كيما قتلكم كنت بلبيجامة و طلعت بدلت قشي لبست دجين فلكحل و تيشرت ابيض
و لقيت مون كراش يسنا فيا اه ه ه يا قلبي جاي لابس كوستيم فل اكحل و لابس نواضر خارجين مع الكوستيم المهم حابة بقلاوة خارجة من الكوشة ❤❤بكيت غايسة فيه حتان قالي مدموازال وين نروحو انا قلت فقلبي افففف من درك طيحلي فالموراال و قتلو روح للمول لجاي وين ****
قالي وي نعرفو
و انطلقنا جيت هابطة حتان قالي مدموزال راني مقاري فالباركييغ التحتاني
انا تقلقت من هدرتو و حبيتو يهبط معايا و بلعطو قتلو اولا راني كيما اختك (و عن قريب مرتك) خخخخ قتلها في قلبي ادي و الله 😂و تقدر تنحي الرسميات و تقولي نارين طول و ثانيا معليش تهبط معايا تتسوق و الله ذوقي صعيب و نحب واحد يخاير معايا بلييززز ياه وعلاه نقولك بليز هذي اوامر هيا اهبط 😂
ضحك يا جدكم ضحك يااا هذيك الضحكة قلبي تزعزع و هبط معايا دخلت لقريب 10 حوانت و انا نشري و هو يهز و مسكين عيا ولا بسيف ميتنفس حتان قالي اوففف فهمت وش قتيتلي لبارح و نضنا نضحكوا 😂😂 قلبي راح يتفلق 😍😍
و وحنا روحنا وانا طلعت لبيتي لبست بيجاماتي و عيطت لماريا نحكيلها عكريم 😂قتليي اووو هادا لازم نجي نشوفو 😂
--------------------------------------–----–-------------
غدوة صباح
ات ماريا و خرجتلها للباب و كي جات داخلة طاحت عينها عكريم و قتلوا عبدوااا وش دير هنا و قالها ختي راكي غالطة انا كريم الساءق الجدييد لمدموزال نارين
ماريا : لالاالا نتا عبدوا و نعرفك.
نارين : و شراكم تهدروا ماريا ادخلي لداخل و فهميني
دخلت انا و ماريا و قتلي تعرفيه عبدوا لي راه حاكم الشركة تاع الموضة
نارين : ايه نعرفوا بصح مازادش بان حسوا
ماريا : قادر يكون هوا 😵 وشرايك نديرو خطة
نارين : وشي هيا ؟
مارياا : تروحي تعيطيي و تقولي عبدواااا كان دار معنتها هوا و مرة جايا خرجيه و روحي اشري معاه و ڨولو يعذيك لاكرت تاعو
نارين : اووو عندك تخمام وحدو
-----------------------------------------------------------
من غدوة نضت دوشت و لبست و كانت عيد ميلاد صاحبتي رحت نشريرلها كادو كي جيت خارجة فكرت وش قاتلي ماريا
........................................................................
