حب في الجحيم

البارت الرابع

ليس كل ما نتمناه أو نحلم به يتحقق فالدنيا دار عمل فيها الجميل و فيها القبيح فيها اليسر و فيها العسر نعمل لكي نحقق مانتمناه و لو جزء بسيط مما حلمنا به نتخطى الصعوبات بألاراده فالله عزوجل وضع ألاراده لتخطي المستحيلات لايوجد شيئ صعب على الإنسان الصعب هو عندما نعجز أو عندما تتسرب فكرة الصعوبه إلى عقلنا الباطن و يجب علينا أن لانتأمل في الدنيا كثيرا و لا نبقى في كهف ألامنيات و ألامال و ألاحلام فقد قال أمير المؤمنين علي أبن أبي طالب {ع} [ أذا طال ألامل ساء العمل ] يجب أن نتخطى الصعوبات بألاراده و ألاصرار و أن لا نستسلم ألاستسلام صفة الفاشلين فتشاء من القدر نجمه و يشاء الله أن يعطيك القمر ☆🌜 هكذا فعلت أنا تخطيت الصعاب و كنت أرى في ذلك الشخص الأنسان الهمجي العشائري و لكنه كان بلسما لجروحي مثقفا في التعامل معي ليثبت لي أن لكل قوم عاداتهم و تقاليدهم التي تربوا عليها لمئات السنين و هي التقاليد ألاسلاميه الحقيقيه التي جاء بها نبينا محمد {ص} و قد بين لي هذا الشخص أن ألاسلام دين لا مثيل له بكتابه و بشخصياته و بكل أحاديثه و حين وقعت في قبضتهة تمنيت لو أن الله لم يخلقني لكن بمرور الوقت عرفت أن الله أحن على العبد من ألام على أبنها حين تمنيت النجمه فوضع أمامي قمرا منيرا ينير ليلي بنوره و يؤنسني بأحاديثه كألف ليله و ليله

...........

شهزلان: بعد ما حجت وياي أم سرى فضت الهوسه رحت لبيتنه جانت ماما تبجي و أسيل أختي تهدي بيهة و تبجي سألتهة سولفتلي كل اللي صار ضلينه نحسب الساعات حتى أحمد يرجع لأن لما لزموه بالكليه و ودوه للمركز وره ساعه مهزوم يمكن متفق ويه الحارس و مهزوم و حاليا جاي يدورون عليه زين أذا مو هو القتل ليش ينهزم؟؟ بهالحاله ثبتت عليه التهمه خابرنه على حيدر جان بالدوام كلتله أمي تخربطت و وديناه للمستشفى و جبناهة و تريد تشوفك أذا تكدر تنزل تعال لأن ماريد أقلقه و أكله أحمد قتل شخص حتى ليتوتر

شهزلان: الو

حيدر: الو هلو شهزلان شلونج

شهزلان: الحمدلله بس ماما تخربطت وديناهة طلع ضغطهة صاعد و كالت خابروا على حيدر

حيدر: شنوو و هسه شلونهة أطينياهة

شهزلان: زينه مابيهة شي بس شوكت تنزل

حيدر: و الله المفروض ألاسبوع اليجي بس خلي أخذ أجازة بلكت الله ينطوني حتى أنزل

شهزلان: اوك لعد ننتظرك

حيدر: اوك يلا باي....... رحت للقائد و حجيت وياه قدر موقفي و أنطاني أجازة طلعنه أني و علي سألني شبيك كلتله عمامي عدهم مشكله و صحيح همه جان عدهم مشكله لأن خابروني قبل شهزلان نزلت لبغداد بعد ساعات وصلت للبيت دخلت السلام جاوبوا السلام الوضع مو طبيعي كرايبنه كلهم يمنه و الوجوه متبشر بخير أبد عرفت صايره مصيبه جبيره