغرفه ونزل الدور الاول وشاف واحد واقف عند الباب ينتظر احد يجيه
عزام : كنان اشفيك تصارخ ؟
كنان : حرامي شوفه واقف عند الباب
رفع عزام راسه وهو يقول : مين انت وليش جاي بيتنا
: بيتك اجل وين محمد ال......
عزام : ايه بيتي وش تبغى هنا
: قلت لك وين محمد ال.....
عزام : ماني بقايل لك الا لما تقول مين انت
: لا اله الا الله صبر جميل ي رب قلت لك مره وحده وين محمد راعي ذا البيت
عزام قرب لم المجهول الي عند الباب ومسكه من تيشيرته : انت انت ي بزر ترفع صوتك علي ونزل راسه ورفعه وضحك بسخريه : وش ذا اللبس منت من هنا شكلك (عزام نسى ان عمه قد قال ان ولده بيجي العصر )
:(جاه توتر من عزام لما قرب منه وقلب وجهه احمر ونزل راسه)
نزل امير وقال : يالله اشفيكم تصارخون ؟
في نفسه يقول مين الملاك الي عند الباب
