مراد : اي قلي انت شبك
عامر : بصراحة اختو لواحد صاحبي عجبتني وبدي روح اخطبها ....
مراد : مين هاد رفيقك
عامر : اسمو عمر واختو اسمها فلك .... كل انهار بروح لعندو بس مشان فلك تضيفنا الشاي او القهوةهههههه
مراد : اي كتير منيح وايمت بدك تروح تخطبها ...
عامر : مابعرف مشاعرها لسه ....
مراد : اي الله يقدملك يلي فيه الخير ....يلا انا طالع انتبه ع الورشة
عامر : ع وين ..
مراد : بدي احكي مع هديل ....يلا باي
عامر : والله مجنون ...
راح مراد ع البيت غير واتحمم وقعد ع التخت ومسك التلفون واتصل بهديل
................ ...................
هديل كانت بالمطبخ وسمعت صوت موبايلا واجت تشوف مين .....
هديل : لا ياربي .....ليش عم يتصل هاد هلق لك شو ذكرو فيني ....خلص مارح رد بركي عم يدقلي بالغلط .... سكر ورجع دق ....
هديل : الو اهلين مراد
مراد : كيفك هديل ...
هديل : الحمد لله .... مراد ليش متصل ؟؟
مراد : هديل اشتقتلك ....مشان الله لا تتركيني ...
هديل : وانا قلت مستحيل ضيع مستقبلي
مراد : وانا مابدي اياكي تضيعي مستقبلك ....رح انطرك لحتى تخلصي جامعتك ....شو قلتلي
هديل حست انها وقعت بورطة
هديل : مراد شو الله جابرك تنطرني ...من هون لأربع سنين او اكتر بتكون تزوجت وعشت حياتك ...
مراد : هديل مابدي غيرك ... ولو حتى بدي انطرك العمر كلو ...
هديل : مراد بترجاك افهمني
قاطعها مراد : هديل انا بترجاكي ....فكري بالموضوع لك انا كل يوم عم حبك اكتر من اليوم يلي قبلو هاد الشهر كنت رح جن لاني ماسمعت صوتك .... هديل انا اتنازلت كتير مشانك بترجاكي قدري مشاعري .... قدري حبي لالك
هديل بقلبا : لك والله ماني عم طيقو شو اعمل لك يعلن الرحلة و٢٥ والخمسمية ....معقول انا صرت انانية لهل الدرجة ....
مراد : هديل ...وين رحتي ...
هديل : مراد انا مابقدر ارجعلك ....خلص بترجاك انساني ....
مراد : شوووو انساكي ....بهل البساطة ...
هديل : مابعرف بس حاول ...
مراد عصب بس حاول يتمالك اعصابو : هديل ...انت الي عم تفهمي ....ومارح تكوني غير الي
هديل انصدمت : لك مراد انت شو عم تقول ...
مراد: متل ما اسمعتي ... شو قلتلي ....
هديل : ......... مراد انت مستعد تنطرني ٤ سنين
مراد : مستعد انطرك العمر كلو ...
هديل : ماشي انا موافقة ... بحكي معك بعدين .وسكرت .
وقعدت ع التخت وصارت تبكي ....
هديل : لك انا شو عملت بحالي ....معقول مراد يكون نصيبي ...معقول كمل حياتي مع حدا انا بكرهو ...لك ليش دقيلتو اول مرة ...لك ليش .... لازم اتحمل نتيجة طيشي وجناني يارب ساعدني .... من هون لاربع سنين بيفرجا الله يا اما بمل وبيتركني وهاي انا بظنها بعيدة ...يا انا رح حاول حبو وكمان هاي بعيدة ....
اااااااخ مابعرف .....لازم حاول اتقرب منو واقتنع فيه ..
....................................................
مرو اربع سنين ولا هديل قدرت تحبو لمراد ولامراد حل عن هديل ...عامر اعترف بمشاعرو لفلك وهية كمان بادلتو نفس المشاعر وهنن هلق خاطبين ورح يتزوجو حتى يخلص عامر بيتو فلك ماكملت دراستها...وهديل كان اكتر وقتا بالجامعة وبالسكن الجامعي وكانت جياتها قليلة ع الضيعة بس مراد عطول يروح لعند ويقابلها ..ومايقطعها من المصروف ......وتخرجت هديل من الجامعة ...وصار وقت ترجع ع الضيعة وتبلش تدرس بالضيعة ... بس مراد اخر شهرين خفت كتير اتصالاتو بهديل
..............................................
في السكن الجامعي بغرفة هديل ...عم تضب تيابها مشان ترجع لواقعها ...اتصلت فيها فلك ...
فلك : مرحبا هدولي كيفك ..
هديل : هلا الحمد لله تمام
فلك : ايمت راجعة
هديل : عم ضب تيابي بكرا طالعة رح اجي مع جارنا بالضيعة ابو محمود يلي عندو باص ...
فلك : اي كتير منيح ...قوليلي شو اخبارك انت ومراد
هديل : متل ماهية ....ما في شي تغير ...
فلك : هديل بدي قلك شغلة وبدي تسامحيني ...
هديل : شغلة شو احكي ...شوفي ..
فلك : خلص خلص حتى ترجعي بخبرك
هديل : لا مافي هلق قوليلي شوفي حدا بالضيعة صايرلو شي
فلك : كل العالم منيحة ومحدا فيه شي
هديل : فلك لاتشغلي بالي احكي شوفي ...
فلك : خلص والله اول ماتجي رح خبرك ..
هديل : لك احكي شوفي
سكرت فلك الخط.....
وهديل حاولت تتصل فيها كتير ماترد ....ونامت هديل هاي الليلة وهية مشغول بالا ياترى فلك شو مخباي عنها ....طلع الصبح قامت هديل ودعت رفيقتها بالسكن وراحت ع الكراجات لقت جارها ابومحمود سلمت عليه وطلعت ع الباص وقعدت تنطر الباص لحتى يتعبا ركاب ...
وبلشت هالعالم تطلع بالباص واجت وحدة منيحة بالعمر قعدت حد هديل....اسمها كوثر
كوثر: اوووف شو هلكت ايمت بدنا نوصل ..
هديل : الحمد لله ع سلامتك ياخالة يلا كلها ٣ ساعات وبنوصل ...بس انت من وين جاي
كوثر : من السعودية هاي جيتي من المطار ...
هديل : الحمد لله ع سلامتك ....
كوثر : الله يسلمك ....
هديل : خالة ليش مامعك حدا او حدا راح جابك من المطار
كوثر : ههههه معك حق ...بس انا متزوجة بالسعودية واليوم جيت لعند اخوتي حابي اعملون مفاجئة ... محدا بيعرف اني جاي
هديل : توصلي بالسلامة
كوثر : الله يسلمك ياقمر...اااه شو اسمك يابنتي
هديل : هديل
كوثر : وانا اسمي كوثر ام فيصل ...
هديل : تشرفت بمعرفتك ياخالة ...
كوثر : الله يزيدك شرف ياحلوة .....اي قوليلي انت ع وين رايحة
هديل : انا كنت عم ادرس اتخرجت وهلق راجعة ع ضيعتنا ...
كوثر : مشاء الله هلق انت مخلصة جامعة مامبين عليكي ...مبيني اصغر من عمرك ...
هديل : ههههه ممكن لانو قطعتي صغيرة
كوثر : انت اشقد عمرك
