ربما تحتوي الصورة على: ٢ شخصان، ونص
#اللعب_بالنار
#الجزء_السابع اتفقو عبد الرحمن وخالتو ... مشان يخلو مراد وهديل يبعدو عن بعض ...
تاني انهار الصبح الكل فاق ... ومراد قام تحمم عأساس مشان يروح ع الشغل ...
وقعدو شربو قهوة مع بعض ...
مراد : عبد قوم لنروح ع الورشة ...
عبد الرحمن : اي ماشي يلا ...
مراد : هديل جاهزي لحتى وصلك عالبيت
هديل : اي جاهزي ..
مراد : يلا قومي ... سلام ياجماعة ..
الكل : الله معكم ..
ركب مراد بالسيارة ..وقرب عبد الرحمن فتح الباب يلي حد مراد
عبد الرحمن : مدام هديل تعالي اقعد حد زوجك ..
هديل : لا شكرا بركب ورا ...
مراد : مامشكلة اركب عبد الرحمن حدي وهديل بتركب ..ورا
ركبو وراح مراد وصل هديل ..نزلت هديل ودخلت ع البيت ..
عبد الرحمن : يلا امشي شو ناطر ..
مراد : خمس دقايق وراجع ..
نزل مراد ودخل عالبيت عبد الرحمن كان مدايق كتير
هديل : نسيت شي ؟؟
مراد : اي انسيت ... نسيت اخد البوسة من حبيبت قلبي ..
هديل : ههههه مجنون معقول راجع مشان بوسة ..
مراد : اي لانو رح اشتقلك كتير من هون لبكرا .
قربت منو هديل وباستو على خدو ..
هديل : يلا هلق روح وهاي اخدت البوسة
مسكا من ايدا وسحبا لعندو
مراد: هلق هاي بتسميها بوسة تعي لقلك كيف بتكون البوسة. قرب منها وباسها ................
هديل خجلت كتير ونزلت راسها للارض ..
مراد : هلق الواحد بيقدر روح ... يلا بدك شي ياقلبي
هديل : اي ابعات حدا ع الضهر ياخدلك الاكل ...وكمان جيب سلوى تنام عندي لانو عم خاف نام لحالي ..
مراد : ماشي يلا سلام ..
هديل : الله معك
طلع مراد وهو مبسوط ...ركب بالسيارة ودورها ومشي
عبد الرحمن : شو كنت نسيان ؟؟
مراد : اااه ..لا لا مافي شي
عبد الرحمن لاحظ بوجود روج على شفايفو ..وانقهر كتير ... بس اتمالك اعصابو ...وسحب محرمة وعطاها لمراد
عبد الرحمن : خود مساح شفايفك هههه
مراد اتطلع بالمراي وصار يضحك : ههه انفضحنا .. منيح انك قلتلي قبل ما نوصل ع الورشة ..
.....................
هديل كانت بالبيت وراحت رمت حالها على التخت وفتحت اديها وكانت كتير مبسوطة
هديل : انا اكيد بحبو ..لك اي بحبو بحبو وبموت فيه بحبك بحبك يامراد
قامت شعلت غناي لفيروز ..وراحت تتحمم
طلعت من الحمام واتصلت بأسراء وفلك مشان يجو يشربو عندا فنجان قهوة لبست وخلصت لبس وحطت مكياج ورشت بارفان ..لانو هاد الشي عم يعكس فرحها ...اندق الباب وراحت فتحت ..
دخلت اسراء ولاحظت على هديل انها كتير فرحانة وريحت البارفان بكل البيت ..
اسراء : اي شو هاد شو هالحلاوة ...مبين انك مبسوطة خير شو صاير معك
هديل : فوتي فوتي هلق بقلك ..
دخلو عالمطبخ ...اسراء قعدت على الطاولة ..وهديل راحت وقفت تعمل قهوة
اسراء : اي احكيلي شو صاير معك
هديل : لك يا اسراء طلعت بحبو بحبو ..
اسراء : لمين
هديل : لمين يعني لمراد..اااخ قلبي دايب فيه
اسراء : ههههههه ايمت صار معك هيك ..
هديل : من بعد القتلة ...ااااخ لونو من زمان ضاربني اياها
اسراء : يعني القتلة جابت نتيجة ..
هديل : والله مابعرف بس بين يوم وليلي كنت بكرهو لدرجة الجنون ...ولما صحيت لقيتو فوق راسي حسيت في شعور بداخلي كتير حلو تجاهو ... يالله ما احلا الحب .. بس عم موت غيري لما عم يروح ينام عند مرتو الاولى
اسراء : شي طبيعي ...بما انك صرتي تحبيه رح تصير تغاري عليه ..
هديل : بس انا مابدي من هالدنيا غيرو ..حتى لو تزوج ٣ كمان مابهمني المهم انو جنبي .
اسراء : لااااا انت خالصة ع الاخير ...
هديل : خلصة وبس لك مطفية ...ههههههه بتعرفي عم شك انو كنت مسحورة او راكبني شي جني ولما ضربني مراد طلع مني هالجني
اسراء : هههههههههه والله يمكن ... يعني معد تشربي دوا منع الحمل
هديل : لأ رح ضل اشربو ... لانو حاليا مابدي ولاد بدي عيش شي سنة زمان انا واياه متل العصافير وبعدين بفكر بموضوع الولاد
اندق الباب ..
اسراء : هاي اكيد فلك ...انا رايحة افتحلا .
راحت اسراء فتحت لفلك ورجعو ...
فلك : سلام ياعروس ...
هديل التفتت عليها : لك اهلين....... فلك ايمت تحجبتي؟؟؟
فلك : حلو
هديل : بجنن ...مبروووك
فلك : الله يبارك بعمرك .... من انهارين تحجبت عامر طلب مني ..
هديل : ومراد كمان مبارح قلي ماني مطول لحتى حجبك ...
فلك : اي كيفك انتي ومراد
اسراء : انا بقلك ...قال هديل حبتو لمراد ههههههه
فلك : اي لأ هههههه
هديل : حاج مسخرة انتي واياها ...اي شوفيها جوزي وبدي حبو
فلك : اي مبروك ...يلا احكيلنا شلو وكيف ..
هديل : يلا لصب القهوة ونطلع نشربها بالصالون ..
صبت القهوة وطلعو شربوها بالصالون .. وحكتلون هديل عن التغير المفاجئ يلي صار بحياتها وانها كتير مبسوطة ...وهنن قاعدين وعم يضحكو ...رن موبايل هديل ...اتطلعت عليه هديل كان رقم ..
فلك : مين ماتردي
هديل : رقم غريب رد ..
فلك : اي ردي
هديل : الو
عبد الرحمن : الو هديل انا عبد الرحمن ...استني لا تسكري ..لازم احكي معك
هديل بسرعة مشان تنقذ الموقف مشان رفقاتا مايجتلقو على شي
هديل : الرقم غلط يا اخي ...وسكرت ..وسكرت الهاتف نهائيا ...
اسراء : مين
هديل : قال بدو واحد اسمو محمد ...المهم وين كنا
وبعد ساعة قامو البنات وقامت هديل طبخت لمراد ...واجا واحد من شغيلة مراد اخدلو الاكل ..
والمسا راح مراد ع بيت اهلو وجاب سلوى مشان تضل عند هديل ..ورجع لعند اهلو وكمل السهرة مع عبد الرحمن ..ورح ينام عند اهلو مع زينب .. وهديل وسلوى كانو مبسوطين مع بعض وهديل قالتلا لسلوى انو اكتشفت انو هية بتحبو لمراد وسلوى فرحتلا كتير
.....................
تاني يوم
عبد الرحمن : خالتي مبارح طول انهار عم حول دقلا وماعم ترد ...شكلها عنيدة كتير..
نجلا : طيب انت حاول هاليومين
عبد الرحمن : ماشي ..بس خايف تقلو لمراد
نجلا : لا تخاف لو بدا تقلو كانت قالتلو .. انت ايمت راجع ع الشام
عبد الرحمن : شي انهارين
نجلا : من هون لتروح ماردت عليك ... رح نبلش بالخطة ..
عبد الرحمن : ماشي ..يلا بدك شي انا رايح لعند مراد ع الورشة
نجلا : سلامتك ..
طلع عبد الرحمن وضلت نجلا لحالا وصارت تقول : انا بفرجيكي ياهديل ...مافشرتي تضلي مرت مراد ..وكمان ابو مراد عم يعيرني فيكي .. كلك على بعضك شقفة حشرة .
.....................
بالبيت عند هديل
هديل : ماني مصدقة ايمت يجي المسا ويجي مراد ...ياالله كتير اشتقتلو ..
سلوى : ههههه ...اذا كتير مشتاقتيلو دقيلو وبيجي ..
هديل : ماني حابي عطلو عن شغلو ..
سلوى : لك صحي يمكن ماينام عندك مشان عبد الرحمن ...يمكن ينام عند اهلي ..
هديل : يضرب عبد الرحمن وشكلو ...بتعرفي كل مابتذكر شو عمل معي بينهز بدني
سلوى : خلص لاتفكري فيه .. . المهم فكري بموضوع مراد
هديل : انا مستحيل روح نام عند اهلك ..
سلوى : طيب اتصلي بمراد واسأليه ...
هديل : اي والله انتي جبتيها ...انا قايمة احكي معو بغرفتي
سلوى : خليكي هون هههه
هديل : ههههن في شغلات مالازم تسمعيها ههههه
دخلت هديل واتصلت بمراد
مراد : لك اهلين بقلبي وعمري
هديل : كيفك حبيبي
مراد : شوووو حبيبي ؟؟
هديل : اي حبيبي وعمري وكل دنيتي ...
مراد : لحظة ..لحظة ..انا عم اسمع شي غلط ..ولا عم اسمع صح
هديل : هههه لا صح ..مراد انت حبيبي ...انا بحبك كتير
مراد : هديل حبيبتي انتي منيحة ..
هديل : اكتر يوم بكون فيه منيحة ...بصراحة معد فيني خبي اكتر كنت بدي انطرك لحتى تجي واعترفتك بحبي بس معد استحمل اكتر مراد انا بحبك بحبك
مراد : هديل عم تحكي جد
هديل : عم احكي جد وجد الجد مراد انا كتير مشتاقتلك لاتطول علي اي .
مراد : لك انا بعد هالحكي معد استحمل انطر
هديل : لك دخيل قلبك... المهم انت اليوم وين بدك تنام
مراد : حبيبتي شو نسيانة انو اليوم عندك ..
هديل : لا بس خايفي نتام عند اهلك مشان عبد الرحمن ..
مراد : لا عبد الرحمن ولا غيرو ..عندك يعني عندك .
هديل : ماشي ناطرتك على احر من الجمر ...
مراد : لك دخيل قلبك شو بحبك .. انا رح حاول اجي ع الغدا اتغدا معك ...والمسا برجع ..شو رأيك .
هديل : ياريييييت ..... يعني اصرفها لسلوى ههههه .
مراد : هههههه اي صرفيها
هديل : ماشي حبي يلا باي
مراد : باي
هديل : ااااااااه ...ياالله ما احلا الحب لك تقبر قلبي يامراد ..
طبخت هديل وجهزت الاكل وقالت لسلوى انو مراد جاي يتغدا ...وسلوى فهمت عليها وانسحبت وراحت عالبيت ...
اجا مراد عالغدا فتح بالمفتاح ودخل ...واول ما دخل ركضت لعندو هديل وحضنتو ...
مراد حملها وضما لصدرو ...
هديل : بحبك بحبك ...بموت فيك ..لك انت شو عملت فيني ...
مراد : ههههه عبيتك شحم وزيت
هديل : ههههه غليظ انا ماقصدي على تيابي انا قصدي على قلبي ..
مراد : امممم ...انا بقول انو قلبك كان معصلج شوي وحطيتلو نقطين زيت وصار يشتغل نظامي ..
هديل : ااااااه لونك حاططون من زمان ...
نزلها عالارض ...ومسكلا وجها واتطلع بعيونا
مراد : لك انت شو عم يصير معك شو هالتغير المفاجئ ..من انهارين سألتك اذا بتحبيني قلتي مابعرف ...شو صرلك اليوم ..
هديل : بصراحة من يوم يلي ضربتني فيه ... تغيرت ١٨٠ درجة وصرت اشتقلك ..وصرت غار عليك .. واولت مبارح لما كنا عند اهلك ...كيف دافعت عني وكيف كنت تهتم فيني ... تأكدت من مشاعري تجاهك .
مراد : امممم يعني السبب الرئيسة هية القتلة هههه اذا بتحبي بصير كل فترة بعملك قتلة
هديل : بلله شووو
مراد : هههههه عم امزح معك ...بس كان قصدي مشان جدد الحب بيناتنا ..
هديل : ههههههه يلا تعال الاكل رح يبرد ..
قعدو ع الاكل
مراد : على فكرة انا زوج محظوظ بهك زوجة .. طبخا ولا اطيب ..وكمان امورة وكربوجة ... وكمان طلعت بتحبني هههه
هديل : لك تقبر قلبي انا يلي محظوظة فيك ...
مراد : هههههههههه
هديل : على شو عم تضحك
مراد : على منظرك كل تيابك صارو شحم وزيت .. وكمان على وجهك
هديل : ههههههه يلا مامشكلة هلق بغير وبغسل ............ اممم مراد حبيبي اشبعت
مراد : عم اشبع ليش ..
قامت لعندو وسحبت من ايدو الملعقة وحطتا على الطاولة وفتحت ايدو وقعدت على رجليه ولفت ايديها حول رقبتو ..
مراد : هديل شوبك ..
هديل : بدي اياك كتير مشتاقتلك ..
مراد : حبيبي انا عند شغل وكمان مانك شايفي وضعي كل اذا فتنا عالغرفة بدهبها
هديل : عشر دقايق كرمالي ...وعشان الغرفة لاتاكل هم انا بهتم بكلشي وبخليها عم تلمع ..
مراد : امممم لحظة لفكر
هديل : لك كمان بدك تفكر . نزلت ع الارض ومسكت من ايدو وسحبتو
مراد صار يضحك ...قرب منها وحملا وراحو على غرفة النوم .......................
.......................
بعد فترة زمنية ...مراد نايم على ضهرو وهديل نايمة على صدرو وحاضنتو وعم يلعبلا بشعرا
مراد : هههههه فهمني كيف رح تنضفي كل هاد
هديل : ماعليك انا بنضفو وبنضف ابو ..
مراد سحب تلفونو من على الطاولة وفتحو كان حاطو صامت
مراد : مدري شو صاير عامر متصل فيني عشر مرات ..
هديل : دقلو وشوف شو بدو ..
اتصل مراد بعامر
عامر : لك وينك .. صرلي ساعة عم دقلك ...
مراد : جاي ..شوفي ..
عامر : مشان تكمل السيارة يلي انت مستلمها ...صاحبا اجا وكان مستعجل عليها ...وانا قلتلو يغيب شي نص ساعة ...وغصب لرضي وعصب كتير
مراد : جاي جاي .. وسكر
هديل : ليش مافي حدا غيرك يصلحا
مراد : لا هاي السيارة حديثة وشوي معقدة .... يلا انا قايم اعمل دوش سريع وروح ..
قام مراد ع الحمام ... وهديل ضلت مكانا وكان طاير عقلا من الفرح وكانت حاسة حالها شي فراشة وبدها تطير ... طلع مراد بسرعة نشف حالو ولبس تياب الشغل ...وقرب من هديل باسها ...وطلع
......................
بالورشة دخل مراد بسرعة وراح على السيارة ..ونده لشغيل يعطيه العدة .. وبلش يشتغل فيها ...
اجا عامر من وراه
عامر : شو وينك لهلق
مراد وهو ملتي بالسيارة : ماشغلك
عامر : اممم بس كأنو حاسك رجعت نضيف ...
مراد : كمان ماشغلك ..
عامر : عند الاولة ولا التانية
مراد : كمان ماشغلك
عامر : ههههه ايامك ياعمي والله يلي صايرلك ماصار لغيرك ..
مراد : حسد ولا ديقت عين
عامر : لا ياعمي الله يهنيك ...
مراد : وينو عبد الرحمن ؟؟
عامر : مابعرف يمكن رجع على بيتكن
مراد : ماشي هلق بحكي ..معو ..
........................................................
خلص مراد شغلو وبعدها راح على بيت اهلو غير وغسل وطلع مع عبد الرحمن وعامر عالقهوة يسهرو
وتأخرو بالوقت وصل عبد الرحمن لعنداهلو ..وهو راح لعند هديل ...ونام عندا وتاني يوم قام وراح ع الورشة
وهديل ضلت لوحدها ...وبلش عبد الرحمن يتصل فيها
هديل : العما هاد ماعم يذوق والله حابي قول لمراد خليه يوقفو عند حدو زلمي بلا شرف تفه على هيك ناس ...بسيطة ...دق لتهلك وبالاخير رح تمل لحالك ..
..........................................
بالبيت عند اهل مراد
عبد الرحمن : مافي فايدة ماعم ترد ولا حتى على الرسائل
نجلا : خلص عندي .. انت ايمت رايح
عبد الرحمن : بكرا
نجلا : رح خلي مراد لما يكون دورو عند زينب يجيبا لعندي وانا رح صير ابعتلك رسائل من هاتفها وبمسحون عأساس هية يلي عم تلحقك وتركض وراك وانت مشان ابن خالتك مابتفعل تحكي وبالاخير بتجي بتقول لمراد مشان يضب مرتو... وبعدها اكير رح يطلقا ...وساعتها بيخلالك الجو
عبد الرحمن : لك انت احلا خالة بالدنيا
دخلت عليهن حسنة
حسنة : عن شو عم تحكو
نجلا : مافي شي حديث عادي
عبد الرحمن : يلا عن اذنكن انا رايح لعند مراد عالورشة
..............................
تاني يوم راح عبد الرحمن وامو على بيتون بالشام ..
ونجلا قالتلو لمراد مشان يجيب هديل لعندن لما يكون دورو عند زينب ...
بليل بالبيت عند هديل كانت مجهزة جو رومنسي ولابسة فستان سهرة قصير كتير مشعلة شموع .. ومشغلة موسيقى هادية ..
دخل مراد ..واستقبلتو هديل ..وقربت لعندو بدا تبوسو
مراد : لا وقفي عندك ...
هديل : ليش ؟؟
مراد : اول شغلة طالعة بتشلي ... وتاني شي ماني حابب انزع هالجمال وادهبك شحم ...
هديل : امم اقنعتني ... يلا فوت مجهزتلك الحمام ولا تطول
مراد : لك شو طول ... ثواني وبكون بين اديكي ..
دخل مراد ع الحمام ...وهديل دخلت على غرفتها واتذكرت حب منع الحبل ..وقامت بسرعة شربة حبة...
وفتحت درج المناشف وصارت ترفعون مشان ترجع علبة الحب ...وبهل اللحظة مراد كان فايت عالغرفة ...بس وقف ليشوف هديل شو عم تعمل ... رفعت هديل المناشف وحطت ظرف الحب تحتو وخبتو منيح ...وسكرت الدرج ...رجع مراد لورا ..وصار يسأل حالو : ياترى هديل شو خبت .. انا لازم اعرف شو عم تخبي عني ... فتح الباب ودخل
بس اول ماشاف هديل نسي الفكرة وقرب منها حط اديها على خصرا
هديل وهية عم تتطلع بعيونو : صار فيني بوسك ..
مراد : بس بوسة ..ولا بدك شي تاني ...
هديل : انت كريم وانا بستاهل ...
مراد : لك انت شو عم تعملي فيني يابنت ...
هديل : انااا ..شو عم اعمل
مراد : لك طيرتي عقلي مني لك عم ضل طول انهار صافن وعم فكر فيكي ... لك كل لحظة عم اشتقلك ولما بكون معك عم اشتقلك ...
هديل : ولما بتكون مع زينب
مراد بتنهيدة : اااااااخ ..لاتذكريني ... هديل انا كتير تعبان ... حاسس حالي عم اظلمها كتير معي بتصدقي اني ماعم اقدر المسها ... اهلي ظلموني بهل الجازة .. اوقات بيطلع براسي انو انطرها لحتى تخلف وارمي عليها يمين الطلاق ... لانو مابقدر كمل معها .
هديل : لا شو تطلقا حرام ..عالقليلي مشان ابنك يلي جاي على الطريق بدك اياه يربى وهو ضايع بين امو وابوه ... الله يخليك حاول تتقبلا واجبر بخاطرها ... ولاتغضب رب العالمين فيها ..
مراد : هديل انتي يلي عم تحكي هالحكي
هديل : اي انا ...هو انا عنجد بموت غيري لما بتكون عندا ... بس انو خلص هاد واقع ولازم نعيشو .. حرام والله صغيرة وماشافت شي من هالحياة ضل سايرها وسمعا كلام حلو ...خطي .
مراد : وانا
هديل : وانت شو
مراد : وانا ما اخطي ... رح دوب بهل الجمال ومعد فيني انطر اكتر من هيك
هديل : ههههههههههه ............
...........................................
تاني يوم راحت هديل عبيت عما ونجلا استقبلا احلا استقبال وهديل تفاجئت منها المهم ما اخدت وعطت كتير ... وبلشت انهارا مع مرت عما وسلوى ..
راحت نجلا على غرفة مراد محل مانها موجودة شنتاية هديل .. فتحت موبايلها ...وبعتت رسالة لعبد الرحمن : كيفك عبد الرحمن انا هديل مرت مراد ... انا من اول ماشفتك وانا دبت فيك وبجمالك .. بصراحة انت عجبتني كتير احسن من مراد الحيوان .. انا مستعدة اعمل المستحيل لحتى اتطلق ..واذا اتطلقت بتتزوجني . وبعتتها ...
وصلتو الرسالة لعبد الرحمن وصار يضحك ورد بالرسالة : انت شو عم تحكي يابنت الناس شو انسيتي انك متزوجة ابن خالتي ... الله يستر عليكي انتبهي على بيتك وزوجك احسنلك .
نجلا : بس انا مابحبو لمراد مراد عم يعذبني ....انا حبيتك الك مشان الله خلصني منو انا مابدي اياه بدي اياك انت .
عبد الرحمن : اسغفر الله العظيم لك انتي شو عم تحكي بترجاكي يا اختي على هالرقم لا تبعي ولا تتصلي عم تفهمي
ونجلا:صارت تدق وهو يفصل بوجها شي ساعة
عبد الرحمن : ههههه الله عليكي ياخالتي شو اطلعتي بنت حرام ..
خلصت نجلا ومسحت الرسائل والسجل كلو ورجعت التلفون على مكانو...
....................
بالورشة عند مراد قاعد ورا مكتبو قام اتذكر ليلة مبارح ...انو هديل كانت عم تخبي شي ... قام اخد مفاتيحو وتلفون من على الطاولة وطلع
عامر : ع وين رايح
مراد : خمس دقايق وراجع انتبه ع الورشة
طلع مراد وراح عالبيت فتح ودخل .... فتح الدرج وبلش يطلع المناشف ..لحتى وصل لظرف الحب ..
مسكو وهو مستغرب
مراد : شو هاد الدوا ؟؟وليش هديل عم تاخد منو؟؟وليش هديل مخبيتو عني ؟؟
حطو بجيبتو وطلع وراح بوجهو على الصيدلية ..
مراد : لو سمحتي بدي من هاد الدوا
الصيدلية: تكرم ..
مراد : لو سمحتي لشو هاد
الصيدلية : هاد دوا منع حمل
مراد انصدم : اممم ..ماشي شكرا اشقد حقو
دفع حقو وطلع ...والنار عم تطلع من راسو ...
مراد : لك هديل ليش هيك عم تعملي لييييش .. بسيطة انا بفرجيكي
دخل على بيت اهلو وصار ينده على هديل
مراد : هديل ...هديل ...هديل
طلعو من المطبخ
هديل : اي حبيبي شوفي
مراد بصوت مرعب: هديييل هاد الدوا شو عم يعمل عندك ...
هديل شافت الدوا وانصدمت ومعد تعرف شو بدا ترد
هديل : مراد حبيبي اهدى خلينا نحكي على رواق
مراد : لك ليش خليتي فيها رواق ... هلق بدك تقوليلي ليش عم تشربي هاد ضراب السخن
هديل : مراد انا مابدي ولاد هلق ...ماني جاهزة لحتى احبل وخلف ..
مراد : ماتنقبري تخبريني ...شو انا رجل كرسي بالبيت بنقعد انا واياكي وبنحكي ...بس ما انك تشربه دوا منع حمل من ورا ضهري هاي مارح اسمحلك فيها .... وهاد الدوا بتوقفيه عم تفهمي
هديل : لا مابدي وقفو ... وانا حاليا مابدي ولاد .. والشغلة مو على كيفك
مراد : شو تفضلتي انسة هديل ..
هديل متل ماسمعت وانا يلي عندي قلتو انا حاليا مابدي ولاد بعدني عروس
نجلا واقفة وعم تتفرج وتقول بقلبا الله يدب الخلاف
سلوى عم تحاول تهديهن
مراد : ماشي يا هديل ...بس بحب قلك اذا لسه بتشربي حبة من هاد الدوا انتي طالق
هديل : شووو ...عم تطلقني يامراد
مراد : كلامي واضح عم قول اذا لسه بتشربي منو فتعتبري حالك طالق ..والخيار صار بأيدك
هديل : ماتوقعتك تدخل الطلاق بهك موضوع تافه كل هالقد انا رخيصة عندك
مراد : هلق موضوع الحبل صار موضوع تافه ... انا بدي ولاد ..ومابفهم بعروس وغير عروس عم تفهمي ..
هديل صارت تبكي : وانا مابدي ولاد حاليا ... شو بعتبر حالي طالق
مراد : انا قلت اذا بتشربي الدوا ... واذا مابدك ولاد روحي عبيت اهلك ولما تحطي عقلك براسك بترجعي على بيتك ...
هديل : عم تلاقي حجج مشان تطلقني يامراد
مراد : هديل لا تغيري السيري .. انا بحبك وبدي اياكي ..وبدي ولاد منك ومابسمحلك تمنعيني من هالحق...
هديل : بس انا ماعم قول مابدي ولاد عم قول مابدي حاليا لك ماني جاهزة ع القليلي خلينا نعيش يومين حلوين ...
مراد : انا بدي منك توقفي الدوا ... ويمكن مايصير حمل دغري ..يعني انا مشكلتي الرئيسة هية الدوا
هديل : وبركي انا حبلت دغري شو اعمل بحالي نزلو مثلا
مراد : شوووو بدك تنزليه ... لك انت مابتخافي الله ..
هديل : لكن شو الحل ..قلي انا عم قول مابدي ولاد حاليا ...
مراد : هديل انا معد الي صبر ناقشك لانو روحي واصلي لراس مناخيري ... بدك تكملي معي بدون هاد الدوا اهلا وسهلا قلبي وبيتي مفتوحين ... ومابدك بتروحي لعند اهلك بتقعدي فترة وبتفكري منيح وبتحبي نكمل بنكمل مابدك ورقة الطلاق بتوصل لعندك وانا يلي عندي حكيتو
هديل : انت ليش تفكيرك محدود ... لك انت تزوجتني غصب عني وهلق بهل البساطة بدك تطلقني ..ولا اخدت مني يلي بدك اياه وهلق بدك ترميني
مراد : ماني عرفان مين يلي تفكيرو محدود ... انا رح انسحب من هالحوار يلي ما الو نهاي ... وبرجع وبقلك انا قلت يلي عندي والخيار بأيدك ...
هديل : مراد وقف وصلني على بيت اهلي .
مراد حس روحو طلعت
مراد : تفضلي ...
سلوى : هديل على وين لك انتو جنيتو
هديل : مابعرف مين يلي جن بهل البيت .. يلا سلام
طلعت وركبت بالسيارة ..طلع مراد وركب
وهو ماشي روحو رح تطلع ...بس مابدو يتنازل .... كبريائو عم يمنعو ... لانو تنازل كتير من قبل
هديل حست حالها كتير رخيصة ..لانو فضل الولاد عليها ... وصارت تشك بحب مراد لالها
بعد صمت طويل
هديل : يعني لو انا طلعت مابخلف كنت طلقتني فورا .
مراد : ..............
هديل : شو ماتحكي ... ولا السكوت علامة الرضا ..يعني رح تطلقني
مراد : انا ساكت لانو مابدي اوصل لمكان ابعد من هيك .. واطمني لو انك مابتخلفي ماكنت طلقتك لانو انا ماني ندل
هديل : شو قصدك انو انا الندلة ..
مراد : انا ماقلت هيك ...قلتلك خليني ساكت احسن ما نوصل لمكان بعيد خلص هديل سكري ع السيري ..
وصلها لعند اهلها وراح ع الورشة معصب ..وصار يعيط على الشغيلة
عامر : شبك ليش هيك عم تعيط على الشغيلة
مراد : حل عني ماني ناقصك
عامر : مراد شو صاير ...لك انا رفيق عمرك احكيلي
مراد : تعال عالمكتب بتنحكي ...
راحو قعدو بغرفة صغير بقلب الورشة فيها مكتب وكراسي ...وحكا مراد كلشي لعامر
عامر : ههههه لك انت واياها اجن من بعض
مراد : ليش ؟؟
عامر : هلق هية معها حق انو لساتا عروس ومابدا ولاد حاليا بس غلتط لما خبت عنك ...وانت معك حق لما عارضت هالشي ...بس غلطت لما فضلت الولاد عليها ...يعني المشكلة مابدها كل هالشي ومابدا عصبية ...كنتو قعدتو وحليتوها بالرواق
مراد : شو يعني هلق انا الغلطان
عامر : انت واياها ..ولازم كل شخص ينازل شوي وبتحلو القصة
مراد : بس انا ماني متنازل ... تنازلت كتير قبل هلق ... ماهية قالت انو بتحبني لشوف شو رح تعمل ..
عامر : هههه لك والله مابدها كل هالشي ... انت بس تروق رح تعرف غلطك وهية كمان رح تعرف غلطها ...المهم انت هلق روق ..
مراد : خايف انو ماتتنازل وتطلب الطلاق
عامر : هههههن لا اطمن مارح توصل لهل الدرجة ...بس انت تقل حالك من هون لبكرا ...مارضت ..اكسر على انفك بصلة وروح راضيها واتفق انت واياها انو اتأجلو موضوع الولاد شي شهرين ..وهيك بترضى انت واياها
مراد : ان شاء الله خير ..
.................
هديل عند اهلا بس ماقالتلون انها زعلانة ...وعم تفكر ومفكرة انو مراد معد بدو اياها ...وهاد التفكير كان رح يجننها .
هديل : معقول مراد معد بحبني ...بس انا بحبو ..ومابستحمل عيش بدونو ...لا انا مستحيل اتركو حتى لو هو معد بحبني انا بحبو ومابستحمل كفي حياتي بدونو
........................
نجلا كانت مبسوطة كتير وفكرت انو رح تخلص من هديل ...واتصلت بعبد الرحمن وخبرتو وهو كتير فرح..
ومرقت هاي الليلة لا مراد قدر ينام وهو عم يفكر بهديل وكان خايف يخسرها ..وكل اشوي يفتح تلفونو بدو يتصل فيها ويقلا متل مابدك بصير المهم ترجعلو وبعدين يوقف ..وهديل كمان ضلت طول الليل عم تبكي ومابدها تخسرو...وهية موافقة تنفذ اوامر مراد المهم ترجعلو ...وحست برياحة نفسيه لما قررت تتنزال وترجعلو ...لانو قلبا طول كتير لدق لحدا ومابدا اي شي يبعدها عن يلي حبو قلبلا وفتحت التلفون مشان تتصل فيه ...بس تراجعت وقررت تروح لعندو وتعتزر تاني انهار ...
تاني يوم قامت لبست وجهزت حالاو راحت عالورشة
مراد مع عامربالورشة عم يشربو قهوة
مراد : عامر انا قايم اتصل فيها واعتزر منها ... ومتل مابدها بصير
عامر : لك ليش بصلتك محروقة لسه الدنيا الصبح .. شي ساعة اذا ما اتصلت اتصل انت ..
مراد : خايف اخسرها
عامر : اطمن مارح تخسرها مشان سبب تافه
دخلت هديل ع الورشة ...واول مرة بتدخل عليها
هديل : لو سمحت ..
اجا شب : تفضلي يامدام ..
هديل : وين بلاقي مراد ..
الشب : هيك مراد حاف
هديل : شبك لك انا مرتو ..
الشب : مشان الله لا تواخذيني ...هو بمكتبو تفضلي معي ..
مشت هديل ورا الشب ..وصارت تتلفت حوليها وتتفرج عالورشة ..
الشب : هاي الغرفة تفضلي مدام
هديل : شكرا ..
فتحت الباب هديل ودخلت بدون ما تدق
انصدمو فيها مراد وعامر .... قام عامر واستأذن وطلع ... ومراد عمل حالو زعلان ...
مراد : ليش جيتي ..
كان مراد ع الكرسي .. قربت لعندو هديل ونزلت على الارض وقعدت عند رجليه وسندت اديها على رجليه
هديل : مراد انا مستعدة ضل جبلك ولاد طول العمر بس لاتتركني ... انا بموت من غيرك ... مراد انا اسفة
مراد : هديل وانا بحبك ...وانا كمان اسف ..
هديل : يعني سامحتني
مراد : اي
هديل : مارح تطلقني ؟؟
مراد : شو انتي جنيتي انا صدقت اتزوجك لحتى طلقك ..بس كانت لحظة غضب الله يلعن الشيطان
هديل : لك تقبر قلبي .. لك حياتي بدونك ما الها معنى ..
مراد : لك حياتي انا يلي بدونك ما الها معنى .............. هديل بحببببببببك
قرب منها وباسها وانسجمو مع بعض .... صارو بعالم تاني ... وصحيوا على صوت الباب عم يندق .. وقفت هديل بسرعة وهية متلبكة .... مراد رجع لورا ...ومسك محرمة ومسح تمو من الحمرا ...
مراد : يعني بلا هالحمرا ماكل مابدنا نقرب منك بدنا نتبهدل ههههههه
هديل : ههههههه خلص معد حطا..
مراد : بس على فكرة طمعتا طيبة هههه
هديل : هلق طلع معك الحمرا طيبة ...
مراد : لك يلي تحت الحمرا هو الطيب ...ااااه ما اطيبون
رجع اندق الباب
مراد : نسينا الباب ...تفضل ..
دخل شغيل وحكا مع مراد وطلع ...
مراد : هدول قومي معي
هديل : ع وين
مراد : نروح عالبيت بدي بدل تيابي..ونطلع انا واياكي على الشام
هديل: على الشام ؟؟؟
مراد : اي على الشام بنروح بنغير جو هاليوم ... وبكرا بنرجع
هديل : وين بدنا ننام
مراد : بشي اوتيل ...لك يلا
هديل : طيب وشغلك
مراد : لك يلعن ابو الشغل ...
راح مراد وهديل وغيروا تيابون وطلعو على الشام بسيارة مراد ...اول شغلة عملها حجزو غرفة بأوتيل ..وبعدها راحو اتغدو ..وبعدها راحو على مدينة الحيوانات ... ونزلو على السوق عمو شوبنك ..والمسا طلع اتعشو بمطعم رومنسي ..وبالاخير رجعو ع الاوتيل ... ونامو ..وكانو كتير مبسوطين ...وصل الخبر لام مراد انو مراد وهديل اتصالحو وانو هنن هلق بالشام ..وجن جنونها واتصلت بعبد الرحمن ..
عبد الرحمن : يعني هنن هلق بالشام
نجلا : اي بالشام ..
عبد الرحمن : انا قلت بكرى بيتطلقو ...ومافي داعي نكمل بلعبتنا ...
نجلا : وانا كمان هيك قلت
عبد الرحمن : شو يعني هلق
نجلا : يعني رح كمل ...
عبد الرحمن : ماشي ..
وبلشت الايام تمر ... نجلا على طول تبعت رسائل لعبد الرحمن ...وحتى صارت توسخ بالرسائل وتكتب حكي طالع نازل .... يعني حكي من تبع التخت .. وياحرام هديل مانا حاسي بشي .. وسلوى سجلت بالجامعة وعن قريب بدا تروح تتدام ... وزينب صارت بالشهر الخامس ... وهديل طلعت حامل .. راحت لعند الدكتور قالتلا حاليا ما مبين شي وترجع بعد اسبوعين .. ومراد وهديل كانو كتير مبسوطين على حبل هديل .. بس هديل ومراد لسه ماخبرو حدا ...
ومرق شي اسبوعين كمان بس هديل ماراحت على الدكتورة لسه مشان تتطمن على صحة الجنين ... وحاسي حالا منيحة ...
واجا يوم يلي بدو يجي فيه عبد الرجمن لحتى يفضح هديل قدام مراد ... واتفق هو وخالتو على كل شي ..ودع اهلو بالشام واجا عالضيعة وراح بوجهو على خالتو ...
نجلا : هلق بتحكي عأساس جاي تتشكالي على مرت مراد ... ولاتخبص بالحكي لانو سلوى بالبيت ومابدنا اياها تعرف انو نحنا متأمرين ...
دخلت سلوى ومعها عصير ..
سلوى من غير نفس : اهلين والله بأبن خالتي ..
عبد الرحمن : اهلين فيكي ..
نجلا : اي عبد الرحمن قلي شو سبب هالزيارة المفاجئة ..
عبد الرحمن : بصراحة ياخالتي الموضوع حساس شوي مابدي احكي قدام سلوى
نجلا : مامشكلة سلوى صارت كبير احكي ..
عبد الرحمن : بصراحة الموضوع بخص هديل مرت مراد
سلوى بحلقت عيونا واتطلعت بعبد الرحمن لشوف شو بدو يقول وهية جهزت حالا لتوقفو عند حدو ..
نجلا : خير شبها هديل ..
عبد الرحمن : بصراحة ياخالتي مابدي اظلمها ...هالمخلوقة مانها ظابطة
سلوى انفجرت بوجهو : شو يعني مانها ظابطة ..لك مافشرت تحكي عليها ولا لانو ماعطتك يلي بدك اياها عم تفتري عالمخلوقة هلق بفرجيك اذا مابخبر مراد مابكون اسمي سلوى ....
نجلا اتفاجئت من ردة فعل سلوى : سلواا ..شوفي خلينا نفهم من ابن خالتك ...وانت ليش هيك عم تحكي معو
سلوى : ماما عبد الرحمن مرة حاول يتحرش بهديل هون عنا بالبيت ...وانا شفتو ومحدا قلي ..
عبد الرحمن : لا انت فهمانة الموضوع غلط
سلوى : لا مو غلط ...
عبد الرحمن غمز خالتو مشان تتصرف
نجلا : انقبري اقعد ...وبعدين ابن خالتك مابعمل هيك ... انتي وحدة كذابة ...
سلوى : لا انا ماني كذابة ...
نجلا : كذابة وونص ... بتنقبري بتقعدي على نصتك خلينا نسمع ابن خالتك شو بدو يحكي وانا بعدين بقرر مع مين الحق ...
عبد الرحمن : خدي اسنة سلوى شوفي الرسائل يلي عم تبعتلي اياها ..مرت اخوكي المحترمة ...مع انو في حكي مالازم تشوفيه ...بس اتفضلي ... هاي الرسائل من حوالي شهرين عم تجيني ... وشوفي انا شو عم رد عليها .. وهداك انهار انا كنت عم امزح معها ..وهية اخدت الموضوع جد وصارت بدها تعيط ..ويمكن صدقت حالا انو انا بحبا وصارت تبعتلي ...
اخدت التلفون سلوى ..وبلشت تقرا الرسائل من الاول .... وكانت كتير متفاجئة ... وفتحت على الرقم لحتى تتأكد وتأكدت انو هاد رقم هديل نفسو ..وكل ماتنزل بالرسائل ... الرسائل تصير وسخة ..
سلوى بلشت تتلون ...ورمت التلفون من ايدها ...
نجلا : سلوى شبك ...شو مكتوب بالرسائل ..
سلوى كانت مصدومة معقول هديل تعمل هيك .. معقول طول هالفترة عم تكذب على اخوها وعلى كل العيلة ... معقول ...معقول طلعت وحدة اقذر من القذارة... وعم ترسل راسائل لاابن خالت زوجا ...
نجلا : سلوى ماما عم حكيكي ...شوفي بالرسائل ..
سلوى بصوت مخنوق : مابعرف ...خدي شوفي بنفسك ..
طلعت سلوى وهية مصدومة ... نجلا عم تتظاهر بالغشمنة : سلوى ماما تعالي اقريلي ...انا نظري صاير ضعيف شوي ( الله يلعنا هلق صار نظرها ضعيف وهية يلي كاتبي الرسائل بأيدها 😅😅)
سلوى : ماما ماااابعرررررف ... خلي عبد الرحمن يقراهون...
طلعت وبوجها غلى غرفتها ... وصارت تدعي علي هديل من كل قلبا ...
وهية بغرفتها بلشت تسمع صوت امها عالي ...وهية عم تقول : هالفلتانة ... هالخيانة .. قليلة هالشرف ... لاااا مراد اليوم قبل بكرا لازم يطلقها ويخليها تروح تفلت على حل شعرها عند اهلها ... انا رح اتصل بمراد هلق خلي يجي يشوف مرتو المحترمة شو عم تعمل من ورا ضهرو ... ياحرام يا ابني ... ياسلوى ...ياسلوى ... تعالي اتصلي بأخوكي ...
طلعت سلوى من غرفتها واتصلت بمراد ...وعطت التلفون لامها ...
مراد : الو
نجلا وهية عم تبكي : مراد تعال فورا لعنا عالبيت ..
مراد انشغل بالو: ماما ...خير شوفي ... شبو صوتك ..
نجلا : انا منيحة بس تعال فورا
مراد : اي اي ماما مسافة الطريق ...
وصل مراد وهو مانو عرفان شي فات دغير عالبيت ... واول مافات امو وقعت بالارض عأساس اغمى عليها ...
مراد : ماماااا ...
ركض لعند واجا عبد الرحمن وسلوى
سلوى : ماما فيقي ... وبلشو يفيقوها ويرشو على وجها مي .. وفاقت وعملت حالها عم تهدوس ...وتقول قليلت هالشرف ... هالفلتانة ... طلقها يا امي وحدة بلا مربى مابتناسبك ...
مراد : لك شوووو عم يصير هون ...سلوى امي شبها ...وانت عبد الرحمن شو عم تعمل هون ..لك شوفي ياجماعة
عبد الرحمن : اقعد خلينا نحكي على رواق ...
مراد : لك عن شو بدنا نحكي .. وليش جبتوني هرولي ..
عبد الرحمن : مراد طول ما انت ضايج مارح نحكي شي اقعد وبنحكي على رواق ..
مراد : ماشي ...روقنا ..
قعد مراد حد امو ومسكلا ايدها وجلسها وعلى اساس صحصحت ...
مراد : شوفي شو صاير ..احكي عبد الرحمن شوفي وراك خالتي فيها شي يعني
عبدالرحمن ؛ لا خالتك كتير منيح ...
بعد اشوي ...هدي الكل ..ومراد محتار مانو عرفان شي
عبد الرحمن : مراد انت بتعرفني انا ابن خالتك ورفيقك وبتعرفني منيح وبتعرف اخلاقي وتربيتي مظبوط
مراد : اي مظبوط .. بس شو الو لزم هالحكي
عبد الرحمن : مراد يا ابن خالتي بدي قلك شي ورح يكون قاسي عليك بس بدك تستوعبو وتحكم عقلك كتير منيح ...
مراد : عبد الرحمن شوووفي نشفتلي قلبي ..
عبد الرحمن : خلص رح احكيلك من الاول بس بدك توعدني انك تسمعني للأخير ..
مراد : ماااشي ...المهم احكي ..
عبد الرحمن: انا من حوالي شهرين ..لما جينا انا وامي لعنكن بتتذكر ...
مراد : اي بتذكر
عبد الرحمن : بعد مارحت في رقم غريب صار يبعتلي ... وهاد الرقم بكون لزوجتك هديل ..
مراد : هدييل ؟؟؟!!!!! وشو بدا منك هديل ..
عبد الرحمن : خليني احكي ولاتقاطعني .... هديل صارت تبعتلي رسائل انو هية مابتحبك... وبتكرهك وبدها تتطلق منك ..وصارت تقلي انو انعجبت فيني وحبتني ..وانا حاول انصحها وهديها ...
مراد.: لك خراااس هديل اشرف منك عم تسمع ...جاي تفتري على مرتي ياوسخ ..
سلوى وعيونا مدمعين مسكت ايد اخوها وقعدتو
سلوى : اخي اهدا وخلينا نسمعو للأخير ..
مراد : لك شوبدي اسمع ...لك عم يحكي على مرتي وعلى عرضي وشرفي وانت بتقوليلي اهدا ..
سلوى : مشان الله يا اخي خلي يخلص حكيو ..
مراد : ااوووووووووف ...كمل..
عبد الرحمن : مرتك على طول تبعتلي من شهرين لهلق ماحلت عني ... واكتر شي تبعت لما يكون دورك عند مرتك التانية ...وانا قلا يابنت الحلال ..خافي الله .. انتبهي على زوجك وهية ماترد ووماتحل عني ...لحتى قررت اجي خبرك وانت تنهي هالقصة من عندك لانو انا بصراحة معد استحمل ...وبالاخير صارت تبعتلي حكي بشيب شعر الراس ..
مراد قام متل التور الهايج وضربو لعبد الرحمن بوكس على وجهو ...
مراد : انت ياعبد الرحمن ...انت عم تحكي على مرتي هيك ...لك تفوووو ...ماعيب عليك عم تفتري على مرا متزوجة ... ..
اجت سلوى ونجلا بعدوه عن عبد الرحمن .
نجلا : مراااد ..ابن خالتك عم يحكي صح والرسائل كلها موجودة على تلفونو فيك تشوفها وتتأكد بدال مانك عم تتضربو ..
رجع مراد عنو وكان مصدوم ...معقول حكيو صحيح
مراد بصوت مبحوح : وين التلفون ..
عبد الرحمن وهو عم يمسح الدم يلي نزل من تمو مد ايدو على جيبتو وفتحلو التلفون وعطاه اياه ...اخد مراد التلفون واديه عم يرجفو ..وبلش من اول رسالةمن شهرين .. وصار يقرا وهو عم يقرا دموعو عم تنزل ...وكل ماينزل لتحت الرسائل يصير فيها شغلات جنسية ... واخر رسالة كانت بين وبينها مبارح ..وكانت هية باعتلو ..: عبد الرحمن ...انا معد احمل اكتر من هيك ... انا رح موت عليك بترجاك خليني شوفك بس مرة وبالمكان يلي انت بتحبو .. وجربني والله كتير رح تنبسط معي.. خلص انا معد بدي اطلق من مراد ... بس بدي اياك .. بحبببك
والرد من عبد الرحمن : انتي شكلك مارح تزوقي والله بكرا نازل وافضحك قدام زوجك ..تفوو عليكي وحدة بلا شرف ...
والرد من هديل عأساس : ههههه اي مابتعملا..
عبد الرحمن : شفت بعينك يا ابن خالتي انا ماعم افتري على حدا ...
مراد ماسك التلفون بين اديه التنتين وعم يرجف وعيونو صارو حمر متل الدم ...وكأنو عيون شي ذئب .. اخد التلفون معو وبسرعة راح ركب وراح لعند هديل ...
نجلا : عبد الرحمن الحقو ..والله ممكن يرتكب فيها جريمة ... روح ..روح ..
راح عبد الرحمن ورا مراد بسرعة
...........................
بالبيت عند هديل ..واقفي عالمراي وحاطة ايدها على بطنا وعم تحكي حالا
هديل : كيفك ياقلبي ... احزر شو اليوم انا والبابا بدنا نروح نسهر عند بيت جدو ونخبرون انك جاي على الطريق رح ينبسطو فيك متل ما انا مبسوطة فيك واكتر ...لك تقبر قلبي ايمت بدك تجي وتزينلي حياتي وحيات البابا ....هاه هاد صوت سيارة البابا ...هههه اكيد اشتقلنا ..يلا تعال معي ياعمري لنشوف شو بدو البابا الحلو ...
طلعت من غرفة النوم ...ومراد فتح باب البيت وانفاسو متسارعة وعيونو حمر عم تقدح شرار ..وماسك التلفون بأيدو وعم يعصي عليها... والايد التانية عم يفتحا ويرجع يسكرها من كتر مانو متوتر وغاضب
.....................
