علي: سلمت و كعدت رفعت رأسي جاي أحجي و تفاجأت بشوفته شيسوي هنااا؟؟ وشجااابه وياهم؟؟ معقوله هذوله عمامه؟؟؟ طلعت بره بين صدمه و بين غضب ماأعرف شسوي محتار وره خمس دقايق طلع وراي وحجه
حيدر: ماأعرف شكلك أدري بيك متأذي و أدري بيك صاحب حق بس محتار ماأعرف شحجي
علي: اوووف حيدر أنته أخويه و صاحبي بس الصار مو هين أخوك قتل أخويه تعرف يعني شنو قتل أخويه لولااااااا يعني ذبحني يعني وكعني ويه ماوكع مرتظى يعني كسر ضهري المصيبه أنته أخوه و هذا الشي اللي ماجنت أعرفه صدمه ثانيه اللي هاااااي حيدررر
حيدر: ماراح أزيد بالكلام كل اللي ببالك و كل اللي راح تسووه مالومكم بيه بس أكلك هالكلمتين أحلفك بخوتنه لا تكسرني بيك أذا لا سامح الله و أنقتل أحمد أخويه لجل ثأركم راح أنكسر بطيحة أخوي و أنكسر بيك لأن راح يصير بحر دم و ثارات و راح نوكف و سلاحنه مرفوع بوجوه بعض حلهة بأبسط و أحسن الحلول و لاتخلي هذا الشي يصير و اللك عليه أجيبلك أحمد تكسر رأسه بس كون تنحل بخير
علي: ضليت صافن كلامه صحيح أني و حيدر خوتنه من 12 سنه لما كان يجي بيت خواله أجه ببالي كلام الحجيه لما كالت أخذ فصليه الضاهر جانت تعرف أنه حيدر أخو القاتل ..... ماعندي غير كلمه وحده و لمصلحتكم
حيدر: و هي؟؟
علي: فصليه
حيدر:على خير أمشينه للديوان
علي: دخلنه كعدت شاورت أبويه كتله خلي أني أحلهة ما كال لا خلصوا الجاي و حجيت طبعا أنتوا اللي جايينه حتى نحل السالفه أكثر مما نعقدهة الصراحه جنت ناوي دم بدم لكن من شفت حيدر صديق عمري و أخوي و اللي قبل أسبوع وكفلي وكفة أخ لأخيه و مو جديده على حيدر طول عمرنه أخوان مارفضلي و لارفضتله طلب تفاجأت لما شفت حيدر وياكم و تفاجأت أكثر لما عرفت أحمد (القاتل) أخوه لذلك لأجل ماتصير ثارات و بحور دم ماتخلص ليوم يبعثون و لأجل الناس الخيره الحاضره و بالنصيب ألاكبر لأجل أخوي و رفيج عمري حيدر السالفه تنحل بفصليه
أبو حيدر: فصليه؟؟؟
علي: أن جان ماعاجبكم نخليهة دم بدم و ماتخلص و تتيتم أجيال بعد أجيال بسببنه
حيدر: كلام علي صح أنشالله أسبوع و تجيكم
علي: أنشالله.....ضلينه نحجي تغدوا الناس و طلعوا طلعت لزمني حيدر على صفحه و حجه
حيدر: ماأعرف شلون أجازيك
علي: و لايهمك أنته أخويه و سندي لو طحت
حيدر: أكيد بس طلب ثاني ولو كثرت طلباتي
علي: عيناي
حيدر: الفصليه راح تكون أختي ....... أنته تتزوجهة لأن ماأأمن عليهة يم غيرك شكلت؟؟
علي: لأجل عينك تأمر خويه
حيدر: مايأمر عليك ظالم ...... أودعناكم
أنت تقرأ
حب في الجحيم
Romanceفتاة بعمر الورود تذهب فصليه بذنب أخيها الطائش و تلاقي أنواع العذاب من أم و أخوات الشاب المقتول لكنها ستجد بعض الرحمه عند زوجها و أهله و ستتحول الشفقه و الرحمه بمرور الزمن ألى حب لكن هناك أشخاص سيجعلوهم يعانون من هذا الحب أقسى أنواع العذاب عذاب من كل...
